阿鴻小吃 (已結業)

After walking quite a long way, it was very hot, but I still wanted to try 阿鴻小吃. It was only 12:20 p.m., so not much people inside. I understand that 麻辣鴨舌is one of the signature dishes, but both of us is not spicy people, so we decided to give it up.1.蔡瀾撈粗:8分,豬油+撈麵,好味2.炸墨魚餅:9分,炸得好脆, it did not taste like 墨魚, but it was delicious!3.例湯:8分,例湯is 蕃茄湯, similar standard as the one that I just drank in 勝香園, good!4.凍紫背天葵:8分, 太熱太熱, needs a cold drink, I loved this 紫背天葵, not too sweet.We could only taste a

阿鴻小吃可以說是一間無法挑剔的食店(或者唯一要鬧的, 是逢星期一休息, 搞到我試過吃閉門羹)。鴨舌, 我喜歡有骨的豉油皇鴨舌, 邊吃邊啜, 夠入味。豬腩肉、排骨都很入味, 蔡瀾撈麵有點油, 但可以接受。老闆阿鴻對於「勝利小廚」的入侵, 從容不迫, 可見胸有成竹。老實講, 勝利的海南雞, 連以前銅鑼灣的南亞、而家又一城的皇府的水平都做不到, 居然入侵和富食街, 是不是有點不自量力呢?

01/07/2005 15:00回歸對我最大的得益，莫非多了一天的假期，其實放假可以有很多有意義的事做，可以執屋、行山、游水或者遊行。不過對於我來說，都不及四圍搵食咁有意義。醒來已是一時多(不過不是我)，隨便打掃一下屋企後就想著去邊度開餐。九龍這邊似乎沒有什麼心水，反正近小輪，一於過海搵食。到達北角後煩的只係唔知去邊間：樂群？阿鴻？新和富？勝利？最後因為唔想食咁飽，所以選了阿鴻。店子不算很大，裝修頗精緻，門口是味部，掛的盡是招牌出品- 鹵水。坐下後揭著揭著餐牌，大部份都是鹵水小吃，也有麵和飯。兩個人點了鴨舌($20)、大腸麵($24)、排骨麵($24)和一碟通菜($10)。麻辣鴨舌是原隻的，店方稱為"有叉鴨舌"，一碟六件。我覺得鴨舌最可口的部份是舌頭，肉爽食落有o趙頭，鹵得很入味但不太咸，但麻辣汁有點失色，不麻不辣亦不香。大腸麵很大碗，大腸的份量頗嚇人，多到差唔多舖滿了碗。食落很腍但鹵得唔夠入味，而且還有陣輕微的"壓"味，不過我可以接受。排骨麵亦係非常大碗，有成六至七件排骨，亦係可以蓋過碗子。排骨非常鬆化而且入味，係今餐最好食的一味。湯底精甜，有淡淡的鹵水香料味，幼麵麵身爽口冇鹼水味，

之前都係睇大家寫o既食評多...今次終於忍唔住要下海寫返篇!!!因約左家人o係北角等咁就順手上網check下有邊間好介紹,點鬼知見呢間"阿鴻小吃"咁鬼多人讚...心諗o係咪o架??咁就一於去試下!!點鬼知因工作關係攪到好鬼夜收工,去到呢樹都差唔多9 點40分,兩個人入到去拿臨臨叫左炸墨魚餅,腳根拚海蜇,鹵水鵝肉同蔡瀾撈粗炸墨魚餅--炸得好香脆,眼見有墨魚肉,幾好味送酒一流!腳根拚海蜇--腳根應該用南乳整加上有少少辣,而海蜇食起上黎無外面一般o個d咁咸,兩樣都唔錯!鹵水鵝肉--好大碟,個人覺得肉味唔係咁夠差少少,不過墊底o既芽菜可能吸左d鹵水汁關係好鬼好食同好爽,下次應該問下有一碟淨買先!蔡瀾撈粗--個人黎講呢個最值得讚,上桌果時見佢d色唔係太深同筲箕灣出晒名果間d色差好遠,但食落去好鬼死有味另咸味o岩o岩好另個麵身都幾彈牙...感覺上覺得佢好食d...特別要留意果o個跟麵o既上湯,佢唔係一般出面含大量味精o既味精上湯,飲左之後唔覺得口渴!!!食飽之後埋單約$140唔算太平但見到師父O既工夫,整體上呢間食店o既食物水準不錯值得一試,另佢地員工O既招呼唔錯值得一讚!!!希望佢可以繼續保持落

