霸嗎拉麵 (已搬遷) 新店位置

廣島霸嗎拉麵@#foodki銅鑼灣濃厚豚骨湯拉麵(8.5/10)(原價$98)先講著數：而家download " iButterfly"apps 捉蝴蝶，就可以拎到買一送一優惠，或者餃子炸雞等等優惠。每個人只限用一隻蝴蝶，所以兩個人去就記得兩個都要down個apps啦。來自日本廣島，號稱最強濃厚豚骨 No.1 湯底。開係銅鑼灣拉麵街登龍街，燈龍街有豚王，三田製麵家，金田家，博多一幸舍，無番咁上下都唔會敢開係到。foodki今日終於抽到時間試下呢間係點樣！呢間無得填紙仔，但無得填紙仔係咪代表唔好呢？foodki就唔覺得啦，唔洗填，就可以信曬廚師既手勢，去到日本食真正既拉麵都唔會有紙仔比你填。湯底係醬油豚骨湯底，湯底非常濃😍，但係唔咸唔膩，呢樣真係非常好，醬油味較濃，但不會掩蓋豚骨味，油度合適，整體黎講係好飲，絕對值得試。 .麵質素非常高，佢地有自家拉麵機，即製即煮，排緊隊既時候見到佢地一路整，都知道拉麵質素唔會差得去邊😍。硬度合適，彈性夠，有嚼勁，食到尾有少少變淋，但整體黎講拉麵質素上佳。.佢地既炙燒厚切豚肉叉燒絕對係佢地既殺手鐧，foodki最愛食肥叉，霸嗎既叉燒勁岩foodki口味，

一收到消息， 登龍街有新拉麵店開幕， 立即和友人一試。 朋友點了招牌的炙燒豚肉海苔味玉拉麵，十分豐富。湯底不太濃， 挺容易入口的， 如果再濃一點，可能又會更美味。 小妹愛辣，則點上了辛味炙燒豚肉拉麵， 紅紅的湯底再加一隻辣椒， 先飲了一口湯，真的刺激。 麵身不太軟， 所以加起來火辣的味道便更強。 炙燒豚肉肥瘦均勻， 咬起也鬆化， 不錯的。 另外小食辣汁唐揚炸雞， 看上去有點乾， 但食下去還是有肉汁， 辣汁味道和拉麵湯底的辣汁有點相似。 如果外觀可以不那麼乾， 便更好了。

登龍街出名多日式拉麵, 天天排大隊. 最近廣島霸嗎拉麵進駐了又要分一杯羹, 爭一席位. 其實對於食客的我們受惠不少, 有競爭才會有進步.去到己下午二時, 過了最繁忙食晏時段, 好彩不用排隊, 但店內依然爆滿.聽講這店在日本以最濃豚骨湯底第一見稱. 湯底由日本直接空運到港. 湯底用料是用了豚骨, 雞骨和多種蔬菜熬製10多小時而成, 再加入溜醬油提升味道; 流心蛋亦不馬夫, 用自家製的醬汁醃足一晚, 可見落足心機要做到最好.先來一碟羽根燒餃子, 不知何時開始每次吃拉麵時一定要叫餃子才覺完美.煎得金黄的外表, 咬落多汁還有肉和菜的鮮味平時多吃义燒拉麵, 今次見到menu好持別, 有雞鎚! 二話不說叫了碗醬燘雞鎚味玉拉麵, 先講湯底果然濃而不膩, 帶有黏口感覺, 應該是豚骨雞骨的骨膠原精華所在. 麵條彈牙有嚼勁, 卦湯力足. 雞鎚不可不提, 憫至軟腍完全入味, 肉質嫩滑, 推介之選. 流心蛋做得非常出色, 外彈牙內軟熟, 疍味香甜, 滋味!义燒亦是店方自慢之品, 要了一碟炙燒厚切豚肉. 陣陣焦香樸鼻而來. 選用了豚腩部位, 經過炙燒將油脂迫出, 面上加了少許自家製辣椒醬, 香口惹, 值得一試最

