影片
更多
2015-08-10
472 瀏覽
一行5人諗住試下銅鑼灣新開的拉麵店Bari-Uma，星期六午市，剛好唔駛等位就入得，店內都八九成滿，原本滿心歡喜黎食新拉麵，結果成餐飯食得好唔開心！食物還可以但落單混亂＆待客服務極差，最後更不歡而散，真係唔會再黎食。。。。。 基本上餐牌上只有三款拉麵選擇：原味豬豖，辛辣豬豖及雞白湯底。每款再分全包，走蛋，走海苔三種，非常簡單。第一次黎當然叫全包既原味豬豖湯底，有齊海苔＆蛋，5個人Total叫左5碗一模一樣既炙燒海苔豚肉味玉拉麵（＄98 each) ，另加一碟豚雞串燒 （＄55)落完單，問題就黎啦。。。問題1) 混亂帶客入座一入店就安排左6人位俾我地，我地3人坐低左先，另外2位朋友會遲少少先到，隔左一陣店員沒有詢問我們，就安排左一對男女坐左我地張台，我地即時澄清我地仲帶2個朋友會黎，佢居然示意一對男女先坐下，再將右邊既2人台拍埋變成8人台。原本那對男女原本可以行過兩步，坐右邊張2人台，結果變成被迫要同我地一齊搭台。。。。如此安排實在不知所謂，成餐飯就開始發生混亂。。。問題2) 漏單，落錯單x2我地5人前後落左2次單（3碗＄98原味拉麵，串燒＋後加2碗＄98原味拉麵）>落錯單：
基本上餐牌上只有三款拉麵選擇：原味豬豖，辛辣豬豖及雞白湯底。每款再分全包，走蛋，走海苔三種，非常簡單。第一次黎當然叫全包既原味豬豖湯底，有齊海苔＆蛋，5個人Total叫左5碗一模一樣既炙燒海苔豚肉味玉拉麵（＄98 each) ，另加一碟豚雞串燒 （＄55)
落完單，問題就黎啦。。。
問題1) 混亂帶客入座
一入店就安排左6人位俾我地，我地3人坐低左先，另外2位朋友會遲少少先到，隔左一陣店員沒有詢問我們，就安排左一對男女坐左我地張台，我地即時澄清我地仲帶2個朋友會黎，佢居然示意一對男女先坐下，再將右邊既2人台拍埋變成8人台。原本那對男女原本可以行過兩步，坐右邊張2人台，結果變成被迫要同我地一齊搭台。。。。如此安排實在不知所謂，成餐飯就開始發生混亂。。。
問題2) 漏單，落錯單x2
我地5人前後落左2次單（3碗＄98原味拉麵，串燒＋後加2碗＄98原味拉麵）
>落錯單： 我地後加個2碗＄98原味拉麵 少左隻蛋。。。
>漏單：那對男女既拉麵遲遲都未來，後來先發現漏左單。。。
>落錯單：那對男女既拉麵估計係要一碗唔要蛋一碗唔要海苔，好不容易等左好耐先來既拉麵，有一碗竟然落錯左，佢地又要再等過。。。
問題3) 水準參次
碗＄98 炙燒海苔豚肉味玉拉麵，整體而言味道還可以，麵是較硬身有口感的，海苔有3大片，有一片炙燒豚肉，幾條竹筍，最大問題出係隻蛋度，5碗一模一樣既拉麵，其中3隻蛋已經有好大分別＠＠，一隻蛋白內全生蛋液，一隻蛋黃半生熟，一隻PERFECT溏心蛋，除非你鍾意有驚喜，否則雞蛋既生熟都可以隻隻相差咁大，作為拉麵店已經唔多合格。。。
問題4) 錯誤收錢＆店員惡劣態度！！！！！！
最致命既問題就係最後俾錢個PART，我地TOTAL叫左5碗＄98既炙燒海苔豚肉味玉拉麵 ＋＄55 串燒，排隊俾錢等左好一陣到我俾錢時：
我先問左店員： " 請問有冇加一架？"
店員 "我地暫時冇加一"（我當場呆左，咩叫暫時冇，即係遲D黎食會有？ 完全唔知佢講咩。。。＠＠）
店員 "3個拉麵，1個COMBO，＄349" ，收左我6張＄100，"找返＄51" ＆俾張單我
先係之前俾佢個'暫時冇加一'嚇左下，見到張單我又O左咀＝.=
我解釋 "你張單打錯左，應該係5個拉麵，1個串燒COMBO，我剛才亦俾左＄600 你"
店員好決絕 "我頭先只係收左你＄400"
我 "我真係俾左6張＄100 你，同埋張單打少左"
－－－－－店員不停重覆強調只收左＄400, 完全冇理會我指出張單計少左－－－－－
溝通左一陣都解決唔到，有其他店員前來了解，我再次解釋打錯單，有店員記得我地帶追加2碗拉麵，覆查一次後發現電腦落少單（又漏單啦。。。。），所以張單的確係我講既5個拉麵，1個串燒COMBO
－－－－－但收銀店員只會在旁不停重覆只收左＄400, 話我冇俾過＄600 －－－－－
最後有個疑似負責人前來了解，問我係咪張單係＄349，但俾左＄600, 找少左錢俾我，但我解釋係張單錯左應該係＄545，而我亦俾左＄600
－－－－－每次我一提俾左＄600，收銀店員就好激動話只收左＄400, 冇收過＄600 －－－－－
負責人提議CHECK電腦RECORD就知咩事，我反駁電腦係可以知道我地張單叫左D咩，但唔可以知道你地有冇收到我＄600, 你係就依家埋數CHECK。。。
結果負責人打算息事寧人，同我講："小姐你地叫左5個拉麵加一個COMBO，俾左＄600，咁依家找返＄55俾你，岩唔岩數？唔好意思丫" 我見件事終於正確解決，打算走人。。。
－－－－－收銀店員居然細細聲講： " D人係度混水摸魚" －－－－－
原本我只想搞清楚件事，但佢呢句真係令我火都黎！！！！！
由始至終我都冇正面指出該店員收漏左我錢，而係講出客觀事實： 我俾左＄600＆張單唔正確，但該店員就只想逃避責任，完全無打算了解件事，就將錯誤立即歸咎於客人身上！！！
於是我即刻反駁佢： "如果我真係想混水摸魚，我仲唔係你張單打成3碗面，就拿拿臨攞錢走人，仲要好心話你知張單打少左兩個拉麵，係呢度搞咁耐？！！！！！"
負責人即刻道歉送我地出去，係負責人，唔係個收銀店員！
我最後忍唔住同身旁既負責人講多句 "你今晚埋數時，就睇下有冇收少左＄200！"
呢碗拉麵真係食到火都黎，由帶位，落單，到個位極品既收銀店員，真係令我大開眼界O。O
咁精彩既經驗，一生人一次就夠啦，本身$98價位既拉麵真係有好多其他選擇，呢度碗拉麵又唔係特別抵食，又唔係特別好食，仲要有咁SPECIAL SERVICE，從此可以BLACK LIST！
錯單： $400 - 3x$98+1x$55 = 找$51
正單： $600 - 5x$98+1x$55 = 找$55
＊＊＊最後成功攞返我應得既＄4，但無辜俾人屈，真係欲哭無淚。。。
今次真係學到野，下次俾錢我要醒水係佢面前逐張逐張數錢，唔係到佢找錢話你冇俾到，真係有冤無路訴
張貼