阿鴻小吃 (已結業)

見今朝都市日報介紹呢度, 放工專登黎試下, 大概六點半到達, 唔係想像中咁多人, 不過座位有限,地方都幾細兩個人總共點左五碟小食:-1)醉乳鴿 絕對係今晚餐飯既主角,乳鴿切到細細件,排到靚一靚,好易放入口,唔似一般乳鴿一開四咁食到好狼狽,隻鴿肉地好滑,酒味唔太濃烈,可以話剛剛好2)炸墨魚餅 D墨魚餅外面炸得好香口,趁熱食真係一流,絕無油膩感覺3)鹵水豬利一般鹵水既味道,尚算ok4)無骨鴨舌尚算ok,唔係咁入味5)雞腳筋幾特別,有咬口除左食物好食之外,服務都唔錯,如果人少少,想普普通通咁食一餐,此食店值得推介

此店個蔡瀾撈麵一貫好吃之外,無骨鴨舌,醉雞肝,墨魚餅,又係水準之作.鹵水鵝片,略唔夠入味.不過此店尚新,鹵水當然唔夠陳舊.理所當然.

有時唔想同一間店舖講太多,令人有鱔稿感覺,所以上次聚會都無寫,不過今次有d唔同,實在不吐不快!話說早幾日囝囝有朋友上屋企玩,自己又經過,於是假傳聖旨,假公濟私.....一於買外賣!其實我最欣賞主理人對食物精益求精態度,差不多每次去都有新食品上場,與及肯聽客人的意見.今次都諗住買d大路野,點知見鴻哥手腕受傷,依然紮住上陣,呢d咪叫專業!我買左墨魚片,牛'月展',豬利,鴨舌同千層峰,現眼睇住鴻哥將一舊舊野開花,真係賞心悅目!

14-9-2005 1908香港美食何其多，問你幾時食得曬？不過我都同意，好食及有心的食店，食多一次或以上有何相干呢？而我其中一間想再去第3次就係呢間，第1次去既時候係今年3月中，半年後再訪，大家都對食的方面要求高左，但世事總難兩全其美，難免要有少少犠牲，係正常之事。不論如何大的進步，總多於退步多多聲。踏入門口後，坐係近廚房及廁所的位置，好似同上次既一樣。而約有一半的食友已經坐左係度等食。首先黎碗陳皮雪耳煲雞腳，同上次飲既湯一樣，我哥碗料稍為少左的料，味道比上次淡左少少，不過已算不錯，起碼沒有味精；繼而是鴨舌雙拼，包括用醉及滷水上檯，賣相已經win曬，兩款鴨舌分別用青瓜隔開，然後排成菱形，醉及滷水都夠入味，一流；滷水豬耳(千層峰) 不是第1次食，但食親都好DB，係俾的嗅味及附加物形成，不過這種煮法都係第1次見，一層層中間有汁礙結住，有少少食西餐的鹹喱feel，自己都食左唔少。芥鮮掌芥味夠濃，滑度差了少少，但都好好架啦，始終質素有時真係難控制，不要相差太遠就得啦；海蜇拼墨魚片都係凍食的菜式，用了大量麻油醃製及保持原有的味道及爽滑，凍度都恰到好處，不用點其他醬料一齊食仲好；醉鴿上次食係冇，

見到咁多好評語, 決定去試一次...我同男朋友叫o左...1. 醉香鴨舌: 我覺得ok o架... 不過男朋友話酒味唔係咁夠喎~~2. 芥苿雞腳筋: 雞腳筋口感好爽... 配合埋啲芥苿醬... 都算係幾得意o既次盤!!3. 鹵水鵝+墨魚片: 可能係落得太多麻油, 唔係咁食到鹵水味... 鵝亦食唔到鵝味, 可能係香港搵到鮮鵝啦! 不過... 墨魚片整得幾好o架! 夠爽夠味... 加些少辣椒油, 仲好味!!4. "蔡先生"撈麵: 用豬油, 干葱, 豉油, 火煺茸, 上湯等材料撈麵... 都幾好食, 冇好油o既感覺... 上湯o既味道好特別, 好似用o左d 藥材煲咁!!5. 老火靚湯... 佢o地最後送o左兩碗"冬瓜雞腳花旗參"俾我o地... 真係好住家湯o既感覺, 一d 味精都冇o架!! 好好飲o架!!因為o個到仲有幾款鴨舌我好想試, 所以一定會再去多次!!

