霸嗎拉麵 (金巴利道)

營業中

休息中

今日出尖沙咀睇驗身報告，發覺冇咩事情發生咁就梗係要食返餐慶祝下啦！行到去The One都好似冇咩好選擇，見到霸嗎拉麵門口有小人龍排隊，應該有好嘢。咪執輸一於排下先，可能已經係兩點鐘所以好快可以入到去！期間限定：特濃魚介魚乾豚骨拉麵最強濃厚，我估佢係指湯底我叫左碗豬骨豚肉紫菜玉子拉麵，好豐富喔湯頭果然濃厚，豚肉燒得剛剛好，入口即化，佢應該係用咗五層肉，鮮嫩肥美，齒頰留香!我仲加左＄10味筍，分量十足，我冇諗過份量有咁多，抵讚午餐加＄12有唐揚炸雞五件，雞肉唐揚後依然juicy蜜瓜cider ，靜岡蜜瓜？好香蜜瓜味喔

相信去過日本既人，都會覺得番到香港唔想再食日本野 ，因為日本野係香港點整都唔夠好食咁。 但今日經過the one ，見到有間勁日本feel既野 ，勁多日本字，裝潢都好有日本居酒屋feel，見到有人排隊，忍唔住拖住阿媽走去排埋一份。估唔到過左lunch time 都有人排咁相信應該唔差。排隊有冷涼既茶飲，真係估佢唔到，好似番左大陸咁有咁體貼既服務。 同媽排隊果陣已收到點菜紙，又係自己寫，勁有日本feel. 搞到差點想叫番酒飲，但日光日白飲酒🍻唔多好，最後都係放棄左。 雖然唔知佢寫咩，但一入去聽到店員既「1、2、3、4」，同埋呢幅牆，即時日本通上身，同媽係咁介紹日本既旅行呀習慣呀文化咁。同媽一人點左一個麵加兩份小食，午餐時間加$12就有小食，都幾抵食。豚肉拉麵（$88）媽媽麵叫左軟麵，湯底好濃，麵可能煮既時間較長，好入味，濃得黎唔會湯到好多味精，豚肉應是醬燒又厚又多汁，肥瘦比例剛好，一讚玉子，入味之外，內面軟身，令人勁回味果種咬口。 我就點左清小小既雞湯拉麵，（$88）適中既拉麵，我比較偏好呢個湯底，個人認為較清甜，食到多點鮮味。 雞勁有心思係雞肉捲唔係隨意整一塊雞肉俾你，蒜片我首次食到咁

環境燈光昏暗，梳化位舒適。點了兩份炙燒豚肉拉麵，湯底夠濃，充滿豬骨湯口味，炙燒豚肉入口即溶味道極佳，可惜係脂肪占嘅比例較多，充滿罪惡咁，但份量足料，豚肉算是厚切的。

霸嗎拉麵在尖沙咀的分店，每次經過都見到門口大排長龍，今日亦不例外，但為食男友話要食，就唯有排隊食啦，結果在門口等了20分鐘左右入座。我們點了炙燒豚肉味玉拉麵和辛辣炙燒豚肉味玉拉麵，好似其他拉麵店咁，拉麵麵身可選軟硬程度，我地穩陣選適中，ok,有彈牙感覺。湯底方面，我地都覺得辛辣味太辣，已經選了小辛都係咁辣。所以我地比較buy豚肉拉麵湯，不辣，湯底夠濃，拉麵索左湯汁後更好味。豚肉是厚切的，其實我同男友覺得最好食係：溏心蛋！真係流心蛋，又好味！

每次經過尖沙咀總見到這條長長的龍 今日星期六下午三點鐘見到條龍短啲啲，所以即刻等等試一試空間大，座位寬闊裝修帶一點日本風落單紙清晰， 拉麵還可以選擇軟硬度調味料座乾淨，整潔濃厚豬骨豚肉玉子拉麵$88豬骨湯底濃郁，但食完後沒有頸渴感，味精應該不多，豚肉算厚身，入味。 醬炆雞叉燒味玉拉麵$88雞肉的份量比我想像中多還很厚身呢！這個拉麵我選擇最軟的，但對我來說仍是硬了一點，可能本人要求高吧！ 羽根燒餃子五件 $35餃子多肉， 外層有少少脆，煎得剛剛好玉子有別於其他拉麵店，是全隻上的但一隔開即有驚喜， 超流心啊！綠茶可樂$25 ,夠凍， 透心涼

趁人少少緊係要黎試下😎呢個係佢哋嘅基本menu都有嘅辛辣湯底拉麵呢個係佢地既期間限定魚乾豬骨湯底拉麵首先講下佢哋嘅拉麵軟硬度 係好啱我同同行友人嘅口味 係將落單紙度你可以選擇軟硬度而且魚湯亦都唔會有腥味或太咸食落仲覺得幾鮮甜😁😁辛辣湯底唔洗講 都係咁辣🤣燒汁雞粒 首先好大粒 外脆內軟 肉質好嫩滑 個燒汁甜甜哋 唔會覺得好溜 非常之惹味嘅開胃小食！😃😃煎餃 我哋嗌咗最基本嗰隻味 外皮非常之脆 而且佢入面嘅材料都好豐富 大大隻煎到金黃色 非常之好味🤩🤩

