霸嗎拉麵 (金巴利道)

營業中

休息中

霸嗎拉麵在尖咀The one 正後方常常經過都見一大條人路今次有時間終於可以等下一試人氣拉麵都排了接近一個鐘的隊餐廳坐位都多 所以出入量都快加上食碗拉麵都唔使太多時間朋友未到 就先叫個枝豆食住等粗鹽包住枝豆 夠咸 可惜枝豆恰得比較耐 有點過軟食下食下 朋友終於到了點了碗辣味炙燒豚肉拉麵 $83拉麵要辣辣地先夠回味！大大塊紫菜 配拉麵一齊食 十分滿足叉燒脂味濃旭 份量十足另加配了温泉蛋 配料豐富可惜湯底偏咸 因此另點日本獨有的綠茶味汽水解解渴綠茶汽水夠凍唔太甜，值一得一試！

好耐之前就聽過呢間拉麵店，今日趁打風放假又懶得自己煮就特登出tst試下呢間拉麵店~由於較多遊客都慕名而來，所以今日中午去到門口都等左成半個鐘先入到坐~石鍋燒豚肉飯，大量豚肉粒再配上蛋碎蔥花，再淋上惹味醬汁，撈埋一齊就每啖飯都食到各種滋味，鍋身非常熱，建議盡早撈起以免有太多飯焦~店員亦好貼心咁比個碗仔另外裝起d飯，等吹凍小小再食~濃厚豬骨豚肉玉子拉麵，湯底非常濃郁惹味，燒豚肉亦大大片，份量十足，一流水準~

今朝又有8號風球呀～媽媽突然話想食拉麵，8號波都無阻佢去食拉麵既決心，為女唯有陪佢一食啦12點左右去到店舖，無諗過要排隊呢！好彩排左10分鐘已經入得～（8號風球都排10分鐘，我諗平日可能要成20-30分鐘！）話說今日揀呢間霸嗎拉麵，就係為左試下香港未見過既雞肉拉麵，平日食間既都係豚肉呢羽根燒餃子 $35/5隻落單之後冇幾耐，餃子就已經有得食了～食落去熱騰騰，應該係即叫即煎餃子皮頗薄，個餡保留到適量肉汁，蘸小小餃子汁再食，好味！完熟梅酒 $28上次食風雲丸都有飲同一款嘅梅酒，印象十分不錯，所以今次都有叫好甜嘅梅酒，極易入口醬燘雞叉燒味玉拉麵 $88終於輪到主角登場拉麵十分大碗，如果可以揀面嘅份量就更加好，因為我食唔晒啲面呀而拉麵既軟硬度適中兩塊雞肉叉燒好大塊，仲要係好厚切嗰種，一碗麵食起嚟綽綽有餘。雞肉十分嫩滑呢！而湯底都帶有雞肉嘅鮮甜，同平日嘅豚骨湯底相比， 油膩感比較少～睇吓呢隻咁美麗嘅溏心蛋抹茶雪糕 $28黑芝麻雪糕 $28兩款雪糕都配上香甜軟綿既日本紅豆而且雪糕份量都唔算小架！大過Haagen-Dazs嘅迷你裝，一個人一杯剛剛好兩款雪糕嘅味道都有好香濃既奶味，而我個人就比較喜歡抹

之前每次經過呢到都大排長籠，一直都食唔到！可能依家開左分店，人流就少左，可以等一陣仔就入座了！外面排隊時有凍茶供應，👍🏻好細心！係大熱天時雖然今次唔洗點排隊,但由地鐵站行過黎飲杯凍茶，好舒服喔！我地今次點了炙燒豚肉味玉+辛辣雞拉面～ 午市仲可加$12添加餃子 / 炸雞👍🏻 豬骨湯底濃，不錯不錯！豚肉有燒香左既味，不過對我來說，太多肥膏🙈 隻雞蛋不夠味，好似普通一粒烚蛋咁，只有很淡的醬油色。需要浸多陣日本醬油先係日本既糖心蛋吧。😕 辛辣湯底不夠辣，食落感覺淡淡的。失望！炸雞大大舊，好juicy！推薦～餃子普普通通，上桌後好快就凍左。

