陳根記 (已搬遷) 新店位置

退步左d 係咪太多客做唔切呀?

焗魚腸:個面好,食落... 我嫌sang左d, 一向幫襯開o既屋企人都唔覺得佢好食.椒鹽九肚魚:炸得好,唔會太多粉,今晚仲好大件頭.小籠包:細佬之前食過話好,但今晚d皮厚o左d. 但有肉汁,都幾好味.雞粥:唔知係咪冇晒粥,即刻再滾,粥底唔係太棉.芝士焗豬扒: 個芝士汁完全冇味,本人極唔buy. 不過亦有人話好食... $29一碟, 係抵gae. 不過以前d質素好d喎. 唔知係咪成十一點d廚眼訓呢?

今日入開沙田決定黎試下呢間大排檔兩個人叫左一碗糯米飯，琵琶豆腐，醬燒大風鱔同沙嗲牛肉粉絲煲糯米飯($8)最先上但唔熱只係微暖幸好味道唔錯(差唔多檯檯都叫一碟呀，好似係$28)有幾多花生同蔥花舖面但略嫌油左d食完個碗全部都係油熱晒都未黎送琵琶豆腐好大碟有好多件(見相)外表脆入面軟滑食到有少少陳皮絲味道夠得黎唔太鹹加上熱辣辣好好味可惜係墊底既津白唔甜點左汁都無味鍾意豆腐既朋友一定覺得正醬燒大風鱔～朋友仔話根本係鰻魚黎汁都似係鰻魚汁魚炸得脆但魚肉仍然滑加埋d汁好食但略嫌入面唔入味不過又真係幾大碟雖然55蚊但都值既起碼係新鮮鱔片嘛唔係食廉價日本食肆o個d急凍貨好似我咁鍾意鰻魚或者鱔既人一定要食沙嗲牛肉粉絲煲相對地普通ｄ牛肉明顯用梳打粉醃過加上比較上細份過其餘兩味幸好味道夠得黎唔會太濃粉絲吸左汁之後好好食可以啦但我下次會選擇試其他囉註：（１）因為年近歲晚，佢都有自家出品既糕餅包括蘿蔔糕，芋頭糕，馬蹄糕同年糕佢檯檯都拎左少少俾人試黎預訂試左少少蘿蔔糕同芋頭糕可能佢煎得個皮脆脆地兩樣都幾好食但相對地芋頭糕較出息本來想訂架但因為平時好少入黎沙田唔想又要專登入黎拎咋（２）有心黎食飯既人真係要早ｄ未到七點

前兩晚係到食晚飯,叫咗:排骨炒河,蒜茸炒豆苗, 炒聖子勁好味道個聖子仲係加辣個隻呀@好得呀@個炒河唔會好多油,好buy 啦@而我最欣賞個菜好清,雖然係炒都可以好清呀!强呀@因為好快就new year係落order時仲請我哋食年糕,蘿蔔糕呀!好好味呀!唔係好貴ja!

0係沙田唔識陳根記就好似唔係沙田住咁(笑)。好老實, 質素都幾參差, 同幫襯開既朋友一齊食, 同一個禮拜內可以有好大既分別.....可以咁講, 一係繁忙時段, 或果日有馬跑, 但不能作準.....睇你好唔好彩啦.......

今晚和朋友一行三人去食晚飯,本來想食小菜,但朋友說這麼凍不如打邊爐啦!我想又未試過在這裡打邊爐,就試啦!先來兩碗腊味糯米飯- 幾好味,正!雖然不是生炒的,但我也很喜歡.之後我們叫了香茜皮蛋和胡椒豬肚雙拼湯底- 沒有香茜味,像皮蛋清湯底;反而胡椒豬肚比較好d.吊桶- 麻麻地,沒有什麼味道.羊肉片- 太瘦,味道又是麻麻.鱔片- 叫做最好的一碟, 幾香鱔味,唔錯!帶子片- 都叫ok,但唔多新鮮.蘿蔔- 一來便唔開胃了,又菸又黑,食落又多根又無味,差.家鄉魚滑- 又係麻麻,沒有魚香味,口感都叫可以.在這裡食過最差的一次,我想還是叫小菜好味d.(價錢唔算平,但食物很差.)要一題的是,那位買甜品的小姐,不停在你身邊問你食唔食甜品,我已好聲好氣的說了五次話.她不久後又來問你要唔要甜品(第六次),我好氣的大大聲的話;我都無佢咁好氣,真係比佢氣死.難道問多幾次就會要的嗎?這只會叫人煩嘛!

d 野好味又抵食，芝士豬扒特別兼有香濃芝士味，一定要試，椒鹽瀨尿蝦成隻都好脆d腳最好味!!!不過地方就唔多就腳，因為是大排檔落雨就唔好去啦!!

