陳根記 (已搬遷) 新店位置

2016.06.05來到沙田，即刻提議到陳根記晚飯是日星期日，亦係晚飯時間，竟然無爆場，不用等位下就可以很輕鬆有位飲品跟上次有些改變，除了酒要自己去賣酒處付現金外，汽水可以跟伙記落，好似25/3枝WASABI手撕雞招牌菜之一，Fusion 菜之冷盤，已經係第二次食，配Wasabi醬係幾特別，未試過既朋友可以一試豉油皇炒麵麵很幼身，很有口感但略嫌太乾身，同埋麵上有芝麻好像會香口些豉椒炒蜆豉椒味太重，太咸，掩蓋了蜆肉鮮味都算無呃秤，蜆肉多椒鹽九肚魚算係全晚最受歡迎既一碟食物，外脆內軟，炸粉唔多，上枱都熱辣辣榴連奶露食過最差既甜品，一pat野，底下有榴蓮肉，一半都食品到，個感覺好漏，無諗過會係一pat野，榴連肉有啲苦，唔係太新鮮，不可一，不可再，全晚最差的食品

過幾日就系一個大日子，所以就陪朋友出黎去整髮型，希望到時可以似翻個人樣啦，希望可以做到很好，點知想去嘅髮型師今日居然唔系度，所以臨時決定去食飯先，過幾日再去整過 。食lunch哩個時間都系邊度都咁多人嘅，系陳根記度等左一陣，入到見人好多，適應都忙到踢曬腳咁。孜然骨，好岩我胃口，覺得成個lunch就佢系最好食嘅，真系得一條主心骨嘅，肉質經過孜然粉嘅發酵之後都覺得有曬孜然嘅香味，孜然味聞到就覺得好開胃喇，所以多扒左兩啖飯。超級有特色嘅wasami手撕雞，芥末味嘅手撕雞吖，之前真系未見過，芥末味一直都好嗆，所以我都系避而遠之嘅，哩嘅手撕雞我試左小小，都系頂唔順咯。

一班舊同事敘舊，諗住食啲有地道風味嘅，於是就嚟咗陳根記～一坐底，當然要嗌呢度嘅招牌菜 - 手撕雞啦~有好多次想食都食唔到…好彩今次仲有碟手撕雞keep到水準，隻雞唔老又唔”鞋”,有海蜇墊底，加上雞嘅鮮嫩口感，超正呀，大家好快已經搶曬了之後仲我哋仲叫咗:炸腐皮卷椒鹽九肚魚豉椒牛柏葉蒜蓉開邊蝦豉油王炒麵乳鴿西檸雞等等~全部都好有鑊氣，好好食！重點係一啲都唔貴~十個人每人都係＄89，好抵食呀~~~

好耐冇食陳根記，個種同無數回憶糾纏在一起既場景，真係每食一次都係一種新既感覺，由著頹TEE到著裇衫食，短短數年，幾多難忘人事，便如逝水飛花坐低，點左個Wasabi手撕雞，撕得嫩白的雞肉和火腿，海蜇，蟹子撈得均勻，挾一條雞肉入口，質感冰涼，既有雞肉，蟹子的鮮香，又有淡淡wasabi的惹味，咀嚼時一陣攻鼻，痛快無比仲有必點既蠔餅，份量甚大，咬落香脆而啖啖蠔肉，用來送飯超正腐乳炒通菜，金沙骨，孜然一條骨...我地幾乎識背依度既菜名一次re u 又完，對我黎講，陳根記已唔只是好食既小菜，而係勾連一段歲月既地方

一直都聽朋友講沙田有間大排檔又平又好味，但係就唔太方便，多數要楂車或者轉車先黎到，見今日係禮拜五，放工即刻出車飛過黎試下有幾好味先。我黎到既時間大約7:00，我自己覺得算好快，好早，但係都已經有2-3組人等緊位，ok啦，為食好野等一陣唔係問題。等佐約5分鐘就有位啦！呢度既環境-好大排檔，即係比較迫，地唔係咁乾淨，完美主義者不合適，但係食大排檔，呢d先叫風味！望完餐牌好快就落order啦！自己寫完再俾待應！叫佐4樣野：1。wasabi 蟹子手斯雞 - 呢個係必點既，wasabi味都幾濃下，蟹子勁多，雞都好嫩，正2。香煎腐皮卷 - 煎得好香，唔多油，好味3。蠔仔粥 - 好多蠔，但係粥係眠眠粥，即係好傑既粥，個人唔係咁like，蠔仔粥都係潮式較好4。南乳粉絲什菜煲 - 好大煲，南乳味好正，菜亦非常多，超抵食之選埋單釣300蚊，絕對抵食，2個人食4個菜都食淨少少，因為真係好大碟，推介！

