K11呢個新商場真係好靚，爸媽第一次黎，就book左呢間中菜同佢地食，因為仲可以望到海景 裝修得好靚好西式，仲有吧枱，但原來食中菜，呢種反差我好中意！燈光又浪漫，同情人黎食都好值得！ 我叫左個涼菜鮮椒海鮮匯，酸酸辣辣，侍應介紹原來單單個汁就用左二十種新鮮辣椒蔬菜熬制，難怪味道好獨特，加埋我中意既海鮮（南澳帶子、緬甸白蝦及和迷你八爪魚），個底仲有萵筍，爽脆入味啊！ 然後係蒜蓉蒸蟶子，有四大條，好新鮮，蟶子好肥美，唔會有沙，上面d粉絲索晒所有汁嘅精華，海鮮迷一定要叫！ 話明我係海鮮迷，見到宮保蝦球當然要叫，蝦球係緬甸香蝦，肉質鮮甜爽脆，總共8大件，好大隻！味道少少接近咕嚕肉，但唔酸，反而係甜辣，配上辣椒同乾花椒，炸好蝦球後配上醬汁，好開胃，出面好少食到，連腰果都好香脆。 最後叫左個回鍋肉炒飯，粒粒分明，好多回鍋肉係面頭，自己可以撈均，就會更入味，唔辣的，但好香，會令人引唔住一碗接一碗食，分量都唔少。 最後當然要食碗甜品先完滿意，出面d冰粉只有黑糖，但呢間餐廳d冰粉有好多料，除左底有黑糖，仲有山渣、提子、花生！冰粉仲唔會好唏，所以好有口感，要一人一碗先滿足. 總結係一定會回頭，價錢以呢個景呢個食物質素，加上係k11 musea黎講，我講得唔貴啊！呢到仲有outdoor 位置，唔食野都可以飲野！good !!

又到紀念日，次次都係西餐/日本野，朋友介紹左呢間鐵板燒，仲話有海景睇，性價比高！ 我哋每人叫左個最平既鐵板燒，如果大家budget 多d可以叫貴d,貴d當然食材更高級，如果另一半唔想食燒嘢，其實佢可以叫鍋物或者Omakase，呢間餐廳都有提供。 前菜係日本溫室蕃茄同枝豆，睇外表好似平平無奇，但真係特別甜又特別爽口，而鮟鱇魚肝都幾特別，無內臓味，反而酸酸甜甜，好開胃！而季節沙律就係煙三文魚，都唔錯！ 食完就睇師傅表演，佢會先俾啲食材我哋睇，隻龍蝦仲係活生生，好新鮮呀，望住師傅好純熟咁去煎啲食物，唔知點解覺得好療癒，而且同我地隔左少少距離，唔怕比油彈到！ 不得不讚每道食物嘅擺盤都好有心思好靚，會配一啲蔬菜，見到師傅用啲龍蝦蝦頭嘅膏黎炒龍蝦肉，遠遠都聞到香味，雖然每人只係食半隻，但原來份量都幾多，啖啖肉，大滿足！ 而白鱈魚煎到兩面金黃，小小脆，再配埋季節蔬菜，色香味俱全啊，估唔到煎魚都可以咁滑。 A5和牛薄燒 未煮前已經見到啲牛雪花分布得好靚，我哋揀咗五成熟，入邊捲左啲炸蒜片同蔥，成件事好香口，但又唔會油膩，用塊麵包托住，一方面可以吸油，另一方面亦都可以夾住麵包食，有種高級三文治嘅感覺。 之後有個牛肉炒飯，炒得好香，粒粒分明，正當口有啲乾嘅時候，店員俾咗頭先個龍蝦頭煮嘅麵豉湯，個龍蝦頭仲有啲蝦膏同肉，好鮮味。 最後有個激濃奶味嘅牛奶布甸作為甜品，可惜冇砂糖多士，唯有下次再食啦。

☺️我想介紹呢度好味高質又舒服的餐廳比大家，佢有幾間分店，呢間就係利園二期內，所以環境好寧靜架 Ninetys 既裝潢、燈光、食物都特別設計過，亦都用咗好多食用花去修飾，令到食物都變得唔單一同埋吸引💕 Fine🍸Japanese Scallops Ceviche 擺碟好精緻，佢係用日本帶子一定有品質嘅保證，將帶子刺身同食用花一齊食好特別同清新 Casual🍸Piggy Piggy in Casual 係用多殼包夾住慢煮厚切豬，前者有嚼勁煙煙韌韌；豬肉厚實有咬口，同平時食嘅好唔同， 加埋清新既沙律，成個Burger都變得輕盈 Casual🍸Beef Cheek 慢煮嘅和牛面頰同下面嘅薯蓉都好軟淋，紅酒、黑松露都滲入其中，味覺好豐富 Casual🍸Black Truffle Pasta 店員服務好好，佢介紹呢款呢通心意粉，食落會有特別嘅口感。咁幼細既意粉都可以通心好有趣，啲黑松露醬汁亦係內外沾住 Dessert🧁Melty Cheese 雖然整口都是芝士但口感鬆軟，仲有檸檬同乳酪的混合🧀️ 因爲係即時整，一定要趁熱食就冇咁膩 ☕️除左食之外，佢既咖啡都係享受單品，鍾意既朋友試番杯呀 呢度自然又健康，混合多國的菜色帶黎驚喜，大家嚟到記得好好享受同埋欣賞呀💕