They provides more special dishes than ordinary food stall but in HIGHER price with SMALLER portion.Moreover, their special dishes are not tasteful at all. Why go again ?

上個月去左食, 兩個人叫左個$123二人餐, 蒜茸蒸蝦~得蒜頭無蝦味, 好淡, 炸乳鴿~都算ok, 牛肉抄菜心~牛肉好滑, 但個汁都幾杰, 同埋好多油, 仲包兩罐野飲, 總括o黎講都只係好普通

同朋友o係沙田食飯，友人介紹陳根記，於是大膽一試。來到時已經坐滿一圍枱枱人。招呼尚算可以，由於大排檔關係，大家點了幾樣招排撚手香口小菜，包括炒聖子、鵝片、粉絲扇貝、避風塘炒蟹、辡酒煮花螺、鴨舌、九菜豬紅等等。其實這間大排檔，唔係話佢唔好食，但就真係好細碟，我地一行六人，叫碟鵝片例牌，花生冇都算啦，豆腐卜都只係得兩塊，鵝片就得八塊...扇貝就8蚊一隻(早知返大陸食好過)。而九菜豬紅拼大腸仲衰，應該係前面加兩個字，滾水九菜豬紅，老實講，味道好「清新」囉！尤其是見到o的出水豬大腸，滑溜溜軟綿綿的，或者叫做白灼豬大腸會好點。鴨舌我們是要椒鹽的，但食落就好似油浸後隔硬加些椒鹽...。避風塘炒蟹，只得兩隻蟹，細隻係預o左，都唔好離譜到冇肉食，我並非甲殼類動物喎。煮花螺算好了，每人有兩隻，冇沙，算不錯。總括而言樣樣餸都細細碟，有點似平時酒樓碌卡送的小菜，不過凡事總有例外，炒碟小白菜未好大碟囉，不過係等了兩個鐘才有果隻。順帶一提，如果唔係一大班人，點都唔願意叫野飲，十蚊三罐可樂，不過係印度出產，仲要係擺了兩隻果隻，可知利錢甚高，坦單差不多六百蚊，你話抵唔抵，我會話，咁o既價錢，o係同區可以食好o的。唔

昨晚去個friend屋企, 例牌到陳根記加餸. 蝦子柚皮係必點菜式之一, 未試過桃花源的無得比較, 它是我暫時覺得最好吃的柚皮. 因為煮得剛剛好, 唔太焾唔太硬. 而且蝦子份量亦不少. 另一個必點的菜是琵琶豆腐, 這是老公的摰愛, 做得比出面的軟身, 不會過實. 這裡的京都骨相當唔錯, 肉質鬆軟唔黏牙, 而汁的甜酸度亦控制得宜, 不會酸到嗆喉或甜到膩口. 桂花餅(墨魚餅)亦是推介菜之一. 整體來講是間有水準的大排檔.

昨晚我和太太去朋友家吃飯,來這裡買外賣!買了枇杷豆腐,京都骨,蝦子柚皮和桂花餅(共$164),全部也幾好.值得一試.

原來呢間野咁出名，已有十幾個食評外，o尋日星期日6 點半去到，已經坐無虛席，一排幾間舖位俾佢霸晒，仲愈夜愈多人。真厲害!而且侍應唔太多，仍然可顧及大場面，一叫即到，非常有效率，好過其他酒樓，就算冇咩客，都扮睇唔到你。傳統的大排檔，果然好夠鑊氣，食了9碟小菜都幾有水準，仲好夠份量tim。生炒骨同椒鹽九肚魚-夠晒熱辣香脆；川辣雞煲-雞件吸晒d辣汁，夠晒辣好刺激，d汁要o黎送飯就更加正；香煎腐皮卷-好多，可惜一夾好容易散，如果再煎香少少更加好；香妃雞-叫了半隻都好大，不過雞肉唔得滑；蟹子柚皮-有唔少蟹子，仲有好多西蘭花伴碟(如果爐爐一定好like)；其餘的金銀蛋菠菜、腰果炒牛柳粒同椒鹽賴尿蝦都中規中矩。6個人食了9碟，1打啤酒都係$430，以咁o既價錢，十分食得過，仲係抵到爛tim!

服務勁好喎,d阿姐好親初架!d嘢食食過三次係fd介紹o既!越多人食就越抵架!同埋可以試多幾款餸我recommend 粟米班腩,炸大腸超勁好味呀!如果平日去,點一道菜，會送一罐嘢飲，可揀啤酒或汽水.真係好好好抵呀!但係假日會比較多人喎!不果d阿姐點都會幫你揾到個位為止o既!簡直抵讚的大排檔!

如果你平日去的話，你點一道菜，他們會送你一罐嘢飲，可點啤酒或汽水。