霸嗎拉麵 (金巴利道)

營業中

休息中

前陣子尖沙咀近The One 的一所拉麵經常人頭湧湧，已經過了一年以上仍舊人流不絕。此間拉麵更越開越多，由銅鑼灣分店開到尖沙咀、將軍澳、屯門等地定必有他過人之處。排隊等候需時20至30分鐘左右，入內座位都比較多，而且無論裝修及格局都崇日風格。 餐牌上有很多不同種類的拉麵，以豬骨豚肉或雞叉燒為主；拉麵店更有其他小食及飯類食品，已飲料的種類繁多令人難以取捨。我與男朋友每人點了日本拉麵及一客小食。 濃厚豬骨豚肉玉子拉麵 $88 首先到來時豬骨豚肉玉子拉麵，極度厚切的豚肉拉麵相當肥美而且肉質軟腍。吃日本拉麵最着重別過於湯底，濃厚的豬骨湯加入少許蔥花及筍與拉麵同吃分外美味。玉子更加是拉麵的靈魂所在，輕輕咬一口流心度極高，可見師傅的手藝大為出色。 醬燜雞叉燒味玉拉麵 $88 另一款以雞湯為主的拉麵，沒有濃厚豬骨湯底但卻加入了淡味雞湯；叉燒的肉質軟腍並兩件不會太少或大多。玉子也是製作得非常出色，而且麵條更可分軟身及硬身兩種。配料也可以走蔥、走筍等，客人可以自我調配食品。 羽根燒餃子 5件 $35 小食定必單點餃子，有別於其他店舖的餃子添加了一層脆皮並香脆可口而帶口感!每一口都是脆身，內裏的韭菜豬肉

次次經過the one 都見到對面間拉麵超長人龍👥👥⋯大熱天時去果度排隊真係好有難度😭，不過尖咀真係唔多拉麵鋪，所以見是日條隊難得地無咁多人就排下啦👻⋯⋯ 呢度主要有日式叉燒同雞叉燒兩款🌝，雖然好想試下雞叉燒，但咁難排到無理由唔試下原味叉燒嘅🙆🏻～於是一個濃豚骨湯同一個辛辣豚骨湯就試晒兩邊味啦🤤！ ---------------------兩個湯都好濃，原味豚骨好豬骨豐厚，唔會太咸🐖；辛辣真心有啲辣，而且有好大一隻辣椒喺入面，怕辣人士唔好亂試🌶⋯ 叉燒經過慢煮烹調好嫩滑，肥美的肉地好有口感，荀好入味，麵的質地剛好，不軟不硬，掛湯能力不俗🍜~ 叫多左個辛辣餃子🌮，同樣類出辛辣湯底的醬料，點餃子好惹味但又不免辣得有點噴火☠️⋯煎得好香脆，皮薄餡多，九菜肉碎都好出餃子精髓👹～性價比不俗，不過次次排咁長隊真係有點嚇人😩😩⋯等天氣涼啲去應該會開心啲哈哈 ----------------------好味指數😋：7/10翻啅指數🙆🏻：7/10人均消費💰：101-200服務態度👨🏼‍🍳：7/10乾淨指數🌝：7/10

開左喺尖沙咀The One隔離當眼位置嘅拉麵店，成日經過都見到大排長龍，終於的起心肝去排一次隊。試試佢！因為怕排太奈，所以揀平日嘅8點半度，點知都有人龍喔。大約排左半個鐘都入到去，唔太奈。店小小但坐得舒服，乾淨。今次兩個人去食，每人叫左一碗拉麵，再叫一個小食。拉麵可以揀麵條軟硬度，我就揀左適中。小食叫左餃子，煎成一片，好似喺日本食個啲咁！好快，拉麵就到！我叫左炙燒豚肉味玉拉麵。有一塊叉燒，一隻蛋，配菜有荀同湯濃度合適，不會太油。叉燒比例係一層脂肪一層肉。整塊叉燒的表面輕輕燒過，食落更有質感同香口，咬落好鬆化，大滿足。溏心蛋整得很不錯，蛋白滑滑，一咬，滿滿嘅蛋黃汁慢慢流岀好味道配菜味道配合得很好，最後成碗吃光光整體價錢合理，男仔都夠飽！值得一排

