霸嗎拉麵 (已搬遷) 新店位置

有膽量在銅鑼灣的登龍街開拉麵店，總有兩手的⋯⋯不然無人氣， 無話題，無人排隊⋯⋯豈不是引人笑話？今晚在銅鑼灣放工後，來到登龍街的Bari-Uma 廣島霸嗎拉麵，這裡的招牌湯是最強濃厚豚骨醬油湯底，就讓我一試吧！炙燒豚肉海苔味玉拉麵 - 據說是這店最出名的拉麵！醬油豬骨湯底夠濃厚，可以少蔥走油，深得我心！湯頭沒有我想像中鹹，不過仍然味濃！醬油味比豚骨味突出，帶一點點甜味！麵是白幼麵，入口軟硬度適中，每一也有濃厚的湯汁掛在麵條上，感覺很好，味道更加好！炙燒豬肉有肥有瘦，肥的部分入口即溶，沒有太油膩的口感，但略為多了一點點！瘦的部分說不上靭，但是有一點點咬口！加上燒過，香口度提升，十分美味！但仍建議肉的部份多一點⋯⋯最後隻蛋是超流心的！蛋黃帶點甜味，蛋白亦是外熟內軟，正是合格的半熟蛋，一整顆上，美觀又好味。另外我還點了芽菜及粟米！粟米清甜，放在湯𥚃吃一流！芽菜清清地，減低湯麵的濃味，可惜我忘記了走蔥，太多蔥了，浪費了一點點食物。

日本味濃的一家新麵店我常說登龍街就是拉麵街個個到此一吃幾乎都是為了一碗麵！此店的麵麵勁道十足，彈牙到呢！湯底香濃，肉肉OK架~餃子一般，炸雞好好味！Bari-Uma   Bari-Uma激讚是拉麵的口感，非常正宗80安士的麵，剛剛好的份量每天直送的湯底，不是味粉調製有誠意！

近呢幾年去左日本唔同既地方好多次係日本揾一間冇香港人排隊既拉麵 都會比好多遊客排隊既拉麵好食，因為唔係大brand 既小店，多數都有日本食物人 想要俾好野客人食既「心」，做出來既食物都會好好食餃子菜肉平衡得十分好！味道調較都好好，肉嫩，鮮甜，juicy!最緊要係同日本食開既地道店一樣 細細隻，皮薄，唔多油，埋脆脆唔太厚唔會焦，仲要好脆好岩味！好感動呀！好有上個多月係日本食既感覺！拉麵，較厚身, 角狀，好有口感湯濃，油厚，成個湯底較比平時更濃更螎因為麵質厚重，所以配上特濃既湯就平衡得岩岩好, 唔會俾麵身太厚覺得啖口，亦都唔會因為湯濃而覺得咸湯底同面質都的確係廣島既感受仲有舊肉，豐厚口感，super juicy! 仲有d 煎香左既香口感，係要混埋好肥豬既豬肥膏先有既豐厚飯食感同味道肉嫩，多汁，鮮甜，配合醬汁燒得洽到好處有d令我諗起上次係長崎食既"角煮", 唔好食肉類，成日食菜既我都食到眼都閃晒，haha熊貓應該食埋我個塊肉再追加多塊肉，一次食3塊先開心, haha再講下碗拉面的蛋咁其實本人平時鍾意食豬王拉麵既，呢隻蛋就唔夠豬王濃味不過隻蛋既精瑩度，嫩滑度 ，蛋香同口感都好好！晶瑩剔透的~~

午餐時間知道登龍街最多拉麵店-今日同同事試了Bari-Uma廣島霸嗎拉麵店。拉麵的款式不多，分別有濃厚豚骨湯底、辣味豚骨湯底外及濃厚雞白湯底。小吃種類其多，分別有有餃子、飯丼、炸雞、石燒飯、小食和飲品等。我們點了炙燒豚肉海苔味玉子拉麵$98，炙燒豚肉有一隻醬油蛋，數條荀乾，三片大紫菜，以及青香的蔥花。紫菜放太久了會沾濕，吃起來毫無香脆口感!醬油蛋半熟並流心超正料，必定要一試。特盛炙燒豚肉拉麵$108四塊特大豚肉.超腍超入味。湯底浸透出濃郁的豬骨湯味，超級入味。炙燒豚肉滲出微微的炭烤焦香味，入口香腍，而且咬口嚼勁。羽根燒餃子$35/5隻煎出薄薄金黃的薄脆餃子，饀料菜肉比例適中。辣汁唐揚炸雞$38，炸雞香口並且咬下外皮酥鬆脆不太油腻。辣汁太過辣並且只有辣味，建議辣汁與雞分開。

