霸嗎拉麵 (金巴利道)

營業中

休息中

1. 雞叉燒辛辣雞白湯拉麵(適中、少油、小辣)（＄88)🌶🍜湯底偏濃味，但唔係「傑」身，個人覺得鹹左少少🙈揀左小辣，辣度岩岩好😁麵條仲要我最愛嘅黃色爽口彈牙麵身，叉燒有兩塊，雖然size偏細，好嫩滑，仲要鎖住湯汁👍🏻彤樂評分：8/102. 炙燒豚肉味玉拉麵(適中、少油)（＄88)🍳🍜湯底同樣濃滑，不過怕鹹高鈉嘅朋友仔真係唔岩試😂炙燒豚肉都好濃味又有厚度，不過幾韌，唔夠腍身，有點失望😔彤樂評分：6.5/103. 辣汁唐揚炸雞（＄38)🍗炸雞外其實係辣醬🙈真心幾辣，食第二嚿都忍唔住整款部份辣醬先食😆但外皮好脆口，入面肉質同樣好嫩滑，最緊要雞肉都有辣肉汁味，幾唔錯👏🏻👏🏻👏🏻彤樂評分：8.5/10

見冇咩人排隊就試一試啦，炙燒豚肉味玉拉麵（HKD88免加一，如果冇蛋就HKD83，本身唔太餓，但諗到加5蚊有隻溏心蛋就叫呢款，蛋仲意外地好食添！)嘅湯底的確幾好味，濃而不過鹹，唔會杰。麵嘅粗幼度算中間，都幾彈牙。溏心蛋冇切開，令裡面盡量keep到流心嘅質地，而且蛋醃過，本身都有少少味，幾驚喜。但可惜豚肉面有少少嚡，有炙燒嘅味道，都軟腍嘅，如果唔夾麵一齊食會有啲肥膩。筍有好少筍臭味，但算可以唔。美咪指數：7/10抵食指數：7/10

個晚係尖沙咀行街行到好夜，度度都收哂又last order左😟朋友話食過呢間拉麵唔錯，就去試下👍🏼去到差唔多11點仲好多人，要等一陣位呢度既拉麵選擇唔算多，只係每款既湯底可以揀豚骨湯，雞白湯或者辛辣湯。我同朋友今次都係揀左炙燒豚肉味玉拉麵($88)豚肉燒得好令，好大塊厚身，有少少焦得黎又唔硬我地叫左濃厚豚骨湯，個湯底濃得黎又唔算鹹，飲幾啖都唔覺口渴😅有少少失望既係佢原隻上既溏心蛋，咬開發現佢已經唔係好流心，有少少熟我地仲叫左一份小食:羽根燒餃子🥟($35)因為第一次食，朋友介紹話出面個層係蛋花，好神奇餃子燒得唔乾，都算幾好食👍🏼整體黎講，如果下次唔多人排隊，附近無更好既選擇既都會再黎食

久聞這間拉麵的大名，今晚因為早左收工，所以能夠不用排隊就入到黎食。這裏以炙燒豚肉拉面聞名，另外點了一個雞叉燒味玉雞白湯拉麵加鷄白湯味玉拉麵。灸燒豚肉玉子拉麵拉麵一到，即刻試下個湯底！嗯..濃厚豚骨湯底，灸燒豬腩肉燒得很香口，但是比較肥膩，都係交給他食。不過麵條硬度適中，配合蔥花，很入味的糖心蛋，還是很讚整碗都是酷愛重味肥膩食物的人既恩物。雞叉燒味玉雞白湯拉麵哩個拉麵勁得我歡心！市面上做鷄湯拉麵比較少，味道通常比較像罐頭或粉開的。這個鷄白湯是喝得出鮮味的，而且雞叉燒好厚身，又嫩滑，加埋木耳絲，濃郁的流心蛋 整體而言這間拉麵店水準極高！如果唔洗排隊，很值得黎再吃！

今日七點幾落住好大雨 霸嗎拉麵外面都排着長長的龍 出奇地 我哋喺出邊等咗大概10分鐘到 就有位入啦炙燒豚肉味玉拉麵🍜👍🏻豚肉雖然只得一塊 但係都幾大同非常厚 而且半肥瘦 唔會太肥膩 表面炙燒過 食落好香🤤👍🏻溫泉蛋簡直一流 一切開 蛋黃金黃包 生熟 度啱啱好😍👍🏻蔥同荀份量都適中 令到成個面冇咁單調😋👍🏻麵條嘅軟硬程度可以自己選擇 我揀咗適中 果然真係啱啱好😝-👎🏻唯一湯底令到我有少少失望🙁 濃厚豚骨湯—濃厚嗰部份佢係做到嘅 因為 都幾油 食落口感覺濃郁 但味道方面 我唔 係幾食到豚骨嘅味 好似只係鹹味🙈🐷: 成個拉麵整體上都滿意嘅😋但唯獨最緊要你個湯底等於令我有啲失望😞