日本拉麵品質一向出名嚴格， 有麵質，叉燒，到湯底， 同樣係一絲不苟。喺尖沙咀The One對面嘅呢間【霸嗎拉麵】， 就係近期嘅大熱。 就算近排高溫出現，同樣亦都唔少食客嘅支持， 無懼夏日炎炎、烈日當空， 都排隊去品嚐呢碗聲稱「最強」、「濃厚」嘅日本拉麵。話雖如此，拉麵店亦非常細心，準備定冰凍嘅日本茶，去慰勞食客嘅鼎力支持。加分~~先講下呢間拉麵店嘅裝修，店舖樓底非常高，掛滿咗日式嘅poster， 感覺有如置身日本嘅拉麵小店。今日見唔係好多人排隊，大約排咗20分鐘左右， 就可以品嚐到呢碗 《辛辣炙燒豚肉味玉拉麵（小辛）》。 豬骨湯底嘅顏色一睇就知道濃郁，由於叫咗小辛，上面有一層薄薄嘅紅油。 喺食拉麵之前先呷一口豬骨湯，果然香濃！ 豬骨湯用咗長時間淆製，大量的骨膠原溶解咗喺湯入面，令湯口感濃厚。豬骨湯嘅味道突出，用料上盛， 就算食完成碗麵亦唔會覺得口渴。再講一下炙燒豚肉，厚身嘅豚肉由於經過火焰炙燒，令肥美嘅五花腩上面嘅油分散發出香氣， 每一口都充滿油香， 非常美味。至於味玉，即係溫泉蛋亦同樣出色，溫泉蛋吸收咗醬油嘅精華， 裏面嘅蛋黃亦處於溏心狀態。至於拉麵就揀咗硬度適中， 拉麵夠曬煙韌，而

有時真係口淡淡，出街食一係就覺得口味比較淡，一係就覺得好多味精。有時行街見到呢間拉面店成日都咁多人排隊，不過一直都未有機會去試。終於今日去左排隊試下。晚餐的時候排的時間都唔算太耐，店員好快就安排左我地坐底。一入到去係同日本拉面店都有係冰水。如果大家想食點解咁多日本食店無論係夏天定係冬天都會有冰水提供，係呢度就唔開估了。好貼心的服務，一飲完就立即幫係填滿返D冰水。一目到D炸雞個樣咁靚就真係忍唔住要試下。雞叉燒味玉雞白湯拉麵，講真出面真係唔算太多地方可以食到。試。灸燒豚肉味玉拉麵，睇到都覺得好吸引，試。等左大約10分鐘就有面食，試下先。雞叉燒味玉雞白湯拉麵，聞落好香的雞湯味，飲落更不得了。濃濃的雞湯慢慢係喉嚨久久不散，好舒服。試下雞肉叉燒，滑口又充滿雞味，同平時食豚肉叉燒好唔同的口感，好好食。灸燒豚肉味玉拉麵，湯底沒有白湯的香滑口感，但口感更濃。試一試豚肉叉燒先，有點失望就係好似未溶好雪的味道，有豬肉的"蘇"味。呢個炸雞上到枱仲係非常非常熱辣辣。一入口真係又熱又多汁，非常香口。另外唔好睇少上面個少少的辣椒粉，係好辣的，唔食得辣的人真係唔好亂試。

佢新開到而家成日都好長嘅人龍，身為拉麵迷嘅我想去試一試啦！叫左濃厚豚骨湯麵，真係好一般，舊豚肉係大舊，但係冇味湯底好一般，有味精。時候要狂飲水啊人龍長係唔代表係好食呀一定無下次。

我點了辛辣炙燒豚肉味玉拉麵（小辛），樣子看起來很美味，但實際味道一般。特色在於豚肉是火炭考的很香，但肉本身缺乏咸味。雞蛋味道不錯但咬開裡面居然是冰的。面質我選的適中，但有點偏硬。小辛已經有點辣，正好適合我。

談到拉麵，呢間日本正宗拉麵好食到大排長龍!歺廳坐滿曬，全因為呢碗麵呢碗麵係叉燒豬骨湯底配溫泉蛋,溫泉蛋係溏心蛋，精心泡製ge 呢一碗係獨家皇牌之選呢款照燒煎餃子配燒汁入口香脆可口，菜肉滿瀉，不用飛到日本都可以飲到信州紅蘋果汁，味道除左解渴，而且清甜，有梳打汽水甜品方面有抹茶日本紅豆，香濃黑芝麻雪糕抹茶味度熱愛綠茶控的朋友必然之選茶香配上日本十勝紅豆黑芝麻味度香濃，濃郁的芝麻口感香滑，係熱愛芝麻的朋友搶先點叫

Happy Friday梗係要約friend出嚟食吓飯啦。朋友話想食一間叫霸馬拉麵嘅日本野好耐，於是就去左試。我同朋友總共嗌左三樣野：我點嘅炙燒豚肉味玉拉麵、佢點嘅雞叉燒雞白湯拉麵同埋大家share食嘅辣汁唐揚炸雞。炙燒豚肉味玉拉麵上菜嘅時候見到剩係得一塊約0.7 cm厚、長條形嘅豬肉，覺得點解咁少架，好唔抵食呀。點知食食吓先發覺都幾飽肚，一塊啱啱好。一開始揀食邊樣拉麵嘅時候見到有味玉同冇味玉相差五蚊，心諗，味玉係乜黎呢？原來係蛋嘅意思。呢隻味玉同其他煻心蛋唔同嘅係輕輕用筷子整開佢，啲蛋汁已經急不及待流出嚟。好吸引！真係令人垂涎欲滴。食入口好有種幸福嘅感覺，抵我加五蚊食隻蛋！強烈推薦大家嗌有味玉嘅拉麵食！拉麵冇咗味玉，簡直冇左靈魂一樣，好似爭咁D野。五蚊淨係睇啲蛋汁慢慢流出來已經好治癒啦。食完睇返張order紙先知道原來右手邊有得比客人選擇麵嘅硬度。麵條軟硬適中，有咬口，入口好實在，加上湯底濃稠，食完好飽肚。鍾意佢放咗好多蔥，因為如果唔放蔥會好肥膩。有蔥就可以吸左啲油。除咗蔥之外仲落咗幾片筍。食過一啲筍味道有啲臭，難以入口。今次係呢間餐廳食就完全唔覺啲筍難食。朋友嗌左雞叉燒雞白湯拉麵，

