阿鴻小吃 (已結業)

眾人在開年局當中, 忽然發起來個阿鴻小吃團,結果一言既出,接近原班人馬,劈完鵝肝,再劈鴨舌.天亡我也.不必多講,阿鴻本身已經在之前已去過兩次,今次去,更多人,吃得更多,除左眾鴨舌,蔡瀾撈麵,還有其他.人多一點,吃多一點,這是必然,尤其我班眾餓狼劉伶,單睇個陣式,將會吃得翻天覆地.全夜菜式由惡男兄代辦,未坐暖例牌奉上老火例湯來定一定神,赤小豆沙葛黎講,對我呢個酒鬼黎講,妙不可言.打後眾鹵水菜式,不必多講,雖然阿鴻隻鹵水經驗比較淺,唔係有六七十年的vintage味道,不過一樣非常甘香,係質感無咁豐厚圓潤,菜式眾多,實在不能一一介紹,精選講幾味吧:醉香珍肝,充滿酒香的雞肝,非常甘香,初二鵝肝,初七鴨肝,呢一日就雞肝,咁樣下去,小弟個肝,一定變成黃沙肝.芥末腳筋,很爽脆,如果你受得起芥末的刺激,一定愛得死去活來,受不起就痛得死去活來,完全沒有灰色地帶比你優柔寡斷.送酒佳品,當然係鴨舌,有骨無骨,仲有鴨下巴,麻辣味道唔霸道,還覺得有點"親民",丁點刺激味道在味蕾上打轉再打轉,然後陰魂不散般殘留著,呢下先係最高境界.墨魚餅,依舊香口彈牙,蘿蔔黎講,阿鴻比起很多坊間車仔麵,更加高上一個層次,鮮甜無渣

星期五食完翠苑甜品之後, 跟住去左阿鴻小吃買外賣. 真係慕名而去的. 叫左鴨舌, 鴨下巴, 豆腐同鴨掌. 一共$61 .鴨舌& 鴨下巴(放同一個盒) -- 真係幾好味, 帶小小辣.豆腐& 鴨掌-- 鹵水味唔濃, 好一般. 不過豆腐幾滑.個人覺得如果只係食鹵味的食物, 可能有點失望. 而不是住在附近的話, 就唔值得去. 若然叫鹵水食物& 其他菜式, 可以試下唷.

和朋友到比此午飯，兩個人叫了幾樣嘢，包括：芥末雞腳筋、阿鴻鴨舌、鵝片、白菜和蔡瀾撈麵。雞腳筋口感一流但可惜芥末味太重，眼淚都標。鴨舌陣陣酒香帶微辣，正！鵝片嫩滑好味，滷水味恰到好處。白菜就一般，沒甚驚喜。蔡瀾撈麵真係幾正，因為冇乜配料，完全靠師博功夫調味，屬水準之作。此店出品有誠意有水準，值得推介。

啲野食係幾好味，都算抵食，份量夠哂，衰係衰在個好好食既面竟然同菜爛扯上關係．．．

我真係有點兒擔心各位食友以為我係鴻哥o既寫手.... 在這裏除了可以放心食外, 還經常有驚喜發現, 點解其它食肆做不到(或唔肯做)?最近的新發現有:醉乳鴿- 一言以蔽之, 香! 如果鴻哥可以將鴿肉做得再嫩一些更佳!(亞鴻)招牌撈麵- 餐牌上可能未有, 用XO醬、豉油、芽菜、荵、京荵、芝麻等撈幼麵. 我本來對XO醬從來沒有好感, 但吃完這個麵後完全改觀! 鴻哥的手工同調配味道o既心思真係值得尊敬. $35 一個撈麵可能有人會嫌貴, 但試過那份甘香和口感就一定值回票價. 那晚試完後, 結果心思思下一日午餐要再來一次, 記憶中都未有食物可以令我輕狂若此!鴻哥, BRAVO!!!

D鹵水汁好好,雖不是太濃但好有鹵水、八角Ｄ味道! 由奇是個鹵水"圓題"、蔡蘭豬油撈麵更是一絕! 芥末雞腳筋、炸大腸、炸墨魚餅都不俗。ps. 每桌上還有他自製的酸菜，GREAT!

一星期內食左2次,可想而知真係好食.食得最多既係:炸墨魚餅-好香好脆,而且足料,越食越好食海蜇-幾好,味道唔錯白菜仔-幾新鮮,唔肥蒜香雞飯-雞好軟好滑好入味,個汁又夠香,絕對係重點推介.另外有食過腩肉飯,味道不錯,不過始終不太喜歡吃肥豬肉.間鋪最好笑既地方係佢貼左openrice 既食評係桌面,大家有機會不妨留意下,但唔係張張table都會有.