拉麵湯底主要分為3類 1. 醬油豚骨2. 雞清湯3. 辛口第一種非常濃郁惹味，一喝其湯立即食慾大增配上彈牙硬身(我選了硬麵)的拉麵是舌頭的一種享受可惜覺得豚肉片太厚 不能吃個痛快第二種湯其實也不是很淡，跟第一種湯一樣非常濃郁味濃很喜歡這家店的湯底 因為是偷朋友一口湯喝就不加評論第三種價錢最便宜 因為真的很辣所以很刺激 味蕾全開 不過很不滿意的就是服務態度很差一行五個人 沒到齊不讓入座能理解不過因為不想拆開三二坐 我們五人到齊以後不停讓後面的三位兩位先入座是否要我等到2046呢該男店員態度惡劣最後要自行派兩個人佔一張臺才記得要serve我們5人如不是那位強壯的男店員惡劣的服務態度這次用餐會更完美

前一兩年時間拉麵店開到成行成市，食一碗拉麵分分鐘要等成個多兩鐘頭先可以食到, 之後拉麵熱潮好像降了溫, 但最近又有幾間新拉麵店開業, 加上大半年時間已沒有吃過拉麵, 令我對拉麵的興趣又回來了,這晚和好友走進登龍街找吃,見到這間來自廣島品牌的新拉麵店，主打就是濃厚的豚骨湯, 也吸引到我的注視, 便入內試試。踏入拉麵店，店子地方也不少, 裝潢如一般日式拉麵店，一邊是開放式廚房，廚房外圍有一列吧枱，店內也有二人至四人檯, 在平日晚上的九時到來，店子已有半滿的客人。拿餐牌一看，有多款拉麵供應，是日大家都選了炙燒豚肉海苔味玉拉麵試試。當侍者將麵捧上來，因為店子標榜濃郁的豚骨湯, 先喝一口湯，口感確實較一般湯頭濃稠，湯頭濃郁而非常滋味，味道甜美也有香味，湯雖濃但也不太油膩, 合乎預期的水準。而幼身麵是用自家製造的彈牙拉麵, 選了硬的麵，麵質口感是爽口, 咬勁十足，有足夠掛湯能力, 配上豚骨湯同吃，滿意。這裡的炙燒厚切叉燒也有特色，從外表看是大大塊而且是厚切的，還有肥瘦相間的紋理，也是吸引, 吃了一口，口感鬆軟，肥肉和瘦肉配合恰到好處, 口感是豐腴的，肉味濃郁好吃, 也帶有小許焦香的味道。較為欣賞溏

開頭諗緊星期五gathering 可以去邊度食飯好，因為登龍街開左好多新食店又未試過就去睇有咩食，見到呢間拉麵店就排隊試下先！ 入到去一坐底環境好似去左日本咁， 開menu 睇有介紹三隻不同湯底，日本拉麵梗係要試豬骨湯底啦！畫果張紙好貼心地可以少油岩哂我地啲女仕們喇，仲另加左粟米同野菜一齊share食，額外叫左一個沙律唐揚炸雞同辛辣味炸雞再加餃子😲😲😲食完今餐要節食喇！ 拉麵一黎到有三塊大紫菜圍邊，份量好足同湯底十分濃郁，正！ 炸雞辛辣味好辣好好食，六個人加左兩碟粟米都好夠食，飽到嘔仲要嗌埋雪糕食添（好彩甜品係第二個胃姐）芝麻雪糕配紅豆正到呢，絕配！

不得不讚賞一下呢間野既拉麵值得讚既并非佢既拉麵,而係佢既湯底加隻蛋我食左佢既豬骨湯,,仲好細心甘分要唔要油,,,我估要油係會再濃味D...而我係簡左走油...雖然走左油,,,但個湯依然濃,,係濃,,唔係咸....仲有,,佢隻蛋超滑...另外ORDER左餃子同埋炸雞, 餃子都好味~~炸雞就普普通通OVERALL,,,呢間絕對可以再黎試下佢其他湯底~~~!!