每次行過尖沙咀The One都會見到呢間店舖門口大排長龍而且望入去個裝修非常之咁靚今日放工早左少少見到只係排幾個就可以入去所以今晚就試一試霸嗎拉麵呢度主打有兩款湯底包括係雞肉湯同埋豬骨湯今晚我就揀咗豬骨豚肉紫菜玉子拉麵見到佢哋嘅叉燒係用張厚切一大塊咁樣上而且是叉燒仲係燒得香透完全唔係平時嗰啲薄切在用上湯煮熟的食落塊叉燒咬口非常好而且個湯底仲係非常之濃郁嘅豬骨湯再加上剛剛好的醬油調味完全係正宗嘅廣島拉麵風味而且拉麵入面嘅荀仲非常之咁爽口另外玉子仲係不可以錯過的依然係流心狀態嘅玉子在沾上少少湯底一啖咁食落口簡直好食到令人舉起手指公另外再叫多咗一款小食就係沙拉唐楊炸雞估唔到粒粒炸雞除咗炸得脆博博之外一咬落口就係可以食到香甜嘅雞汁估唔到入面非常之咁juicy 再配合埋酸酸地嘅沙拉醬輕輕鬆鬆就K.O.晒成碟

朋友帶我黎食拉麵，大概9點鐘，點知麵係要！排！隊！等！位！ 嘩 一睇已經覺得一定好好食😂😂 食飯時間過左都咁大條隊！😂好彩唔洗排太耐就入得唔同調味自己落蘋果汁梳打，出面好少見，好好飲 聲稱有50%果汁，唔想又飲汽水咁罕值得一試！燒汁餃子，貌相好特別，熱辣辣 甜甜地 味道岩岩好送拉麵一流沙拉炸雞，沙拉稀左少少，但炸得都好食 不過記住襯熱食，唔係就好似我咁等等下先食就淋曬尼個拉麵既湯底 係淆左十小時，好入味好好食（$88）「炙燒豚肉玉拉麵」成個麵係得尼一舊肉，但佢勁厚 一個麵食尼一舊都好大罪惡感 但真係食得好開心抹茶雪糕，入口好香抹茶味，紅豆好甜 配落抹茶味極配！

今日嚟咗之前成日好多人排隊，不過今日時間還早，5點幾鐘，見都有啲肚餓，所以決定提早食晚飯入到坐底，原來係要自己填食咩嘅，本來填咗個（特盛炙燒豚肉拉麵），同（炙燒豚肉味玉拉麵），但俾單佢時，侍應話特盛無，有少少O咗嘴，晚市都未到喎，不過無計啦，改咗個(炙燒豚肉海苔味玉拉麵)呢個係(炙熱豚肉味玉拉麵)，湯底係濃湯，味道算ok，豚肉大約半肥瘦，麵本身都ok嘅，可以揀唔同硬度，其實食落都幾有肥膩感，成個拉麵本人只係覺得豚肉做得唔錯，其他可能唔係好啱我胃口，唔係唔好食，只不過冇一種食完覺得真係唔錯喎，呢種感覺姐呢個就係(炙燒豚肉海苔味肉拉麵)，其實只係多咗海苔，所以評價都係同上面一樣，都係嗰句，只係唔啱我個人口味

本身都幾中意食拉麵嘅我緊係吾會放過依間咁出名嘅拉麵店啦，所以就特登搵埋朋友一齊去食。夜晚九點鐘去食以為會冇咁多人，但已經好多人排緊隊，睇得出真係好受歡迎。不過好彩d人食得快，都唔係等左好耐就有得食。首先我同我朋友叫左豬骨豚肉玉子拉麵，因為聽入邊啲員工講依個湯底同豚肉都用左十幾個鐘黎整，俾足時間同火喉，所以就叫左依個，當然到食個陣就開始知道佢哋嘅介紹係冇錯嘅，湯夠濃味，但唔係味精味，真係好少鋪頭會咁俾心機煮出呢啲濃郁嘅豬骨味，而且個豚肉脂肪分佈亦都好均勻，食落去有兩個口感，一邊有咬口另一邊好霖，真係值得一試，而且仲有小心機嘅位置，就系可以簡拉麵嘅硬度，仲可以簡少油，真系食落都放心當然我地都有食小食，我哋有揀到沙拉唐楊炸雞和照燒餃子，啲炸雞配埋沙拉醬真係食落吾油得黎口感又幾特別！照燒餃子啲汁係超好食，吾系好濟，但d味又好夠，感覺個個汁令到成個餃子嘅味道上升一個層次，而餃子嘅口感係外脆內軟。而雪糕最特別地方係紅豆，食落系比其他鋪頭用嘅紅豆更加甜，所以更加好食！最後不得不提支野飲真系好好飲，可惜吾知邊到有得買，只可以講佢哋揀呢一種嘅野飲黎賣真係好聰明。

