露面手工拌麵料理

營業中

休息中

好開心終於能同好友一起飯聚，這間位於灣仔莊士敦道電車路的「露面手工拌麵料理」地點方便，現在舖頭人流不算太多，很多外賣電話，相信手工麵現場食是完全兩回事😁口水雞$58這碟口水雞有驚喜，雞質滑溜，椒香辣味慢慢滲出，後勁的微辣很醒胃。芥香麻醬雞絲粉皮$42芥香的味道真的很少，反而我覺得麻醬香濃，粉皮較為爽脆，混在麻醬汁很稠密掛在每根粉皮上再夾上青瓜絲立時感到清新解膩。老壇酸菜湯小雲吞$42湯底好濃郁酸酸味味夠鮮甜，小雲吞一口一啖，很出色！鎮店蟹皇拌麵 $98當然要試一試鎮店蟹黃撈麵啦，非常簡單利落的擺盤，整碗蟹粉倒落白麵撈上，口感非常豐富滿足，吃到有粒粒蟹膏和少許蟹肉，再加上少許醋，完全把蟹粉鮮味吊出來，個人喜歡再濃稠一點就更加完美。滑溜溜香芋鮮奶$28鮮奶底是沒有甜味的，加上滑溜溜的香芋蓉調在一起，變得絲滑。好鍾意香芋蓉溶化在鮮奶攪拌中一起飲。

限聚令數月，好友久未露面，叫佢揀間餐廳我哋一齊食飯，點知佢就好搞笑咁，真係揀咗一間叫做「露面」😂。餐廳size唔大唔細，但整體座位算係幾好坐，牆上有啲特色句子霓虹燈裝飾同得意壁畫，等嘢食期間都可以影下相，打返一兩張卡。秘製香糟醉豬手 ：朋友隨機搞爛gag揀嘅餐廳，坦白講本來期望唔算好高，但係一食完佢個醉豬手，竟然覺得非常驚艷。咬落去豬皮QQ又彈牙，豬毛清理得乾淨，而且個香糟汁真係食到勁重紹興酒嘅味，價錢又平過王x沙個d大型上海菜鋪頭好多，性價比值得一讚。油撥辣子滷肉Biang Biang 麵 ：好得意嘅名，令人忍唔住叫黎試吓，質感有啲似手擀面，但又比手擀面薄身輕盈，食落彈牙索汁。睇完餐牌之後先知原來呢一款面係黎自陝西，唔會好似傳統嘅手擀面咁厚實，加上大量油撥辣子滷肉汁，係幾惹味。白菜豬肉水餃：粒粒自家製嘅水餃，皮薄餡靚，中間啲白菜切得好碎，豬肉冇乜根，入口好juicy，😄😄味道唔錯得黎，小朋友同老人家都啱食。蜂蜜茉莉綠茶：隨餐附送嘅飲品，飲落唔會太甜，茶底嘅茉莉香都好突出，整體味道天然，接近天仁xx嘅質素。麻辣雲耳：雖然只係套餐入邊嘅小食，但係佢哋嘅份量都比得幾多，食落香脆，唔算太辣。

原本打算食鮮茄牛肉拌麵和飲它的雞湯，好似好健康。點知包外賣的姐姐竟然包錯，包了個麻辣牛𦟌拌麵。返到公司打開那一刻真係好無奈。來回換，一定過了lunch hour。只可硬着頭皮吃。因為我原本就吃唔到辣，所以只可用它送的湯洗走那些辣油。雖然我好似賺了，牛𦟌麵是貴些，但是當你唔享受它的食物，再貴給我都無用。我相信這間對我來說無下次。外賣回來的麵都黏到一餅，是除了雞湯是正常，但其實我都辣到吃唔出甚麼味道。

餐廳位於灣仔，正正就是 在我的家附近， 餐廳距離地鐵站路程需要三分鐘左右，地理上還算方便快捷。餐廳主打的就是手工，手工最值得人敬佩的就是全人手製作，每一分每一定也就是出自師傅的功夫，無需懷疑人手製作的就是這樣出色， 技術只會因為時間一代一代地流失，希望可以繼續承傳下去。食物方面，我點選的就是拌麵，其實剛剛過了最佳的食用季節， 因為現在是冬天，沒想到餐廳挑選最時令的美味，保存得十分好，最重要每一口也吃到用心制作味道。