係openrice見評價高，專登排隊第一次食！點知我落單一個要軟面、一個要正常，黎到完全無分別。隻所謂溫泉蛋，變左全隻冰鮮解凍蛋。舊肉，得一細塊……根本食唔飽！比一百蚊得30蚊品質。雖然其他野例如:服務、環境都好好。但係食店，食方面搞到唔得就真係bad。旁邊好多拉麵店售價一樣，但又飽又好味，呢次真係被門口排隊既人呃咗！前幾日先食完旁邊200米範圍內的拉麵，好食到飽到喊、仲要加面再食過。失望！失敗！失策丫呢獲！！！PS: 重申員工服務ok，但個面真係唔值呢個價。唔係好餓或錢太多的話勿試。

一碗美味 而完美 嘅拉麵 係要配合 湯底、麵質、 配菜 和主角 即肉類 如果每樣嘢都配合得好咁樣 就 稱得上 係完美嘅……拉麵。 其實呢間霸嗎拉麵 我已經光顧咗好多次! 佢嘅湯底濃郁而 不油膩， 麵質自家製 煙韌 充滿麥香， 味筍爽脆， 還有 青蔥 嘅配搭 非常香口， 味玉 僅僅熟嘅流心蛋黃! 重頭戲主角出現場啦~~~ 登登登~~~炙 燒豚肉 肥瘦適中一層肥肉一層瘦肉一層肥肉一層瘦肉， 經過炙燒後非常惹味甘香 回味無窮午間拉麵升級滋味凡惠顧拉麵 十$12 就會有羽根燒餃子或 唐揚炸雞 原價要$35非常抵另加$8仲有 汽水 添羽根燒 餃子外層炸得非常香脆 ，裏面餡料非常 充足唐揚炸雞外皮炸得非常香脆，而且保留肉汁， 味道非常惹味 配以檸檬片非常清新。 而家仲有印仔每顧一百蚊就會有 一個印花 集齊印花我已經集齊下次免費食

坐緊月既日子突然間好想食拉麵, 唯有極速咁去尖沙咀食人氣拉麵 - 霸嗎拉麵閒日又過左食晏時間當然唔使點樣排隊, 但店內其實都差唔多滿座, 所以都真係幾人氣記得第一次黎個陣, 叫餃子同炸雞, 拉麵一碗係豚骨湯, 一碗係辛辣。食過第一次之後, 基本上每次同老公黎親都只會叫呢啲 (一碗炙燒豚肉味玉拉麵同埋炙燒豚肉拉麵, 加多份炸雞, 唔該! ) , 但每次都好回味, 特別係炸雞, 好juicy炙燒豚肉味玉拉麵炙燒豚肉拉麵唐揚炸雞

平時晚晚排晒隊，今日專程下午茶時間嚟到，冇乜人，可以直入。餐牌封面非常吸引。點咗個辣豚肉味玉拉麵、辣唐揚炸雞同綠茶可樂。可能係我個人味覺唔敏感，呢支綠茶可樂真係唔係特別飲得出綠茶味，飲落只係好似淡淡地嘅可樂咁。主角拉麵出場。舊豚肉極肥，肥得好味冇乜所謂，但係佢得個肥字，肥嘅部份太軟，而且冇乜香味，食落只似一舊平凡嘅豬腩肉。玉子質素正常，冇乜特別。麵我點咗硬身，口感唔錯。但係食拉麵係要一口扯晒啲麵入口，並唔應該咬斷麵條，而呢度啲麵有時仲痴埋晒一齊，或者打晒結，令到人難以用傳統嘅日式食法去食。最後講個湯，個湯係真係濃到有醬醬地嘅質感，但係飲落其實個味又唔算太濃，只係係條脷上面有種厚重感。個味亦無特出之處，算係好飲，但未至驚喜。炸雞一上，未影相就食咗舊。炸得香脆，不過雞味不重。上面嘅辣汁值得大推，非常香辣。食落十分過癮。整體而言，只係普通嘅拉麵店質素。

差 差 差 簡單講 湯底係鹽水 豚肉係肥豬肉一舊 面普通到一個點 唔明點解佢仲可以收咁貴 ....係一間小食都好食過主菜（拉麵）既一間拉麵店 如果想要拉麵既朋友 絕對唔建議....