126
21
11
港鐵銅鑼灣站 C 出口, 步行約1分鐘 繼續閱讀
開飯介紹
來自日本廣島的拉麵連鎖店,秘製湯底以豬脛骨、豬背骨為基礎,加入雞骨及多種蔬菜,味道香淳。拉麵自家製,粗幼適中,更易掛湯。 繼續閱讀
營業時間
星期一至日
11:30 - 00:30
付款方式
Visa Master AlipayHK 支付寶 現金 銀聯
其他資料
嬰幼兒設施 詳細介紹
當面支付
以上資料只供參考, 請與餐廳確認詳情
食評 (178)
等級4 2020-02-12
817 瀏覽
同朋友係銅鑼灣睇完戲見餓餓地就係附近餐廳醫肚,見到呢間日式餐廳有lunch set好抵食~一於過黎試試我叫左lunch set雞叉燒雞蛋白湯拉麵配唐揚雞(3件)+汽水只係$78蚊 另外加配味玉和一份燒汁餃子($38)大約等左7分鐘左右就上枱,雞叉燒一向好少係拉麵店見到,同叉燒做法一樣只係轉左用雞腿肉,少了一份油膩感頗不錯的想法,而湯也轉用雞骨為主材料!唐揚雞用了秘製醬汁去醃再去炸,非常惹味!燒汁餃子,一向吃餃子也是用豉油用醬汁,呢次試試新意用燒汁,別有一番風味!不錯的配搭! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-11
200 瀏覽
📍 霸嗎拉麵 銅鑼灣駱克道487-489號駱克駅地舖炙燒豚肉拉麵💰$83雞叉燒辛辣雞白湯拉麵💰$88辣味就冇乜 但成碗都辣油 冇豬骨味雞叉燒味玉雞白湯拉麵💰$88整體3碗味道湯底好咸 味精重 炙燒豚肉大塊 燒得香 但肥膩 蛋做吾到溏心蛋 小食南蠻炸雞就炸得好脆不再回頭😞 繼續閱讀
(以上食評乃用戶個人意見 , 並不代表OpenRice之觀點。)
等級3 2020-01-30
154 瀏覽
作為拉麵控的我即使天氣嚴寒也阻止不了吃拉麵的衝動這一家是我比較推介的拉麵店好一陣子沒有到來一坐下來就立刻點了兩碗辛辣炙燒豚肉拉麵個人認為這款拉麵是這一家最拿手的兩個人吃點了一碗中辣一碗小辣吃起來竟然很不同先說小辣的誠實的說吃不了辣的小辣也不要點因為辣度不算是輕微重點的是湯底很不一樣了豚骨味沒有以前那麼濃郁加上它的辣跟吃川菜好像差不多吃起來不像傳統的日本拉麵中辣的辣度更強烈一點喜歡吃辣的朋友可以一試炙燒豚肉依然那麼讚份量足味道亦很濃郁流心蛋亦很滋味 繼續閱讀
(以上食評乃用戶個人意見 , 並不代表OpenRice之觀點。)
meh
等級4 2020-01-23
111 瀏覽
首先我覺得佢嘅service麻麻地啦一張大嘅枱嗰壺水真係好鬼重連個樓面都斟 到 瀉曬老老實實你自己都做唔到嘅嘢點樣可以expect到客人都做到呢嗰日咁啱有啲客人 唔知呢間嘢嘅規矩啲筷子啲 匙羹又或者 唔知要自己寫紙仔 點嘢食啲樓面就用一啲好奇怪嘅眼光望住我哋未食過梗係唔知啦我叫咗佢個 擔擔麵我問佢可唔可以揀辣度原來係唔得嘅點知一啲都唔辣佢除咗有少少花生碎之外 仲有少少辣油我真係唔覺得有咩分別啲肉碎都唔好食啲麵條係好彈牙但係我唔會再食呢個 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-20