這裏是我飯堂之一, 如果次次寫食評就有牌都唔得閒囉. 但今次食到好正好正o既蒜子上湯浸芥菜膽, 好希望同各位食友分享一下.本來我和家人並非特別喜歡芥菜, 但對鴻哥的出品有絕對信心, 所以馬上試試. 芥菜浸在帶點酒香的上湯裏, 有幾粒煎香的蒜頭, 洒上一些金華火腿粒. 芥菜很青綠, 最難得係好清甜, 而且每條入口都很爽脆. 印象中從來未食過這樣美味的芥菜膽! 蒜子被家人搶住食晒, 所以無可奉告...是晚平安夜, 還吃了嫩滑的鹵水鵝, 又係無敵o既南乳齋, 好稔好好味o既籮蔔(又係上湯浸) 同埋招牌鴨舌(今次食豉油王), 飲埋蓮藕煲o既例湯. 絕對好過同人爭食聖誕餐!

也有好一段日子沒有來食了，辣椒女昨日忽然話想來，立刻打電話約朋友，便約了晚上來這裏晚飯。可能因為聖誕節，很多人也轉食西餐，當晚都唔算好多人，但因怕醉乳鴿賣完(每天只賣十隻)，所以先打電話預留。我們都叫了幾多食物，包括有醉乳鴿、麻香鴨舌、芥末雞腳筋、南乳粗齋、炸墨魚餅和蔡蘭豬油撈麵，還要多謝老闆送的明火例湯。全部菜也是我們的喜愛，最重要是能夠保持水準，不會越做越差，經過一輪風雲突變，碟上的菜也搜刮一空。有好食物又點可以無酒呢，本來打算在這裏叫，但只得很少選擇，最後立刻去附近買回來，好在老闆都唔介意，在此多謝先。這裏的食物，確是超值又抵食，有空遲一定再來。

一直都想黎...但係因為因為唔就腳, 所以姍姍來遲..星期五晚放工, 約20:00同同事黎食, 無咩人...鵝片拼墨魚$78 - 鵝片肥瘦均勻, 肉質ok, 比好多潮洲食店有過之而無不及, 墨魚如想像中般, 交到貨, 口痕食下啫!滋味雞$58例- 無咩特別...食下其他野好過, 除非你黎到呢到又好想食雞!例湯(紅蘿白雪耳煲豬肉)$10 - 標榜無味精, 份量ok, 以呢個價黎算平靚正~白菜仔$?? - 又係無咩特別, 行貨...加埋兩個靚仔, 埋單要$17x, 價錢都唔平, 食完同事問我點, ok咁啦...========================星期六lunch, 陪女友黎呢頭買野, 佢聽我講食完又想要黎食, 13:30經過時爆場, 我地14:20黎到, 無咩人...正...阿鴻鴨舌$20 - 無得彈, 一絕, 果然係招牌菜, 果陣麻香味我而家仲回味緊!!海哲拼芥苿雞腳根$30 - 海哲一般, 但雞腳根幾特別, 芥苿幾夾...好食!牛展撈面$29 - 個面好唔掂..好乾, 簡水味好勁...我將鴨舌d汁倒埋落去, 就好d...而牛展都麻麻地, 無味...蜂蜜紫背XXX(飲品)$1

早聽聞北角有好野食，耐何時間同地點唔太方便，於是遲遲未能前來品嚐，幸好日前終於有假放，於是在友人的介紹下來這間阿鴻試菜。雖然已經八點幾，但店內仍然好多人，幸好我們只是二人，所以很快便找到位子。朋友之前試過，於是由得他代為點菜。眼看餐牌，這間鋪子主要是食一些潮州小食，好像卥鵝，鴨舌等...但卻不是潮州食店。充其量似一間台式小吃店鋪。我們叫了卥鵝、大腸、墨魚三拼，由於阿源鴨舌賣唒...唯有要麻辡鴨下巴、再加紅油青瓜及麻香雞腳筋。潮州三拼及紅油青瓜是大路貨，不過用料及鋪排比較好，至少豬大腸冇怪味。鴨下巴第一次食，感覺似鴨掌鴨舌混合體。至於雞腳筋，都係第一次食，爽爽的，味道不錯，最好用來送酒。由於碟碟都係小吃，所以唔係太飽...於是再叫了個酸薑皮蛋，呢排報紙報導鉛毒皮蛋，話糖心皮蛋個黃係未凝固結結地o既蛋黃漿糊，咁就係糖心。初時都唔信，今日在阿鴻得嚐糖心皮蛋，果然係o的黃會流出來，加o的砂糖，果然係最高享受。可惜未能品嚐蔡瀾撈麵...下次一定要試。

