陳根記 (已搬遷) 新店位置

早2日約左朋友去禾輋食大排檔，好耐都無食過啦.....今次3個人叫左5碟(哈哈.....有d誇)，佢地碟碟都幾大份量架，但我地都全部掃清光.....哈哈.....佢地既拿手小菜 - 海浙手撕雞(例)，睇個樣好似好大碟，但原來下面有個雞殼，如果食既時間加d後面酸酸地既汁仲好味金銀蛋莧菜 & 豉椒鵝腸。個菜好似有少少老，麻麻地啦 ; 但個鵝腸就good 啦...需然唔係新鮮既，但鵝腸好長，唔會好似某d大棑檔咁短，而且佢d青椒、洋蔥炒得好好味，即刻加分....豉汁蒸白鱔.....我係一個鱔怪黎既，去到邊...如果比我見到有鱔食我都會點既，lee度亦唔例外，佢d肉唔係淋架，而係爽口架，好耐都無食過咁既白鱔啦....白鱔要食爽既至好食既 !!!!我地仲叫多隻乳鴿，不過就麻麻地，所以就無影到相。上菜既時間都好快，下次可以再黎食過.....haha叫左5碟餸 + 2碗白飯 + 2支飲品 total都係$252.- 仲可以去邊度搵丫.....

影相團去食晚飯.蠔餅值得推介!!! 好食但好油.明知唔健康, 但好味, 無法忍口.冬陰功浸蜆. 湯底少辣, 都算多蜆, 墊底d粉絲都好食.仲有幾個小菜. 賣單3個人$296.

己經有成年無去過陳根記, 尋晚同屋企人就落左去食飯, 我地早去, 7 點就去, 所以大把位選擇, 到 8 點鐘就開始爆, 平日都咁多人, 老闆真係發大達.....我地叫左以下餸:凍鵝掌:少少酒味, 唔會太靭, 點埋個辣椒豉油, 一流...楊洲炒飯: 唔夠乾身, 但味道同其他都 ok .咕咾雞球: 量多, 鬆脆, 又唔會厚粉, 抵食椒鹽魚尖: 香口, 魚肉夠嫩, 但份量少左啲, 得七舊度, 仲要唔係大 size, 如果可以多返少少就更加 perfext釀大腸: 呢碟餸等得最耐, 大腸炸得幾脆, 蝦膠都好彈牙, 但有幾舊大腸略炎有少少少異味, 同埋佢點果個汁稀左少少...不過整體上都 ok 既.......喺禾輋區都無乜地方啲野食有呢啲水準, 所以抵佢咁旺既......

呢日老友約食飯，地點諗極都諗唔到，咁就當然係穩中求勝最好，所以揀番前星期先食完既陳根記﹗平日都坐到爆鬼哂，老闆真係發了﹗唔飲啤酒，所以自備一支1.5L既紅酒﹗只係$45味道亦都很不錯，抵呀﹗天氣雖然回暖，成條街0的人都短衫短褲，不過我地竟然有興趣打邊爐﹗石油氣爐好型仔﹗不過更型既係個鍋，大佬係0個0的整蘿蔔糕既盤，仲要歪歪斜斜一巖一嶃完全不平衡，真係睇見都覺得過癮夠哂地踎風味，岩我﹗我地呢次試左冬蔭公湯底﹗十分之足料呢﹗勁多菇類，又有豆腐，菜等，相當抵食﹗湯底酸中帶辣，0的菇吸鬼哂0的味，入口好惹火﹗先來一個牛柳粒，老闆介紹要淥十五分鐘先好食﹗岩岩0係冰箱攞出來，二月飛霜似的﹗隊0的落去湯底等十五分鐘左右就會自動浮面，入口牛味香濃，肥瘦適中充滿甘香，正呀﹗主角來喇，今次叫左海鮮鍋呢﹗$188包埋個冬蔭公湯底﹗海鮮每樣有兩三件，種類繁多，貪心的人首選﹗有隻蟹仔，上到枱開埋蓋仲會動的呀﹗海蝦兩隻，不停地跳躍中﹗灼起身肉質彈牙又鮮甜﹗大花甲，呢次無沙呢，好似我咁鮮甜肥美﹗應該係鯇魚掛，食家話一般，不是脆肉的﹗第一次有土魷打邊爐，煙韌得o黎夠哂香濃，好味道﹗泥鯭幾條，味道我就唔知喇，我只係知佢

三人行黎到人都幾多1)椒鹽鮮魷炸得金黃鬆脆,最緊要係d鮮魷夠哂嫩滑唔會un到牙都甩,你知啦,食魷魚成日好難咬得開嘛2)金銀蛋白菜仔呢個清得最快,白菜仔煮得唔淋加上咸蛋調下味,仲有皮蛋我的最愛,好味到我想飲埋d湯3)西檸雞呢個平時都幾中意食不過呢度好似味道麻麻淡淡的無乜雞味而且炸粉落得太多我夾上黎好多舊都係得舊炸粉,有點無奈-_-不過果度唯一壞處就係d樹葉成日飛落黎幾驚佢跌落去野食度