陳根記午餐的炒公仔麵分量超級多就如山一樣 而且鑊氣十分足夠，炒得公仔麵夠鑊氣夠香材料都十分足夠雞排片都是很多的大約有20多片所以真的很飽而且炒公仔麵條條都佔有醬料所以口口都十分好吃及濃味就算叫外賣，冰冷了味道都依然十分好而且不是辣的除了雞扒炒公仔麵五香肉丁炒公仔麵都是十分好吃就有一點辣味

難得朋友揸車，於是同佢入禾輋試下陳根記。9點幾都坐滿人，自己塭枱坐，等左三個字先有人執枱。 坐無虛席 孜然一條骨，本身味道還可以但炸得太乾身。金銀蛋白菜仔，好淡，適合中意食清野既朋友 。 椒鹽鮮魷，粉太多。 沙爹肥牛粉絲，d牛整到好乾好難咬，粉絲一舊舊，失敗之作 最期待既炸乳鴿，等左好耐先送泥，仲要凍既5個人埋單450左右，平均每人90蚊，雖然價錢系好平，但食物質素就..........如果無咩要求，淨系諗住填飽個肚既就ok

今日同爸爸兩個人撐台腳, 突然興起想食打冷店, 於是左間幾出名既- 陳根記兩個人叫了煎蠔餅同芙蓉煎蛋加兩碗白飯~細細個唔仲意食蠔, 唔知點解長大後會仲意左, 每次去打冷檔都必點蠔餅, 呢間大排檔既煎蠔餅非常好食,煎得好脆身, 而且蠔仔肉好多, 蠔仔唔算好新鮮但勝在份量夠多, 每一口都有3,4粒蠔仔, 真係啖啖肉呀~ 不過阿姐比漏左汁,問佢拎返等極都等唔到, 食到最後有點乾。芙蓉煎蛋係爸爸的至愛, 裡面有叉燒, 芽菜,蝦仁 (蝦仁好細粒), 材料唔算多, 反而蛋好多, 而且煎得好有蛋香味, 但最邊邊煎得有少少濃左,好彩食唔到苦味, 都OK GE好多人, 兩個人要搭5,6人既台

香港大排檔數量唔算多, 位於沙田既陳根記比較出名, 所以日日都甘多人等位, 而且顧客要自己等, 明明對方才吃到一半就已經企係隔離等, 我們也有點不好意思了…幾經辛苦終於等到位了, 即刻落order先, 我地點了: 椒鹽九肚魚同埋時菜炒花枝片大排檔既炸物一向好有水準, 椒鹽九肚魚炸得非常脆口,外脆內軟, 好滑身又夠大件, 每件應該有半條中size ge 九肚魚,  而且熱辣辣, 好鬼好食 (p.s佢椒鹽同醋分開上, 可以按喜好點或不點)時菜炒花枝片, 我地揀左好大路既西蘭花, 都算新鮮, 花枝片炒得岩岩好,唔會太老,咬落去唔會太林又唔UM, 好食!可惜花枝片分量比較少, 而且呢碟送等左超過40分鐘, 仲要比伙記話唔好催....建議大家要有等得既心理準備。生意太好, 所以有排等位, 員工態度唔好...

已經第5次黎呢間野食,次次都坐滿晒人!雖然我9點幾去食,但係都好多人,好彩今次好快就俾我搵到位!佢地會俾單客人自己寫,寫完就可以俾佢地上菜,上菜速度都幾快!呢煲牛肉羹第一次叫,估唔到會咁好味,好多好多莞茜,有D牛肉碎同埋蛋花,岩晒中意莞茜既朋友仔。佢地既XXX雞全部都好出名,好快賣晒,好彩琴晚仲有!不過WASABI味太重芥末味我食一啖個頭就"攻"一下,不過可能有D人接受到既~因為我本來就中意食田雞,所以一定會叫呢個田雞煲!但係真係炒得好好味!唔伯無味OR太咸!花枝片都係次次都叫既,佢會配埋蝦醬,味道淡淡地,都唔錯嫁!海鮮一定唔少得!勁好味!!!!!!!!兩樣都唔辣,又夠味!呢個牛柳粒配白飯一流~細細粒容易入口!!總括而言,一定會再去食!!!味道好,又唔會好貴,三個人食咁多野都只係1人$150!!又有停車場系隔離,好方便!

特登去沙田著名冬菇亭大排檔--陳根記或者是星期日的關係，太多人，伙記根本做唔切，連點菜都要客人自己寫單😱😱😱不過，都唔緊要，仍然滿心期待大排檔鑊氣夠的食物，我們點了1）紅燒乳鴿 2）椒鹽瀨尿蝦 3）涼瓜炒牛肉食物好快送到，首先上枱的是紅燒乳鴿，一拎上手，唔熱既，只是暖暖地同好油，似是下午一早已整好，當有客order先加油浸返熱，味道又一般，乳鴿唔乾身唔好食第二上枱的是椒鹽瀨尿蝦，都係唔熱既，但就冇乳鴿咁油，有些美極豉油蝦的味道最後的是涼瓜炒牛肉，牛肉冇牛味，明顯用粉醃過，牛肉口感好散，冇咬口😖苦瓜又唔好食，成碟食咗幾舊就擺低咗，好浪費，但又真係食唔落口😡呢餐晚飯，冇諗過如此出名的大排檔水準係咁，不會再幫襯