昨晚15/6 真係落狗屎咁，灄晒水咁行，七點前食左書局街街市的豆腐花同鍋貼，所以不是好餓。七點去到鴻哥度竟然不是好多人，得一兩張坐左人，可能落雨有點影響，好在阿姐好醒目，食緊飯都一手接過我濕到爆的兩傘。廚房竟然唔見鴻哥，我地叫左炸墨魚餅，好鬼正，依然咁好食，有墨魚肉食到。再黎麻雞腳根，$22，小食都係好過癮。仲有豉油鴨舌，我要有骨的，不過唔駛成枝，$32，好味。食食下鴻哥街坊裝咁返黎，不過好快開工，個廚房咁細迫咁多人，總共四個，有個新黎的。昨晚例湯係冬瓜煲清保涼，冇味精，最後叫多個例牌，墨魚拼鵝腸拼豆腐，真係好好食，雖然要成$50，但D墨魚好香好咬口。咁食法其實都好似真係幾奢侈，全部淨係食食送，哈哈!不過咁好服務態度又好食算係咁啦。

叫左墨魚餅同魯水豬頸肉牛展撈粗。墨魚餅，要大讚，因為一食超脆皮，同埋仲要有墨魚容係入面，好香口，但略嫌墨魚味唔係十分出，如果加太多甜酸漿，會影響到唔係十分食到墨魚味。但伴碟仲有青瓜等，非常美。魯水豬頸肉好軟，好林同入味，又唔會魯得太黑，非常好食。牛展無乜特別，暖暖地，加少少辣椒油咁，香口。撈粗同安利一樣，係成個麵撈豉油，條條都上味，好。仲有，又係ｄ排到齊晒兩排，超靚。臨走仲同老闆娘同廚師講左兩句，讚下佢地心思，佢地著重同客交流，都好好呀，一定會再幫襯。

今日落大雨於是提早食飯六點左右黎到都已經有一檯食緊跟住到六點半已經差唔多全滿兩個人叫左南乳粗齋,鹵水鵝片併蒜香雞同炸墨魚餅另加粉葛赤小豆湯一碗南乳粗齋味道輕清,但已經好夠味,材料種類多元化,唔會好似街賣d齋咁油鹵水鵝片瘦中帶肥,有鵝味而且好淋身,易咬口,但略嫌鹵水味唔夠蒜香雞有雞味又滑,而且唔會太肥,幾好不過75蚊一碟雙併都幾貴下炸墨魚餅新鮮炸起好好食,唔太油而且入口有粒粒墨魚,點埋甜酸醬好正,必食推介粉葛赤小豆湯係真正不含味精既湯,但略嫌唔係老火煲,少左應有既甜味食食下見到陳豪同佢阿哥黎幫襯佢好nice又有求必應阿姐每上一個菜都會唔該前唔該後一d架子都無我地走時仲同我地講拜拜今日真係好開心呀!

昨晚5/5 再黎幫襯，好彩我地早黎咋，七點半到都仲有位，叫左好多野食:1. 無骨鴨舌$32---不是好多份量，但功夫錢黎o家，但我都係鍾意有骨好咬口一d，麻油味幾重，都幾好食。2. 阿鴻鴨舌$20---上次食過，六條成枝的，不過太辣我食左一條咋，哈哈，好似上次好食d!3. 麻雞腳根$22---好特別，又係功夫錢黎，幾過癮^^4. 蔡瀾撈粗$30---都幾好食，好香，碗湯底仲有類似火腿粒，但好大陣藥材味，唔知係咩料煲o既呢?5. 鹵水鵝肉飯$29---皮有些毛，肉幾好食，好大碗飯，食唔晒!!6. 例湯$5咋喎，MENU寫$8---紅蘿蔔雪耳粟米，冇味精~阿姐服務仲好好添，我地話杯茶好油，佢斟過杯仲幫我地洗一洗，另外有個新黎姐姐寫錯價錢，舊姐姐幫我地改返單仲解釋話新同事唔熟習添~個洗手間好有屋企FEEL，又乾淨.埋單$138，臨走鴻哥仲好誠懇咁多謝晒BYEBYE添，出門口見到都六七人等緊，這一餐真係食得開心啦。

前幾日的中午，有私人事要鼠去炮台山，搞完後，就行落去阿鴻哥這裡食番個鹵水飯。未夠一點黎到，入門口就見到阿鴻哥坐陣，打聲招呼後，拿拿林搵個位，叫左個元蹄併豬飯。好快就上檯，賣相非常給引，塗在飯上的鹵水汁頗多，岩晒我送飯。元蹄及豬的鹵水汁夠入味，元蹄肥瘦剛好，不覺肥膩，食落咬口彈牙煙韌。另外亦欣賞豬的雕花切法，賣相贏了不少分數，食入口爽脆，不覺豬的味蕾粗揩，相信阿鴻哥都花了一點心機令到豬那麼脆而滑。除了原有的鹵水食物外，又有幾款新出品如芥茉鴨掌，下次再來試試。一路食，又同阿鴻哥閒談，得知呢幾個月黎這裡非常旺場，即使大長今大結果當晚亦沒有影響。都係果句，只要做得有心，而食物及服務質數沒有退步，相信懂得黎這裡的人會越黎越多的。

