影片
更多
2008-10-20
29 瀏覽
話說周六為阿哩慶祝生日，大漁變態六人組選了沙田的陳根記。六人組於九月十月最鬼忙，因為隔個星期就有人生日，個個星期都大魚大肉飲飲食食，其實都係美其名食番餐吧﹗呢度真係近期發現既好地方，地點位於禾輋，街坊大排檔格局，夠哂地踎又夠嘈，最重要係既可露天又可有瓦遮頭，真係你想點就點﹗星期六來多人到爆哂﹗超級誇張﹗呢度既名菜海蜇手撕雞，例牌都已經大大碟十分抵食﹗雞肉腍滑夠香嫩，墊底的海蜇亦彈牙有嚼勁，配上酸酸辣辣的醬汁，好味道呢，如果海蜇有多0的就仲好，我只係食左一箸已經比蝗虫團隊食哂﹗呢度最正一樣野係嘉士伯 $16三罐，7-11都唔止呢個價，仲要有冰筒雪住夠哂凍﹗正﹗冬蔭公蜆，個湯底夠酸夠辣，蜆都算隻隻有肉喎﹗我連湯都飲左兩碗﹗不過工友話食到有幾隻都有沙﹗扣分﹗椒鹽鮮魷炸得金黃鬆脆，我鍾意食呢種炸粉，夠哂薄，特別有一種脆香同炸物既口感，對比起街邊十蚊包0個0的炸魷魚有時炸到成條香腸咁真係搵鬼食佢﹗扇貝55蚊有六隻，當然不可以同上次牛記食的巨型扇貝相比﹗肉很細粒，不過勝在多蒜蓉及粉絲﹗豉油王吊筒，既彈牙又入味，我食左四五隻﹗哈哈﹗孜然捧捧骨，肉質炸完keep到外香內嫩，咬落仲充滿肉汁的呢﹗孜然粉唔
六人組於九月十月最鬼忙，因為隔個星期就有人生日，個個星期都大魚大肉飲飲食食，其實都係美其名食番餐吧﹗
呢度真係近期發現既好地方，地點位於禾輋，街坊大排檔格局，夠哂地踎又夠嘈，最重要係既可露天又可有瓦遮頭，真係你想點就點﹗
星期六來多人到爆哂﹗超級誇張﹗
呢度既名菜海蜇手撕雞，例牌都已經大大碟十分抵食﹗
雞肉腍滑夠香嫩，墊底的海蜇亦彈牙有嚼勁，配上酸酸辣辣的醬汁，好味道呢，如果海蜇有多0的就仲好，我只係食左一箸已經比蝗虫團隊食哂﹗
呢度最正一樣野係嘉士伯 $16三罐，7-11都唔止呢個價，仲要有冰筒雪住夠哂凍﹗正﹗
冬蔭公蜆，個湯底夠酸夠辣，蜆都算隻隻有肉喎﹗我連湯都飲左兩碗﹗
不過工友話食到有幾隻都有沙﹗扣分﹗
椒鹽鮮魷炸得金黃鬆脆，我鍾意食呢種炸粉，夠哂薄，特別有一種脆香同炸物既口感，對比起街邊十蚊包0個0的炸魷魚有時炸到成條香腸咁真係搵鬼食佢﹗
扇貝55蚊有六隻，當然不可以同上次牛記食的巨型扇貝相比﹗
肉很細粒，不過勝在多蒜蓉及粉絲﹗
豉油王吊筒，既彈牙又入味，我食左四五隻﹗哈哈﹗
孜然捧捧骨，肉質炸完keep到外香內嫩，咬落仲充滿肉汁的呢﹗
孜然粉唔會落到好似大陸般瘋狂搶哂0的肉味，$48有五隻，抵食﹗
呢個勁，啤酒如果叫我想一打以上佢係搵個紅A膠筒做冰筒呢﹗蔚為奇觀呀﹗
呢度地方又大又多位最好係有大電視，仲有Now英超睇添，落黎睇波正呀﹗
第一次睇與敵同行就係大結局，真係幾緊張喎﹗郭晉安做得好好呀﹗怪不得發哥都話佢做得夠哂邪﹗我地同前面一枱睇到大叫大嚷，十分之好笑﹗
最衰病病地，唔係有排坐，下次一於早0的來再食過﹗
祝阿哩生日快樂，希望你地既澳門之旅玩得開心啦﹗
更多相:
http://hk.myblog.yahoo.com/smallsmalllin/article?mid=9930
張貼
