陳根記 (已搬遷) 新店位置

同事 farewell 去大排檔最岩一堆嘈既女人。又可以啤啤去。燒鵝話出名 但都幾失望 好肥 鵝皮唔脆 鵝肉有點老 唯獨酸梅醬搭救。 wasabi手撕雞 正。大大碟 雞肉幾滑 芝麻好多好香口 wasabi份量適中 惹味。 西蘭花炒花枝 西蘭花炒得過火 但花枝片幾新鮮 唔會太韌 亦唔會太咸。 腐皮卷 好正呀！炸到好鬼金黃 餡料好full 粉絲蘿蔔芽菜西新芹 又爽口又香 一流。 再加兩枝嘉士伯 爽呀。嘈足一晚。

昨晚是與老友一起聚餐的日期，我地幾個人就一起去照了間粵菜鋪，位於沙田的，位置都很容易找的。其實我們點了很多菜式，其中，燒鵝半隻喇，味道尚可，好香夠味道，燒鵝皮脆脆的，我最中意食燒鵝皮，火候真足。還有就是瀨尿蝦，瀨尿蝦辣了很多，肉質鮮美，配菜也是夠喉，我幾個朋友話呢個瀨尿蝦讓人胃口大開，但是相比下之下，我們更是喜歡肉的味道。，感覺做的更出色。乳鴿味道俾唔上燒鵝口味，分量太小，火候唔夠，肉質還不是入味的感覺，所以大家都是不推薦這個乳鴿。手撕雞我比較喜歡，味道不錯，雞的肉不會顯得好嚡嘴，價錢不會貴，可以喇

終於見識「陳根記」的旺場。星期日，大約下午5時半來到，正值員工用膳時間已經有少量顧客坐著等待。我和Hubby也找個位置坐下，先看看想點甚麼菜。差不多六時，員工用膳完畢，陸續來照顧已在座的顧客，環顧四周，座無虛席。餐牌上很多食品都很吸引，價錢也相宜，相比其他大排檔，這裡可以說價廉物美。礙於只有我們二人，點兩個餸一個麵。香煎腐皮卷三條脹卜卜，剛煎好的腐皮卷，香氣撲鼻而來。坊間吃到的腐皮卷，多數是扁身的，這裡是脹卜卜，餡料充足，白蘿蔔、紅蘿蔔、椰菜、菇等，全部切成一條條，充滿了腐皮的卷軸裡，色香味俱全。我好像還吃到少量肉絲，但不太肯定，因為太幼細了。紅燒乳鴿早幾天忽然想吃乳鴿，難得來到大排檔，豈能錯過機會。乳鴿有一隻成年人手掌那麼大，肉質結車厚肉，絕非「饑荒鴿」。外皮有點脆口，不加付上的調味品也足夠鮮味。豉油皇炒麵淡淡金黃，麵身爽口彈牙，每一條麵都平均沾上豉油的顏色。加入韮黃、芽菜炒拌，顯得更香。大排檔小炒過往是份量充足見稱，如今營運成本高，能夠大堆頭已經買少見少。這裡的份量依然充足，貨真價實，難得難得。最後一提，想吃陳根記，記得早些去攞位。那晚6時多，座無虛席還不算，幾乎大半的枱都已經有人

咁岩約朋友出嚟食飯,係沙田附近食完之後,突然有朋友話呢間野個芒果一口脆好好味, 食到幾飽都要食, 結果成班人就買左一盒嚟試下.果然真係好好味, 外熱內凍而入面D芒果肉唔酸真係唔錯!

30.11.2015wasabi蟹籽手撕雞 攻鼻到。。不得了。。豉油皇乳鴿 都ok.旦好似燒正d. 臨走聽到賣哂。😂椒鹽鮮魷 吾整到黑媽媽 都幾好食 又大舊又多不過 行去 同 返去 條路 堅遠。。

黎到沙田區探親友，一大班人最好就係食抵食夾大件既大排檔。首先黎個蒜蓉開邊蒸蝦，蝦較細隻，所以無乜膏，蒜蓉夠多，加埋鼔油淋左上面係幾惹味。蒸既時間剛好，蝦肉唔會鞋。西檸雞，夠大碟，雞外邊唔算厚粉，加埋個檸汁酸咪咪，都幾入味。

4個人8:00左右去到，已經人山人海，滿哂座，好熱鬧！等左一陣，甘岩有人走，就有得坐啦～點左4樣嘢食。招牌手撕雞，叫左半隻，都好大碟下，真係好好味，好特別！滷水拼盤，嘜到有，牛肚正！金銀蛋菠菜，菠菜越食越苦，一般般。福建炒飯，份量好多！

今日去完沙田睇家具，家人話不如食大排檔，所以一行四人去陳根記食飯，去到8點超多人，找位都好難，找到差不多20分鐘有位，待應太忙根本理吾晒，我都預左，所以最後我地都自已寫左幾個菜式比待應。川芎白芷蒸魚雲$70：等了差不多一個鐘食完先黎，但堅好味道。中藥味道濃又吾苦，魚雲份量多而煲到好奶白色，只果湯方面再多點就更好。馬拉盞炒通菜$48：味道正常，夠鑊氣，份量多。吾太咸剛好。鹵水併盤$128：份量每款都多，夠入味而吾咸 。辣汁吾太辣但令到卤水更香好味。醉香雞：酒的味道都叫濃而香，雞仲保持到嫩滑而吾鞋，雞件吾太肥剛好，少少微溫吾會杰晒難食。連蛋都入晒酒味。最後仲有甜品食，出奇地好味道。但甜品供應有限，所以最好提早買左先。

