霸嗎拉麵 (金巴利道)

營業中

休息中

今晚同朋友收工之後正諗緊食乜之濟，突然醒起呢間拉麵店早前好多人排隊，但見到當時已經9點幾，即管去碰運氣睇下洗唔洗排隊。去到嘅時候冇乜人直接入得，一坐低即刻睇下係乜先...拉麵種類唔多，不過好食嘅話賣一款就夠。最後同朋友叫咗一個招牌豚肉味玉拉麵同埋期間限定魚介豚肉拉麵。魚介豚肉拉麵一見到咁大塊紫菜見到好吸引呀！但點知原來係得一半，而且紫菜已經"un"咗... 湯頭偏咸而且飲落好似用粉開嘅感覺，豚肉好香，但有7成係肥脂肪。唯一拉麵麵質幾好，唔會太淋太硬。豚肉味玉拉麵呢個湯頭反而味道適中，但依然係粉開嘅感覺，而且唔特別，冇令人驚喜嘅感覺。豚肉冇魚介麵咁肥，大概３成脂肪，雖然偏瘦，但肉質幾淋。味玉都係普通流心蛋，冇乜特別。當落完order之後感覺到腳邊有野＂了了＂下但冇乜留意，但細看之下發現有隻蚊係鼓油碟上面！終於知道乜野係腳邊＂了＂我！到離開之後腳上已經多左幾點紅印。