阿久根和牛立燒店 (已結業)

今日去旺角行街，經過見到阿久根和牛立燒店，睇落店面雖然唔係好大，但係周圍都貼住係標榜和牛，所以我同朋友決定入去食🤤一入到去，顧名思義係企喺度食，我哋兩個人share一個爐，睇餐牌見到都有唔少嘅和牛選擇，我哋就決定乜嘢都叫啲食下！我哋叫咗個胸腹肉定食，再叫唔同牛嘅部位，再叫啲蔬菜。雖說係日本和牛，但係其實佢每碟都唔算好貴，平均大約十幾至廿幾蚊一碟已經食到和牛了！現場都有唔少調味料俾我哋揀，除咗醬汁之外，仲有三種辣粉，我個人就覺得蒜味辣最好味！🔻啲食物到喇！擺滿左我同朋友前面嘅空間🤩每款牛肉旁邊都有一個牌仔說明係乜嘢部位，咁我哋就唔會搞錯啦！🔻先講個定食，麵鼓湯有驚喜，因為入面有幾粒蜆，蜆嘅鮮味好重！仲有個飯都好好味，唔會太硬或者太林，加埋上面嘅配料就好惹味了！🔸前胸腹肉，好牛香味，油脂都較多！🔸下胸腹肉、上胸腹肉 , 都有啲脂肪，但入口即溶！🔸西冷A4,平時我哋喺出面食西冷就啖啖肉，但呢度嘅西冷係入口即溶嘅，有少少咬口但一定唔會係韌！🔸肉眼，就咁睇個樣已經覺得雪花好平均！食入口果然入口即溶。🔸後腿肌會肥少少，肉地重啲，較有咬口，但係好林嘅！🔸肩胛，顏色較深紅，好重肉嘅口感，相比其他部位會

第一次企知食燒肉！雖然有d攰，但係好特別！☝🏻首先服務員個個服務態度都好好！每黎一碟嘢黎都會介紹係咩肉！肉質唔洗講！超高水準！👍🏻👍🏻👍🏻好新鮮，最正ge係，我地食左好多唔同部位ge肉！未試過一次食咁多唔同位個牛肉！差d成隻牛所有部位都食到曬。還有好多種鹽可以試。成間鋪唔係好大，一眼望曬，好日式的裝飾。燒肉店來講，好好，唔會煙.以前試過一間，煙到想即刻走，但呢間一d都唔會！而且好乾淨！可以一大班朋友黎食，因為店裡面有一張好大ge台係中間，大家可以圍住咁食.一邊飲啤酒，一邊食燒肉！正啊😍😍😍

同朋友喺黑布街happy hour 完，就過咗去隔籬白布街搵食。行過呢度，見到啲人企晒喺楝篤食，好似好過癮。問朋友有無興趣入去食埋一份，佢話OK，就係咁我哋就殺入去。裡面果然是不設雅座，每張長檯都放咗幾個爐端燒爐，各樣擺位都整整齊齊。仲有好多抽氣煙囪，怪不得，店內沒有油煙味，客人燒起嘢食嚟，都唔怕留低一陣除。著住和服嘅店員俾咗張order紙我去剔，有咁多嘢揀，樣樣都想試下，不過頭先飲得飽飽哋，所以都唔敢剔太多嘢，驚食唔晒。【風味和牛定食】有飯，有湯，有一客牛肉，牛肉包括肉眼A4、肩胛和上胸腹肉。個湯係蜆湯，飲落好鮮甜。仲叫咗啲不同部位嘅牛肉，例如: 牛胸爽、肩胛、A4肉眼、上胸腹肉、西冷A4、後胸腹肉、牛舌、前胸部等等。當然唔少得叫啲雞皮、雞肉串、車喱茄仔、菠蘿片、甜薯仔、翠玉瓜啦。睇落樣樣食材都非常OK喎! 睇見都口水流埋。我哋慢慢燒，慢慢食，食得好滋味。牛肉有富豐油脂，燒出來分外甘香，而且食落好軟腍，好有牛味。不得不提的還有係甜薯和菠蘿片，經燒過的菠蘿原來係非常甜的，意想不到喔! 甜薯一口一粒，夠過癮!今次食到牛的不同靚部位，是一個不錯的享受。