首先唔好講ｄ野好唔好食，講下佢ｄ服務就真係好多鋪要學啦！無論你食幾多錢or買個飯盒，佢地都會講多謝哂！ｄ食物你會見佢好有心機咁切得好靚，又會問下你意見,有咩唔得又唔怕同佢講,呢ｄ先係做生意架ｍａ！到評下佢ｄ野食：1.醉鴿($68)－全隻一條毛都無,個頭都無喎,好難得,刀工好好,鴿身起左肉,不過唔夠滑,個肶同翼就好好,滑好多！酒味都夠香!唔錯！2.鴨舌($32)－有幾種味揀,幾樣都好味！不過貴ｄ,印象中好似得８-１０隻！3.墨魚($22)－推介啦！最好要２份，叫佢厚切，勁正！4.鵝頭－勁大個，送酒一流！5.湯($9)－ok!無味精！6.雞腳筋($28)－好少地方有得食！味道唔錯！7.鵝片大腸飯－一句講哂,一盒攪掂一餐啦！8.蒜香雞－肉夠滑,味又香,好過勝利小廚好多啦！＊星期一休息！

早幾日沒有約人，晚上和辣椒女兩個去了阿鴻食晚飯。我們叫了醉乳鴿、麻香雞腳筋和南乳粗齋。醉乳鴿- 加了玟瑰路的乳鴿，帶來陣陣酒香味，鴿肉很嫩滑，真係食完一次還未夠，有空再來食過。要一提的是，醉乳鴿在餐板上是沒有的，而且數量有限，最好先預訂會好點。當晚我們叫的是最後一隻，真好彩；要多謝侍應小姐的幫手及提點，唔該曬！麻香雞腳筋- 雞腳筋很爽口，作為小吃又真係唔錯；但麻香就比較溜了點，還是芥末雞腳筋會好點。南乳粗齋- 南乳味很香，味道很好，送飯一流人少食唔到太多食物，還是人多會好點！

平時都有去食架...不錯不錯...$24大大碗豬頸肉飯...不過地方好細...星期二至五的中午都唔係好多人去食!!因為其他地方好多都好多...$24呢區食中午算貴...不過質素就冇得比啦!!學生去食...有湯送...有時老闆好人...做節時...都會送小食呀!!呵呵!!

是晚同阿爐兄先去阿鴻一趟，同老闆講聲下星期的聚會人數和睇睇座位安排。當然一路食一路傾，招牌菜式不再講了，看來大家都食唔少了，唯一補充的就是去幾次的水準仍然保持，還有些食品更作適量調整，如雞腳筋今次比起之前食到的更爽口入味，原來老闆想出先用湯又浸(甚麼湯就不知了!)又煲，令到腳筋入味爽脆。另外想講的，就係今次的新食品—醉乳鴿。一上檯，已被那切得整整齊齊，頗有心思的賣相吸引住。食落口，陣陣玫瑰露及花雕香，有酒香而不苦，相信大部份人都可接受，加上乳鴿肉質嫩滑，真的好難與其他酒樓食肆食到的乳鴿相比。期望著下個禮拜的聚會，一次過品嘗所有的小吃就非常滿足了。P.S. 老闆話，座位到時再諗啦，諗唔到住。到時希望大家唔怕迫啦！

昨晚再到阿鴻小吃，試左廿六個菜，其中平日冇得賣既"太白醉乳鴿"值得重點推介，肉彈牙又入味，可以比美一百蚊一隻既滬江或雪園水準。鴻哥原來唔只滷水野得，做醉野都好正。好期待下個月再去一次。

早前約了一班朋友(十人)去上環食晚飯，兩星期前再確認時，也沒有人話唔得，但三日前再確認時；不是說忘記了，就是說另外約了人；這算什麼，我一心做搞手，一次又一次再確認大家，就是想保持大家繼續見面，唔想就這樣不再見，但最後.....唉，對這班朋友真係心淡了，不見也吧！說回正題，最後只剩下四人，人少少我們便改了來這裏食。當晚叫了唔少食物，包括有阿鴻鴨舌、芥未雞腳筋、千層豬大腸、炸墨魚餅、豬耳、蒜香雞、墨魚片、蔡蘭豬油撈麵、南乳粗齋、海蜇拼川辣豬和明火例湯。阿鴻鴨舌- 對我沒有興趣，辣椒女和朋友就很喜歡，但朋友還是比較喜歡台灣的那種。芥未雞腳筋- 雞腳筋很爽，加上芥未醬又真係幾特別，作為餐前小食就最好不過了。千層豬大腸- 朋友說味道唔錯，又唔會太肥。炸墨魚餅- 炸得好脆，墨魚味也幾香，值得再試。豬耳- 很入味，很爽，很有咬口，唔錯。蒜香雞- 很新鮮嫩滑，也有雞味。墨魚片- 味道也可以，比較一般。蔡蘭豬油撈麵- 用了豬油來炒，當然係比較油和肥，但味道又真係幾好，間唔中食一次也唔錯。hehe...南乳粗齋- 南乳味很濃，送飯一流。海蜇拼川辣豬- 海蜇很爽，豬就感覺一般了點。明火例湯- 沒有味精的感覺