減肥中的一餐，一行四人來左陳根記﹗去得大排檔講減肥其實都係得個講字，不過今次我地醒左就係自備紅酒，起碼無隊啤咁肥啦﹗來了好幾次，每次第一味都一定係海蜇雞絲，因為實在太好味了，雞絲去皮唔肥又滑又嫩，海蜇彈牙配上佢自家製既醋汁，真係十分之惹味，吃完都好想再食﹗再來的是半隻炸子雞，兩個餸都食雞有點怪，友人話無咩所謂所以都係照食照叫，炸得皮脆肉鮮，唔夠廣源村榮發的美味不過也已算不錯呢﹗好捨得地叫左$98既胡椒蝦，上碟大約有十隻中蝦左右，全部都俾0的胡椒粒包住，用料夠多，有點似川菜用辣椒炒雞的形式，用上胡椒入口真係麻鬼哂，蝦夠新鮮彈牙，味道鮮美，是很麻很辣不過愛此道者人士必定越食越過癮，用個口來剝殼成個咀好似腫哂一樣﹗正﹗最後叫多個鹵水拼盤，這個只可說是不過不失，無咩特別，同在其他打冷地方吃的味道差不多﹗一人100蚊左右，抵食﹗

忍唔住又要去食燒鵝,真係冇令我失望,但要襯熱食,但其餘再點的三個餸就有啲沮喪:燒鵝 - 還可以,當然唔可以跟庸記比,但係隔籬枱都聞到燒鵝香.鯪魚油麥菜 - 一般炒聖子 - 係阿姐推介,但上枱時唔夠熱,有啲失色,但原材料都係新鮮嘅,召鹽白飯魚 - 係我最後悔叫咗嘅餸,我一向都係召鹽白飯魚迷,這個不但有點腥,外面的粉亦厚咗啲!p.s. 雖然燒鵝是我今次最好的一個餸,但未達理想. 除咗庸記,將軍O宝琳MTR站對面的將軍燒味的燒鵝可比美庸記. 所以冇推介菜式.

已搬到沙田有大半年,但都唔知去邊度食嘢好,有個地道沙田朋友提意我去和輋陳根記.多謝!真係冇令到我們失望,我們點了:椒鹽魚下巴 - 有酒香味,魚肉好嫩口,蠔洛 - 好有蠔味,又不感覺油膩,. 胡椒蝦 - 好野味,食咁多香口嘢,再點一個,炒涼瓜 - 做得沒有草青味,還不錯!全部成為$218.00p.s. 下次要試吓佢啲燒鵝, 都見到賣相唔錯!

同媽親大人在陳根記開年晚飯時間,全場爆滿大排檔風味依然,鑊氣十足是日點了:西蘭花炒牛肉-----牛肉很入味, 普通家常菜色香麻蒸魚雲-------這個菜色值得推介給大家, 因為這個的醬汁做得十分香口,而且不是十分辣. 魚雲很入味, 吸收了香辣的味道.燒鵝----上一次來幫櫬,燒鵝的味道十分"梅", 但今次的燒鵝就很新鮮及入味...ok大排檔總算是香港其中一樣值得向外國人推廣的飲食文化之一, 雖然環境簡陋,但勝在食物的質素及三五知已大吵大鬧一番,那些是不能在其他地方能找到的.

LUNCH去食 25蚊好大碟乾炒牛河 唔係好油 d牛都幾嫩 仲有杯好好飲既凍O 茶真係好大碟 我食唔晒 諗住打包 個叔叔好NICE 仲幫我PACK埋 好好人牙

岩岩個星期日同男朋友去左呢度.其實之前都同朋友黎過,朋友都讚!今次決定帶佢黎試試.我地係10點先後入座,有特價.我本身食量唔多,而男朋友之前又食左d野打底.所以叫左2個餸而已.魚香茄子煲熱辣辣上枱又香鹹魚味.正!菜遠牛肉炒河男朋友都勁讚,,其實佢好小讚大排檔既野好食.但令佢好似今次咁主動叫我快d試食,都係第一次.講番碟餸,牛肉唔老岩岩好,d汁加埋河粉食.好好味雖然唔係咩名貴菜式,又唔係咩高級酒樓..但感覺一流.香港剩番既大排檔愈黎愈少.好食既真係唔多..更何況真係大排檔既風味呢.同係火炭既津x 比...價錢平大截...但食物質素比火炭既好好多...唯一要改善既可能係服務方面,因為去到係冇人理你...一定要自己搵位!都唔緊要啦,,講真,,去得呢d地方,係咁上下啦...香港人被縱壞得太利害了吧...埋單都係七十幾蚊,又唔使加一收費,相信從此黎開飯既機會大大提升!

