267
117
45
電話號碼
26061390
開飯介紹
划算與創新菜式是陳根記受歡迎的原因,招牌菜Wasabi手撕雞辣而不嗆。 繼續閱讀
獎項殊榮
最優秀沙田開飯熱店 (2011-16), 最優秀開飯廣東菜館 (2015)
營業時間
今日營業
18:00 - 01:00
星期一至日
18:00 - 01:00
付款方式
現金
其他資料
酒精飲品
電話訂座
室外座位
食評 (491)
等級6 2018-11-19
1295 瀏覽
近來多了在沙田一帶走動,晚餐不時在區內解決。沙田食肆主要集中在新城市廣場, 都是些千篇一律的集團式連鎖店, 總不想離開屯門也是光顧那一堆品牌食店,每次來到都寧願走遠一點尋味, 而我的目標是舊區當中的屋村食肆。說到沙田,以前是乳鴿 、雞粥的天下,也曾試過為「沙田雞粥」慕名而來,但近幾年來這兩大名物表現有下滑的趨勢,反而是一提到沙田的大排檔,陳根記那響噹噹的名字就會出現, 想起來一直未有機會見識這家, 就趁今天來到陳根記見識一下。對於外區人而言,要離開新城市廣場尋找美食,第一感覺就是不知從何入手, 但其實不少名店跟市廣場距離不遠, 例如前之前到訪過的盛記麵家位於瀝源邨,離新城市廣場只有五分鐘的步距而已。 只是陳根記要比盛記麵家距離更遠一點 ,雖然乘坐公共交通工具前來也不難,不過為求方便加上不用跳錶還是乘的士前往。來到了禾輋邨, 一字排開都是具有港式風味的舊式屋邨,那是回憶的感覺,說到底我倆也是在舊屋村長大的,雖然是久違了卻是熟悉又親切。 在正中央處,那居高臨下的,燈火通明的,就是鼎鼎大名的「陳根記」。 裏面已經密密麻麻地坐滿了食客, 人多勢眾的關係未見其人先聞其聲, 遠遠也感受到哪種人聲鼎沸、熱熱鬧鬧的氣氛, 心想我倆是找對了地方。像這種大排檔的盛況實在是難得一見,食物質素此刻已是其次了,心裏有說不出的興奮。採自助落單形式,好處就是免收加一,一貫大牌檔的做法,但搬到新店以後便要加一了。陳根記每日都有一款特價菜式, 而且看起來都不是大路行貨, 像這天就有醉翁烏頭凍食($60), 就跟潮式凍魚的做法差不多, 不過加入黃酒醉醃,吃起來多了一重味道。這烏頭魚魚身不算太大, 不過兩個人食用已是綽綽有餘。以 黃酒、椒絲、魚露醉醃, 酒香清香不嗆,但未算太過入美, 而烏頭魚亦不是新鮮貨色, 只是才六十元的菜式也不要太苛求 了, 其實味道是很不錯的。而全晚最紮實的一道菜式就是梅菜扣肉煲($72), 別看它是多麼的其貌不揚,至少沒有用上冰鮮五花肉, 扣肉雖然未算嫩滑鬆化, 但肉香是相當對版的, 汁醬用來拌飯十分滋味, 只嫌梅菜的份量有點太吝嗇了。附近不遠處就是龍華酒店, 不過陳根記的專長不在乳鴿, 就不要對它的出品有太大的期望, 純粹就是想吃的時候便點吧! 這兒的紅燒乳鴿($42)用的是BB鴿, 身型瘦削肉不會多, 燒乳鴿的油溫不足, 若不襯熱食用,放涼了連微微的脆感也會消失,吃起來有點靱而且肉汁很少, 也沒有太多的肉香, 如此定價大排檔來說是過高了, 某些酒樓定價還不如這兒的貴,但水準卻比這兒高一點點,還是建議不要點紅燒乳鴿好了。及第粥($28)算是能維持大排檔的水準, 粥底挺綿滑,生滾的關係保留了豬雜的鮮味, 豬肚、豬心、豬肝算是新鮮, 味道倒是不錯的。吃到一半,發現陳根記的菜式雖然定價不貴,但分量是有點偏小。知道芥末手撕雞是台店方名物,便加點一客例牌來試試。大排檔通常以鑊氣菜式為賣點,但陳根記卻以一道手撕雞打出名堂,是有點另類的說,不過回想起來小時候去吃大排檔,孩子喜歡吃的口味總不脫菠蘿排骨、腰果肉丁等幾味簡單香口小吃, 手撕雞確是人見人愛,很適合老少食用,也難怪會大受歡迎的。Wasabi蟹籽手撕雞($82)除了雞絲以外,還有蟹籽、火腿、青瓜絲,吃起來冰冰的十分消暑, 不過芥末味稍嫌不足,吃起來刺激感不痕不癢的, 而手撕雞只有淡淡的雞味,是醃味不足,除了加入蟹籽令口感豐富一點之外,其實味道是有點平平無奇的說, 但相信會是小朋友喜歡的口味。相對其他屋邨大排檔,陳根記那規模實在是前所未有, 另闢一個空間專賣甜品的大排檔,我倆還是第一次見識到,此甜品部需要自行前往下單和取甜品的,勝在省得轉場吃甜品了。不想眼闊肚窄,沒有點馳名的炸芒果,而是點了原個西瓜汁($32), 就如青衣戲棚、美食市集所賣的那個原個西瓜一樣, 價錢也未見得便宜, 但勝在內有足量西瓜汁, 還有 西瓜肉和西瓜粒, 香甜又解渴, 確實是消暑佳品,是大排檔「啤啤佢」以外的另類選擇。陳根記是名副其實的「大排檔」, 今天慕名而來實在令人大開眼界, 大排檔就是要有如此沸沸揚揚的氣氛, 不過論到食物質素,其實就跟各區的屋邨大排檔分別不大, 在味道上也不見得有個人之處, 但能在今時今日領匯的「霸權」之下,在舊屋村裏經營如斯規模的食店, 而且能做面面俱到游刃有餘, 便莫論其食物質素是否出色了。實在感謂香港能有如此氣氛的港式大排檔, 就為感受那熱鬧氣氛已是值得一遊, 若然有外地來的朋友,必需要帶他到此一遊,感受一下什麼叫做「香港味道」。 繼續閱讀