尖沙咀呢間人氣拉麵店長期都排晒長龍，為免同人逼，我地就決定3點幾黎食，果然唔洗排隊雖然就話唔洗排隊，但呢個下午茶時段餐廳入面都坐滿晒人，可見其受歡迎程度如果成日黎食的朋友可以考慮做會員，又可以儲分，又送餃子一客炙燒豚肉味玉拉麵 ($88)秘製叉燒用低溫慢火煮超過10小時，再用明火炙燒增加油脂香，拉麵用上幼麵，可以自行選擇軟硬度，湯底十分濃郁雞叉燒味玉雞白湯拉麵 ($88)湯底濃到好似飲緊雞精咁，雞叉燒用卷的方式再切片做成，所以食落會一層一層咁，流心蛋蛋汁驚人，睇住橙黃色的蛋黃汁流出黎實在十分吸引

香港各區經常出現傳說中的－龍。龍是由無數的人排列而形成。出没於食肆林立的區域如: 銅鑼灣、旺角、尖沙咀等等......位於龍頭就是這間空降而至的－霸嗎拉麵。(可惜我位於龍尾, 滴汗......) 店內坐無虛席。除食客高談闊論外, 亦會聽到嚼食著的聲音。以主打拉麵為主, 餐牌上亦設有多款小食、飲品供食客們選擇。辛辣炙燒豚肉味玉拉麵 $93賣相非常樸素, 十足日本窄巷小店出品。筍絲、溏心蛋、日式叉燒無一不是精粹。湯底味道非常濃郁, 辣味刺激味蕾, 零舍開胃。豚肉賣相亦非常吸引。脂肪比例分明, 表面經火炙處理, 多添一份焦脆口感。口感軟滑細膩, 豚肉和油脂於口腔中慢慢溶化分解, 非常味美！拉麵型狀偏幼身。夾集著濃湯一同入口, 味濃且彈牙。一啖又一啖, 停不了。碗內無一不是廚師的心血。當然要一滴不留, 以示致敬。

尖沙咀間霸嗎拉麵基本上由朝到晚都要排隊等候，今日下午終於忍不住排隊都要試試！等了二十分鐘左右，就入到去了。樓底超高，而且坐位都幾寬敞，即刻飲杯冰凍檸檬水解渴。我繼續點了最出名的豬骨湯底，由於上次覺得炙燒肥叉燒超好吃，啖啖肉，脂肪的焦香非常惹味，所以點了特盛炙燒豚肉拉麵，加埋味玉！湯底幾濃，厚重脂香，油而不膩，配合軟身幼麵條好夾。不過非肉食大王就不要點，吃完兩塊厚叉燒，已經飽了一大半。男朋友今次另一出名的醬燜雞叉燒味玉拉麵，雞湯味非常濃厚，認真難得，他整碗湯都喝光，不過我就覺得雞肉不夠炙燒叉燒惹味，始終偏瘦，但和雞湯吃都不錯。小吃的沙拉野菜炸餃子🥟饀是肉汁多，味道亦幾濃，不過始終煎餃子香口和皮薄口感正啲，可惜我睇錯了以為這個是煎餃子。霸嗎拉麵真是好正，要食勻每間分店！

前排放工突然間好想食拉麵，就去咗尖沙咀搵到呢一間拉麵店，就入去試吓，之前好想試好耐，因為見到佢嘅叉燒同其他拉麵店有啲唔同，係長方形一片嘅，而且上面好似係燒烤過咁樣，望見都好想食。叫咗一個豚骨湯拉麵＄88，另外叫咗加蔥。拉麵上到枱果然同宣傳圖片一樣，叉燒好口好大塊，而且肥瘦個半。麵條揀咗中間嘅硬度，好彈牙， 湯麵裏面仲有筍乾， 留心蛋都好好食。至於個湯底就非常之濃郁，一定唔係溝粉做嘅，新鮮豬骨湯味，而叉燒上面仲加左一小 羹嘅辣椒漿，食落更加嘢味，叉燒唔會過鹹，最後湯都飲左一大半，雖然想飲晒但係可能太肥了所以冇咁做。

在尖沙咀一個人食晏最好就係食拉麵了，霸嗎拉麵來自日本廣島的過江龍連鎖店，店家招牌秘製廣島豚骨湯底和炙燒豚肉。平時晚上經過都好多人排隊，今日見到有位不用排隊就要試試了。坐底的時候看見員工正在自家製緊拉麵。日本直送飲品-- 信州蘋果梳打, 蘋果味道香濃，清新解渴。辛辣炙燒豚肉拉麵 (中辛、少油)喜歡食辣的我點了辛辣味，濃郁香潤的秘製廣島豚骨湯底果然鮮甜中帶著濃稠豚骨味道，中辛辣味不算太辣。拉麵我選了硬麵夾起一箸麵咬落去口感軟滑彈牙，加上秘製豚肉低溫慢火浸煮超過十小時，再以明火炙燒增添脂香，咬一啖入口融化，肥瘦適中，細意品嚐慢慢散發出炙燒厚切叉燒味道，我還加追了一份海苔和栗米粒。日本抺茶雪糕 抺茶雪糕上加了紅豆粒，食埋甜品已經好滿足了！

