長阪燒

營業中

休息中

老婆同朋友試咗一間新開日本料理後，話正到不得了！所以即刻訂了枱同我慶祝生日及提前慶祝父親節！一向生日都會食豪d，但今次竟然去旺角樓上餐廳，心裏有d好奇！跟住老婆先至話呢間高質素餐廳Early bird訂枱有優惠，原來6月10號前訂枱五百幾蚊嘅父親節餐竟然減＄100，即係四百幾蚊有交易！餐廳環境果然冇令人失望，估唔到旺角有咁豪華嘅日本餐廳！裝修格調同中環銅鑼灣級數不遑多讓！食物質素非常之高！係非常之高！！！套餐嘅內容非常豐富，由前菜、小食、主菜到後期嘅燒物，甚至甜品，全部都係食材新鮮、製作精美！好新鮮嘅日式沙律、刺身好味到不得了，一食隻帶子鮮甜無比！最出色嘅係海膽醬燒龍蝦！磯煮鮑魚都係冇得頂！佢個醬汁非常之得！連燒物中嘅雞翼都係非常之好食！侍應話俾我哋知所有食材連雞翼都係日本空運到港！即係靚野！唔怪之得！食完飯之後，侍應非常之好傾，俾咗張優惠券叫我地想去飲啤酒，食串燒！原來佢話下星期中會安裝大電視有得睇世界盃！確係非常吸引 ！呢餐父親節飯非常滿意，豪華得來又抵食！

朋友介紹在旺角區一間新開張的優質日本餐廳，叫我去試下，佢話真係大酒店級數的日本料理，但價錢就平一半有多！呢排工作好勞累，都係時候食下好野奬勵一下自己！位於砵蘭街，樓下條街唔太光鮮，但一開門，見到呢個環境，真係靚到嚇了一跳！bar 枱上放滿好靚好新鮮的食材，侍應即刻好自豪咁話全部飛機新鮮空運到港！佢問我地想唔想坐bar 枱，最後我地選擇了窗邊的舒適梳化廂座。餐廳地方夠大，每枱空間感好足夠，好適合情侶或密友歡聚！我地點菜時，原來想散叫，見佢散叫都唔貴，但見到佢地有個父親節套餐做推廣，話早鳥訂位有優惠，原本五百多元，早鳥每位即減一百元，而且套餐勁豐富，於是問下今晚可否walk in 享用，竟然ok!每道料理上枱都想嘩一聲叫出來，品嚐完後更十分滿意！店家自家製梅酒，由日本燒酒、威士忌、白蘭地浸成！四色前菜三式刺身磯煮鮑魚，最正個汁好香昆布味海膽燒龍蝦，龍蝦新鮮彈口，海膽汁好香濃好配合！五款燒物，樣樣出色！連平時唔食秋葵嘅朋友都食曬成串。素菜湯烏冬上枱，其實已經好飽，但食食下，好味到連個湯都飲曬！最後以日本蜜瓜及冰淇淋為這頓美味高質的日本料理劃上完美的句號！這店性價比超高，一定會再光顧！多謝老友

因為某些原故找到了這家日本餐一進去就遇到朋友了她才工作第三天好開心能再遇來這裡是一種緣分重遇故友也是緣分今天來好好進入這緣分的懷裡軟un適中非常入味新嘗試燒蕉蕉🍌好可愛的一條外香脆的裡面就是香濃的蕉味被燒過後不失口感好得意還有有益秋葵+全口木魚花 XD糖份很高的超甜多汁燒菠蘿濃郁香蘋果汁忘記走冰。。好冷❄青椒仔仔首見燒牛油果其實自己很怕牛油果因為真的像原件牛油放入口但奇怪的是好想試結果跟想像的完全不一樣不粘不醬不膩香香有口感的果味讓在下一口接一口很快就KO了還有活鰻食食下忘記拍照了@@“汁有點太濃別沾太多會蓋過魚的味道皮咬下去有cho cho聲好興奮其中最喜歡的是牛油果和蘋果汁大家也可以點點看