落雨都無減我地去食霸嗎拉麵嘅興致，除左我地，仲有好多人同我地一齊排排企等位。我地今晚9點幾先食野，雖然過左晚餐時間，但人潮好似都無遞減，不過好快就可以入座！（可能真係太好食太受歡迎）辛辣拉麵湯底好過癮，好惹味，雞湯湯底相對較清淡，兩者加埋又係另一番風味。拉麵好入味，麵身硬度適中，好喜歡這拉麵。炙燒豚肉極級肥美，盡顯霸氣！4大塊豚肉，鋪滿成碗拉麵，肥肉同瘦肉的比例剛好，肥瘦參半，肥而不膩，口感一流！

之前身體不好，公主一直要戒口食得超清淡最後終於稍為可以食濃味少少因為約咗車車去尖沙咀聽音樂會，所以就揀呢間看似不錯的拉麵店食一入到去，裝修好似日本，亦都好似日本餐廳咁，有冰水俾你斟圈圈圈，然後就揀咗個炙燒豚肉拉麵但因為仲未好返晒，所以被迫走筍，慘爺😫😫等左一陣拉麵就嚟啦公主習慣食個麵之前，呷一口濃湯嗯～豬骨味香濃，唔係嗰啲搵味精湯開水嘅味X拉麵😂😂得個咸字，完全冇黎特色😒😒不過如果佢可以比客人揀濃淡度就更好，因為公主覺得個味可以再濃啲，而車車就想再淡口啲果然各人有各人嘅口味要求不過公主喜歡佢係較幼身嘅拉麵，食落比較爽口，同時又可以黐住更多湯，正正子🤤🤤好喇係時候試吓佢嘅慢煮炙燒豚肉公主食到嗰舊比較多肥膏，係接受到嘅但公主相信唔係個個得🤣🤣🤣🤣慢煮的確令到豚肉好冧好滑，連肥膏都入口即溶之但係，炙燒嘅感覺又唔係好強烈🤔🤔係浸得響湯太耐？定係燒得唔夠呢？呢樣就真係不得而知，總之就係唔夠香口🙊🙊寶物沉歸底，味玉梗係留返最後食啦但好可惜，好似煮得唔夠身個蛋黃仲係有流質味道不錯的，如果再煮得熟返少少就最好總括而言：環境係有日本風情，湯底也不錯(當然濃少少會再好啲啦😅😅)。面嘅軟硬度適中，爽口彈牙。

今晚同朋友收工之後正諗緊食乜之濟，突然醒起呢間拉麵店早前好多人排隊，但見到當時已經9點幾，即管去碰運氣睇下洗唔洗排隊。去到嘅時候冇乜人直接入得，一坐低即刻睇下係乜先...拉麵種類唔多，不過好食嘅話賣一款就夠。最後同朋友叫咗一個招牌豚肉味玉拉麵同埋期間限定魚介豚肉拉麵。魚介豚肉拉麵一見到咁大塊紫菜見到好吸引呀！但點知原來係得一半，而且紫菜已經"un"咗... 湯頭偏咸而且飲落好似用粉開嘅感覺，豚肉好香，但有7成係肥脂肪。唯一拉麵麵質幾好，唔會太淋太硬。豚肉味玉拉麵呢個湯頭反而味道適中，但依然係粉開嘅感覺，而且唔特別，冇令人驚喜嘅感覺。豚肉冇魚介麵咁肥，大概３成脂肪，雖然偏瘦，但肉質幾淋。味玉都係普通流心蛋，冇乜特別。當落完order之後感覺到腳邊有野＂了了＂下但冇乜留意，但細看之下發現有隻蚊係鼓油碟上面！終於知道乜野係腳邊＂了＂我！到離開之後腳上已經多左幾點紅印。

星期五晚放工，同朋友約埋喺尖沙咀食霸嗎。其實一直都想食，但每次經過都好多人排隊，所以次次都放棄。今次的起心肝一定要食佢。夜晚接近九點，排隊的人龍都有成10米長，我哋排咗接近半個鐘，先入到去。鋪頭比我想像中細，但樓底好高，同埋啲裝修都好有日本拉麵店特色。點左個炙燒豚肉同埋一個雞叉燒白湯拉麵。雖然人多，但啲面好快到，個湯熱辣辣好正。面系幼面，所以掛湯能力高。叉燒好厚，脂肉分明。蛋系橙紅的流心，整體十分不錯。 朋友的雞叉燒有2大塊，肥大肉厚，湯就較清，但雞味都濃，佢好鐘意！最後食埋個抹茶雪糕，小小的木桶，好可愛。抹茶味都濃，加上紅豆，雪糕唔會太甜，剛剛好。估唔到食拉麵仲有得食雪糕，感覺十分不錯。一定會回頭再黎食！

