陳根記 (已搬遷) 新店位置

因為是中大人ge緣故，以前十次食大牌檔九次都係去火炭泰源。今次中同聚，返左去母校附近ge陳根記。飯腳依舊，但個個都大學畢業了。由於係全男班，我o地6個人叫左6碟野、6碗飯同6罐啤酒，「六六無窮」咁話 Wasabi手撕雞半隻 ----------------------用料都幾「對板」，除左雞絲之餘有海蜇、火腿同少少 蟹籽，wasabi唔太濃，所以較易入口。第二度食唔到ge，值得一試。 時菜炒班片 ------------------------ 雖然斑片係普通貨識，但係菜心同炒功都同唔錯的，總算不過不失。黑椒牛柳粒 ------------------------- 材料係下價野，一食就知。肉料偏韌、牛肉味淡，係全晚最差ge一味粉絲魚湯豆腐 ------------------------ 頗清淡ge一味。食完之後撈吓個底先發現仲有d蝦米。如果叫得太多濃味野，有佢中和吓都OK的。 椒鹽鮮魷 ------------------------ 炸得鬆化又唔太咸，點酸汁食好過點鹽，應該第一碟食開開胃。椒鹽排骨 ------------------------ 其實即炸蒜片豬排。一般大排檔f

星期日 父親節一家人去左呢間食晚飯，之前都食過幾次了，其實覺得係幾好食佢最特別的地方係，佢會買一d有泰國口味的菜色我最鍾意佢地冬陰功大蜆，真係好正嫁，d冬陰功得住泰國菜館另外佢個手c雞，都好好食，"點"個個汁，都係有d泰國口味但有一樣嘢係難頂d，但呢個問題，每間大排檔都有就係非常非常熱，好似而家呢d天氣，食到成身大汗，真係幾辛苦嫁

曾有一段時間，這位於沙田瀝源的冬菇亭 --- 陳根記，頗受食客談論，好評也不乏，可惜不是住在那一帶，沒機會品嚐到，今天多得兩位食友穿針引線，造就了這一頓晚飯。試菜那晚天氣果真炎熱，加上胃納不是太佳，口味上偏向一些香口和開胃的菜式，打頭陣是「醉翁烏頭」，揉合了潮州魚飯和醉雞的造法，將烏頭魚煮熟放涼後，浸泡在紹興酒內，重濃酒香之中，也吃得著淡淡的魚鮮，可惜經過長時間的浸泡下，魚肉呈鬆散之象，雖然是不俗的黃油貨色，始終有所遺憾。打後兩味是金沙椒鹽骨和炸子雞兩味，都是以香口取勝，惟用的食材卻是雪藏貨色，金沙骨鑊氣甚佳，肉質則欠所鬆化，炸子雞雖是脆皮，吃入口發覺其肉甚乾，juicy欠奉，更遑論，今年內也吃過多頓炸子雞的菜餚，這半隻明顯比了下去了。臨尾用一個清淡的上湯魚肉釀油豆腐作完結，內裡的粉絲索了上湯，還算不俗。那晚連白飯、酒水也欠奉，每人承惠$66，雖然不貴，論當晚的滿意程度，只能說句「不過不失」。有可能不懂點其招牌菜式，大排檔眾多選擇，這裡不是心頭好。題外話是見其燒鵝賣相不俗，隔兩星期後也買了一份剛出爐的例牌試試，不夠脆皮，也肥了一些，勝在趁熱下吃著鵝香，肉質也嫩，算接受了。

說起上來,冬菇亭有很久歷史的嗎?又不盡然,沙田區的發展不過是這三十年的事,區內的屋村自然沒有牛下,蘇屋這些"夕陽"屋村般歷史悠久.在我出生的年頭,這個古名叫"瀝源"的地方,仍屬一片處女之地,有待開發.聽一些年紀比我大的前輩講,當年的沙田,充滿著鄉村風情,是學校的校外旅行熱點之一.自沙田馬場興建之時,沙田便開始起飛,時至今日,已經成為多達六十萬人口的大區.言歸正轉,繼上次沙角村"金沙角"之旅後,上周再一次去到沙田屋村冬菇亭,是次目的地是禾輋村,其實事前選擇是在屋村領匯商場內某客家飯店,因沒有位之故,所以我們三位麻甩,寧不涼冷氣,冒著大汗疊細汗之險,去到屋村內的冬菇亭內,人氣最旺的檔口"陳根記".在炎熱的晚上,鑽入去水洩不通的冬菇亭內,不容易找到張細檯,面對著電視機,同養著"招財魚"的金魚缸,電視送飯之外,更加魚樂無窮.三個人看著菜單,我沒有來過,點菜方面待另外兩位友人安排.場內的啤酒妹又是嘉士伯,但賣的是德國牌子的麥啤.好一個"丹麥血,德國心".陳根記是港式牌檔,店內也有一些潮州菜式供應,有鹵水拼盤,蠔餅等等.最先來的一味,是醉翁之意旨在烏頭的"醉翁烏頭".這一尾烏頭是涼食,即是潮州人說

