陳根記 (已搬遷) 新店位置

兩個上海朋友來到香港，一盡地主之誼，帶他們品嘗特色美食。他們指定要食中菜，好幾間有名氣的食肆給他們建議，居然女朋友V小姐要求一嚐香港的大排檔，她說多次來港都沒機會見識，是晚務必一試。因工作關係他們住都沙田帝都，若大排檔可選的不外乎禾輋、乙明或火炭，最後選了這裡。剛考是假日，食客滿多，但這亦正是大排檔的特色；點了好幾味陳根記的出名小菜，避風塘賴尿蝦、辣油花螺、墨魚丸、燒鵝及豉油皇炒麵；前三者普通，反而燒鵝及豉油皇炒麵比預期為好，筆者連盡三大碗炒麵，可想而知。始終來到大排檔，熱氣的食物應配啤酒，而大家亦喝了不小，談笑甚歡。服務方面始終是假期，人手比較緊張，要叫喚多次才有反應。兩個朋友對這裡甚為滿意，他們更覺食物亦是難得的美味，我這個地主亦為安慰矣！笑臉有部份是由這兩個朋友來的。後話：居然翌日仍是大排檔，但他們居然大讚更美味，詳情要留意日後傳的食評。

行完山終點係沙田，又要搵地方搵食。鹵味併盤-80蚊好大碟，勁抵。鵝肉、大腸、墨魚….等等，我估有10款之多，好入味，好過一般的打冷舖。焗魚腸-有唔少魚腸，我覺得味道淡了些，老豆還食到有點苦味。生炒骨-炸得唔脆，排骨又乾又實，又唔夠甜酸味。風沙雞-勁咸，雞肉好”鞋”。椒鹽軟殼蟹-雖然夠熱辣，不但唔脆口，而且又諗又濕，咬下去有種諗pat pat 感覺。蒜茸炒白菜仔-好老，不知是否白菜仔不當造的關係。仲有叫了幾碗白粥，佢o地話好似煮得唔熟，有D生米。可能做街坊生意，老闆唔憂做，其出品每況下愈。

食物都幾新鮮，有得雙拼，可以食多幾款，我同女朋友兩個人都可以食到八樣野，唔錯。肥牛、帶子冇驚喜，黑牛柏葉、鵝腸、田雞好新鮮，豬肚湯底夠入味。不過始終都係大排檔，衛生差d，仲有d伙記有聾聾地囉！

帶了媽咪及阿爸去試, 叫了蠔仔粥($3x) - 蠔仔唔夠大隻, 又有味精!羊腩煲($6x) - 羊肉偏肥, 味道偏鹹, 但份量足夠.煎蠔餅($3x) - 即叫即煎, 好香好脆, 唯一一樣好味.

星期六(21號晚)兩個人黎試左晚飯。原本0個晚咁凍，都唔係好想黎食，第一，因為要由新城市行過黎，都幾遠。第二，天氣凍食大牌檔肯定仲凍。不過見佢一心帶我黎食，就下佢囉。好快有位，坐低左，洗哂野，諗緊食咩時，阿姐話要我地轉檯，真係唔想轉，因為洗哂野，同佢講話叫佢幫我地拿d洗左0既野去新0個張檯，佢居然話唔駛。攪錯呀，而家係佢要求我地轉檯，我地洗哂野，唔想再洗佢居然話唔駛拎？仲有呀，轉左張新檯時，0個邊好大風。後來費時嘈就算，轉左檯再洗過囉。叫左椒鹽軟殼蟹、西蘭花炒花枝片、豉椒炒蜆、兩個靚仔。d野食ok啦，但如果專登黎就唔值囉，而且佢0既價錢都唔平架，呢度係大排檔ja喎，又凍又唔好坐，招呼仲要咁。如果0個日佢唔係咁0既招呼，會俾高分d。