長阪燒是旺角砵蘭街一間中價位上樓日式餐館，從地下窄小的lift lobby，很難想象到原來店面頗大，足以容納近70位食客。聽個名就知長阪燒出名吃燒物，但其實它的刺身同樣有水準，而相比起食物，我覺得餐廳侍應的服務更令我留下深刻印像，因為他們不但勤於換碟、斟茶，態度親切有禮，甚至買單後侍者都會替食客按電梯。長阪燒有臨窗座位，也有壽司吧枱，但這裡的壽司吧枱與師傅之間被各類食材相隔，所以就比較難欣賞師傅的刀功。長阪燒的menu有單點又有廚師發辦套餐，但見Omakase串燒套餐($428)已經有前菜、刺身、煮物、湯、七款燒物、麵、甜品和清酒，比單點抵食，所以我們就各點了一個串燒套餐。京姬柚子梅酒套餐本身包含兩款清酒，每款兩杯，但個人不太喜歡清酒，幸好可以轉飲梅酒。這款柚子梅酒飲得出柚子的甜味，酒味不重，非常易入口，但如果用波冰會比冷塊好一點，因為飲到後來冰塊會掉在咀上，很難去飲。拉麵沙律這個沙律除了有沙律菜和番茄粒，最特別加了拉麵和薯片，幾特別。拉麵夠彈，入口微涼，配上醋汁，酸酸地很開胃。刺身這是二人份量的刺身，由左至右分別是三文魚、吞拿魚腩和帶子。帶子都有睇頭，不算特別鮮甜，但起碼沒有雪味。三

近排好想食日本野，上網搵到呢間好似吾錯，裝修有格調而且吾算貴，就黎左呢度食。揀左商務套餐$468，可以試吾同既食物，感覺好抵。前菜：龍蝦沙律，龍蝦鮮生彈牙，真係啖啖龍蝦肉，沙律配上日本醬汁，酸酸甜甜好開胃。刺身：吞拿魚腩，鮮甜彈牙。厚切三文魚，雖然得一片，但份量十足，真厚切，每啖都充滿三文魚既香味。牡丹蝦，十分新鮮，口感啖牙，一D都吾苦，肯定係日本新鮮空運，因為蝦一吾新鮮就會有苦味，大讚👍。帶子同樣甜鮮彈牙，仲帶有少少海水味，超好食。煮物：豬角湯，份量十足，肥瘦均等，吾會太肥但又有少少肥脂味，而且醬汁醃左好耐十分入味，有驚喜。海鮮清湯，有蝦同生蠔，鮮甜可口，可能清下之前食過既食物。燒物： 鹿兒島和牛，大概五成熟，外面燒得有D脆，入口即融，鮮嫩多汁。牛舌，爽口彈牙，肉質豐厚。日本雞胸軟骨，爽口彈牙，仲有濃濃既雞肉燒烤味。大虎蝦，新鮮彈牙，一試難忘。雞肉大蔥串，肉質豐厚，十分鮮嫩，吾會燒得太老。秋葵，清甜可口。日本宮崎腸，喊度週中。食事：野菜稻庭烏冬，裹面有冬菇、大白菜、秋葵、腐皮絲同海帶，口感豐富，鳥冬彈牙，滑溜。水果：哈密瓜十分鮮甜，爽口多汁😋。

今天又同好友去食左好多野呀⋯⋯其實飲野至鍾意吧枱一流好坐又傾到計食物方面不貴但極有水準呀食左個刺身赤陸!新鮮爽口!之後有魚湯飲再來燒生蠔肥美的。燒香魚真的好香口好味賣相一流送酒好正串燒重點燒雞我認為有水準燒象拔仔有D清酒味甜其實我們慶生比個師傅聽到竟然有驚喜有個厚的日式鬆軟pancake超級滿足推介比各位食家把酒言歡一定好坐又不會太光猛所有師傅好有心。食物精緻的❤️又鍾意同食客交流下🎂，其實過程真的好愉快的💕放工就係這樣☺️滿足

最近好姐妹發掘到旺角朗豪坊附近有間餐廳，入面有平價omakase，我地當然要一齊去試下啦! 一入到去已經好有日本味道，天花板上掛左日式燈籠，大大個吧枱可以比你見到師傅即席炮製美食，而座位前面放著各式各樣新鮮海產，真係見到都流哂口水。話名要食omakase，我地就要左個omakase串燒套餐，每人只係$308! 首先有前菜沙律，沙律醋酸酸地幾開胃。再黎有三品刺身，有三文魚、甜蝦同帶子，厚切三文魚同珍寶帶子啖啖肉，而且甜蝦都好鮮甜，三樣都好新鮮。之後有煮物蜆清湯，雖然只有一隻中型蜆，但啖湯加上昆布同本菇十分鮮甜。飲完湯清完個口之後，就有豚角煮。一上菜見到一大嚿東坡肉既物體已經嚇一嚇，心諗一定好肥! 但我地當然都會試啦，一試就停唔到，首先豬肉已經煮到好淋鬆化，一層肉一層肥分佈得好平均，就算真係完全唔食肥，都好容易拆開。但其實連埋D肥肉食都唔覺好油膩。而且個汁味道調教得好好，真係可以肉連汁撈一碗飯!到重點既串燒，有五款由廚師發辦既串燒，分別有芝士白汁燒蠔、煙肉車厘茄、雞軟骨、鰻魚同冬菇。5樣野都燒得好好，完全唔油、無焦，而且好香脆。最欣賞係串鰻魚，無骨而且鰻魚醬份量岩岩好。接近尾聲有綠茶蕎麥冷