平時經過尖沙嘴都見到呢間拉麵排晒長龍所以一直都未食，今日朋友返半日工，就約左佢食lunch。朋友放1點，我先到所以排住隊先，大約1:15入座，嗰時條隊未算好長，直到2點左右先多人排隊。餐廳以木色裝修為主，大約可以坐20人。我地坐低無幾耐就叫嘢食，朋友叫左雞叉燒辛辣雞白湯拉麵，我叫左炙燒豚肉味玉拉麵，另外叫左一份羽根燒餃子share。嘢食都黎得快，我地等左大概5分鐘，份量亦都足夠，拉麵湯底唔會好鹹或者膩，豚肉唔會好肥，脂肪不多(my favourite😆)餃子煎完嗰塊皮脆脆地好好食😋暫時可以話係我食過咁多拉麵之中最好食🍜👍🏻唔錯唔錯！下次會想試試佢嘅雞叉燒！

今曰要幫囡囡搞證件經金巴利道，離遠已經見到好搶眼嘅紅色招牌寫住 好似好有霸氣,上網search下佢個意思係點解,原來下面嘅英文意思解極之.好味 仲要寫住最強濃厚就畀佢吸引咗去食。 唔上網睇都唔知原來已經有五間分店在港。我哋下午茶時段先食所以冇乜人排隊，門外有紙杯及茶給排隊口渴時飲用很貼心哦!店員安排座位後介紹咗本店必食嘅炎燒豚肉味玉拉麵有辣有唔辣同雞叉燒味玉雞白湯拉麵有辣有唔辣。 再睇下本menu仲有其他小食:餃子、炸雞唔想食拉麵嘅仲有飯類。 如果你嘅小朋友胃口比較細可以叫一個子供套餐配埋橙汁，分量細啲唔會浪費食物仲有一個玩具送。阿女叫了個炙燒豚肉味玉拉麵我就叫了雞叉燒味肉雞白湯拉麵，咁就可以試曬呢間店最出名嘅兩款拉麵。起初睇幅相阿女話得一塊豚肉唔夠食點知送到上枱塊豚肉差不多有個碗咁長仲要有3至4CM厚而佢個湯底店員話由日本運送過嚟，用咗10小時淆依個湯底之餘豬肉仲要係慢煮，我食嗰碗麵豚肉真係好滑好軟熟， 肥瘦比例剛剛好，湯底比較結仲有好香豬骨味好濃郁，麵質雖然揀咗適中但，阿女食得慢，隔咗段時間都仲好爽彈牙!!仲有個溫泉蛋值得一讚佢係原隻上，我諗係為免一早分開咗，溫泉蛋嘅蛋黃汁會流曬落

是咁的 近日突然想食拉麵就搵邊間有豬骨湯底既試下見到openrice 理間霸嗎係頭幾位就試下啦 但結果只係好一般個湯底都唔似豬骨似味㬝 好咸無個種豬骨湯底白色個味仲有d似出前一丁個包味粉豬肉都一般 唔係日本叉燒咁似係梅菜扣肉多d蛋就都係一般 有流心效果 成餐又唔係叫難食既只不過係一般般 無嘩一聲既感覺但係如果平日已經諗唔到食咩 又想試下新野 算係可以一試既 但係要再食下一次 不了btw 冷氣好細 個場好熱 怕熱既人可以等冬天先去

每次經過尖沙咀都見到好多人排隊.每次都諗真係咁好味？今日見放工放得早..就決定碰碰運氣（有怕排很耐隊呢）去到.其實都要排隊.但見人比平常少很多.就排一排吧..大慨排了10分鐘就有位了.叫了兩款拉麵..炙燒豚肉味玉拉麵同辛辣炙燒拉麵.還有餃子同原味雞塊來了來了..我們點了適中既麵韌度..個人認為湯濃了一點.而肉方面..雖然好似有一大塊肥豬肉..但其實是肥瘦適中..完全沒有肥膩既感覺..而那個蛋個人認為一定要叫的.有流心嫁😋餃子..其實沒什麼特別..就一般餃子味..只是喜歡它的餃子底..煎得好靚啊😍😍炸雞塊 - 點了原味..冇記錯好似還有辣汁、燒汁同沙拉口味.其實只是想食.但沒想到有驚喜.炸雞既粉漿夠薄.雞肉有肉汁.😋加埋檸檬汁更好味