哈哈~ 我如果唔係睇左openrice, 都唔知有佢存在~ 見到咁高rating,就特登去試下啦~之前去過一次,好滿意亦冇失所望~叫左墨魚餅~好香口~熱辣辣+個甜酸sause!! 正~麻辣豬利~ 口感唔錯,又唔會太辣~出面都唔係成日食到~琴晚再去~叫左個蔡蘭豬油撈麵, 反而就唔係太有驚喜..而酒香珍肝就好香酒味~男友唔係太鍾意,但我就覺得唔錯~可能我一向鍾意食肝啦~佢仲有好多野我未試, 好似鴨下巴,水晶鮮掌,千層峰等等~ 一定會再去~

首先聲明這是一間新派潮式滷水店味道比一般的潮式滷水清淡喜歡傳統味濃的人可能未必習慣但如果多吃幾次反而可能會令你變得更喜歡這風格另外我認為店主是沒有使用任何味精的(經兔公主的敏感腸胃測試)因此食後不會有口渴的情況而店主鴻哥非常親切只要不太繁忙時都會主動和客人談天並詢問客人意見因其親切的態度加上適合我們的清淡而有心思的口味令家住北角的我把它當成我的飯堂由於滷水肉類方面無論是大腸,豬頸肉,牛展,圓啼,腩肉,鵝片基本上隨便叫也不會有問題因此我反而不多介紹但不要忘了試一1新鮮而雞味十足的garlic香雞兔公主常讚其味道比附近另一間專賣海南雞飯的雞更勝一籌而我自己幾乎每次要點的指定菜色是無骨鴨舌雖然較花手工但確是方便食客而這道鴨舌的伴汁正是精華所在有麻醬的濃香及酒的清香卻沒有酒的苦味調味洽到好處又不會搶去鴨舌的鮮味和傳統的椒鹽鴨舌相比毫不遜色一樣令人食不停口但就不會有"熱氣"的問題絕對是送酒及開胃小吃的佳品而三十多塊的價錢對識飲識食的網友來說應該同意是超值的酒味珍肝是另一款我常點的小吃此小吃對我來說其精妙處不在加入酒去做的珍肝而是伴菜的醃青瓜一般珍肝的問題是味道過濃因此口感較膩不能多食但味道洽到好

公司一連幾日有function系城市花園酒店到搞,放工後行過黎食d野,叫左個南乳齋$30,一上臺都幾失望,細細碟,味道同我系華潤買$10一盒既差不多,而且size比"阿鴻"多好多!除左多左d紅棗同白果外,都無咩特別;$30似乎有點兒搶錢!

尋日夜晚專登約女朋友去和富道搵食, 去到已經八點幾...第一次去, 門口都幾易搵.坐底, 睇餐牌, 都係滷水野多. 叫了以下食物.滷水大腸撈粗$28付乳通菜$10墨魚餅$28酒味珍肝$28鼓油王鴨舌$32講真, 真的很普通, 可能有期望, 亦帶走了一點失望.滷水大腸好似街邊炸大腸咁灌滿晒, 見到腸中有小小黑色物, 並不是心衛生的問題, 而係果"浸" 大腸壓味仲有小小係度, 影了食欲.跟住來左通菜, 不過不失, 不過付帶的付乳將汁就怪d, 沒有付乳的香味, 反而酒味太突出.墨魚餅是層皮跟麥記的魚柳層皮一樣咁滯, 中間d墨魚是切粒的, 不是打成膠, 跟彈牙扯不上關係, 墨魚味不是很濃, 可能是用了細墨魚的關係, 只是一般.仲有酒味珍肝, 只是帶點酒味罷了, 制法簡單, 亦不見突出. 最後食飽後, 都想試下鼓油王鴨舌, 有小小後悔, 不香亦沒有太多味. 普普通通咁. 但$32 十二隻似乎貴了點.總括而言, d菜式味淡, 不會太咸, 亦不見突出.