早兩日同朋友行完街便來此晚飯, 朋友都話無介紹錯! 兩個人叫了個蒜香雞併盤: 計有蒜香雞, 麻辣豬脷及豬腩肉, 南乳粗齍和阿鴻鴨舌. 基本上樣樣都好好味, 朋友就最鍾意蒜香雞, 因為滑得嚟又有雞味, 難得的是雞皮唔厚, 起碼食落感覺上會健康D. 麻辣豬脷亦是另一佳作, 豬脷切得較一般的薄身, 避免了un的情況之餘亦令到汁料較易吸收. 建議食到辣的朋友(小小都OK)真係要點麻辣, 因滷水豬脷亦曾試過(因某些人不吃辣), 個人覺得真是比較遜色呢! 反而豬腩肉就較為普通, 佢都係間肥瘦, 但就好似缺少了腩肉香. 至於南乳粗齍則是我的至愛, 是每次必點的菜式, 師傅炒得真係好好食, 南乳很香濃惹味, 而材料又盡吸收了汁液, 簡直發揮晒這度菜的神髓. 當然, 嚟得阿鴻, 就當然要點阿鴻鴨舌啦, 佢D用料一向都幾新鮮, 因為唔新鮮的話鴨舌會有陣"so"味呢! 老天綠無得成日食, 好在還有阿鴻鴨舌以慰想思之苦!P.S.老闆好好人, 仲請我哋飲例湯, 佢哋D例湯經常轉款, 而且係真材實料煲的, 非一般例湯可比.

足不出戶瞇書o既日子, 已經就快"吽臭",晚飯想食d酥香野醒下晨, 就叫媽咪黎買外賣加餸.媽咪買左四分一隻卥水鵝加一客炸墨魚餅.炸墨魚餅一客有六件, 用吉列炸法沾麵包糠炸香, 外皮酥脆, 裡面亦食到墨魚肉, 真材實料, $28幾扺食!至於鹵水鵝,稍嫌鵝肉老左d, 不過$40幾抵!

前陣子同朋友冒名而來, 最初仲搵唔到添.去到已經係晚上八點幾, 但都要等位.(冇法啦, 好食既地方係應該要等位既, 再者, 呢度地方唔係太大)我地揀左鴨舌, 蒜香雞飯, 大腸豬頸肉湯麵, 炸墨魚餅. 鴨舌: 我地揀既係無骨麻香, 不過可能因為唔係好濃味, 所以我朋友麻麻地鍾意, 佢認為辣味會好食.蒜香雞: 好味. 湯麵: 好好味, 因為我覺得佢個湯底好好, 清得黎好有味, 麵又好食, 唔韌唔腍剛剛好.炸墨魚餅: 熱辣辣, 點埋醬就岩岩好.最想講既係老闆真係好好人, 你一望佢佢就笑笑口咁好親切架. 其他伙記都唔錯. 可能因為我地係佢地食晚飯既時候(都成十點)仲未走(我地未食完架), 老闆送左足料既糖水俾我地, 嘩...勁開心呀, 仲好好味好潤添. 另, 睇到佢地一整開晚種融洽, 我真係好想有一個好似佢咁既老闆. (^.^)

星期日和朋友飲完茶便到這裡食.我們叫了蒜香雞- 味道幾好,可惜凍d.南乳粗齋- 南乳味很好,值得一試.香酥炸墨魚餅- 炸得剛剛好,很脆,很好味.蔡瀾撈幼- 麵唔會,很彈牙,都唔錯.鴨舌- 我個人唔多喜歡.但聽說味道幾好.豬大腸- 味道一般,還有陣陣羶味,唔多得.雞腳筋- 很爽,很好味,也是值得一試.朋友也認為幾好, 真係唔錯.只可惜地方又真係細d.

陪媽媽走去北角中旅社換回鄉証,做完手續己三時多.記得前兩個專題是寫這裡,就走來試下.一入門口已經聞到好香的鹵水味.就叫個鹵水鴨舌,顏色平均,大細適中,"正".緊接是鹵水鵝片拼雞湯麵.鵝片肉味很香又滑口,如果再肥少少就更正.

之前和openrice來這裡食過一次,但沒有寫食評,今次再來食.我們叫了例湯- 很多料,很好味,一定要試.蒜香雞- 很有雞味,蒜蓉很香,也是不可多得的食物.南乳粗齋- 南乳味很香,是我食過最好味的南乳粗齋.招牌鴨下巴- 我就唔多喜歡了,但辣椒女就話很好,明知一個人食唔完也要叫.香酥炸墨魚餅- 很脆很彈牙,又炸得好香,比很多地方也好.這小小的店,實在唔容易找,如不是之前有人來過介紹,一定會錯過.老闆是一個很健談的人,如有什麼不明或想問,相信一定會內心的回答.只是這裡比較細,如人多就會比較麻煩.