平時去日本成日都見到好多日本打工仔無論早餐定晚都喜愛立食，其實成日都覺得立食文化都好適合香港，因為香港人講求效率，可能趕住食完飯要再有節目。喺香港，立食壽司既鋪頭就開始越黎越多，但立食燒肉都係今日第一次試，估唔到原來速食都可以咁高質。鋪頭名叫阿久根和牛立燒店，作為日本控既我即刻就知道餐廳主打鹿兒島阿久根市既黑毛和牛，餐廳四週都掛左寫明100％日本和牛既字眼，令我放心食用。餐廳大約有20個位，地方都算闊落，而且裝修乾企理，食得好舒服。其實立食都有好多好處，首先一定最適合我呢d由朝坐到晚既OL, 可以舒展筋骨，其次就係食和牛我有時會食到好腻，立食就唔會有呢個感覺。今晚既晚餐非常豐富，因為有好多唔同部位既牛肉可供選擇，而且價錢合理，啱啱我呢d眼闊肚窄既人，樣樣都想試，又驚食唔哂會浪費。今晚叫左一客風味和牛定食，牛舌，肉眼A4，西冷A4，牛胸爽，牛胸腹肉，三角筋肉，前胸部同後腿肌，實行全隻牛既唔同部位都叫齊。除左牛肉當然唔少得既梗係菠蘿，粟米，蕃薯，洋葱，雞軟骨同墨魚咀。首先一定要讚既係呢間餐廳既和牛真係好出色，基本上全部都入口即溶，油脂味重，非常香口，令我齒頰留香。唔同部位有唔同既體驗，餐廳

窮遊香港-必食a5和牛燒肉👍🏻.今次講既呢間立食和牛店 😍超正(⭐️可先拉去右邊睇睇圖先）人均大概$150-200啦(菜單可睇圖）（‼️平時和牛平既100g都講緊200-400蚊）（‼️一田買一塊又可能食唔哂）👍🏻呢間燒肉店可以比你試哂唔同部位👍🏻仲有5種岩鹽 幾款醬料比你👍🏻仲要唔洗洗碗 平過自己屋企煮多多聲⭐️絕對值得推介比大家⭐️最重要係咩呀 唔洗飛去日本都食到高質素呀🤔唯一缺點係佢要企係到燒但食又抵又靚既野 冇計啦.👍🏻a4 a5和牛質素就唔多講啦呢間店有一張圖講解唔同部位既特點 同建議燒秒數比大家（可睇圖）大家可以跟住喜好黎點 同燒⭐️我就最鐘意三角肋肉肉同脂肪比較最夾 最岩我((周遊東京))都有介紹 一隻牛得一細舊.題外話：店入面都有個位睇住師傅切牛牛（可睇圖）👍🏻同埋呢間燒肉抽氣做得幾好 食完都唔會成身燒肉味.小編當日19:00唔算多人但20:00就爆場 比大家做小小參考.#阿久根立燒和牛地址：旺角白布街2-24號地舖8號舖.⭐️評分：味道：5/5 環境：4/5 要企扣左分 店面比較細服務：4/5 店員有禮 即叫即到衛生：5/5抵食：5/5 平過一田買啦

立吞壽司食得多， 今次試下立吞牛燒。位於旺角中央區再行多十分鐘左右，地點還可以。講返正題， 所有牛部位都很不錯， 選擇多。 今晚幾乎所有位置都試齊， 最貴是a5和牛。 我略嫌油份太多， 食兩片可能已經膩。 牛脊位置肉味濃郁！他還有套餐的，$98有幾片肉飯有湯有沙律，ok.體驗一次其實還可以, 炭燒牛肉是需要時間, 企著晚飯太耐都相當攰，自己衡量下。。。

立食壽司就見過，原來燒肉都有立食😝旺角呢間日式立食燒肉主打日本靚牛肉，每人都有獨立嘅燒烤爐，可以自己自私燒😂雖然要企係度食，不過亦有櫃俾你放袋，仲有提供圍裙，上菜都幾快，可以快快食完快快走😂餐廳有有多種款式和牛肉位置😊 仲可以逐塊叫，可以試多幾款，💗心水推介三角肋肉，前胸腹 ，牛味香濃又夠油香😋❤️每塊肉類價錢就大約十幾至三十幾蚊到，仲有各式蔬菜同定食，燒菠蘿同甜薯都好正😝！另外亦有多款調味料，淨係鹽都有五款、而辣椒粉仲有唔同辣度可選呢😉！

間唔中到旺角覓食，黑布街與白布街及附近有很多食肆。今天想吃定食，走進了這立吞和牛燒肉店😋爐上方有抽風系統，而下方有抽屜可放個人物品。枱上放上圍巾及點餐紙😍😋先來一客風味和牛定食$98內有胸腹肉、肩胛及肉眼A4個人認為這定食對一位女生而言是十分足夠的。另外，點了不同部分的牛肉，如牛舌$15/件、肉眼A5 $38/件、肉眼A4$30、肩胛等等。實在太多部位，我影下點餐紙了😜當中，我最愛吃牛舌、肉眼A4及肉眼A5，而烤菜也不錯喔！雞軟骨$18及墨魚咀$20，要塗醬燒喔燒漢堡扒先塗鮮牛油再煎，特別喔～特別的體驗😍美味😋