今晚去開尖沙咀一帶，入左去BARI-UMA 晚餐，店外裝修已很靚，看到店內環境真要感受一下日本食品氣息。醬燜雞叉燒辛辣雞湯拉麵，食得出材料好美味，如果不是新鮮同肉質香滑，便不會有的。湯底有辛辣味，加大左食湯麵時的味道，好開胃亞。辛口唐揚炸雞，炸得恰當不過了，沒有油炸的感覺，雞好鮮味，好少食到美味的炸雞，好快食完，給佢好味的高分菜式。食飯後點少得食黑芝麻雪糕，黑芝麻香味很濃烈，是來看日本的雪糕，細細品嚐，慢慢食先後

我朋友介紹去一間好出名的拉麵店在尖沙咀的BARI-UMA ，最令我這些喜歡食拉麵的人，好想快些品嚐一下，店內裝修充滿日式風格，店員又親切。醬燜雞叉燒味玉拉麵，燜雞真是好有口感，肉質彈牙令人想食多兩口但又要飲佢 D湯，又要趕住食湯麵，因實在太好味道.羽根燒餃子，燒到好熱騰騰，食落口充滿餃子味，連食幾粒餃子，真好奇點做出好味餃子出來，下次再來時一定要再叫多個。最後是食甜品，有日本的黑芝麻雪糕，黑芝麻味在細緻的雪糕𥚃。

諗住同男朋友去美麗華個個啤酒pop up store，就係附近搵野食。行上去時見好多人排隊，又諗唔到食咩就唔執輸排隊食下，反正唔太肚餓😂呢到裝修好有日本拉麵店既感覺，每枱都有冰水，消暑一流！⭕️豚肉味玉少辣呢個湯底偏濃郁，配上少辣，好好飲！味玉姐係溏心蛋，有溏心效果，正！麵底要左軟，勁易咬但又唔會冇咬口，比較中意呢個口感😍個豚肉真係勁厚，好香油脂，但肉唔算滑⭕️雞叉燒味玉飲完上面個個之後，呢個湯底就會係勁淡😂但佢淡得黎係有雞油香，配辣未必夾，所以想食辣應該叫上面個個加辣會好d🤔🤔雞叉燒之前一直未見過，有2大塊都幾厚，勁滑同應該晤係冰鮮雞🤔麵底要左正常，感覺偏硬，再黎食應該會要軟！⭕️唐揚炸雞 +$12午市有優惠，可以加12蚊食，勁抵！有5大件，炸粉薄，雞亦算滑。但見隔離既餃子好似好正甘，下次會加餃子試下☺️感覺午市黎好d，一來隊又冇甘長，二來可以加12蚊要小食(炸雞or餃子)，雖然偏濃味但食完唔算太口渴😍

嚟到呢間拉麵舖門口嗰陣，都見到有為數唔少嘅人等緊，同對面永年車仔麵條隊互相輝映。喺等位嘅時候，店員細心咁樣同我哋講喺排隊嘅期間，有遮可以借用嚟遮下啲太陽同埋有啲凍冰冰嘅冰茶可以斟嚟飲住先，服務認真貼心。信州蘋果蘇打，外面熱屎辣辣，排完隊入到嚟梗係即刻整番個凍飲啦，揀咗信州蘋果蘇打，貪佢有清新嘅蘋果味之餘，加埋蘇打爽身嘅氣泡，令人涼到入心入肺。辛辣炙燒豚肉味玉拉麵，塊炙燒豚肉大到離地，跨度橫跨左成個碗咁滯，炙燒後微焦嘅表面更加令人垂涎，入口帶住焦香嘅火炙味，隻蛋方面夠哂流心，湯底帶有點點嘅辛辣味，唔係好食得辣嘅朋友都可以試下。照燒餃子，個賣相好得意，有一塊脆卜卜嘅物體喺啲餃子上面，入口豐富多汁，餃皮又夠薄喎，唔錯。沙拉唐揚炸雞，啲雞好入味，首先試一啖揩唔到沙拉醬嘅先，因為醃得入味嘅關係，無醬汁嘅部份都經已好好味道，再食一啖有沙拉醬嘅，甜甜哋夠哂開胃，外皮如果再脆一啲相信會更加好。日本芝麻雪糕，芝麻雪糕嘅芝麻味未見濃郁，猶幸作為配角嘅紅豆相當之出色，夠哂腍之餘甜度仲啱啱好，同個雪糕夾住嚟一齊食就最正啦。