朋友話依間拉麵最近風頭都唔弱，一定要試試，趁得閒咪黎望下囉，排左一陣隊就入得，算係咁啦，大熱天時排隊好攞命入到去，睇左一陣Ｍｅｎｕ，決定左食豚肉海苔味拉麵，湯底ｏｋ，唔算太濃，反而縑佢淡左ｄ麵底就麻麻地啦，我已經係一上枱即食，都係林嫁，真係要改善下不過個豚肉就唔錯,唔太肥唔太瘦,入口即溶,口感一流流心蛋都唔錯,入面真係流心,唔係普制拉麵店入面實心,值得一讚

一行5人諗住試下銅鑼灣新開的拉麵店Bari-Uma，星期六午市，剛好唔駛等位就入得，店內都八九成滿，原本滿心歡喜黎食新拉麵，結果成餐飯食得好唔開心！食物還可以但落單混亂＆待客服務極差，最後更不歡而散，真係唔會再黎食。。。。。  基本上餐牌上只有三款拉麵選擇：原味豬豖，辛辣豬豖及雞白湯底。每款再分全包，走蛋，走海苔三種，非常簡單。第一次黎當然叫全包既原味豬豖湯底，有齊海苔＆蛋，5個人Total叫左5碗一模一樣既炙燒海苔豚肉味玉拉麵（＄98 each) ，另加一碟豚雞串燒 （＄55)落完單，問題就黎啦。。。問題1) 混亂帶客入座一入店就安排左6人位俾我地，我地3人坐低左先，另外2位朋友會遲少少先到，隔左一陣店員沒有詢問我們，就安排左一對男女坐左我地張台，我地即時澄清我地仲帶2個朋友會黎，佢居然示意一對男女先坐下，再將右邊既2人台拍埋變成8人台。原本那對男女原本可以行過兩步，坐右邊張2人台，結果變成被迫要同我地一齊搭台。。。。如此安排實在不知所謂，成餐飯就開始發生混亂。。。問題2) 漏單，落錯單x2我地5人前後落左2次單（3碗＄98原味拉麵，串燒＋後加2碗＄98原味拉麵）>落錯單：

銅鑼灣登龍街，無緣無故成了一條拉麵街，「豚王」、「金田家」、「三田製麵所」、「博多一幸舍」，還有新上場，又是從日本來的「廣島霸嗎拉麵」。 這天本來一心想去吃車仔麵，但行過「廣島霸嗎拉麵」見沒有人排隊，店內也只得三、兩個客，不知不覺便走了進去。第一次通常點個招牌菜，Noritama-Uma 灸燒海苔味玉拉麵 （＄98)，蔥、筍、蛋、叉燒，紫菜咩都有啲。 這裡的湯底的賣點是濃厚醬油豚骨， 麵上枱時，熱騰騰，對那口湯有點期待，說是濃厚嘛⋯⋯一喝之下，濃在哪裡呢？那湯味很淡，沒甚麼豬骨味，可能給醬油溝淡了；麵條說是自家製的，其實今時今日，自家製的都不算甚麼賣點，重要是好唔好食，因為沒有得選擇麵的硬度（侍應沒有問），我個人認為麵煮得太腍，一般。配料方面，叉燒很好，有焦香，偏肥、不乾，最怕吃柴一樣的叉燒，有人會嫌肥，但嫌肥根本唔應該食叉燒；蛋，算入味，但不算太流心。 ＄98 不需加一，但總括來說，冇咩都係都去返「一蘭」。

第一啖食落去湯底呢就係偏酸既，一開始覺得好奇怪，點解會係酸酸地嘅，好在越食越回復正常咩味😌湯底比較油膩，但我覺得係比豚骨個湯底較好，起碼冇咁咸，仲要無咁油😂果2件雞鎚真心講極之普通！少少甜味，有啲似岩岩煲完湯個啲雞湯渣的雞件feel，呢間野整體來講，如果唔係買一送一嘅情況下，超級唔抵食囉，食完荷包會心痛好多人話食完冇口乾嘅情況，我食咗兩次，今次仲要係同男朋友去食，佢都話好口乾😵如果唔係佢話要去試下，加上買一送一最後一日的引誘下，我先唔會去食第二次😂😂比較下，我係比較鍾情於豚王、金田一多過呢間野