'陳生教人整叉燒, 李生教人整包, 邊個教叉燒包?'上星期四約o左估o野王同滑水CC試阿鴻先走o左去十三座食牛雜. 好味道o黎排唔知點解興估無聊IQ題, 搞到座低響阿鴻度都仲係度捻IQ題不過.. IQ題係要估, 飯都係要食. 係咪?例湯醃青瓜- 香但唔夠凍芥末雞腳筋- 正! 好夠咬頭. 芥末味又剛剛好鹵水鵝片- 鹵水真係好掂. 我o地都覺得豆腐好食過o的鵝片!醉鴨舌- 醉鴨舌的醉無over到, 其實是可取o既. 不過都係鹵水好味的. 腿茸白蘿蔔- 滑就係滑.. 無渣但亦唔入味香酥炸墨魚餅- 有咬頭, 可以食到一粒粒墨魚麻雞腳筋(後加) - 無芥末雞腳筋咁好蔡瀾撈粗(後加) - 不過不失啦, 但係的豬油唔香. 好掛住大榮華豬油撈飯!啤酒夠凍Rating: Outperform 上星期IQ題;星球大戰最常出現生果?李小龍最憎咩昆蟲? 小白加小白等於甚麼? 印度人最憎咩野機?瀟瀟洒洒的給我瀟洒的上機痛痛快快願能痛快話別離反反覆覆的只會反覆的痛悲你要信我已定再會期(估歌名- 唔好抄網呀)

我係響阿鴻小吃開飯才知道OpenRice.com既! 這間小館我經常到, 食得出係有心有力做既食店. 係度我會隨便叫, 因為有信心一定會有水準好味. (餐牌上基本上都食過!)今日三個人, 食咗: 麻香雞腳筋, 千層峰, 蒜香雞, 南乳粗齋, 白菜仔, 凈麵同例湯. 嘩, 唔捨得停口, 飽!雞腳筋同千層峰好爽, 蒜香雞好香, 白菜仔好似無乜稀奇但睇相都知色味俱全. 其實我唔鍾意食南乳齋, 只有呢度啲先會食, 唔會有酸味, 食到菜同配料既清甜, 真好! 但係大獎竟然係例湯(今日係雪耳木瓜), 香濃美味, 只係幾蚊雞喳! (連免費放係檯上既酸菜都係好味㗎喎.)每次食完, 我都心懷感激. 一間盡心盡力既食店係值得支持既!

我同女朋友去過一次，同friend都去過一次, 兩次都覺得普普通通, 而且唔算低食。同女朋友食次叫左上湯娃娃菜($28) , 滋味雞&滷水鵝雙併($78), 醉香珍肝($48) 同埋兩碗白飯。娃娃菜頗嫩,但太少,只得兩三棵, 加上上湯鹹了些少。實在唔明點解咁多人話味滋雞好味,隻雞唔算鞋,但絕對稱唔上滑, 味很普通,唔明滋味在哪裡,“R”哂頭。滷水鵝一d都唔滑，令到好少食滷水鵝女友問我滷水鵝係唔係應設鞋鞋地，至於滷水汁個味就普通la，畢竟阿鴻唔係老店，d 滷水未夠日子去番煮儲味。我倆都覺得醉香珍肝做得最好，有小店應有風味。酒味極重，而且d 肝亦十分粉糯，唔錯。另外蔡瀾撈麵都幾香，不過唔好肥膩的朋友千祈咪叫。值得一讚的係店內打理得幾”企理”乾凈, 同埋老闆真係幾nice。些店整體唔算差，但亦未去到如其他人口中所說的這麼好，價錢亦略為偏高了些，但服務態度好為它加番d分。

昨晚8點幾去到坐滿晒人, 好彩只係只係買外賣, 唔駛要等位, 叫左5樣野食醉鴿- 一打開好香酒味, 鴿肉吸收了精華好好味, 但如可再滑些會更好海哲拼豬耳- 海哲和豬耳都好爽口, 而最令我欣賞係豬耳上無豬毛, 令人食得好安心豉油皇鴨舌- 鴨舌幾滑, 唔錯醉香珍肝- 除了肝內裡仲有腎, 無想像中咁好味蒜茸白菜仔- 普通好似要$173, 價錢唔平唔貴啦, 係北角來講呢間既質素真係算唔錯, 下次有機會都會來食