今天晚上去看演唱會，所以便約了朋友在尖沙嘴一帶食飯。一直都很喜歡霸嗎拉麵，每次經過都大排長龍，應該是很不錯的吧。我們差不多6pm到了霸嗎拉麵，可能時間還早，所以等了5分鐘左右就有位子了！看了餐牌，拉麵主要有炙燒豚肉和雞叉燒，如果喜歡辣的還可以選擇辛辣味，最後我們都點了招牌的“炙燒豚肉味玉拉麵”和添加一個小食“唐揚炸雞”。點的時候和其他拉麵店一樣，可以選麵的硬度和其他配料的選擇。“炙燒豚肉味玉拉麵”到了！香濃的湯底已令我大流口水，食之前，記得要放一些炸蒜和一味粉，這些都放在每張枱的枱面，隨意讓食客按自己的口味添加。面的硬度跟我要的符合，用筷子一夾開玉子，裡面的流心蛋黃就像溶岩般慢慢的流出來，味道當然是滿分！要吃主角“炙燒豚肉”了！這塊豚肉真的很厚，炙燒已把肥肉溶掉，表面也燒到很香脆，肉身不會乾巴巴的，不知不覺已經把整塊食完！另外，小食“唐揚炸雞”我自己灑了一點黑椒粉，風味立刻不一樣！食下去的時候覺得炸雞一點都不油，值得推薦！

我同老婆每次都經過尖沙咀霸嗎拉麵常見門口大排長龍，我地又好想試喎，今日可能係晏少少啦，大約三點左右開始冇咁多人排隊，我地決定入去試下，但都要等太約十五分鐘左右。最終點了兩款不同味道的拉麵，一個係炙燒豚肉味玉拉麵另一個係雞白湯拉麵。【炙燒豚肉味玉拉麵】原汁原味，叉燒很大塊，表面上有微微炙燒過的，叉燒帶點微微焦香，脂肪比例平均，口感偏軟稔。湯底味道濃郁，質感濃稠，麵質我選了硬身，所以吃到尾都未算好淋。值得一讚就係佢既溏心蛋，層次分明味道足夠，最重要係非常之流心...超正!!!【雞叉燒雞白湯拉麵 】老婆最鍾意雞白湯或鹽味拉麵，所以佢選了雞白湯拉麵少油，麵要硬身。特色在雞叉燒，圓圓的形狀，湯底味道濃郁的雞湯味，令到碗麵提升不少。【唐揚炸雞】食拉麵其間還點多個小食，熱辣辣脆皮，皮脆肉多汁，雞炸得香脆而不乾身，食落口感爽滑鮮嫩，特別滋味。

During lunchtime, here's always lining up. We're quite lucky that no need to wait for long. Coming insides, the decoration is in Japanese styles and you are facing the kitchen and chef while you're eating your meal. Actually I'm  not a big fan of Ramen, but Bari-Uma totally changed my mind. Ramen can be good too if we have a good chef, haaaa. I ordered Kuroko-Ramen which  includes Japanese char siu and special garlic oil. Tonkotsu soup is super rich and delicious. Though you may see the portion

今次走到尖沙咀既霸嗎拉麵主要想一試最近既期間限定拉麵特濃魚介魚介豚骨拉麵呢間分店係第一次去入到去坐低先發覺裡面都裝修得幾靚話口未完 即刻點個特濃魚介魚乾豚骨拉麵再自行追加味玉魚介味道都算濃 但要記得混好湯入面既調味料先食會更加滋味塊叉燒大塊到好似塊扒咁中意食肉既一定要試下另外點左辛辣炙燒豚肉味玉拉麵中辣既辣度剛剛好食落好開胃就算麵既份量算多都唔會食唔哂叉燒都係大大件呢期有優惠所以再追加羽根燒餃子一份蛋花煎得岩岩好唔會太焦 裡面都唔會太乾

次次夜晚經過霸嗎拉麵都會見到超長人龍通常我都會排左10分鐘左右就會放棄因為實在太餓👉🏻👈🏻所以都係午餐時間先黎食啦😂叫左炙燒豚肉味玉拉麵🍜配豚肉味湯底識食一定食半肥瘦既豚肉豚肉味道夠濃仲好滑有d似東坡肉～湯底比較濃同好有質感，唔鐘意太濃味既朋友可以要試另一個湯底麵條彈牙雞蛋係半熟既溏心蛋🤗另外仲同朋友share 左個羽根燒餃子餃子果然永遠都係拉麵既朋友😆皮既厚度唔會太厚點少少醋食味道一流👍🏻