o係呢度食過兩次晚飯,都係好大班人(超過24人).由於有friend識老板娘o既關係,所以每次都係老板娘發辦,同埋留定檯.之前一直都唔知呢檔咁出名,o係呢度見其他食家講先知原來咁多人幫襯!試過o既菜式都好多:琵琶豆腐,墨魚餅,椒鹽九肚魚,雞粥,糯米飯,燒味拼盆,牛肉粉絲煲,香妃雞,西蘭花帶子,金銀蛋菠菜,魷魚拼大腸,蒜香骨,蒜蓉炒白菜,生炒骨,煎蠔餅.炭燒豬頸肉,羅漢齋煲,楊枝甘露,馬豆糕,芒果布甸,芝布甸等.基本上味道ok,有鑊氣,不過偏鹹,碟頭好大,多到食唔哂!甜品味道用料都唔錯.呢度真係好多人,上次幫襯大約係夜晚十點半,全場滿座,如果唔係留定檯一定有排等!同埋冬天來食就ok,夏天食都幾熱!

d菜炒到全碟都係水d炒蟹係幾抵食既, 但其實都係冇肉仲有d墨魚丸好咸....不過你同我去食飯, 所有唔好既野都抵既hahahaha

約了朋友去沙田品茗，又見天氣開始轉涼，晚上便來了這裏食飯。我們叫了砵仔焗魚腸、琵琶豆腐、酥炸墨魚球、京都骨、蝦子柚皮、滷水鵝片和生炒糯米飯。砵仔焗魚腸- 相信一早做好，再返焗，但又焗得唔夠熱，令中間比較凍，味道只是一般。琵琶豆腐- 明顯比之前差了，外皮炸得過脆，好在豆腐味還比較好。酥炸墨魚球- 新鮮炸好，可惜沒有墨魚味，比較上又粉，麻麻。京都骨- 味道保持一樣"禁"好，送白飯會好。蝦子柚皮- 唔夠稔，味道也好一般，明顯比之前差了，實在可惜。滷水鵝片- 味道一般。生炒糯米飯- 雖然不是生炒的，但味道都算幾好，而且價錢又平，分分鐘比桃花園還要好味。今晚好多人，唔知係唔係這個原因，食物明顯比較一般了點，希望下次會好點吧！

10 時後特價, 碟碟$29好鬼抵乳鴨唔熱, 一般般芝士豬扒, ok 大碟, 夠林招鹽雙魷, 鮮魷幾正, 仲有一個咩魷(我估係干魷)咩魷硬到食唔到, 不濟!!

去大排檔吃飯，從來都是一班人或三五知己傾下計、隊下啤，好少會玩二人世界，今次破下例啦！人少食量亦好有限，二個人叫菜最多三個起四個止，我們叫了紅燒乳鴿、枇杷豆腐、豉椒炒蜆和雞粥。雞粥的粥薑味濃郁，可惜雞肉不夠滑。豉椒炒蜆很抵食，$38 份量十足，但有些蜆比較多沙。紅燒乳鴿端上槕時不夠熱，所以有點失色。枇杷豆腐做得不錯，大件夾抵食，但可惜對於兩口子來說，份量是太多了。那兒的罐裝加士伯很抵，$28 有六罐，拍得住超市價錢，鐘意隊啤就最適合不過！個人認為，其實到大排檔吃飯最重要是吃那熱鬧和無拘無束的氣氛，大家開開心心傾下計、隊下啤，快樂就是這樣簡單！

同朋友星期六晚去禾輋大排檔食飯, 一行六人,點左8個餸。發現陳根記水準差左...下次都係去隔離X園食好D...食左以下咁多樣野:椒鹽吊桶-- 俾D唔新鮮又大舊既吊桶我地,梗係又硬又唔入味啦!南乳炸雞塊-- 如果唔係有碟南乳俾我地點,我都唔知佢有南乳味...不過炸得夠脆,免佢死罪!魚頭煲-- 個人唔鐘意食, 但d朋友話麻麻...最重要係,太大舊, 只可以將魚頭分成兩邊,得兩個朋友食到!豉椒鵝腸-- 初時唔食,食下食下又幾好咬口喎....香蔥炒肉蟹-- 完全係搵笨!! 話名肉蟹, 緊係多肉架喇!!但佢一d肉都冇,食到條脷"鞋"晒都啜唔到佢d肉出黎! 我朋友話呢d根本只係水蟹!! 同個待應講,佢就推三推四話係咁架喎!田雞粥-- 成煲粥都冇味.................. ......腐乳通菜-- 不過不失煎蠔餅--- 呢個等到我地食完所有野都未黎,仲要追左好多次先到, 不過, 佢係物有所值的! 因為佢好脆,又多蠔而且都幾大粒,好好味! 唯一一樣係good架囉!汽水15蚊6罐(最後都只係飲左4罐), 清島14蚊一支(兩個男仔隊左), 嘉士伯女郎24蚊半打(多數人唔飲啤酒,所以抵都冇叫)