7-8年前，即中6-中7開始.... 去大排檔多數都會choose陳根記3年前的暑假，有大約半個月時間都在禾輋上班，每天的lunch都係佢...到現在...每次去都會叫一些之前沒有嚐過的this time... 貴妃chicken & 炸桂花餅(即墨魚餅) & 魚湯煮 "讓"豆卜貴妃chicken 好好好好好滑呀.... 又整得好香...而桂花餅就估佢唔到.... 彈牙...有咬口....墨魚味十足!!!!魚湯豆卜呢... 又係好好味ga... 個湯好鮮好甜... 係冇味精ga... veryveryvery good!!!期待下次再去

半隻白切雞--->如果唔點薑容就一d味都冇例牌燒鴨------>淨係得d骨&皮，冇肉o既，仲要收五十幾蚊青蒸火點------>最正常，但係蒸到太老炒聖子--------->超咸蒜容蒸扇貝--->得過咸字，冇鮮味藥膳雞腳------>ok炒菜心--------->又老又黃又有渣三絲炒麵------>好多油結論:把鬼

屋企提早做節,因而選擇了這間食店是次點了大約8人份量的食物椒鹽鮮魷-ok還可以蠔餅-足料,但好油海蜇手撕雞-味道不錯,但碟底好奇怪有雞脾骨燒雞肝拼燒肉-燒肉肥瘦岩岩好,雞肝都好好味沙拉骨-太多梳打粉薑蔥魚腩煲-d魚好多好大件,d薑點埋d汁撈飯好好食粉絲大蝦煲-d蝦好多同勁大隻,又多粉絲,個汁又係送飯一流馬拉盞炒什菜-好正有味白粥-每人叫了一碗,因為真係好好食11蚊3罐汽水服務:人手不足,要行出去追住個侍應落單大排檔風味,環境只是一般,但食物一流

這日終於搞掂哂去越南的簽證、酒店及機票等，一切有了定案心情自然輕鬆，所以去左陳根記﹗雖然入夏，也未算太熱，陳根記亦四周都有大風扇吹住，飲下啤酒唔太覺熱﹗嘉士伯$32半打，不過我反而推介$22半打的獅威，味道比嘉士伯更好﹗先來一個椒鹽鮮魷，炸漿不厚微脆，入口陣陣香濃魷魚味，椒鹽吊出其鮮，爽口亦彈牙，一件又一件下酒一流﹗真的好吃﹗再來一個豉椒蟶子，大約有廿隻左右，鮮甜無沙入味，不錯﹗辣酒煮螺連鍋連火上，可惜個火有等如無，等左好耐個汁都未滾的，螺都幾多，入口輕嚼轉來陣陣辛辣，可惜酒味較少，總覺得一路熱住的話酒味必會揮發而去，臨熄火前灑上酒再原鍋上應會更好﹗最後仲有每次來到必叫既海蜇手撕雞，雞肉滑溜易食又大碟，這兒的必吃食物﹗埋單一人八十蚊，坐左成兩個鐘仲睇埋巾幗梟雄，很不錯﹗

好耐冇黎過雖然係星期三黎食但都好多人周圍好嘈攪到講野都要大聲d唔係聽唔到人地講咩叫左四樣野好快上到菜避風塘瀨尿蝦-冇以前咁辣,同埋黎到既時候賣相麻麻,不過都係幾好味既椒鹽鮮魷-呢個係4個之中最唔好食,唔夠脆,同埋冇咩鮮魷蠔仔粥-好夠味,料好足辣酒煮花螺-花螺好入味,又彈牙,4個之中最好~整體黎講好食,價錢合理~

幾個朋友去食陳根記平日真係比較少人,旦整體都幾好!一去到即叫最出名的手撕雞($7X)真係好快到.而且仲好好食.好多雞肉.又唔會好散之後叫左幾個小菜胡蕉大蝦($92)好好食!好香口.好大隻!!蠔餅($40)第一次食,好香好熱氣棒棒雞::啖啖肉,旦dry左少少炒顯::無沙啵!個汁都好夠味,送飯一流蕉鹽白飯魚::正!點左個汁反而無甘好食