由於看左之前既食評話D蛋唔流心,但其王牌廣島霸嗎濃湯豕肉拉麵仍想試試,故唔理咁多,食左先講.今日放工就同埋朋友等左一陣就有位,我點左個豚肉骨湯拉麵,麵質夠彈牙、湯底可走油,味道沒有想像中咸, 塊炙燒豬肉入口就溶，不韌身,超好味,最開心係隻蛋超流心,沒有令我失望及可平反之前既食評,肯定的第一次食到呢種咁正既效果,值得推介！另外食左辣味餃子，怕辣人士可選回普通那款,因為堅辣,朋友鍾意辣所以覺得好好食.亦夠脆.佢話好正,另外我地選左碟芽菜及粟米,清清地,緩和吓前2款食物,最後各人點左2口味雪糕,我就一定係綠茶紅豆,奶味重,岩我呢個奶人又唔會太甜,成體來說,價錢接受倒,是不錯既1餐,地方,環境算舒服及整潔,黎得呢條街,梗係要試佢啦

銅鑼灣的登龍街，說多都討厭，今時今日已經成為了一條半日本的街。不過，多年前第一次來，我同朋友拜訪過一間叫《銀菱》的日本料理，當年的《銀菱》是一間街鋪，坐在街邊，大排檔式地食日本料理，可算是特別的體驗，如今，這登龍街早已經升級，昔日坐街邊大排檔般飲食已不再，而出現的，是中高級的西餐廳及日本料理。當然，這一條小小的後街，是拉麵店必爭之地，來來去去出現過、消失過的不計了，是次只說一間新店，一間來至日本廣島的拉麵店《ばり馬》中文譯 "霸馬"。這一間廣島代表又有什麼過人之處呢? 就是豚骨湯底。哈哈，十間有九間拉麵都係豚骨湯底架啦，有何特別。的確，說很特別又沒有，說是在日本很出名又不是，但香港人就係咁，日本街上找到的拉麵店來到香港就是好，攞過唔知乜春獎也就是好。有濃豚骨湯底，而且是越濃越好.......不過，我可以說，這店的湯底不單是豚骨，而是豚骨加醬油。普通版的炙燒豚肉味玉拉麵拉麵，是一片炙燒豚肉，也即是一片外面燒焦了的日式叉燒，而且在叉燒上，放了少許的辣醬，增添了肉的惹味程度，而且這是一片極肥美的燒腩肉，是這兒拉麵的最吸引之處。特盛的炙燒豚肉海苔味玉拉麵，只是多了紫菜就由$90元變成$98元，

星期天本想去「江仔記」吃個平午餐，不過偶然經過這間拉麵店，發現竟然沒有人排隊！於是便立刻去看看餐牌，不久店員便誠邀我們進去一試，並給我們兩張$10現金券，說可以即時用(只限拉麵)，這個marketing strategy實在不錯，加上之前已經很想來吃晚餐，只是每次都因為不見尾的人龍而放棄，今天終於有機會一試喇！這裡的店員會蹲下來落order，實在令我有點受寵若驚，當然服務態度也很好。還有一個細心之處是第一隻醬油碟會用保觧紙包好，貼上貼紙叫客人由第二隻開始用。灸燒豚肉海苔味王拉麵(HK$98)，貌相一流，一看已經流口水，而且好香，差點想立刻放入口而不拍照，拉麵有咬口，不會過腍，湯底很濃，豚肉也不錯，溏心蛋超正，一咬就爆蛋汁。必食指數：5粒星辛口燒餃子($38)，皮薄餡靚不過有點過辣，必食指數：4粒星醬炆雞鎚丼(HK$35)，雞鎚很普通，雞肉不夠嫩滑，味道也不特別，不過這個價錢實在便宜，但沒有必食指數。P.S. 在這間拉麵店對面的「三田製麵所」我也試過，沾麪最出名，我也吃過不過沒甚麼特別。