晚市都有得選擇一人拌面套餐，有一個拌麵，一份小食同埋一杯飲品都只係82$👍🏻油潑辣子魯肉Biang Biang面熱辣辣即刻食，鍾意食魯肉嘅朋友一定唔好錯過～呢碗係有少少辣, 仲有啲油香～滑溜溜香芋鮮奶芋頭壓得好綿👍🏻，芋泥味道偏甜～巨峰茉莉寒天茶寒天有咬口，味道正正常常～老壇酸菜湯小雲吞酸菜湯非常夠酸😍 啱晒我哋口味，小雲吞入邊嘅肉汁都幾充足，肉都厚實❤️而啲雲吞亦都唔會浸得過淋，口感同味道都係中上水平😍芥香麻醬雞絲粉皮重口味之選，呢間嘅麻醬非常濃澀，加埋芝麻粒都幾香，配上粉皮食就啱啱好～

今日同朋友黎左灣仔食左間簡單拌麵☺️Menu簡單清淡易睇😆我地叫左2個拌麵同啲小菜share食🤡首先一個鮮茄牛腩拌麵呢個感覺好fresh好健康🤗茄味都好夠濃😜牛腩炆得岩岩好😇另外一個葱油拌麵！呢個葱油味好香 但又唔會太重味精味！覺得呢到啲麵都幾彈牙🤡一啖駁一啖食唔停😆小菜係細碟既！有雲耳 同醉雞😚小小辣都幾滋味🥰另外呢到既飲品都係特別啲既！一杯凍既巨峰茉莉寒天菜 好香既茉莉味🥰另外一杯熱檸蜜😘好健康感覺好養生🤗

OT完在附近買外賣返公司食完先返屋企, 唯有搵間好吃的餐廳令自己心理平衡些。這間餐廳平時中午已經有人龍, 因為他們專做 “新鮮” 手工麵, 一食就知同坊間機做的有多大不同, 一食真的會愛上! 耐冇食就心癢癢外賣始終賣相爭一點點, 幸好公司近, 麵質還算保持得挺好, 沒有變成一餅麵, 而且我挺欣賞他們把麵及湯分開盛, 這樣回到公司麵條都不會變成糊狀物, 唯是有點不環保….鎮店蟹皇拌麵 ($99)這個湯麵真的必食系列, 麵條是陽春麵底, 有一份蛋香而且口感順滑蟹粉丶蟹肉及蟹油比例調配出的黃金比例，每一口都是又香又濃的蟹膏味! 真的是平民價嘆出色的蟹皇拌麵!麻麻辣辣牛展Biang Biang 麵 ($69) Biang Biang 麵是陝西的麵改良版, 薄身及幼身了, 可以掛到汁, 而且咬下去比蛋麵更有口感, 十分爽滑! 麻辣鮮香,秘制香槽醉豬手 ($56)紹興香糟汁酒香撲鼻, 好似有帶點果香, 外皮很爽口, 咬下去像食緊一口一口有膠質的 Collagen! 杞子還帶一點點甜香, 也給我乾淨的吃完了秘製香槽醉雞 ($56)大愛香槽, 忍不住叫了醉雞! 雞皮不肥, 忍不住會連皮食, 紹興酒已入

露面拌麵面料理星期六嘅放假日又係同女朋友飲飲食食嘅好機會，如果行開附近見到一間新嘅餐廳當然係又要一試啖啖酸菜魚套餐個名真係冇講錯原來真係分量超多嘅酸菜魚而且酸菜嘅湯底做得非常之好唔會太過酸同辣七彩雞絲拌冷麵哈哈我哋上枱真係超級正因為有五顏六色就好多嘅蘿蔔絲同埋青瓜條造成加上伴冷麵清新又好味又健康野生松茸鮮雞湯依個湯超級值得推介，因為佢哋嘅雞湯味都幾龍，而且絕對係老火製作，見到佢哋個湯底都真材實料有松茸同鮮雞件秘製香槽醉雞用花雕酒造成嘅醉雞，雞肉質地嫩滑而且充滿花雕味絕對係一個唔錯嘅前菜巨提茉莉寒天茶係佢哋飲品都好吸引，佢哋寒天份量好多食落口好似啫喱一樣口感十足蜂蜜茉莉綠茶蜂蜜在加綠茶，佢哋嘅茉莉味特別濃整體餐廳都提供左一個性價比幾高嘅午餐，絕對一讚

