陳根記 (已搬遷) 新店位置

今日同一大班朋友黎食大排檔試左兩樣不可不提既人間美食!要食呢兩樣野,係要早D黎,遲D先會賣哂第一樣就係Wasabi手撕雞!D雞肉幾滑,加上蟹籽同埋海蜇,好爽口,最後仲有刺激既Wasabi ,愈食愈好食,愈食愈開胃呀!Wasabi唔係好攻鼻第二樣就係一口芒果脆脆,佢係即叫即炸,所以就要等一陣喇炸到個皮金黃色好脆,入面就入芒果肉,外脆內軟好推介呀!

典型既港式大排檔，自己搵位，服務同衛生當然一般，但菜式有別於其他大排檔由於只同朋友兩人食飯，點既菜式不多，wasabi手撕雞，wasabi味夠，食落夠攻鼻。冬蔭公浸蜆，酸辣味適中。另點了個“麻甩大什”，鍾意食辣既就要試下👍

我地一行六人，大牌檔吾太熱食正到死，地方正常吾會周地濕，我地嗌左七樣野，逐樣講生炒骨吾厚粉多甜酸，蟹粥多蟹但粥我角得棉左些少，黃金蝦最正咸香勁炸到殻完全可食，手撕雞夠滑花生將味濃，炒蜆就好難吾好食，無開既蜆吾多，魯水紅腸默魚拼就可魯耐d濃味d同一樣吾記得左咩因後加無影相。最正係一人埋單百二蚊食唒野嗌哂汽水，中意呢度食中菜好食又抵食！

今晚山長水遠過來，在完全缺乏管理之下的大排檔搵位都搵了半天。有位，一坐低，阿姐要求搭枱，我地話唔好，見有張細既枱就諗住將大枱換畀有需要的人，點知阿姐番黎大鬧我們，無得換！態度好差！大大聲話坐低左就無得轉枱。知你地想做多d生意，想併夠人數，唔好哂位。但你又無寫明要搭台，又無寫明唔准轉枱，個個自由等位，有d一個人等兩張枱，完全無人理。辛辛苦苦等到位先黎同你講呢樣唔得，果樣唔得。下次絕不幫襯。出到黎，仲要見到隻成尺長既老鼠。

到我生日🐣，本身男朋友已經提早幫我慶祝咗生日，佢諗住正日又再食餐飯，咁我又好鍾意食大排檔，男朋友就揀咗係沙田既陳根記，嗰日係星期四，但都好多人要自己入到去等位，侍應唔會幫我哋搵，等咗大概20分鐘就坐低左。😶😶坐低見到有好多野都想食，但奈何得兩個人，但諗住慶祝生日就食豐富啲，叫咗四個餸，我哋叫完餸之後就等左差唔多15分鐘，😟第一隻手撕雞就到咗，之後果三樣餸除左幾次先係差唔多個半鐘先黎晒，未試過食餐飯催咁多次都未黎😡😡芥末手撕雞🐔其實都幾特別，有少少攻鼻，又有麻油加雞既香味，肉都算嫩，見到每一枱幾乎都有點，應該係招牌菜豉椒涼瓜🌶涼瓜雖然冇苦澀味，但就偏鹹，同炒得過熟，好淋，冇咩爽口既感覺菠蘿生炒骨🍋呢個唔算多炸粉，咬落口偏多肥豬肉，個汁都算合格既椒鹽九肚魚🐟炸得都乾爽，呢個真係我最愛，但我略嫌呢到用多咗少少粉，口感食落去真係馬馬地其實除咗時間等得來之外，啲餸煮得都幾好，都幾有香港風味，下次有機會都會再去，但可能會選擇冇咁多人嘅時間😌

重點推介係蒜蓉粉絲蒸扇貝：＄68有六隻好抵！食得出好新鮮，粒粒帶子都好鮮甜，火候啱啱好唔會蒸到過熟，蒜蓉好香，唔會太油，最正係啲粉絲入晒扇貝的鮮味同埋蒜蓉的香味，真係可以食晒啲粉絲當飯食。炒蜆係另一個重點推介，大大碟唔似得有啲大排檔好孤寒咁俾十幾廿隻你交貨，粒粒都幾有肉地，而且成碟得一隻冇開殻，可見用料新鮮，非常之高的水準。個汁好香好濃，加上蜆肉本身的鮮味，令人停唔到口。來陳根記必食的當然有手撕雞啦，啲雞肉幾嫩滑，其中仲要有爽口的海蜇，口感好正，一絲不苟在加上一粒粒的蟹籽，配上刺激的Wasabi , 這是一碟完美的菜式！