第一次來係朋友叫我來,,點知食左第一次之後就時常想來食,因為佢好多選擇,次次都可以試唔同餸,我最鍾意食ok斑塊,同埋乳鴿都好正.我d同事就好鍾意食海蜇手撕雞,好快就食曬.有時一早會來早茶,好抵.一盅鳳爪排骨飯and點心,,good茶錢每位一蚊!我會繼續支持佢呀

另一個朋友局, 成班沙田友介紹去禾輋邨大排檔打炭爐火鍋, 介紹了陳根記. 人山人海的, 去到, 有點無間道feel. 不過在坐的不是黑社會 (有都唔定), 是街坊, 家庭, 基本上, 是服務沙田友."位自己找", 著住陳根記制服既阿姐話既, 我們找到一張細檯, " 打邊爐呀, 呢張唔得噃". 再等, 再問炭鑪有冇, 阿姐說要找有個"窿"既檯先可以, "那裡有".....阿姐答," 自己搵啦".等到一張大d既檯, 再問阿哥仔, "可唔可以炭爐"." 冬至呀, 打緊仗, 又咁熱, 今日唔開炭爐架啦". 之後一個Gas爐放檯面. 是但啦.阿姐阿哥說天氣不冷, 是因為他們做到周身慶而已, 另外發現阿啤妹都幾大力, 沒想到一個咁單薄既啤酒妹, 竟然可以一次過托起兩箱啤酒從廚房雪櫃搬出大堂啤酒櫃, 利害利害. 今天不開炭爐, 不怪了. 這裡這樣的人山人海, 開炭爐, 只恐成個大排檔, 會即時三級大火.湯窩到了, 兩個湯底, 一個簡單的皮蛋湯, 另一個是咸菜豬肚湯. 不得不提的, 是個咸菜豬肚湯底, 端上來時, 已經聞到勁重胡椒味. 未有野落鍋時, 找一找咸菜豬肚一吃, 我的味蕾, 只能feel到,

上個星期五同女友去食晚飯, 又超迫又多人, 好難搵位, d 伙記又唔會幫d 客搵位。完全唔夠伙記招呼人客, 坐低o左好難先叫到d 伙記落單。落單之後, d 野食超耐先黎 (等o左起碼四個幾字先黎個羊腩煲, 重要等佢滾起先食得; o個西檸雞重離譜, 半個多鐘先黎)環境差, 服務差, 上菜耐都唔緊要啦, 最致命係味道都麻麻! 首先講個西檸雞 ($40), 賣相差唔在講, d 雞落得太多粉去煎, 份量亦唔夠多~個羊腩煲($88) 重差, d 羊腩唔夠入味亦唔夠香, 因為偷工減料, 其他配料完全不足o個煲又點解好味呢 (好少枝竹/馬提, 無冬姑, 無竹筍), 咁o既貨色, 就算係大排檔$88都好唔抵食。下次唔黎呢間食晚飯。

話說周六為阿哩慶祝生日，大漁變態六人組選了沙田的陳根記。六人組於九月十月最鬼忙，因為隔個星期就有人生日，個個星期都大魚大肉飲飲食食，其實都係美其名食番餐吧﹗呢度真係近期發現既好地方，地點位於禾輋，街坊大排檔格局，夠哂地踎又夠嘈，最重要係既可露天又可有瓦遮頭，真係你想點就點﹗星期六來多人到爆哂﹗超級誇張﹗呢度既名菜海蜇手撕雞，例牌都已經大大碟十分抵食﹗雞肉腍滑夠香嫩，墊底的海蜇亦彈牙有嚼勁，配上酸酸辣辣的醬汁，好味道呢，如果海蜇有多0的就仲好，我只係食左一箸已經比蝗虫團隊食哂﹗呢度最正一樣野係嘉士伯 $16三罐，7-11都唔止呢個價，仲要有冰筒雪住夠哂凍﹗正﹗冬蔭公蜆，個湯底夠酸夠辣，蜆都算隻隻有肉喎﹗我連湯都飲左兩碗﹗不過工友話食到有幾隻都有沙﹗扣分﹗椒鹽鮮魷炸得金黃鬆脆，我鍾意食呢種炸粉，夠哂薄，特別有一種脆香同炸物既口感，對比起街邊十蚊包0個0的炸魷魚有時炸到成條香腸咁真係搵鬼食佢﹗扇貝55蚊有六隻，當然不可以同上次牛記食的巨型扇貝相比﹗肉很細粒，不過勝在多蒜蓉及粉絲﹗豉油王吊筒，既彈牙又入味，我食左四五隻﹗哈哈﹗孜然捧捧骨，肉質炸完keep到外香內嫩，咬落仲充滿肉汁的呢﹗孜然粉唔