一向好中意食台灣菜，最近又無得去旅行，就搵左呢間新台灣餐廳，環境幾好又乾淨，食物擺盤又靚，K11內算中價，仲有個送餐機械人幾有趣，值得寫文推介。 叫左個小食墨魚腸拼台式香腸，墨魚腸份量比台式香腸多一倍，味道相差唔遠，但台式香腸肉味重，相對比較油膩，但配蒜片食就剛剛好，個人好中意蒜，所以叫店員拎多份蒜，唔錯! 跟住叫左個花雕藥膳雞捲，係藥膳既配搭下，酒味唔會太濃，應該係雞脾肉，好滑又唔肥，又唔會雪得好凍，好食! 主菜叫左櫻花蝦油飯，一黎到就嗅到好香，有唔少櫻花蝦，一開始以為份量好少，但原來碗底幾深，兩個人分無問題，個飯好香口，食唔停，好念念不忘。 同男朋友一人叫左杯飲品，我叫左個奶蓋黑糖珍珠奶，珍珠好出色，煙煙UNUN，奶蓋都幾香濃，男朋友杯奶蓋茉莉蘋果比較清，佢話好飲呢 最後其實飽了，但見佢甜品種類多，又叫埋個桃膠牛奶湯圓，好滋補既感覺，唔會好甜，湯圓有花生同芝麻兩種味!

同朋友食過幾次覺得唔錯,今次同屋企人去食，佢地都覺得幾好，價錢又唔貴。 叫左馬拉盞炒椰菜苗，好惹味又大碟，炒完出黎仲好翠綠，推薦!其實仲可以選擇蒜容/飛天(辣)，不過屋企人唔食辣椒。 另外又叫左個咖哩軟殼蟹多士盒，個咖哩係唔辣果種黃咖哩，而且好重椰香味，有少少甜味，沾麵包食好夾，跟原隻軟殼蟹，啖啖肉，炸粉唔算太厚，連咖哩食唔乾，我地另外叫左白飯，咖哩汁好好餸飯，好快KO一碗。 跟住又叫多左個小食炸蝦餅，有6大塊，炸粉薄而脆，同泰式辣椒真係絕配，推薦!最後埋單$250三個人，好合理價，一定會再回頭，佢仲有D抵食午餐。

棋哥一向好出名，但一直都冇去試，今日見約咗幾個食肉獸就去試下，我哋叫咗個熏蹄同海蜇，首先要讚兩樣嘢都唔會雪得好凍，好爽口，熏蹄更加係唔算好肥！ 跟住就當然要試吓呢度最出名嘅荔枝木燒鵝，我哋四個人要咗半隻，份量好夠，雖然我唔知咩叫荔枝木，但係真係食到種木嘅煙熏味，啲汁甜甜地，啲肉都夠林，唔會好乾，而且個皮先係重點，佢唔係話好脆，但係好好咬口，燒鵝真係必食！ 之後我哋叫咗個例牌叉燒同燒腩仔，叉燒半肥瘦，估唔到都幾出色，肥瘦適中，唔乾，燒腩仔好脆口唔會太咸，我哋一人叫左一碗白飯，K.O.晒，而且價錢都唔算貴，可以回頭。

好耐之前食過The Pantry，覺得幾好食所以佢結業事我都好驚訝好彩佢而家又重開就急不及待約朋友去試吓。 首先叫咗個黑松露芝士汁薯條,份量好夠,芝士汁比得好豪爽，配埋啲黑松露，基本上呢個配搭係無敵。 呢個係iron grilled flank steak,$188,都有好多塊，而且五成熟嘅狀態，令到佢依然好有肉味，配埋香草汁同個肉汁，成件事好夾。 Chicken & cheese quesadilla $72,呢個又係好推薦，因為本身好鍾意食墨西哥餅，呢到個牛油果醬好出色，好好味。 最後當然必定會嗌個pancake，我揀咗Tiramisu味，同以前一樣咁好食，好有空氣感，但又唔會太濕，又好啱打卡，而且Tiramisu味唔係到到有得食。

一向都麻麻地任食火鍋,因為覺得啲料好差，但係朋友極力推薦呢間就試咗，叫咗個阿嬤養生鍋，火鍋清清地，有少少藥膳嘅味，入邊有啲紅棗、杞子、蟲草花，單飲好似湯，不過唔緊要，因為佢調味料嘅選擇多，而且好衛生，唔記得咗講佢入場前要先酒精消毒同量體溫，安心d!