夜晚去左拉麵街 銅鑼灣燈籠街 唔知幾時 所有日本拉麵都開晒響呢條街 今次就簡左呢間新開晚廣島豬骨最強拉面 本人無去過廣島 亦唔知廣島有咩出名 不過佢講到最強 就試下同老公每人一碗拉面 仲叫左兩個小食 拉面等左一陣 d面夠淋 因為我叫左淋 平時去豚王 叫左淋 都唔太淋 d湯好味 唔同其他拉面店咁濟 可能d人話唔夠濃。。。不過我覺得d豬肉唔夠肥 燒完覺得唔淋 本人like肥豬肉 多d肥燒完先香 另外d小食好多種類簡 叫左餃子同雞 我覺得個雞整得好熱 我食完個面先食雞 佢仲熱 讚 總之平均都算幾好 推果d小食 好得意 佢仲有小童set 55$

登龍街越開越多拉麵店，最近又多一間過江龍：Bari-Uma。尋晚同朋友滿心期待去到，排隊嘅時候，店員同我地講，可以下載一個叫 ibutterfly嘅app，玩遊戲捉到蝴蝶就會有優惠。由於一早已經有留意呢間鋪頭，所以一早已經捉哂d蝴蝶。其中一個優惠係拉麵買一送一，但係優惠券上面係寫7月31日就到期，我地問店員個優惠係咪仲可以用，店員表示只要顯示張優惠券，就算過左期都可以用到，我同朋友當然非常開心。我地係大概晚上九點去到，所以人龍唔係好長，大概等左半個鐘頭就可以入座。一入到去，見到呢間鋪頭舖面都幾大，可以容納到好多人。一坐低，我地就迫不及待馬上落單，我地向店員展示優惠券，但係落單嘅店員就同我地講買一送一嘅優惠已經唔可以用，但係其他優惠，例如味附玉子，雞餃子等等的優惠券仲用得，於是我地就揀左送三件餃子同埋兩件雞鎚。拉麵大概十分鐘就送到，先飲一啖個湯底，濃郁度合格，亦唔會太油膩，不過味道有d唔夠。至於麵底，個麵淋得好快，食左一陣就已經淋哂，覺得好失望。再望望中間塊叉燒，肥瘦比例幾好，但係沒有入口即溶嘅感覺，瘦肉嘅部分好鞋口。 成碗麵最出色係隻味付玉子，一夾開隻蛋可見非常流心，話雖最好，但略嫌唔

香港拉麵界修羅場銅鑼灣登龍街，第五家「Bari-Uma 廣島霸嗎拉麵」正式登場。號稱最強但日本方面評價很弱，吃完覺得除湯底有點特色之外，其他配料都有著明顯問題，其中一款甚至突破極限，是什麼？同時分析現時登龍街拉麵五軍之戰的形勢，及霸嗎面臨的考驗。銅鑼灣的登龍街已經成為香港拉麵界的修羅場，三十步範圍內竟然有四家拉麵店，而且都是有名堂有人氣的品牌，要在這裡立足絕不容易，過去已有「舞心」敗走，現時四家包括「三田製麵所」「豚王」「金田家」「博多一幸舍」已出現長期不客滿的情況，說是飽和不為過。最新登場有「Bari-Uma廣島霸嗎拉麵」，地點就在登龍街永光中心地下，三田製麵所的斜對面，和金田家相隔兩個舖位。在強手林立的地段插旗，不就是「明知山有虎，偏向虎山行」之舉？難道有什麼秘技可以在此殺出重圍？這店號稱廣島規模最大的拉麵連鎖店，有著「最強濃厚豚骨No.1湯底」，更說是由廣島總店派出總廚駐店指導。一般人可能會被這些口號嚇到要跪拜，但其實稍為認識拉麵的人就知這些宣傳多數名過於實，例如在只得三家拉麵店參加的比賽奪冠就大力宣傳為「冠軍拉麵」，真的是「信你一成，雙目失明」。那麼一起看看這條是過江龍還是蟲，

我同妹妹去左試，廣島霸嗎拉麵，妹妹話比一蘭好食，我就暫時都係覺得香港啲拉麵好普通，食極都唔覺得邊間好食咁（可能我係日本食得太多好拉麵了） ·個湯底好濃，唔算死咸，油份充足，妹妹食完唔口渴，但我要一邊食一邊飲水，反而我好口渴。麵質軟硬度剛好、塊炙燒豬肉好多人都話入口即溶，好好食，但不幸地，可能水準未夠穩定，我地果2碗都係比較「鞋身」既😔唯一可取我覺得係隻流心蛋，我食果隻勁流心！😍但妹妹果隻無我果隻咁流心呢🙈 ·妹妹話比（8/10）我就（7/10） ·總括而言，算值得一試，但我認為水準未夠穩定😊 ·

