霸嗎拉麵 (已搬遷) 新店位置

登龍街就嚟要改名叫拉麵街，成條街愈來愈多拉麵店，但好食嘅真係無幾間⋯⋯無返咁上下其實好難係登龍街生存。早幾日見佢仲裝修緊，今日已經開張～ 我本來就無乜興趣不過老公愛拉麵所以就去試試反正唔太多人。入到去經理態度好友善，好快我地就落單，但最快到嘅竟然係煎餃子，老公個拉麵等咗都算耐一吓，辛口餃子ok ，不過個拉麵就⋯⋯ 自家製麵麵質都算ok，不過個麵好似無fing水咁，啲麵痴成一餅嘢，而且「間」水味重，啲湯好濃但就係無乜味，加上湯落肥膏好肥林林再加埋啲「間」水，連食乜都覺得好味嘅老公都話豚王呀，魂呀都好食過佢！不過拉麵店menu 上有幾款串燒都算多小食選擇，可惜太飽無食而且應該唔會再食