相信大家對陳根記都唔陌生,但係好慚愧地,我係未食過~~就算以前讀U果陣啲人Gathering/Re-u成日黎呢到食,但咁岩我次次都冇出席lol,所以都未食過,今年年初報道佢未獲領展續約就黎要結業!不過後尾又獲領展口頭承諾比個短期租約到今年年尾~係佢仲係到果陣試下佢!我諗呢到係晚晚座無虛席酒水係自己拎張單去拎大排檔餐牌WASABI蟹籽手撕雞  $82(例)黎到無理由唔食佢個招牌WASABI蟹籽手撕雞?叫左例牌試下味,都真係幾細份,一食WASABI味好出但又唔攻鼻,蟹籽就唔係好多,仲有好少既海哲,雞肉唔係撕到好細果款,肉質就正正常常,係一道幾有創意既凍盤,不過係你想像到既味道,同埋自己都整到,$82就有啲唔抵食孜然一條骨  $75呢碟係全晚最好食既一碟,鑊氣夠,醃得幾入味,肉質唔係話好嫰好嫰,但都OK,一定唔係又韌又鞋口果種,配啤酒一流冇陰公牛栢葉(少辣)  $78對我呢啲好食得辣既人黎講就真係一啲都唔辣,但味道係有少少泰式咁,冇陰公原來係冬陰公個Friend?所以係一道偏泰式既菜,酸酸尾尾又辣辣地,仲食到有香矛,而牛栢葉都掛到汁,呢個以大排檔黎講都係一款幾新穎既配搭 椒鹽鮮魷  $80可以唔洗點呢個!完全唔得,炸粉好厚,而且食得出唔係新鮮炸,應該一早炸定,外層已經稔哂,一啲都唔脆口,而鮮魷亦唔彈牙,仲要索價$80,好失望既一道菜式蒜蓉蒸蝦 $98係是日特價,佢逄星期一至五都有每日不同特價,星期二前來光顧就係蒜蓉蒸蝦。同樣唔係好掂,上枱食果陣已經唔係好熱,一食蝦又係唔新鮮,唔彈形,比較霉,蒸得太耐芝士粟米琵琶豆腐  $70本身好期待,以為會係拉芝果種,但原來唔係,芝士粟米其實即係粟米班塊個汁?而琵琶豆腐係有釀蝦膠、蔥、木耳等等入去,食落去似素肉丸,冇乜豆腐既味道同口感,其實係幾好食,幾彈牙,但如果佢叫「芝士粟米琵琶豆腐」就同佢個味好似格格不入芒果一口脆  $38食完其實都好飽,但難得黎食一次,試埋佢個甜品,但佢個甜品站係分開比錢唔係寫落同一張單。外層係炸,裡面就包住凍冰冰既芒果,外熱內凍,口感係幾過癮既,但個底擠左我最憎既忌廉……而且賣成$38得8件,性價比好低整體黎講,如果你唔係住得近/過黎沙田算方便既話,唔洗特登走入黎食,本身有諗過比「OK」既評價,因為佢都有一、兩碟菜式係OK而且幾有創意,唔似傳統既大排檔,但係以佢咁多年既歷史同埋咁響既名聲,其他有幾碟質素唔得,水平參差,所以都係比「」,上網睇佢其實都開左間新店係大埔,叫「飢落亭」,但講真,「陳根記」同埋佢既新店我都真係唔會再去,有好多大排檔比佢做得出色。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-12-05
164 瀏覽
次次去陳根記都必食wasabi手撕雞,辣得黎好惹味。仲有椒鹽鮮魷,炸粉唔會好厚,炸到卜卜脆,魷魚好有咬口,送飯一流。仲有必食嘅蠔餅,大大份,啲蠔又夠多,好好食! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-05
260 瀏覽
從馬來西亞嚟香港的表妹想一嚐香港風味,我當然要帶她到香港特色的大排檔。要把握機會一嚐風味的當然是陳根記。我係呢個星期五晚6點鐘嚟到先可以有位,大家就明白而家品嚐風味有幾爆。餐牌仍然無變,都係一貫大排檔式的款式。而且價錢真的很合理,唔知道第二時搬咗去石門入舖,仲有冇咁嘅價錢。嚟到已經有好多野要留定,基本上唔留都可以講係無~ 特別以下呢隻燒鵝~ 雖然我影得幾有光澤,但係都真係唔夠熱,皮不算太脆,但真的很嫩。令我寫呢篇食評嘅原因,梗係因為呢碟令我難以忘懷的WASABI蟹籽手撕雞啦~  賣相已經好搶眼,入口嘅WASABI味少少攻鼻,但又唔會辣到流眼水,滑嫩的雞絲加上蟹籽增加口感,唔係十幾個人嘅話,我食哂一碟都得。不過環境太嘈令我表妹唔係好慣,但我地呢啲香港人就好慣,因為咁樣熱熱鬧鬧先有風味嘛~ 而且佢地係唔會有限時叫你交枱,反而..... 係其他啲未有位嘅客,會企係度不停俾壓力你交枱。  繼續閱讀
(以上食評乃用戶個人意見 , 並不代表OpenRice之觀點。)