登龍街就嚟要改名叫拉麵街，成條街愈來愈多拉麵店，但好食嘅真係無幾間⋯⋯無返咁上下其實好難係登龍街生存。早幾日見佢仲裝修緊，今日已經開張～ 我本來就無乜興趣不過老公愛拉麵所以就去試試反正唔太多人。入到去經理態度好友善，好快我地就落單，但最快到嘅竟然係煎餃子，老公個拉麵等咗都算耐一吓，辛口餃子ok ，不過個拉麵就⋯⋯ 自家製麵麵質都算ok，不過個麵好似無fing水咁，啲麵痴成一餅嘢，而且「間」水味重，啲湯好濃但就係無乜味，加上湯落肥膏好肥林林再加埋啲「間」水，連食乜都覺得好味嘅老公都話豚王呀，魂呀都好食過佢！不過拉麵店menu 上有幾款串燒都算多小食選擇，可惜太飽無食而且應該唔會再食

昨天無意中在facebook看見此店新開幕，捉蝴蝶就可以當優惠卷咁用。一共係六隻蝴蝶，糖心蛋，餃子，雞，拉麵，叉燒等所以今日就同友人同試下。大約八點左右到達，門口有一條十多人既人龍，等約十分鐘就入到去。我們二人都點了同一碗拉麵，友人說他的叉燒不好食，因為太過老。（可能是運氣問題 ）反而我的整體來說是不錯的，湯底很濃，油度適中，把湯喝完，感覺也不會很油膩。叉燒也是肥瘦度中，有燒過的焦香味。面的粗幼剛好是我喜歡的 我們還點了一個辣汁炸雞，上面很多辣椒醬，因為不太能食辣，所以認為超級辣 。

在timesquare看完戲已是下午三時，忽然想吃碗拉麵，剛好拉麵店雲集的登龍街就在附近，一直鐘情豚王，但想試試其他拉麵店，menu上那塊豚肉吸引了我試一下。兩人分別點辛味豬骨湯豚肉拉麵和醬油雞湯拉麵。十分欣賞採用五花腩配拉麵，肥滋滋，香味滿溢的豚肉，可能太肥膩，店家一碗拉麵只放一塊，雖然頗大塊，但有點不夠。湯底不是豚王很濃的那種，即是辛味都不會太重口味，只是微辣亦不過咸，較清爽。醬油雞微甜，一碗有兩塊雞腿，當然雪藏雞沒有雞味是正常，但醬油味不是很特別，湯底味甜不太咸亦不太油，如果湯熱些會更好，溏心蛋標準，咬下軟心滿口蛋香。欣賞自家制拉麵軟硬適中又滑身，細看之下麵條中間比較生硬，外圍半透，剛柔並重。再點沙律唐揚雞有點失色，好似店家怕食物過咸，好小心下鹽，結果炸雞只有沙律味搭救。要打入競爭激烈的登龍街一點都不易，每間拉麵館各有特色，水準亦很高，幸好豚肉出色，麵條水準高，亦有別家無的雞腿拉麵，令登龍街有更多元化拉麵選擇!

登龍街嘅拉麵開到成行成市，仿佛成了拉麵街。這間最近新開，一定要試下。打開餐牌，不只有傳統嘅叉燒拉麵，還有雞槌拉麵，但第一次來，都係來個叉燒拉麵嘅穩陣之選。我地三個都點左一摸一樣嘅炙燒豚肉拉麵。等左好耐好耐先上來。 湯底: 好油，d脂肪粒粒可見，鼓起勇氣試下，好濃郁嘅豬骨味，反而口感並不是很漏。有d肥肉融入湯裡。 麵底: 點左硬麵，麵很筋道，彈牙，是幼麵，正合我意，分量也食得飽 糖心蛋: 唔系好流心果隻，蛋黃有點兒偏熟。但很酒味很入味，好味 炙燒豚肉: 不得了啊！見到成舊五花腩好驚，也只敢揀瘦肉來食。但真係好好味，軟爛入味，好想來多舊啊！