～～～之前大舊同朋友食過呢一間餐廳嘅蟹黃麵食完之後話好食 同我哋之前喺上海食到嘅味道好似 所以今晚夜晚收工我地就過嚟食晚餐黎到之後見到餐廳晚市都無需加一幾抵食而且雖然已經天都黑晒 但係啊姐姐仲俾我哋叫午市限定嘅套餐 超好人 ～～～我哋叫咗秘製香糟醉豬手 一碗滷肉飯 另外加一杯蜂蜜茉莉綠茶 豬手好彈牙 凍凍地 食完感覺好舒暢 而且仲有啲杞子喺上面 感覺好養生 滷肉飯就唔係好油膩 啲飯粒都幾好食 而且最正就係啲肉唔算好肥 食落去都唔會覺得好有罪惡感 仲有半粒入味滷蛋 同花椒八角調味 正～～～食食下又見到佢哋個餐牌有啖啖魚肉酸菜魚配 Biang Biang 麵 而且又送多一杯嘢飲 都係$68 見幾抵食就叫一個試下 酸菜魚裡面有豆芽 酸蘿蔔 酸菜同鯇魚 整體調味都唔錯 不過要小心有骨 $68算係抵到爛嘅價錢 食食下仲聽到佢哋話酸菜魚已經冇晒 睇黎應該幾好賣 而Biang Biang 麵就好似雞絲粉皮d粉皮咁 幾light😄😄 ～～～雖然佢哋份量幾多 但我哋今晚真係好肚餓 所以我哋之後又叫多個同鎮店蟹黃拌麵 講到鎮店咁勁 對佢好大期望 好彩食完之後都冇失望 麵條好彈牙 蟹黃汁啖啖蟹肉 確實係會令

晚市冇得堂食嘅日子實在嗎維持得太耐，日日煮飯都唔知煮到食咩好🥱。今日就抖返日，喺公司附近嘅一間麵店@biangbiang.noodle 買埋外賣返屋企同屋企人食，要感受下外食嘅感覺😆。.📍蟹皇拌麵（$99）全店最貴嘅一個麵🍜，不過食落都係有啲失望☹️，橙色嘅蟹皇汁見到有少少蟹肉絲🦀，但食落偏鹹，食唔出鮮味。比起其餘2款麵佢嘅味道冇咁突出仲要差唔多貴一半😱，草根覺得唔係咁值。📍鮮茄牛腩拌麵（$59，轉biang biang 麵+$3）原本係配幼身拌麵，轉biang biang 麵加$3🤞🏻。呢個款麵真心有驚喜❤️，成個味道非常濃郁而且牛腩煮得軟腍入味，份量都唔少😆。加上蕃茄酸酸甜甜真係非常開胃🍅，麵身幾滑，同時闊身嘅麵條可以沾滿醬汁，堅好食😋，個麵值得推薦🍜👍🏻。📍傳統開揚蔥油拌麵（$39）呢款麵雖然最平，但味道都唔差，蔥油味濃郁得嚟唔會膩，配上幼身拌麵唔痴口又唔會過腍，都幾好食😋，雖然喺冇餸但食落唔會寡😚。📍巴蜀粒粒大雲吞（5粒）（$36）雲吞的確幾大粒， 麻辣味非常強烈而且食到一粒粒一粒嘅麻椒，食完餘韻都仲喺到🥵，鍾意麻辣嘅應該會食得好爽🌶。不過草根就認為除咗辣味之外，本身雲吞舊肉冇乜味

比起湯麵我更鍾意食拌麵✌🏻而且呢度嘅拌麵仲有好多種汁選擇蕃茄牛腩拌麵食落口味偏甜～～鍾意食甜味既朋友岩晒蕃茄一啲都唔酸牛腩炆到好入味滷肉飯～～～肥瘦比例適中而且啲餸真係鋪滿晒成個飯面仲有半隻滷蛋添跟埋呢個巴蜀口水雞係一個套餐餸同埋主食兩種口味啊冇諗過可以放埋一齊滿足左我兩個願望個口水雞仲可以揀辣度雞肉仲做得好嫩滑熱情果寒天～熱情果味超濃郁呢個係跟拌麵餐嘅前菜陳醋云爾～～超開胃唔想飲甜既～～轉咗做燉雞湯