香港的妹子推荐来的。从沙田车站走过来大概十几分钟。其实手撕鸡很一般啊，不知道为什么那么多人推荐，虽然和wasabi以及鱼籽海蜇的搭配很新奇，可是味道实在普通。腐竹卷非常好吃，虽然是油炸的，但完全不会觉得腻，馅料很好地平衡了油分。西兰花炒牛肉略咸，我一直以为香港人口味好清淡的…豉油皇炒面的确比北京的好吃，但是面有点碎。综合来说菜量有点大，两个人吃三个菜足够了。味道比较一般，可能是期待值太高。

大排檔都香港地方特色，但好多地方都不見了，今次與從日本來的友人找到這大排檔。它在村中間，地方好大，天氣比較熱，但也內外都有風扇通風。人好多全場爆滿。好有風味。我叫了蠔餅，鹵水鵝和炒蜆。食物都來得好快，而且是熱辣辣的。蠔餅是新鮮做好，來到食的時間還辣口的。蠔都不炒和不是太多粉，但欠魚露。鹵水鵝內外都是熱，巾豆腐在底和好入味，但份量比較少。(我日本的朋友讚)炒蜆都有好多肉，雖然有些是合起來，但全部都開到和無沙。

金銀蛋莧菜(味道清清地)椒鹽白飯魚(炸得再金黃色d，外表會吸引d)味道要另落椒鹽(淨食……無味)蒜茸蒸蝦，蝦已經一開二(蒜茸多，好香的蒜味滲入蝦肉)，蝦肉鲜甜(新鮮)肉鬆蒸蛋，蒸的時間剛好，蛋好香滑嘩！蟹籽加上wasabi的手撕雞好好味(少少wasabi 辣味，加上蟹籽的口感，整體好食)配菜有火腿絲，彈牙涼菜正！啤酒需.啤酒區先付款(有冰筒跟)環境有很多大風扇，算涼快

嚟到沙田 除咗去IKEA 食嘢之外 仲有就喺要去食陳根記-手撕雞 最多咪就喺芝麻加麻油 撈埋一齊就上碟陳根記個手撕雞又點會咁簡單俾你估到 咁普通就唔會喺鎮店之寶Wasabi crossover 手撕雞你又食過未？Wasabi 手撕雞陳根記就喺將平平無奇嘅手撕雞加埋Wasabi 同蟹籽再撈埋一齊 成件事喺咪好日本？但佢喺出現喺香港大排檔 好amazing 😂食落口Wasabi 唔會好搶喉貢鼻 手撕雞唔會會煮得過老 食落仲喺好滑 食落有啲蟹籽喺個口到爆下爆下 幾得意㗎個口感-芒果脆脆即叫即炸 所以一食落個皮真喺炸到卜卜脆 皮脆但芒果軟 你喺唔會諗到喺大牌檔食到呢啲許留山式嘅港女甜品👅-

真係唔知幾耐無食過大排檔。大排檔的確係好有風味，好有鑊氣，呢啲絕對係大排檔嘅特色。不過夏天去食，都的確係幾熱下～～～但係有好味嘅嘢食，熱下都可以嘅！無啦啦想去食大排檔係因為早排突然間心血來潮想食蠔餅。蠔餅呢家嘢真係唔係度度都好食，想食到好食嘅唯有去大排檔。果然真係好好食！蠔餅炸得好香脆，蠔仔味好出，最重要係唔腥，呢啲係屋企真係好難做到。不過好食嘅嘢多數都係邪惡，呢個蠔餅就非常之油。不過大排檔就係咁。呢個蠔餅係好食，不過我自己就鍾意軟身啲果種，姐係自炒或者煎嗰種，呢隻係好香口，但係就有啲𠝹口。另一樣我覺得去大排檔要食嘅就係椒鹽瀨尿蝦嘞！因為呢樣都係一樣好講鑊氣嘅嘢，真係除咗大排檔，或者一啲港式海鮮酒家先會好食，講真真係好耐冇食過，呢度整得都好好食，好香口，又香脆，唔錯唔錯。西檸雞，另一樣我好鍾意食嘅港式餸，呢個都好食，不過唔係我食過嘅最好食。味係好夠嘅，不過呢個汁嘅texture，唔係我最鍾意，我會鍾意杰身啲，glaze 啲嘅。至於炒菜，好味，不過好咸同好油。不過去大排檔都預咗係好鹹好油架啦，唔重口味又點係大排檔呢，下一餐先食得健康啲啦～