又到每月食好西時間，同呢位好友最愛吃日本菜今次搵左間近近地大家係旺角區入口比較特別，因為其實係一棟住宅大廈既2樓！但其實好近地鐵站的一入到門口已經被好靚既酒桶吸引住再行入去環境更靚，好闊寬地方都很大裝修好有和風特色我和好友揀了兩個一人套餐價錢不算太貴先來個清酒先，清清甜甜好岩女仔飲和風沙律，都幾大碟三款刺身，有三文魚、甜蝦、帶子三款都好肥美，三文魚同帶子都是厚切的非常鮮甜豚角煮，貌似東坡肉初初都以為會多肥膏食落出奇地不會太肥，可以逐條逐條肉絲夾來食肉質很淋又非常入味蜆清湯，湯是很清甜廚師精選既5款串燒有燒蠔，燒鰻魚，燒雞軟骨，燒冬菇同燒煙肉配車厘茄燒蠔蠔身很大隻爽口燒鰻魚竟然沒有太多骨，而且仲唔覺有腥味最好食是煙肉卷配車厘茄，一咬落去車厘茄既汁就咇晒出黎而且煙肉燒得很香脆最後一款同朋有各點了不同可以share食綠茶蕎麥冷麵，綠茶味不是太重配上汁食非常開胃，很適合而家咁熱既天氣燒三文魚飯團，飯團好足料，啖啖都有三文魚味最後來個時令生果，非常有驚喜3款水果都好甜好滿足初初以為一人份量太少，但食完之後係好飽的我們都不是細食的人食物仲非常高質，好抵食

It has been awhile since i last dined out with my wife, thus she suggested to have Japanese food for dinner tonight. She recommended Nagasakayaki, a new Japanese restaurant specializing in grilled items. It was located at Portland Street, few minutes walk from Mongkok MTR.They have ala carte as well as omakase menu for dinner. Since we wanted to try abit of everything, we went for omakase. It was priced at $428 per person, and it came with appetizers, sashimi, cooked food, grilled items, noodles

今天和朋友到旺角吃晚飯,訂了這家日本餐廳,餐廳環境是日本風,感覺很高級前菜是沙律,沙律菜細細塊易入口刺身有三款,分別是三文魚、牡丹蝦和帶子,個人最愛牡丹蝦和帶子,兩款也很新鮮,沒有雪味蜆肉清湯材料簡單, 可吃到蜆本身的鮮味,沒有沙, 湯很清甜豚角煮的肉很淋,汁已被豚肉吸收了,很入味,肉沒有太多脂肪,不怕肥,串燒有4款,是冬姑,豬肉,茄子,煙肉卷,燒得剛好,很香口也很有肉汁,冷烏冬在夏天吃是最合適，不會吃到成頭汗，烏冬是手打的密瓜超甜

平時食日式廚師發辦/ 鐵板燒郁啲都成千蚊，但今日食呢間長阪燒日式串燒只賣$308/位，性價比又的確唔錯。有食過日式廚師發辦都大概知系點，而呢度既Omakase串燒套餐又似模似樣，成個setting同擺盤都好有平時食Omakase既感覺。和風沙律落左少少和風芝麻醬，而且又有少少醋既酸甜，幾清新。精選刺身有兩粒帶子、三文魚、甜蝦，三款都幾新鮮，而且鮮甜，質感都幾爽滑。每位都有150ml清酒，杯可以自己揀喜愛既款式。清酒既酒味都香，但又唔太濃烈，淺嘗幾杯都還可以，但真系飲唔曬。豚角煮同上海菜既外婆紅燒肉差唔多，但就系原塊上既五花肉，外皮炆到好軟腍，入口即化，肉質都okay，都算入味，幾好食。五款燒物由廚師發辦，燒蠔尤其出色，大大隻非常肥美，蒜及蜜糖芥末超級惹味。其餘都幾香口，擺碟夠靚，食落自然特別好食。最後主食仲有燒三文魚飯團，三文魚肉份量不少，調味都唔錯，又唔會太寡。甜品除左蜜瓜，就系提子味雪葩，味道超級香甜，又幾特別，大家都幾滿意!!!

