阿鴻小吃 (已結業)

上星期四晚到這裡，因腸胃仍未妥當，先要了上湯火腿銀芽和潮州粥。火腿銀芽：清淡，銀芽爽，金腿味潮州粥：不夠熱，扣分離開時忍不住外賣千層腸，回家叮熱來吃，仍好滋味。腸好粗大，內含二至三條腸(一般的大腸)，配合那鹵水汁，非常美妙。

成間野都好正,好好味....鴨舌正...而家仲有有根果D鴨舌買(6條$20)鹵水鴨舌好入味滋味雞同鵝片好正....D雞好滑,鵝片唔鞋就咁食鹵水撈麵都好好味最正最正係....佢放係檯邊任食果樽酸菜...好好味架!通常下午去最齊野食,試過一次晚上去食乜都無晒...連檯邊果樽酸菜都無晒**唔知果D 酸菜有無得買走食呢??圖為無骨鴨舌!

今天老闆請客，所以沒有叫到自己想食嘅 野.鹵水鵝片-鹵水汁香，鵝片不算太肥、蔡瀾撈麵-豬油加蔥，比較油膩左d、南乳煮齌-炆得入味，可惜我不喜歡食南乳、上湯蘿蔔-簡單得嚟 帶點特別、鹵水豆腐-食落唔會感覺有渣，有d地方豆腐比較乾、鹵水蛋-顏色好淺，味道好足、仲飲左一碗無味精靚湯。由於禽流感關係，老闆不能入太多貨，鹵水鴨舌及鴨下巴一早已經賣完。所以沒有機會食到，真可惜，下次有機會一定食得好痛快。而服務則很滿意，店員招待周到。

18/7下午二時多我偕爸、媽往此店吃下午茶，嘗了以下食物：鹵水鵝片(味道不錯，鹵水汁很香，鵝片很嫩)無骨鴨舌(很爽，但我們不太喜歡那麻醬，似食緊花生醬)蔡瀾撈粗麵(雖然有豬油，但都唔覺好膩，而且仲好香、好爽滑)淨湯粗麵(都係好爽滑，用嚟配其他食物一流)南乳粗齌(好味。因我阿媽煮呢道菜好拿手，但連佢都話整得唔錯)海蜇拌墨魚片(前者爽口後者咬落彈牙)涷紫背天葵(酸咪咪，好解渴，聽聞此是止咳的飲品，有益又好飲)綜合以上各點，加上招呼不錯，我覺得此店都是值得推介的。因此次去均沒有招牌菜─鹵水鴨舌及鴨下巴，所以下次一定要再去試試。

近來好事、壞事、煩人事一大車衝著偶來，又點吃不消之感，雖是吃不消，卻還得要吃，更要吃過精光，真的要了偶的小命．．．今早雖刮著三號風球，卻不得不到柴灣辦點事，途經北角，打算約舊同事吃飯，順便打聽行情。出門前得先到銀行忙些事宜，到達北角已是十一時多，街道上，風乎乎的刮著，刮的那麼狠，人也差點被吹起，這算是那門子的三號風？走著走著，越靠近海傍，風便越刮的狠，雖非下著滂沱大雨，卻因霜寒在身，又不得撐起這在十元店買的縮骨遮，乖乖鼻得了，不開尤自可，一開之下．縮骨遮旋即變了吃裡趴外的「反骨遮」，人也被扯後了幾步，偶拿的起，自也放的手，呼的一聲那「反骨仔」卻不知被吹到那裡去了，偶暗自慶幸放手放的快，不然抓著不放，大惡男怕會變作大海男囉！經千辛萬苦後，終於到步，其時舊同事已吃過了一些麵點，寒暄過後，即便離去，原來是為了趕著回公司完了手上的工作。得知正刮著八號風，這才如夢初醒，辣塊媽媽的早不刮、遲不刮，偶做正經事時這「圓虧」才刮刮叫，別別跳！現下什麼心情也沒有啦，只想快快吃玩快快癲兒，既是滷水店，點上滷水鵝片麵該不會死錯鵝吧？不知前生是否被蘿蔔頭殺死的，眼下每見菜單想寫有蘿蔔，必點來吃，惜時間太早，未有

同朋友慕名而至﹐因為大家都中意食滷水類食品﹐尤其是鵝及鴨舌。點了滷水鵝一碟﹐滷水腩肉撈麵﹐上湯蘿蔔﹐無骨鴨舌。整體上阿鴻的滷水“底”做得的確幾出色﹐夠香又入味。滷水鵝肉靚味香﹐上品。襯底的滷水豆腐亦算香軟新鮮。無骨鴨舌夠彈牙又爽﹐但比想像中略淡口﹐味道主要來自淋在鴨舌上的醬汁(有點像麻醬).腩肉夠肥﹐食落香口﹐但有一個問題﹐就是豬皮上的豬毛並無清理好﹐次次食都要先用口“飛”掉豬皮﹐此實為一大敗筆! 另外如果可以在撈麵上淋上一點滷汁相信會更美味。最失望的要算是蘿蔔了﹐其實味道也不是差﹐上湯配以火腿茸﹐香香地鹹鹹地﹐幾好味﹐只不過主角唔得--蘿蔔頗為老﹐而且有一點苦味﹐就這樣破壞了整體的味覺﹐是否太浪費﹖用好一點的蘿蔔吧。而服務則很滿意﹐店員有問必答﹐亦算有禮貌。

果次特登去食鴨舌,星期六中午,招牌阿鴻鴨舌居然巳經賣晒.....於是叫左麻香果隻,排得齊齊整整送來,二十幾蚊十幾隻左右,但係隻隻都好厚肉又爽身,非常好味.另外試左元蹄同雞飯,元蹄滷得幾好食,雞就麻麻,要食雞就唔去呢度.滷水最出名,蔡灡都讃好,不過十居其九都係滷味,選擇唔多都係食鴨舌!!!

某年月日終於食到，唔係想象中咁大不了。諗住又係一間流野。食食下，先發現原來我無點過酣同醬汁。原來，呢D先係功夫。雖知，魯水食物通街買到，食時不外乎粗暴地點酣然後大啖塞入口。但原來，做到不需調味就能入口的，放是一番境界。真係想買佢地的汁回家做火鍋。雖然，醬瓜仍是細碟了一點，蔡欄撈麵只係蔥油撈麵。蘿蔔亦太行貨。但一碟肥但入口即溶的元蹄已夠照。

吃完加藤，就要返公司執野北上，行經呢度。呢度雖然名為小吃，但賣的是各式鹵水食品，聞到有濃郁的鹵水味傳出，見佢有煲鹵水在滾下滾下，朋友就提議不如買少少鹵味坐車食。但見個架得隻鹵水鴨，沒有鵝的跡影，唔知仲關唔關禽流感事，見佢豬手好似幾好味，30蚊一隻唔貴，就買隻試試。阿姐好好招呼，亦落力推介。叫師傅捒隻廋的，但真係好認真咁同我地捒。佢三兩下手勢就將隻斤來重的豬手堯骨片肉，上車前再買兩罐啤酒，坐幾長程車都無有怕。豬手肉幾有口感，不太韌。因鹵水味道留在皮上，所以建議要皮連肉一起吃才好味。整体而言幾有水準，個人覺得比超市的蜜燒豬手還好味，因為肉質較爽口，無咁實。又見有各類鹵水食品的粉麵飯供應，亦有麻辣牛展同雞腳筋，價錢唔太貴，都幾食得過，下次再找機會試！