難得黎到大排檔當然要食個炒野。因為擒晚先食左陳根記，覺得味道吾錯，所以再去...點知 星洲炒米$30：份量叫左少其實都飽肚，顏色已經冇，味道淡冇咖喱冇咸味，底部都係油。唯一係炒得熱同米粉幼身口感吾錯。而送的凍檸茶正常味道 茶味偏淡。 只可以講$30一個午餐吾好要求高。

一班老友打完波就去陳根記,雖然好耐冇去但味道不變....燒鵝、蒜蓉蒸蝦這些名菜當然有食...但反而想講下炒雞軟骨同娃娃菜兩味....呢個腰果炒雞軟骨, 雖然佈滿左炒蒜蓉,但一點也不油膩,而且咬落好爽口, D腰果仲咸咸地...正呀!呢碟娃娃菜其實味道唔算太特別, 只係有朋友講起而家蝦乾好貴, 而碟菜入面有好多好抵!雖然咁講, 味道都唔差架!成餐飯都算唔錯, 係服務差D就預期之內,特別加單果D等左好耐, 催的話伙計又聽左就算,但傍邊又有人在等位...希望第日多伙計D會好D啦~

禾輋陳根記半年沒來陳根記，6:30pm已全場滿座要等位多人得可怕，而家仲要搭檯添，真係遲來不如唔好來。味道依舊出色，一味手撕雞已令人垂涎鹵水牛展極入味，怪不得晚晚座無虛席，幾十張檯。香港，說陳根記最多人幫趁的大牌檔 應無人反對。FB專頁: smallsmallsmalllin

平時去親沙田，都會苦惱食咩好，特色選擇好似唔多，第一時間通常只會諗到乳鴿。得沙田友介紹，去遠少少的禾輋邨大排檔陳根記搵食。其實我口味好佬，最鍾意鑊氣嘢，大排檔啱晒我，不過只限冬天陳根記地方好大，但都一位難求，由於要自己搵位，所以要分散同伴金睛火眼等位睇下邊張枱快d，但大家通常慢慢食，又會吹下水，要等位都要有點耐性。事前做左點功課，知道wasabi手撕雞係名物，但可惜8點幾就已經賣晒，唯有叫另一樣人氣菜式： 孜然一條骨（$58），肉都算多，又鬆化，仲有好香香料味，合我口味。叫 冬蔭功浸沙蚌（$68）係因為我鍾意飲冬蔭功，但呢道菜完全唔係果回事，味道好怪，少少冬蔭功的神髓都冇，蜆雖然多，但肉細，食唔過。 鵝片又嫩又腍滑，兼且滷得入味，附送的醋有別一般的白色醋，佢唔只得酸味，仲有獨特香氣，令鵝肉味道更升華。下次一定要食到手撕雞~值得去指數：

因為預祝爸爸生日，而他在沙田附近工作，再加上他喜歡吃中式食物，所以我們來到這大牌檔吃預祝生日飯。這店的名物是wasabi 蟹籽手撕雞，本來愛叫雞吃的爸爸怕辣不想點這道菜，但經我極力游說後還是點了。結果他吃了一口便辣得吐了出來。但我覺得這碟wasabi 雞是辣得很刺激新奇有趣美味，感覺到太辣的時候我把wasabi 雞放進及第粥裏亦同樣美味。其他餸菜也還好，但特別是吃完瑤柱炒白菜和芝士豬排後感覺到超級超級口渴。另外，爸媽不滿這家大牌檔從新城市廣場走過來禾輋村太遠，而且這店雖然超大但零空調，對他們而言熱到high high，不怕熱的我覺得還好。

二人即興食陳根記，亮然唔洗點等位，非常好彩！蝦乾炒白菜 － 個蝦乾好大隻，誠意十足！蒜蓉開邊蝦 － 有媽媽嘅味道香煎腐皮卷 － er⋯⋯酒樓果D好食好多Wasabi蟹籽手撕雞 － 個wasabi好辣，但忍住道辣就會領悟到好好味

話說昨天下午駕車到訪朋友位於九肚山的家，時近黃昏，朋友提議不如晚上到禾輋邨的大排檔陳根記吃晚飯。我從來都未去過貧民區，心想跟友人遊歷一下也不錯，便欣然答應了。誰知當晩換來一個真正走入窮人生活的體驗。公屋不愧為窮人樓，公屋街市大排檔不愧為貧民食堂。首先是泊車。禾輋廣場的停車場臭氣熏天，停車位窄。不如泊街邊罷了。其次是環境。大排檔沒有冷氣，只有風扇，一邊吃飯一邊流汗，苦不堪言。再者是服務。落單要客人自己寫，此外，服務態度欠佳，侍應毫無笑容，並且常常面露難色，彷彿很不情願上班似的。接著是食物質素。平平無奇，毫無驚喜，一般貨色。咕嚕雞球，不夠熱，炸粉太多，雞肉太硬；蒜蓉炒通菜，無通菜味，下價菜，不夠熱；乾炒牛河，牛肉太硬身，又炒到燶晒，不知所謂；手撕雞，完全無雞味，仲自稱係招牌菜，自欺欺人。大排檔還號稱老字號，始創於1982年。這確實是不錯的，由1982年貧窮至今，都窮足大半生，多年來都只能做到如此低質素的食物，難登大雅之堂，難怪窮足半生。如果大家想感受一下香港的貧富懸殊，先光顧陳根記，再光顧福X門，貧富懸殊盡體驗。