影片
更多
2018-05-24
89 瀏覽
最近好姐妹發掘到旺角朗豪坊附近有間餐廳，入面有平價omakase，我地當然要一齊去試下啦! 一入到去已經好有日本味道，天花板上掛左日式燈籠，大大個吧枱可以比你見到師傅即席炮製美食，而座位前面放著各式各樣新鮮海產，真係見到都流哂口水。話名要食omakase，我地就要左個omakase串燒套餐，每人只係$308! 首先有前菜沙律，沙律醋酸酸地幾開胃。再黎有三品刺身，有三文魚、甜蝦同帶子，厚切三文魚同珍寶帶子啖啖肉，而且甜蝦都好鮮甜，三樣都好新鮮。之後有煮物蜆清湯，雖然只有一隻中型蜆，但啖湯加上昆布同本菇十分鮮甜。飲完湯清完個口之後，就有豚角煮。一上菜見到一大嚿東坡肉既物體已經嚇一嚇，心諗一定好肥! 但我地當然都會試啦，一試就停唔到，首先豬肉已經煮到好淋鬆化，一層肉一層肥分佈得好平均，就算真係完全唔食肥，都好容易拆開。但其實連埋D肥肉食都唔覺好油膩。而且個汁味道調教得好好，真係可以肉連汁撈一碗飯!到重點既串燒，有五款由廚師發辦既串燒，分別有芝士白汁燒蠔、煙肉車厘茄、雞軟骨、鰻魚同冬菇。5樣野都燒得好好，完全唔油、無焦，而且好香脆。最欣賞係串鰻魚，無骨而且鰻魚醬份量岩岩好。接近尾聲有綠茶蕎麥冷
一入到去已經好有日本味道，天花板上掛左日式燈籠，大大個吧枱可以比你見到師傅即席炮製美食，
而座位前面放著各式各樣新鮮海產，真係見到都流哂口水。
話名要食omakase，我地就要左個omakase串燒套餐，每人只係$308!
首先有前菜沙律，沙律醋酸酸地幾開胃。
再黎有三品刺身，有三文魚、甜蝦同帶子，厚切三文魚同珍寶帶子啖啖肉，而且甜蝦都好鮮甜，三樣都好新鮮。
之後有煮物蜆清湯，雖然只有一隻中型蜆，但啖湯加上昆布同本菇十分鮮甜。
飲完湯清完個口之後，就有豚角煮。一上菜見到一大嚿東坡肉既物體已經嚇一嚇，心諗一定好肥! 但我地當然都會試啦，一試就停唔到，首先豬肉已經煮到好淋鬆化，一層肉一層肥分佈得好平均，就算真係完全唔食肥，都好容易拆開。但其實連埋D肥肉食都唔覺好油膩。而且個汁味道調教得好好，真係可以肉連汁撈一碗飯!
到重點既串燒，有五款由廚師發辦既串燒，分別有芝士白汁燒蠔、煙肉車厘茄、雞軟骨、鰻魚同冬菇。5樣野都燒得好好，完全唔油、無焦，而且好香脆。最欣賞係串鰻魚，無骨而且鰻魚醬份量岩岩好。
接近尾聲有綠茶蕎麥冷麵/燒三文魚飯團，我地各要左一個。先講冷麵，
綠茶味唔算濃，麵質煙un，而冷麵汁本身唔算好濃，
店員教我地將生鵪鶉蛋、蔥花同wasabi加入去，撈完之後幾好食。
而燒三文魚飯團雖然都有唔少三文魚肉，但食落比較淡味，加少少豉油食好D，但飯團燒到好香脆，有食緊飯焦既感覺。
飲品方面，每人有一支冰凍既清酒，店員仲會拎唔同既酒杯比你揀一隻。唔飲酒既朋友都可以轉汽水。
最後甜品部分有水果，分別有超甜哈密瓜、提子同士多啤梨。
平時普通omakase起碼都$700以上，但呢度竟然用一半價錢，只係$300就可以食到，真心抵食! 食物質素仲要好唔錯，加上服務一流，特別係經理，會同你傾下計，仲會主動幫你影相，真係好值得上黎試下!
張貼