點了招牌的手撕雞，他家手撕雞分兩種，一種是海蜇手撕雞一種是蟹子芥末的，點了海蜇的，看起來顏色淡淡的，但是吃起來很夠味，雞皮脆爽彈口，沒有肥油，還有一小碟微辣的醬汁可以蘸，感覺下次一定要試試芥末味的。炒通菜很新鮮，菜嫩，綠油油的一盤讓人心情很好。豉汁炒牛百葉，牛百葉很厚，切得大，吃起來爽口，炒的嫩且入味，不過吃多了會覺得略咸。孜然一條骨，我最愛，孜然很香，跟洋蔥一起炒的，肉質緊實，味道偏淡，所以還會有一小碗醬可以一起吃，反正我是連骨頭都啃得很乾淨。甜品芒果一口酥，很奇妙的搭配，外面是溫熱的酥皮，下面墊著奶油，裡面是一塊芒果，芒果是超級冰的，感覺入口好豐富，酥皮香，芒果又甜又清爽還冰冰涼。

陳根記已經係沙田區做到出哂名，去陳根記如果唔早到就要靠彩數先搵到位，因為晏少少去好大機會已經無哂位，但為咗食好西早啲搵位都唔怕啦。所以今日六點即刻嚟到，好彩果陣仲有位，而且仲緊要係無落雨。煎蠔仔餅蠔餅係大排檔常見菜色，蠔仔份量都好多，啖啖都食到蠔肉，而炸出嚟嘅蛋餅唔會太多油剛剛好。炸大腸炸大腸熱辣辣炸得香口唔會淋身，送啤酒一流。炒白菜白菜清甜，而且唔會好多油非常健康。雖然今餐真係一路食、一路流汗，但咁樣先食到大排檔個風味。

自小在沙田長大，中學時期已同一班死黨在陳根記聚會，試過晒沙田火炭的大排檔，但每每想起大排檔都必定係陳根記，無人反對。講返野食，最愛最愛，什麽高級中菜都無法相比既係小弟至愛，必食推介《Wasabi蟹籽手撕雞》，雖然偶有失手，但大部分時間都保證唔會令你失望。其次就是鹵水，鵝片特別出色今次懷念泰國唐人街的豬什，特別叫多個香港豬什試下，都可以一拼!!生炒骨可以話係大排擋永不失手之選!!陳根記價錢大眾化，質素有保証，所以係唔憂做，未來過既唔好諗住有服務，否則一定失望! 次次去都係自己等位，自己寫單，交比伙記，所以有心理準備呀!!

陳根記係沙田嘅老字號吖，每日都好多人慕名來食，我有時經過呢邊都會約埋住呢度附近嘅friend一齊來傾下鬼食下嘢。依家天氣咁熱無胃口嘅話來番個冬陰功浸花蛤就啱曬喇，酸酸辣辣嘅味最開胃喇，食兩啖呢個就大魚大肉都有胃口喇。孜然一條骨，我呢种肉食大王真係眼發青光吖，好香口好入味，不過覺得有DD幹吖，肉裡邊嘅肉汁都無曬了。手撕雞好正，我其實對手撕雞係又愛又恨吖，因為有D時候食到嘅手撕雞竟然係腥嘅！！好反胃吖，不過呢度嘅就放心食喇，一D腥味都無，D雞皮仲好脆口，又無會覺得肥，D肉又無會覺得無味好似食紙巾咁，我叫嘅係海蜇那款手撕雞，芥末味嘅未試過。炒通菜唔使講，正吖！又脆又嫩，顏色清脆，入邊有DD蒜蓉好香，我自己都可以食兩碟吖！