143 瀏覽
係銅鑼灣附近食lunch既人 (包括我自己在內), 一定有聽過呢間黎自日本廣島的過江龍「霸嗎拉麵」! 不過平時既午市真係太多人排隊, 黎遠都見到長長既人龍, 所以一直都未有機會試到。難得今日放工約左朋友shopping, 行到肚餓之後去覓食, 竟然無人排隊, 直接入得, 正🤩 同大部分拉麵店一樣, 麵質、湯底油度可以自由選擇, 我地一行三人叫左3個拉麵同埋2碟小食。因為餐廳本來已有檸檬水🍋💧提供, 所以無另外再叫餐飲。店裡燈光偏黃, 木系既佈置裝修加埋廚房窗口既紅色旗幟好有日本風格。餐廳善用高樓底既好處, 將天花改成斜面, 再鋪上長竹, 令成個設計更特別之餘, 又唔會令成個空間產生壓迫感。枱面上面有調味料 (一味粉, 蒜粉同餃子汁), 醬油碟, 筷子, 紙巾等用具, 因為長枱既設計係三人共用兩Set工具, 所以每個客人都一定接觸到, 比起其他拉麵店要兩人共用一套工具, 呢度已經好得多。等緊上菜既期間, 見到最面頭既白色小碟係用保鮮紙包住, 仲有字寫住叫大家拎下面既碟用, 令人感覺比較衛生同貼心。特盛炙燒豚肉拉麵 ($118)炙燒豚肉味玉拉麵 ($88)特盛既意思即係多D叉燒, 而味玉即係溏心蛋🥚。上面兩款拉麵味道相差唔大, 主要係配料不同, 所以一齊寫。當你食第一啖炙燒豚肉既時候, 你就會明白點解佢會成為招牌菜! 雖然佢超級厚身超大塊, 但肉質軟嫩😋。炙燒過的豚肉有微微的烤肉香, 仲非常香口! 唔係平時食果D好薄身既叉燒。而就係因為佢咁大舊, 而且油脂分佈平均同埋肥瘦適中, 咬落去唔會肥膩。至於味玉方面, 一開頭見到原隻上都有少少擔心隻蛋會唔會因為放係熱湯入面太耐而熟哂, 點知篤開之後好驚喜! 蛋黃漿湧住出黎, 流心效果非常好! 湯底飲得出係用心製作, 非常濃厚同埋具有鹹香, 飲左一啖就停唔到。拉麵既麵條比一般既麵粗少少, 幾掛汁。雞叉燒味玉雞白湯拉麵 ($88)叉燒拉麵就食得多, 雞叉燒真係第一次試🙊。一碗拉麵有兩大件厚而扎實的雞件,外形扁身呈圓型, 咬落去好嫩滑。湯底充滿住濃厚既雞味 (可能加左少少雞油?!), 同豚肉拉麵一樣, 麵身好掛汁, 同埋雞湯一齊食, 雖然質感無豬骨湯咁厚身 (相對清少少), 但仍然濃郁。唐揚炸雞 5件 ($35)上枱時, 每件炸雞都熱到出煙, 應該係岩岩炸起! 每件炸雞都好大舊, 外皮炸到香脆熱辣, 正! 食之前落左少少檸檬汁, 酸酸地, 解膩一流。咬落去炸雞度就會發現雞肉雖然炸左, 但係仍然非常嫩滑, 有肉汁! 好好食!羽根燒餃子5件 (使用app優惠 +$15)因為發現左原來下載左個app, 登記左之後就會有一張優惠卷可以即時使用。$15就可以食到原價$35的餃子, 好抵食! 呢個餃子做法好正宗, 餃子底部向天, 5隻餃子由一層薄薄的脆皮連接住, 唔同其他拉麵店咁樣, 一隻隻獨立分開。唔太肯定係唔係即叫即煎, 因為上枱時的餃子唔算超級熱, 所以外皮只係略脆。入面既肉咬落去有肉汁, 沾埋酸酸甜甜的餃子汁, 唔錯。 繼續閱讀
(以上食評乃用戶個人意見 , 並不代表OpenRice之觀點。)