埃及之友聚會，一致選擇黎食陳根記。今晚全場爆滿，但上菜都幾快。燒雞肝拼燒肉：燒肉肉嫩肥美，燒雞肝我無食，但朋友仔一致讚好！滷水拼盆 ($88)：好大碟又多款式。有豆腐、紅腸、魷魚、鴨、豬大腸、牛展和雞蛋，樣樣都好味。海蜇手撕雞半隻 ($78)：海蜇爽口；手撕雞凍凍地，加埋酸酸甜甜既醬，口感清新。家鄉的魚 ($68)：煎完魚後爆上香蔥鼓油醬汁，好野味。魚肉十分嫩滑鮮味，而且條魚好大條，好抵食。香煎蠔餅 ($40)：蠔size比係廟街既大粒，餅也做得幾香。梅菜蒸肉餅 ($40)：肉餅食落似 “啄碎” 左既鼓汁蒸排骨，和鋪面既梅菜唔係好 match到，麻麻地好味。蒜蓉炒白菜仔 ($32)：正常味道。因漏左單，要問多次先上番碟菜。牛肉粥 ($18)：牛肉老左D，粥就 “眠”。以後再係沙田食大排檔，陳根記絕對係首選。不過，呢度真係好噪吵。甘啱招夫人今晚聲沙，我地同佢傾計要讀唇，重多左個招大人做翻譯，哈哈！

很久沒去陳根記吃飯 還很懷念它的特色一菜. 一行五人往陳根記吃飯 (那裡人都算多)首先, 餐牌上特色菜式無哂 (牆上也沒有)炸子雞太乾沙拉骨太多梳打粉最差係椒鹽沙鯭, 食完, 埋單時才拿來. 一d都唔脆.(似炸完好耐, 叮熱)其他菜也是普通, 毫無特別各人一路食一路罵之前的顆記個個好有heart 而家s連service都無埋一定唔會再去!!!!

一年總有差不多次去陳根記，其實主要係為咗一味”砵酒焗桶蠔”。每當貪嘴病發作，總會走去解饞。最近又試舊病復發，一於班齊人馬，一行八人。晚上七點到埗。唔知係唔係金融海嘯，多多有位剩。平日班較有性格嘅服務員都笑口迎人，係囉，咁至係待客之道嗎。一眾坐低，個啤酒妹妹立刻埋嚟，頗為勤快，半打啤酒有個膠桶鎮涷。大牌檔咁服務都算細心喇。當晚嘅Order如下:胡椒蝦砵酒焗桶蠔炒蟶子海蜇手撕雞孜然捧捧骨蠔餅清炒菜芯燒鵝半隻連兩碗米粉一碗飯，大約七百元，可算價廉物美。評價：胡椒蝦：胡椒勁力十足，剝殼之餘個口成個孖潤腸咁，可惜d蝦唔算新鮮，只可算是麻麻地。砵酒焗桶蠔：次次食飯嘅主打，用正美國入口桶蠔，配合酒汁及薑片，正。 炒蟶子：炒熟就上枱，熱度夠，材料新鮮，味道ok。 海蜇手撕雞：好多人點嘅菜色，都ok喇，雞味始終較弱，海蜇口感就爽脆，醬汁醒胃。 孜然捧捧骨：希望孜然粉多dd，羊肉燒得嫩dd就整體好dd。蠔餅：新鮮熱辣上碟，香口兼多蠔。 清炒菜芯：炒得鮮嫩，尤其在食完香口嘢後感覺更加好好好。 燒鵝半隻：可比美任何一間食肆出品，鵝燒得皮香肉嫩，汁豐而鵝味足，個人評為全晚大獎。

　　如果要食風味既話 , 大排檔一定係最具代表 , 又冇以前比人既感覺咁污糟 , 招呼亦好左無咁寸 , 所以間中同三五知己黎食下飯傾計 , 絕對係平靚正既好選擇。 煎蠔餅 金銀蛋莧菜 乳鴒 <---P.S.呢個都係去返龍華食比較好 鹵水拼盤 炒鵝腸 豉椒蟶子 西蘭花炒鮮魷　　叫埋汽水個d每人平均都係食左$60左右 , 又可以慢慢坐係度傾計唔怕嘈親隔離 , 只係要接受周圍突然之間有人會食煙一陣煙味飄埋黎個位度 , 就算頂唔順既話都冇人會遷就你而唔食。

好友請食飯，由香港走到九龍再入新界，決定來此大排檔．來到人都很多，不過又幸好有位，首次來此吃，由好友發板．手撕雞－雞很有味，再加上酸酸的汁，十分好味椒鹽九肚魚－炸得可口極了，而且椒鹽在此大排檔，很難會失手炒芥蘭－這個有點失色，麻麻地冬陰公湯蜆－始終不是泰式食店，只是有其味，沒有冬陰公之感，再加上味蓋了蜆的鮮，有點虛賓奪主．不過在此又有風味，食物又不錯，再喝著啤酒，也是開心．