早前又去沙田朋友家食飯，我們還是去這裡買外賣。我們買了枇杷豆腐、京都骨、蝦子柚皮和蠔仔餅。枇杷豆腐- 豆腐香滑，口感一流，很出色。京都骨- 醬汁好味，肉質鬆軟，很入味，送飯很好。蝦子柚皮- 很，很入味，辣椒女的至愛；可惜蝦子唔多，如果唔係就更加好了。蠔仔餅- 蠔仔味唔多夠，而且拿回家又須要一段時間，因此唔夠熱；而且比較上太乾身。如在那裡立刻食，相信會好好多。沙田區雖然好多食店，但大部份都比較普通；食過好幾間，也沒有多少間有印象。

昨日一行四人到來, 叫了個海鮮餐, 有魚蝦蟹咁, 仲加了蒸扇貝同風沙雞!先來個菜, 預左多油, 但都ok! 接住的生炒骨, 脆口都算幾好, 但太細舊無肉食!跟住再來風沙雞, 明顯係翻炸, d 肉又鞋又un, 隻雞又無味, 失敗, 難食!然後來蒜蓉蒸蝦, d 蝦醒, 味道普通, 豉油又要自己落!跟住仲有薑蟹, 未食過咁難食的, 明顯係整定左好耐, d 蟹肉又醒又霉, 食淨成碟!豉汁蒸倉魚, 全晚唯一ok 的海鮮類, 食得晒!好了, 套餐$238 的食送, 難食d 可以接受丫, 但另外加蒸扇貝, 前所未有咁醒, 好唔新鮮, 實在接受不到!咁的水準, 求其搵間酒樓都好過佢喎!

2005年5月7日，我和小公主天使二人途經沙田，順道光顧這間出名的大排檔。可能時間尚早（18:45）而且人數不多，不用等候便可即時入座了。我們共點了四道菜式：椒鹽鮮魷：外層香脆，而魷魚則軟滑且不乾身，可惜的是師傅好像忘了加入椒鹽調味，完全沒有味道，但幸好魷魚的鮮味還算不錯。豉椒炒蜆：很惹味，蜆也很鮮，不錯不錯。蒜蓉粉絲蒸聖子：聖子的鮮味感很強，很配合清蒸的製法，若能加點豉油熟油可能會更加美味。避風塘辣蟹：這是四道菜式中最貴的一款，但也是最差的一款。蟹合共有兩隻，而且每隻的大小也只跟拳頭相若。不過我想先表揚一下伙記的服務態度，原因是在落單前，伙記已清楚告訴了我們蟹的大小，並問准我們是否接受。我很滿意這種老實的作風。回說該道菜式，他們是先把蟹炸脆，再加入炒香的蒜頭碎一起炒。這跟正宗的避風塘炒蟹完全不同，既不香口，亦不惹味。避風塘炒蟹的靈魂便是那些蒜頭辣椒等香料，但這道菜式郤偏偏缺了它該有的靈魂。雖然製法及味道令人不太滿意，不過蟹的鮮味還是可以。總結：雖然有些菜式的製法令人失望，不過材料郤很新鮮，而且味道也相當不錯。另外，伙記的待客態度也不差。這當然還是不能跟酒店或其他高級餐廳的相提並論，不

曾經聽說好味夾大碟，必選陳根記，看來好像只對一半。要說好味，椒鹽魷魚實屬必點，要說鑊氣，炒飯都算不俗；唯大碟就真是不敢恭維，四個大男孩喊六碟都只是僅僅滿肚，價錢又不是特別便宜，如果不是經過那裡，真的不需特別入新界來一試。