露面手工拌麵料理

營業中

休息中

食過一次之後覺得呢一間性價比好高，而且食物質素唔錯，所以變成其中一名回頭客。蟹黃撈麵我相信如果響出邊連鎖嗰啲上海店食呢一個蟹黃拌麵真係唔平，但係呢一度平平哋就食到，而且味道唔錯。蟹黃嘅份量好多，麵條煙韌，攞嚟過吓口引真係非常值得。魯肉拌麵呢一個就覺得如果堂食會好啲，因為外賣拎到返屋企佢嘅肉汁已經比啲面索晒，有啲乾。但係佢有一碗清湯送，如果嫌太趕嘅話撈埋個清湯都幾好食。魯肉嘅份量唔算好多，適中。酒糟豬手呢一個屋企人食得好開心，尤其是我老竇。個豬手好香酒味，而且已經好淋。麻辣口水雞呢一個真係有啲料到，我媽咪食得好辣都覺得辣，但係撇除佢嘅辣味來講佢嘅雞肉好嫩滑，不錯。香芋鮮奶聽人講佢嘅香芋鮮奶做得好好飲，果然冇介紹錯。我會因為呢一杯香芋鮮奶再嚟幫襯。