陳根記 (已搬遷) 新店位置

行完山終點係沙田，又要搵地方搵食。鹵味併盤-80蚊好大碟，勁抵。鵝肉、大腸、墨魚….等等，我估有10款之多，好入味，好過一般的打冷舖。焗魚腸-有唔少魚腸，我覺得味道淡了些，老豆還食到有點苦味。生炒骨-炸得唔脆，排骨又乾又實，又唔夠甜酸味。風沙雞-勁咸，雞肉好”鞋”。椒鹽軟殼蟹-雖然夠熱辣，不但唔脆口，而且又諗又濕，咬下去有種諗pat pat 感覺。蒜茸炒白菜仔-好老，不知是否白菜仔不當造的關係。仲有叫了幾碗白粥，佢o地話好似煮得唔熟，有D生米。可能做街坊生意，老闆唔憂做，其出品每況下愈。