站著吃和牛還是第一次聽見，所以當朋友提議吃這間時，入店後我著實有點驚訝～大家都是站立著，兩人用一個小爐燒，光線很猛亮可以好好的看火，爐上邊有抽煙機所以店裡完全沒油煙味。架上有三款醬汁：果汁醬、香蒜醬與累椒醬。還有辣粉提供。有部飲品機方便大家自選飲料。點餐紙很可愛～價值適中，有定食餐可選。不過我們挑了些肉燒來試。雞肉、雞軟骨與鰻魚。雞肉燒完點醬還不錯，雞軟骨也是很好咬，鰻魚燒出來也香。小型的和牛漢堡，很可愛，有配菜可自加。用店提供的豬油燒香煎pan再燒漢堡扒，所以特別香。哈，然後當然是試不同部位的和牛位置～和牛非常肥美，雪花部分滿滿的哈。入口很軟熟，也很香口。重點中的重點。A4肉眼跟西冷，肉很嫩質感是有點不同～最後吃蔬果作結尾，整頓晚餐1小時內搞定，真的超快超方便又獲得滿足～很于錯！

不嬲都好鍾意食和牛！而哩間和牛價錢超親民，仲要質素幾高，而且佢係立食店，成件事好有趣。入到去其實都幾闊，而且有部抽油煙機係燒爐上面，完全唔驚會成身油味。同埋最得意係客人要企係度食燒和牛，之前都未試過，感覺幾新奇，而且啱曬香港人趕頭趕命嘅生活節奏，快快趣食完走得，哈哈！一黎我地叫咗一份定食，有沙律有湯有埋飯，仲有五塊牛。沙律啲菜好fresh，非常合我心意，開胃啊嘛。麵豉湯好濃郁，熱辣辣超正，飯亦粒粒分明，就咁食都好味。而牛當然係主角喇！雪花分佈算平均，邊邊多少少脂肪，燒完勁香口，最中意牛脂重，入口香濃！🤪另外，我特別欣賞佢嘅牛舌，大大塊好有口感，而且好爽口，牛嘅味好特岀，香！我仲燒咗佢嘅上胸腹肉，兩面燒大概廿秒，入味即融嘅感覺真係有~上下腹我感覺不大分別，大概要專家先識分喇哈哈！兩款都好好味😜門口有自助飲品機，可以用八達通自助買野飲，一啖牛一啖檸檬茶真係好正！下次要夾埋一班和牛愛好者一齊再試埋佢其他牛先！😋

今日食咗好多款和牛超滿足，旺角哩間立食超級多款，揀到我眼都花埋。我同friend share一個爐，我地先燒咗啲菜類，原本以為菇同埋瓜會好dry，點知佢又好juicy，沾埋蒜汁係無敵啊！菠蘿燒完仲要好甜，我地即刻加多份菠蘿！首先試咗佢嘅牛舌同埋牛胸爽。牛舌真係好爽口，帶少少煙un，口感啱啱好。牛胸爽係第一次試，一食愛上，真係肉如其名，超級爽口！薄薄一片但係好好咬！之後仲叫咗上中下三款胸腹肉，雖然佢分好多個部位，但其實分別真係不大，三款肉都相對淋身少少，而且牛嘅香味好岀，牛脂分佈得啱啱好唔會太油，入口即融。再黎就係前胸腹肉、三角肌肉、肩胛同埋後腿肌。哩幾款肉又再韌身少少，有翻啲咬感。我最中意係佢嘅後腿肌，應該係運動得多，夠厚肉又有韌度。食一次真係試唔曬咁多款，下次要再黎！

今日放工約左朋友到旺角行街，朋友話香港而家多左好多日本立食既餐廳，於是就襯今晚試下。一入到去，格局就好似韓燒咁，枱上有一個燒烤爐比客人自己燒，有得玩，有得食，餐廳仲好貼心會為你準備圍巾。餐廳主打牛肉，MEUN上全隻牛既任何部位都有，而且仲有定食選擇。我地今次總共差唔多食左10個牛既唔同部位，由上中下前後既牛胸腹肉，至到肋肉、後腿都試左。餐廳出色既地方係會為你標記左唔同肉，令到你可以知到燒緊乜，食緊邊個部份。另外餐廳仲會為客人免費提供生菜，用途係比你夾住燒好既牛肉，咁樣食落去一D都唔會覺得油膩。餐廳其中一個特式菜係一個迷你既牛肉漢堡，成個漢堡都係由你自己砌出黎。餐廳會為你準備一個迷你煎PAN，加入牛油，你就可以因應你自己既口味，熟度，自己煮。跟住再夾上生菜，洋蔥，小紅茄，最後夾埋竹炭包就完成。當然黎到專食牛肉既餐廳點可以唔試下A4既牛肉呢，我地今次就食左肉眼同西冷，2塊都比先前既牛肉油脂多好多，真係見到雪花一般既牛肉，係咁易燒兩燒，入口即溶，而且牛味非常重，牛既油香全部停留晒係口，非常好食，而且價錢唔貴。另外再食左一D 雞定軟骨，黑豚肉，仲有一D蔬菜，配合埋餐廳特製既醬汁，總共有3款，分