我哋要左最貴嗰個和牛套餐，因為佢都可以選擇安格斯嗰啲牛，變咗選擇好多，咁當然要食返夠本啲和牛，牛味好濃郁，脂肪比例好均勻，估唔到任食都有呢啲質素，而且睇返個價錢性價比好高！
正想講好想飲啤酒，估唔到呢度連手工啤都有，同男朋友叫咗一人一支，店員推介女仔飲愛羅武勇，甜d果味d!山霧就木香d,两杯都吾錯！$58only

如果唔飲酒都唔緊要，因為佢有好多台灣飲品，甚至係自家冷泡茶，飲品櫃隔離就係蔬菜區同丸類，全部都係自助嘅，但一樣衛生，而且唔會擺到啲食材乾晒，我仲見到有台灣肉藻飯食。

iPad入邊仲有啲貴啲嘅食材，例如海鮮，花膠，水蓮，全部都大件又新鮮，總之呢間我係一定會回頭。

住旺角嘅朋友帶我嚟呢間日式串燒店，我先知道有呢間鋪，因為佢嘅位置真係太隱蔽，佢嘅裝修有啲似日本嘅居酒屋。雖然係賣串燒，但係入邊唔會太多油煙味，食咗幾次之後成為左飯堂。 入邊有好多唔同嘅清酒俾我哋配串燒，佢嘅清酒杯都有好多唔同嘅選擇，聽講係店主特登係日本採購。 嘢食方面，除咗Menu上嘅嘢食，仲可以提前落order，好似燒喜之次，或者係靚嘅牛扒之類，都可以提前同店主預訂。 等我推介幾款每次必食嘅野！ 燒鳥尻~~ 燒雞尾，非常嫩滑，咬落去除左雞肉，更有脂肪的質感，香濃雞味 店內名物-日本五花豚肉包青葡萄卷，非常適合的配搭，青葡萄燒過之後仍然很多汁，香甜的味道令豚肉更出色。 仲有燒牛舌同雞內臟，不過唔記得咗影相。

今日同朋友weekend食lunch~放假梗係要食好D啦BOOK左銅鑼灣既鮨幸期待左好耐呀 我地2個人～一入到去就安排左我地坐卡位  環境好好呀 成間鋪都係係用木做主題 坐BAR台仲可以望到師傅既手勢 第一時間梗係睇下有咩食啦 我地簡左omakase sushi Set 12貫＋卷物 $448同埋和牛'當'$268 點左無幾耐～第一樣送沙律 呢個沙律好好味 有D蘆薈粒係上面 好清新，我印象中既蘆薈都係苦苦地 不過佢係好清甜 好想食多幾粒  唔洗太多調味，但食到樣樣食材都好新鮮 食完周圍望下 發覺佢有個天台露天AREA好靚 夜晚係出面食應該好正 而家就秋天涼涼地 但中午都係留係室內好D 跟住就係茶碗蒸，唔係講笑呢個蛋好滑溜溜 超高質  佢上面放左一層獻 味道岩岩好唔會太咸或者唔夠味 入面仲好足料，有魚有蝦有冬菇 有樣不知名既魚 味道好似三文魚 勁重魚油味 好鮮甜 自製薑片同WASHIBI～ 終於上主菜壽司啦 由左邊數起係帶子、平政魚、秋刀魚、池魚等等 店員提我地要由左邊開始食到右邊，但中間秋刀魚要留到最後因為味道比較濃 每件壽司力度都握得岩岩好，而且飯好細舊 料對比起係好多  帶子完全無雪味 加少少醬油已經好提鮮  平政魚淡淡地無咩味 勝在好柔軟  池魚味道比較出，但呢系列都係味道唔會太濃既魚，好味！ 最後不得不讚係秋刀魚 其實我好怕食秋刀魚好多鋪頭點整都腥腥地 唔腥之餘 食到正宗既秋刀魚，原來係超好味嫁！連質感都係好軟熟  中意食刺食既 會一改你對所有魚類既印象 由左邊開始炙燒吞拿魚腩、大拖羅、吞拿魚壽司、甜蝦壽司、安康魚肝壽司、馬糞海膽壽司 一上菜馬糞海膽、魚肝同甜蝦都超搶鏡 足料得好誇張 海膽一放落口 同日本食到既海膽一模一樣味 仲要軍艦下3分2都係海膽 成個口都係海膽既感覺超幸福 炙燒吞拿魚微微燒一燒 好香好吸引食慾 大拖羅入口即浴 吞拿魚似即劏即食 甜蝦係好水嫩甘甜 魚肝好多 入口甜甜地而有肝既獨特香味！無一樣可以彈 卷物係吞拿魚蓉金鉑手卷，中間吞拿魚蓉加左粒粒類似醃羅白 翠既紫菜配埋個口感幾得意 黎埋個和牛飯，中間溫泉蛋撈埋一齊 配埋本來肉質肥瘦剛好既和牛 好JUICY啊 加埋個飯汁同埋好多菇類做配菜 成個飯都好好味 不知不覺會食好多！ 麵豉湯加入左幾似類似條狀豆卜 吸滿碗湯既精神 仲有粒大蜆係裡面 食到呢度已經勁飽 仲有碗細細暖烏冬 好彩兩淡就食得完 最後甜品有得簡曲奇或者芝麻，雪糕唔算好濃 冰凍既雪糕岩岩好清晒所有味蕾 做一個好好既午餐總結 總括黎講 鮨幸真係好高性價比 下次一定要黎食飯餐 坐佢個露台位！