陳根記 (已搬遷) 新店位置

去得大排檔, 都唔會要求好好服務. 但呢次既感覺實在係太差.首先佢根本就唔夠人做野. 每次想嗌人黎寫野都要幾分鐘先叫到埋黎, 叫親每個伙計都話"等等! 等等!" 跟住無左件事. 試過有個企得比較遠既伙計見到我地揮手, 竟然口up up 鬧我地(聽唔到聲唔知佢鬧乜, 但睇口型表情唔方係好說話). 喂大佬, 你忙你唔埋黎咪算囉, 唔使鬧我地掛? 食客嗌伙計都有錯?! 我覺得你唔夠人就唔好開咁多枱, 開得咁多枱就請番多D人囉.食完, 有個餸無黎, 叫左位阿姐埋黎叫佢取消. 佢死都唔肯, 話入廚房睇下如果整好左就即刻拎出黎. 我話我地飽喇唔食喇(其實最主要係夠鐘想走), 佢竟然好晦氣咁講: "你飽你當初又嗌咁多!". 連我D朋友本來唔出聲都頂唔順佢語氣咁惡劣, 話佢: "你唔駛咁既態度既!"真係好好笑囉. 漏單已經係佢地唔o岩在先, 竟然可以惡過個客之後再嘈多幾句, 佢都係唔肯取消. 朋友為左息事寧人, 答應要埋個餸. 最後攞碟餸出黎時阿姐仍然係口up up, 猛話我地唔o岩. 碟餸我就唔敢食喇, 都唔知有無"加料" ..........讀書時因為地點關係, 成日幫襯. 都算對陳根有D情意結

大排檔來講環境算好好, 起碼地方叫乾淨, 地面冇濕漉漉.大部份菜式都只是3x-6x一碟, 非常抵食.要了醉香雞, 烏頭, 金銀旦菠菜, 炒蜆, 羊腩煲, 焗魚腸, 水蟹粥. 每一樣都幾好味, 有鑊氣, 是大排檔應有既水準. 要挑剔的是炒蜆都幾多沙.連埋兩打啤酒每人都是$80, 平到呢....

闊別左5年既陳根記...尋日帶男朋友黎試...味道依然不減當年...我地得兩個人...唔可以叫太多...淨係叫左廈門炒米,咕嚕石班,同埋西蘭花炒花枝3個"送"...價錢又平...又大大碟...又好味...食到我地兩個飽到死咁走...我地仲叫左3罐7喜添...埋單都係120蚊...真係超抵...真係好耐都未試過d咁好味既小菜啦...不過最衰兩個人可以叫既款式實在太少...可以既話真係想全部都叫晒黎試下...下次要試下d海鮮...再下次又要試其他...真係日日黎食都唔厭呀...正!!!

幾好食..d 野食幾好食好平.好岩學生仔黎食.不過上菜好慢同d waiter 好少.有時要等好耐.有次叫個炒飯等成9個字問waiter.waiter 先同我地講未炒..不過幾好食就真!

經過沙田一日遊後, 終點來到禾輋大排檔醫肚, 粉絲中蝦煲調味不錯; 燒鱔甜而肥美; 田雞卻有點失色......不過這兒是很值得再來覓食的地方! 期望再試另一些海鮮!!

尋日同屋企人一行4人去試下依間大排擋...叫左-鼓汁蒸大鱔,蝦醬抄通菜,西蘭花鮮尤,魚脯煲,貴花餅,蒜蓉蒸中蝦,田雞粥..樣樣都好好味...我第一次試個蛽花餅..原本諗住一定好炸好多油..但食落又唔係喎...豉汁蒸大鱔值得推介...d汁真係好好味...4個人食咁多野叫埋飯+汽水埋單都係$313..真係抵食...