這間餐廳是朋友吃完然後在網上放照片，朋友的評語非常高而且照片我看著非常吸引就決定今晚去吃。因為是星期天我們怕人會比較多故特意早一點的時間去，可是店裡也已經有一半的位置的人在吃了。這裡是可以兩個人用一個爐的，爐上面也有像是韓式抽油煙的，而且也會非常細心地遞上圍巾，以防弄髒衣服。餐牌也很簡單，既然我們來到了就決家吃多一點，每一款都試。每一件的食材上都會標示上它的部位，這樣很好很貼心，整體來說，牛肉都很新鮮，牛肉味濃，油脂分佈得很均勻，就愛是胸腹肉的部位，因為牛味最香濃及入口即化。而且我完全沒想過牛骨髓烤起來口感很好，外表香脆而裡面軟軟的。除了牛肉，鰻魚也是我大推薦的。我們另外也點了和牛漢堡，這個很過癮，因為它可以讓你自己製作自己的漢堡，很好玩又好吃。最後我們不太夠飽，所以再多點了一份定食及和牛刺身。這是和牛胸腹肉定食除了有五片胸腹肉外也有沙律、麵豉湯及飯，胸腹肉跟單點的一樣新鮮好吃，所以定食非常抵食。和牛刺身真的不用說，是我吃過最新鮮的，半點腥味也沒有，一入口便融化了。另外餐廳也有飲品買的，但是是用自動售賣機形式販賣所以在餐牌裡是找不到的。這裡真是一個新好的體驗，從來沒有嘗試過立食，可能站

Happy Friday 心郁郁想食好野，但荷包肝硬化 得悉愛回家豪仔係旺角開左間抵食既燒肉店，$12 蚊就食到和牛喎，手起刀落衝去試下場入面地方唔係好大，岩一至兩個人食，如果太多人都分開其他爐燒。價錢逐片計算，可以豪食，又可以平食，隨你鐘意，我鐘意佢逐片計錢，所以我可以試晒唔同部位調味料醬汁有三款，唔同味道既鹽有5種，仲有三種唔同程度既辣粉，印象最深係有個十級辣，辣到我叫媽媽不過當日其實我主要都係用柚子鹽，因為肉靚，用太多調味反而會食唔到肉香全日重點 A4 A5 和牛肉眼（$28/$35)A4 油份會重啲，A5 油脂同肉既分佈就平均啲，我個人喜歡A5 多啲兩者都係入口即融，唔洗咬就融化，牛油遍佈口腔刺身A5($38)和牛包住蔥，配埋微酸既汁，好清新開胃胸腹肉嘩原來胸腹肉都分埋前（$15)，後（$15)，上（$18)，中（$12)，下（$18)咁細緻，真是長知識了其實我平時食燒肉都比較鐘意食胸腹部位因為油脂分部平均，而且肉味濃❗️前同後胸腹肉油脂會比較多，鐘意油香重既人可以點！牛舌（$15)薄切，所以每邊燒5秒就好爽口，必食！後腿肌（$15)味道濃，好腍，油花都多。前胸部（$22)好軟腍

立式燒肉都係第一次見位於旺角嘅和牛亞久根未入門口已經見到好華麗嘅日式裝潢喺Menu睇上嚟每一樣食材嘅價錢都唔係好貴除咗有散叫之外仲有定食可以揀西冷A5A5和牛一睇就知道係有啲料到雪花分布好仔細可以睇得出西冷係比較肥一點油脂分布比較多啱晒我呢啲鍾意食和牛隻油脂嘅人肉眼A5就咁睇已經睇得出好大分別 油脂冇咁多 肉與亦都較結實兩隻嘅對比圖呢度好在嘅地方就係調味鹽種類超多任君選擇 好熱門嘅又有 好難搵嘅亦都有我就揀咗個人最鍾意嘅白松岩鹽鹹得來又幾正刺身A5和牛刺身梗係一啖食好啦廚師細心地將蔥放入和牛入邊減少油膩感到我嘅和牛定食上場了首先有嘅係沙律菜都幾新鮮 配合埋沙律醬真係一流和牛胸腹肉三片嘅size都唔細不過最正都係牛味十足醃料個味道真係非常好完全點都唔使點醬味增湯入邊有蜆材料好新鮮 所以成個湯都好入味