雖然剛去完一轉京阪神，感覺仲攰過平日返工， 推著bb車， 間中多雲有雨，原定嘅美食行程或餐廳都不能到達， 甚至乎買咗乘車pass都用唔盡 。剛上班第一日例牌要ot， 做完嘢之後經過尖沙咀， 突然之間想食拉麵，計埋今次應該係我第四次用餐， 最鍾意糖心蛋同埋炙豚肉 叉燒。今次叫了唐羽炸雞，炙燒豚肉味玉拉麵。炸雞35蚊一碟有五塊， 薄粉，冇太大火炸燶， 有肉汁炙燒豚肉味玉拉麵， 濃郁湯底， 有少少咸， 但我鍾意。 叉燒半肥瘦，唔會硬柴。 最重要係其他配菜如荀同蛋都一貫徹的好味道。眼見店外仍然有排隊， 雖然店員冇特登趕人，但香港地始終租貴，用餐時間寶貴， 所以食完就走,唔想阻住人做生意。

去舊公司探同事後, 在樓下見到平日很多人排隊的霸嗎拉麵人龍不長, 就趁機來試一試走進店子像走入了日本魚市場, 裝修帶濃烈日本風味, 彷彿下一步就有販子走出來跟你介紹今天最新鮮的魚 點菜紙簡簡單單, 不過望望 menu, 還真花多眼亂, 不同麵款各有特式, 心大心細. 點了最多人叫的灸燒豚肉味玉拉麵 ($88) 追加味筍及粟米粒(各$10), 一上枱有點打個突, 怎麼味筍跟粟米粒這麼大碗的, 還以為十蚊就只有小小份量的, 今餐要加把勁了平時的拉麵店那些豚肉叉燒都是薄薄的, 肥肉只有少少, 但這裡的卻有點似香港的五花腩, 肥肉佔了叉燒的1/3 ;  雖然如此, 但因為油脂經過炙燒變得香口,  加上經過長時間低溫慢煮, 豚肉軟綿之餘, 其實最肥膩的已經被除走,  咬下去就真的吃到油脂香軟而不是肥膏糊口了. 豚肉之外, 湯底也是精髓, 味道頗濃郁, 喝下去惹味但不會令人感到口渴, 喜歡濃湯的人會很享受; 還有那顆流心蛋, 是原隻上枱不是平日切開兩邊的做法, 在客人手上才即時夾開, 令蛋汁更加保持 juicy , 還可以混和香濃的豬骨湯, 好味道

網友話霸嗎拉麵好食，有原粒流心蛋，咁啱出巡尖沙咀，就黎食下。無叫豚肉，要左雞叉燒。新鮮炮製，所以都等左一陣。一上枱，第一時間飲左啖湯，零驚喜加少許失望，好咸似味精水，加少少麻油味。食啖麵又無特別軟熟或麵香... 🤷🏻‍♀️不過個精萃原來只在於隻流心蛋同雞叉燒果度。嘩，流心蛋由內至外都咁軟滑，咬開之後香濃既蛋黃一湧而出🤩 雞叉燒亦有新鮮雞味，香口得黎非常嫩滑 🤤 餸料咁好，但無靚湯底同靚麵配搭，真係好可惜，猶如最佳球員遇上豬隊友，踢唔到一場好波，令觀眾大失所望。搵一碗好既拉麵真係難，雖然唔算伏，但可以更好。紙巾用黎抹失望既眼淚😢

在尖沙咀上班，每天午膳時間「霸嗎拉麵」門口準有條人龍，雖知道它的拉麵好食，但要進內必須付上排隊的代價。今天我和同事下定決心，無論人龍多長都要排！以破釜沉舟的決心去食這碗拉麵。甫去到，沒有人龍哦？！進內後，又突然出現條長人龍，幸運是我們。是各種的人氣獎項，這店是挺出名的，難怪不少人慕名而來。特地印了叉燒的烹煮方法在紙巾盒上，令人更期待它的慢煮炙燒叉燒。我點了「炙燒豚肉味玉拉麵」。超大塊的慢煮炙燒豚肉，半肥瘦叉燒軟稔且肉汁豐富。我選了軟身拉麵，每根拉麵都索晒湯汁。粒味玉好好味。同事點的「特濃魚介魚乾豚骨拉麵」，湯底是勁濃的魚鮮味，帶少少腥，海鮮愛好者不容錯過。追加了「辛辣羽根燒餃子」，熱辣辣超脆口，辣醬刺激惹味。皮薄多餡。凍檸檬水任飲。..很滿足的一餐拉麵，湯底味濃，非常合我心意。「魚乾拉麵」更是出色，其他拉麵店亦鮮有這款湯底，希望下次光顧還有這款其間限定。

今晚點左個炙燒豚肉味玉拉麵，因為想食埋個溫泉蛋，蛋跟出面一樣好吃。但湯底濃，好咸，飲左幾啖湯，都係覺得味道太咸，蓋過其他味。豚肉厚身，油脂幾重，肉質係幾鮮嫩，唔差。但有d名過於實既感覺，比人吹大左。