依加晚市無堂食，只有外賣。早前放工後，順便係附近的食店買外賣返屋企食，不想食飯類，去了露面手工拌麵料理買麵食。見到餐牌的蟹皇拌麵 Hairy Crab Meat Sauce Noodle 好吸引，決定試下。蟹皇份量不少，混入麵中，所有麵也能掛上蟹皇。入口有香濃蟹皇味道，麵質軟硬適中。也想食韮菜豬肉餃 Small Chives Dumplings。餃皮吾會太厚身，餡料豐富。叧外，點了兩款小食。秘製香糟醉雞 House Special Drunken Chicken秘製香糟豬手 House Special Drunken Pig's knuckle兩款冷盤也帶有酒香味，又帶少許甜味。豬手皮夠爽身，完全吾覺油膩，而醉雞肉質幾嫩滑。

📍灣仔特色麵店 · 平民價嘆蟹皇拌麵🤤💖 -- 露面手工拌麵料理🍜•===========================前排經過灣仔見到新開咗間主打手工麵嘅小店😆除咗傳統麵款之外，仲有唔少加入fusion元素嘅麵🤤‼️頗有新意幾吸引之餘，價錢亦唔太貴～當中最吸引小編莫過於係佢哋嘅鎭店名物🤭------------------------------⭐️鎮店蟹皇拌麵（$98）蟹皇同麵係分開上，可以根據自己喜好將蟹皇倒落麵🤤用大閘蟹肉同蟹黃製作，味道濃郁，鹹鮮十足，而且完全唔會腥！🤭擔擔麵份量好多，軟硬度啱啱好，食落略帶煙韌，掛汁力強😋撈埋蟹皇啖啖鮮味超滿足🤤以呢個平民價食到蟹黃麵真心抵食！有機會再嚟試下其他麵款👍😆------------------------------賣相：7/10味道：7.5/10性價比：7.5/10回頭度：6.5/10------------------------------店舖資料名稱：露面地址：灣仔莊士敦道55號地舖前往方法：灣仔站B2出口

最近灣仔新開左一間專門係食麵，餃子等小食嘅店舖，用蟹來做主題，非常吸引，亦都很高級。餐牌方面選擇多多，最後揀咗啲外賣帶返屋企慢慢嘆鎮店蟹黃拌麵$98呢款食物係非常豐富，有非常多橙色嘅蟹黃，鮮味十足，果然係鎮店之寶，裏面嘅麵亦都有上湯分開另上。醉雞$58 雞方面非常香滑，醉雞個味道較為清甜，如果鍾意食比較甜味重少少就比較適合。醉豬手$55好有彈性而且唔會太韌，入晒味而且都係同樣口味偏甜，鍾意食甜味醉酒就啱啦！瑞士雞翼$36唔好睇佢個顏色咁深，其實真係正常雞翼嚟嘅，瑞士味道都香喔。

食過一次之後覺得呢一間性價比好高，而且食物質素唔錯，所以變成其中一名回頭客。蟹黃撈麵我相信如果響出邊連鎖嗰啲上海店食呢一個蟹黃拌麵真係唔平，但係呢一度平平哋就食到，而且味道唔錯。蟹黃嘅份量好多，麵條煙韌，攞嚟過吓口引真係非常值得。魯肉拌麵呢一個就覺得如果堂食會好啲，因為外賣拎到返屋企佢嘅肉汁已經比啲面索晒，有啲乾。但係佢有一碗清湯送，如果嫌太趕嘅話撈埋個清湯都幾好食。魯肉嘅份量唔算好多，適中。酒糟豬手呢一個屋企人食得好開心，尤其是我老竇。個豬手好香酒味，而且已經好淋。麻辣口水雞呢一個真係有啲料到，我媽咪食得好辣都覺得辣，但係撇除佢嘅辣味來講佢嘅雞肉好嫩滑，不錯。香芋鮮奶聽人講佢嘅香芋鮮奶做得好好飲，果然冇介紹錯。我會因為呢一杯香芋鮮奶再嚟幫襯。