長阪燒位於旺角朗豪坊前的砵蘭街，放工後逛了一圈便旋即展開我期待已耐的Omakase串燒大餐。儘管街外景觀不太好，但內裡卻像一個小日本，予人相當的信心，亦具視覺享受。清酒 (150ml/位): 先來清酒，以便及後搭配一堆佐酒之物，為傳統日式居酒屋喝得到的味道，味道偏香甜，但亦含高清酒濃度，150ml對我們來說也太多了，150ml/2人便差不多，畢竟也是小酌幾杯，明天還要上班。和風沙律: 適量dressing，酸酸甜甜，作開胃菜。刺身 - 三文魚、帶子、甜蝦: 整個setting都在告訴我，其食材相當新鮮，帶子夠鮮甜; 三文魚色澤呈鮮橙色，魚味亦見突出; 而甜蝦亦屬新鮮爽彈!蜆清湯: 湯夠清甜，另有菇和蜆肉，但喝起來並不單調。日式豚角煮: 豚肉皮肉相當分明，即我們所說的五花肉，炆至極為軟腍入味，易於咬開。醬料就像light版的東坡肉紅燒醬汁，日式煮法，觀感更佳。廚師精選燒物: 精選五款燒物分別是煙肉車厘茄、雞軟骨、燒三文魚、大啡菇及燒蠔 - 相信budget所限，首四款也不是貴價之選，但新鮮燒起，香口而相當適合佐酒。而燒蠔超級惹味，醬料帶蜜糖芥末味道，甚為香口Juicy。煙三文魚飯團:飯團

與老公食飯要選擇一間坐得舒服的餐廳，誤入一間旺角的日本料理，我倆被環境吸引，望見吧枱上的海鮮，立即坐下。當天吃了Omakase串燒套餐，價值約300元多。包括沙律、刺身、湯、燒物、甜品和燒酒，岩曬我呢啲吾想諗食咩的人。套餐的份糧對女生來說剛好，完全不會浪費。刺身係新鮮的，再飲蜆湯更覺鮮味。個人最愛燒雞軟骨串和燒蠔，蠔身外脆內軟，可見其鮮味。燒物配清酒，簡直一流。呢個三文魚飯團幾脆囗，完全吾鯹。甜點配搭特別出色，雪糕並不是普通香草味雪糕、定必另外調味，味道清新。

多得為食好友的情報，今晚好好地享受了一頓味美的日式料理。一走出電梯，一排排的日式酒桶相當吸睛。店內裝潢充滿日式風味，而且空間感大。當然要坐在吧枱上，欣賞師傅烹調時的風采。盆內有是日精選的海鮮，即揀即煮，很有風味。長阪燒商務套餐是店內新推出的套餐，為免選擇困難症發作，一於試試！龍蝦沙律兩個龍蝦鉗的肉已拆出，方便進食。蝦肉厚實，而且鮮美，配上清新的沙律菜及酸甜的醋汁，很開胃。刺身望住厚身肥美的刺身就忍不住口水直流。先講最愛的三文魚及牡丹蝦，前者色澤亮麗，入口甘香味美。而後者則鮮甜爽嫩。帶子大粒厚肉，同樣鮮美。最令我驚喜的是吞拿魚腩，雖則我平時不太愛吞拿魚，但常常聽到朋友說，如果靚的吞拿魚，絕對會令人一試難忘。這塊吞拿魚腩的呈粉嫩色，雪花分布均勻，貌似一件生的和牛。一口咬落去，入口即溶，極為肥美，抵讚！豚角煮類似東坡肉，一層肥膏一層肉，入口即化，而且非常入味，正。海鮮清湯湯底果然夠「清」，毫無油膩感。味道清甜可口，而大蝦的肉質亦很爽甜。之後就是一連串的燒物，分別是鹿兒島和牛、牛舌、日本雞胸軟骨、大虎蝦、雞肉大葱串、秋葵及日本宮崎腸。和牛嫩滑之餘，牛味重。而薄燒牛吞爽彈，加上黑椒配料更是惹味。