登龍街又一間拉麵店，競爭激烈，今日兩隻馬騮游完水，兩大兩小來到，因為時間尚早，無人排隊，直入四人位坐低！地方幾迫，紅黑色為主！桌椅好近，牆上大大隻寫住最強雞湯！咁大口氣？落單食物好快到！野菜拉麵（$78）好多我最愛嘅芽菜，爽口好味湯底唔太鹹（幾驚最強係鹹到癲）湯底起膠，少許似魚翅湯嘅質感，但⋯⋯又未至於驚為天人囉！蔬菜好多！全部爽脆！拉麵有咬口！整體係好味嘅！炙燒豚肉海苔味玉拉麵（$98）媽媽食，佢食晒話好味！我分咗佢半隻食，蛋白滑，鹵得入味，蛋黃流心濃濃蛋黃味！正！羽根燒餃子（$35）個脆卜卜嘅餃子底向天，好易分開，餃子皮煙韌，餡料有蔬菜碎，比較清爽，有肉汁！好味！兒童餐（女仔）（$55）兒童餐有兩款主菜，兩隻馬騮都揀豚肉，上菜賣相幾靚，有埋可愛貓貓餐具，拉麵細碗啲，加一杯橙汁！唔使叫一碗大嘅又要攞碗仔分！店員有禮，又會比適當意見，因為我以為兒童餐主菜係用顏色分辨，佢解釋唔係，只係男仔比藍色，女仔比粉紅色，唔關主菜事！另外我問幾款餃子嘅分別，佢都好有耐性解答！服務唔錯！新開張送紙巾及抽獎！

午飯時間去登龍街想食碗拉麵，見無人排隊，所以黎左依間。 1240都唔滿客係有原因既。 叫左碗醬油拉麵同一碗野菜拉麵。鍾意芽菜既人應該幾開心，因為野菜拉麵主要係芽菜，湯好咸。1330食完，1540仲口渴緊，可能係多味精掛。食日本拉麵如果個湯正，飲晒都可能唔夠喉，不過依度既湯濃得黎直頭係咸。通常d食肆食完係會令我口渴幾個鐘，我唔會再去。價錢唔係平，去對面食沾麪好過，再唔係一風堂呀乜都好啦

新店，很有日本的感覺，服務人蹲下來寫order，非常nice。拉麵有勁道，喜歡辣，選了辛拉麵，搭配香蔥，好香濃的湯底卻不膩。叉燒和別店不同，烤過，不油。最後把湯也喝完了。同行香港人也說讚。

一行三人，Lunch 食到唔知食咩好，就行遠少少試下這間新開的拉麵~lunch time都幾爆…等左一陣先有位。一齊食飯的同事已經來過，佢話豬骨湯拉麵非常濃但有少少油，雞湯就清d但都有雞味。後來問左店員原來可以選擇少油同麵的硬度。所以最後我order 左豬骨拉麵加蛋(硬麵)，同事們就試辛辣豬骨拉麵同石頭鍋飯，再加炸雞同餃子share。豬骨拉麵加蛋-果然非常濃又有少少油，硬麵的軟硬度100%啱我心意，彈牙不會浸淋，叉燒同溫泉蛋不錯，下次我會叫少油~~因為唔食得辣，所以同事的辛辣豬骨拉麵我冇試，但佢話好食~石頭鍋飯本身已經唔錯，用料豐富又夠熱，同事再發揮創意加左隻温泉蛋變窩蛋飯，相得益彰，真係要俾個讚佢!!炸雞係最喜出望外的一樣，又香又脆，調味啱啱好，絶對好食過而家新興的韓式炸雞~另外餃子都幾好食~座位唔會太迫，服務以拉麵店來說算係中上，雖然好忙但都會不停加水，點菜時我問左好多嘢都冇唔耐煩，最sweet的是我唔飲冰水，所以order左杯熱茶，飲完後佢自動幫我加熱水再另外自發地上杯暖水(唔係冰水)，真係好細心~~