朋友相約陳根記，個名聽就聽得多，我自己就第一次食。先講下個第一印象，賣少見少既大排檔，仲要係地方乾淨，好少見。食物方面，3個女仔叫左鵝片同埋沙拉骨，加多3碗白飯。鵝片水準唔錯，好入味，肉質都幾嫰口，不過我就嫌佢無豆腐配菜，好似差咁d野咁。另外個沙拉骨就一般般，個醬酸酸甜甜，幾開胃，但係肉質就硬左少少，可能係炸得耐左。3個女仔食少少就已經飽，2個餸加3個飯，埋單都差不多2xx蚊，價錢都算適當既。不過啤酒就要自己去隔離士多買，雖然唔遠，但係都有d唔方便。整體黎講呢間陳根記既第一印象都算唔錯，一定要有下次既。

永遠都咁旺的陳根記 !星期6, 6點sth 黎到, 都已經好多人!等左10mins, 有台~ good!點評幾款啦~wasabi手撕雞 : 好大碟!! wasabi適中唔會太攻, 好特別!! 雞肉撕得好平均~ 又滑!加上好香口的芝麻~ 一流!腐皮卷: 炸到金金黃黃 好爽口好香口!餡料好full 粉絲西芹蘿蔔仲有芽菜 好正！冬陰公粉c 蜆: 好陰公陰公呢~~~ 好惹味!蜆肉又多, d fans 索晒味, 好爽呀!!!!!!我地差唔多10人叫左2round XDD後面等位的人肯定媽媽緊我地喇

今日星期一, 諗住唔會好似上次星期5咁爆, 所以約左朋友去食, 上次都已經唔係好好, 但都算啦, 唔寫食評, 但今次就真係太差了. 朋友早到, 就坐低等我到, 我一到, 就好快咁決定叫3個菜.1. 今天特價既乳鴿, 一來到, 已經係冇煙, 所以聞唔到香味, 入口, 竟然同台面既膠水壺內水溫差不多, 所以即刻叫朋友快食, 入口味道還可以!2. 馬拉盞炒時菜, 一上台, 比乳鴿更嚴重, 我指溫度, 跟著立即夾菜入口, 一食, 吓! 又係半滾水半炒菜, 而味道更不知道係用乜炒,總之唔會係食開既馬拉盞味道! 跟著同伙記投訴, 佢好快話唔岩, 倒左, 即刻補過張單. 又等左二三十分鐘, 呢次就比較暖口, 味道都好過上一碟, 但味精極重,入喉好口喝.3. 梅菜扣肉煲, 一上台, 即刻O咀, 點解, 明明叫煲仔菜, 就上左碟! 本來, 因為天氣, 專登叫煲仔菜, 冇咁快凍嗎, 但冇投訴, 因為唔想再等半個鐘! 但夾落, 未食過咁瘦既扣肉囉! 最後, 好勉強咁食完埋單, 成為 $172.友人話, 有排都唔使再去, 連續兩次都咁差! 食風味, 都要食物質素好先得啦! 仲有, 同台有一對男女, 我初頭以為

週六夜又是年十三，與兩位摯友一行三人來一頓興高采烈開年飯 為了尋找昔日冬菇亭的風味，我們特意到來禾輋陳根記大排檔，熱熱鬧鬧地可以不受時限地盡情𣈱聚 我們大約七點半抵達禾輋巴士站，不遠處已被冬菇亭內熱鬧的聲音及撲鼻的美食所香味吸引 一踏進排檔範圍，大家已各就位分散等位。大部分食客都一大顆兒坐滿一圍，儘管已用餐完畢仍不願離坐，繼續舉杯暢飲談天說地。好不容易才遇上一枱六人行女生操國語的遊客，她們拖著大包小包與幾個行李箱接近用餐完畢在商討下站行程，等了近十多二十分鐘，終於可以坐下來準備開餐 張圓枱的大小比一張方型麻雀枱還小。當我們集合蒲坐下之際，伙計大哥為我們舖膠枱布提供食具之時，有一女食客走近伙計耳邊大哥耳語，其後就跟我們搭枱 原以為她得一名同伴都算，再不情願也無可奈何。怎料她一坐下，就彷彿要霸佔主場一樣要佔據大半張枱，說她一共四人 🙈🙈🙈🙈 我們實在無奈得無言以對 唯有盡快點菜⋯⋯ 金妹海蜇手撕雞 $65 從餐牌上的兩款手撕雞，分別是 "Wasabi 手撕雞" 和 "金妹海蜇手撕雞"; 我們三人不太好 Wasabi 那種攻鼻的感覺，所以選 "金妹海蜇手撕雞"海蜇爽口，雞肉