阿久根和牛立燒店 (已結業)

不嬲都好鍾意食和牛！而哩間和牛價錢超親民，仲要質素幾高，而且佢係立食店，成件事好有趣。入到去其實都幾闊，而且有部抽油煙機係燒爐上面，完全唔驚會成身油味。同埋最得意係客人要企係度食燒和牛，之前都未試過，感覺幾新奇，而且啱曬香港人趕頭趕命嘅生活節奏，快快趣食完走得，哈哈！一黎我地叫咗一份定食，有沙律有湯有埋飯，仲有五塊牛。沙律啲菜好fresh，非常合我心意，開胃啊嘛。麵豉湯好濃郁，熱辣辣超正，飯亦粒粒分明，就咁食都好味。而牛當然係主角喇！雪花分佈算平均，邊邊多少少脂肪，燒完勁香口，最中意牛脂重，入口香濃！🤪另外，我特別欣賞佢嘅牛舌，大大塊好有口感，而且好爽口，牛嘅味好特岀，香！我仲燒咗佢嘅上胸腹肉，兩面燒大概廿秒，入味即融嘅感覺真係有~上下腹我感覺不大分別，大概要專家先識分喇哈哈！兩款都好好味😜門口有自助飲品機，可以用八達通自助買野飲，一啖牛一啖檸檬茶真係好正！下次要夾埋一班和牛愛好者一齊再試埋佢其他牛先！😋