某年某月某夜,來自四川臥龍保護區的國寶,由一群使節伴隨,途經一茶寮,茶寮雖簡樸,但人聲沸頂,觥疇交錯,好不熱鬧.舉杯未過三巡,國寶率先發功,以媚眼加笑靨,令傳菜嬸嬸笑逐顏開,在魔法下不期然添湯加茶,不另收費,厲害厲害!一隻雜食熊貓,輔以五位食力相當人物,八菜一湯是少不免的:蝦子柚皮:賣相一般,但口感不俗,汆水足,苦澀味輕清,但質感仍在,數十塊錢一碟,與西苑或桃花源比較,以價論貨是可取的.炸雙丸:一道原先只能單拼的菜色,經俊男及國寶遊說下,改為鯪魚球拼墨魚丸,鯪魚球配蜆介汁及墨魚丸配甜酸醬,彷似劃上等號,魚味濃郁,可口彈牙,作為一道熱葷,是合格有餘.醉香雞:碟頭足,但品嚐下是冰鮮貨是意料中事,可惜肉質結實,酒香過猶不及,可惜.冬菜蒸鯇魚:意想不到的出色,清蒸時間拿捏得相當準繩,肉質嫩滑,淡水魚的通病---泥味,亦絲亳感受不到,醬油亦偏向輕柔,出色之作,至今記憶猶新.焗魚腸:始終以金山的魚腸夠先聲奪人,此處只可用平平無奇來形容,但畢竟是一道長期有捧場客的小菜.薑汁炒芥蘭:當造的菜永遠是最可口的,嫩綠爽脆,薑汁在葉莖間打轉,帶出絲絲果甜,在味蕾間跌宕,既討好又健康.時光荏苒,又是起程的一刻,

本人很喜歡小炒和大排檔食物, 今次與男友去佐禾輋大排檔陳根記搵食。叫佐西蘭花炒花枝片、豉椒炒蜆、生炒骨同煎蠔餅。即叫即做, 基本上味道ok , 有鑊氣,碟頭好大,多到食唔哂!

成年無黎幫襯過, 尋晚同朋友兩個人黎開餐, 九點幾去到, 依舊人頭湧湧, 問阿姐有無位, 答案係"無呀, 除非搭檯啦"! 好在啱啱隔離張檯既好心大叔聽到阿姐咁答, 二話不說即刻同阿姐佢要埋單讓張檯俾我地坐, hehe!我地叫左鵝片, 椒鹽鮮魷同粟米班塊鵝片- ok 啦, 不過不失椒鹽鮮魷- 我只係食左兩舊, 因為肉質有d 梅粟米班塊- 唔知點解有一種說不出既好好味, 呢碟完全清哂!!! 正!仲叫左兩支啤酒, 埋單朋友俾, 所以唔知幾多錢!

20060807久不久都鍾意去陳根記食小菜，因為地方夠大，十足的大排檔風味之餘尚算清潔，而食物就又平又好食。同大熊兩個人，正值劇集時段，同大熊選個電視靚位就叫：（1）粉絲中蝦煲中蝦好大隻，啖啖肉！而數量都唔少，好好味！（2）薑蔥抄蟹一座小蟹山，份量比其他食店多（可能係其他食店少），蟹件劈得都幾細，易咬，不過味道略咸。（3）豉汁蒸鱔鱔片好薄，而且油實在太多。連汽水x3 埋單：二百有找食物味道或份量一向都唔會令我失望，即使間唔中都會有一次半次的「太油」，但整體都係令人滿意。而以大排檔的服務來講，呢度算好好啦。

前日同bf入左馬場..順道去'陳根記'食晚餐..都差不多一年無去食啦....叫左:1.鼓汁蒸大鱔<=好味..因為我好鐘意食魚..海鮮果d2.鼓椒抄大蜆<=麻麻地...勁多空瞉3.蝦醬抄菜心<=d菜心好大條,應該剪細條d..4.粉絲蟹煲<=完全無味..同無乜肉食5.2碗白飯2個人埋單$180度....

相信很多食家只知陳根記晚市的小炒，不清楚原來她們都有早茶點心供應！禾輋街坊幫襯這裡的早茶已二十多年了，而筆者幫襯這裡的外賣排骨盅頭飯可追溯至二十年前，可想而知歷史挺悠久。這裡晚市及早茶是兩個老板，大家每人施於其職，而因晚市業務為主，故案頭廣告較小看到有關早茶的宣傳。是日忽發奇想，跑回來回味一下這，仍是普洱及一盅排骨飯。食味已經跟以往差得遠，現在用了雪藏排骨，就算醃料味仍蓋不到雪藏味道；而飯底仍是一慣的濕潤，還是不太接受；普洱茶葉不是好的貨色，但以不收茶錢來說，都不能多多要求。附近環境說真是不太好的，前晚晚市有部份垃圾仍未處理；而點心及開茶是自助式，但若要招呼阿姐都會主動幫忙；價錢真的是很相宜，份量足的盅頭飯才十二銀錢，其他點心才六七八塊多。講真這裡的盅頭飯的食味是不敢恭維，但街坊茶檔，始終都有點點情意所在；另外坐在這裡有個好處就是總會碰上所熟悉的街坊朋友，會經過跟你放放風，吹吹水。

今日星期六要早啲落去食飯,因為過左六點半會好多人。今晚食左菜芯炒班腩,啲魚仲透明,有啲唔熟要亞姐拎去再炒過。豬骨粉葛湯就好重唔知係胡椒定薑味,有啲辣。椒鹽排骨好正。豆腐煲就不過不失。

今晚又一齊食飯...七人叫左十幾樣....好似餓左幾日咁!1. 燒鵝, 例牌...雖然例牌但都幾多...熱既...食左一件...都幾淋...不過..無食皮!2. 炒聖子炒蜆....食左一隻聖子...好濃味...相信會有好重味精....唔敢再試...不過...家人好快數哂...應該唔錯!3. 雞...唔幫你切既雞....試左一件...都幾有雞味...不過...好油!4. 蒸鱔...薄薄一片...唔太肥味..不過..都滑!5. 蒜子浸菜心...呢個叫左兩次...因為菜心灼得岩岩好...而且蒜子俾我食哂...正!6. 清炒西蘭花....嘩....好油呀...點食呀!7. 蝦乾炒蒜芯...我無食...因為見到好油, 唔敢掂!8. 乳鴿...無食...老爺話好味!9. 炒魚咀....家人試左...話唔好味...剩左一大半!10. 海參柚皮, 海參幾難食....柚皮唔夠淋!11. 最後...楊枝甘露....幾足料...不過太甜! 榴槤布丁....唔錯...幾滑幾香!送埋汽水...叫埋啤酒同兩個飯...埋單每人100唔駛, 真係幾抵....!整體都幾好既..不過...夏天就真係太熱, 食風味多!

12/8(六) 7pm逛畢新城市後,與男友去禾輋大排檔搵食.前陣子都是光顧樂園,今次試試陳根記.夏天果然是大排檔的淡季,無需等位,晚飯黃金時間只得8-10枱客.想食餐較清淡,2個點了咸魚茸炒白菜仔$29,琵琶豆腐$35,薑蔥魚腩煲$42,泥鯭粥$18碗.咸魚茸炒白菜仔--份量十足,咸魚炒白菜-炒得不油膩,咸魚的咸魚滲入白菜仔內,佳作!琵琶豆腐-1碟10多件(最後要打包),豆腐炸至微脆,內裏的魚肉及莧菜餡均新鮮!薑蔥魚腩-魚腩份量頗多,獻汁亦似乎過多,因而惹味欠奉.幸而肉質挺嫩滑.泥鯭粥--份量適中,粥底軟綿帶魚香,沒下味精;泥鯭4小條亦屬鮮甜沒腥味,挺滋味!服務一般.埋單$124,男友嫌整餐太清淡,自己倒覺得食味不俗!可以一試!