726
35
18
港鐵旺角站 E1 出口, 步行約3分鐘
繼續閱讀
電話號碼
25916669
開飯介紹
以傳統和風設計的日式爐端燒餐廳，裝修別致如日本居酒屋小店，氣氛一流。爐端燒有雞肉、海鮮及蔬菜等多款選擇，放在開放式廚房讓客人自選，亦有空運到港的刺身壽司、海鮮丼等菜式。
繼續閱讀
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
公眾假期
12:00 - 15:00
17:30 - 23:00
公眾假期前夕
12:00 - 15:00
17:30 - 23:00
*4月21日起最後落單時間: 午市14:45; 晚市21:45
以上資料只供參考, 請與餐廳確認詳情
有關獎賞計劃
食家推介
表哥就嚟出發去旅行，趁佢出發前專登約佢食番餐日本嘢。近期嘅話題不外乎喺「福島」核污水，講笑咁講，今次真喺「福」水難收。海產類可能會食少啲，甚至停一段時間先，都喺觀望住發展，但其他食材就唔喺太擔心，所以，今晚嚟到「長阪燒」就趁倒水前盡興。 餐廳位於商廈中，一出電梯，已睇到極有和風嘅裝潢，一室以木系為主，有吧枱、散座、卡位，地方都算大，加上天花極具和風嘅燈籠，仲有唔少富日本風情嘅壁畫，感覺好唔錯，非常有氣氛。 最鍾意喺啲靠窗嘅卡位，因為一來靠窗，可以睇吓街景，二來每個卡位都有啲布簾隔一隔，增加咗好多私隱度。 餐牌內容就唔特別講喇，因為作為居酒屋有非常多選擇，飲品亦喺更加有唔少酒精類飲品。 除咗主餐牌，仲有啲季節限定生蠔組合、廚師推介、自家釀梅酒……等等，我哋就睇啱咗一款生蠔組合，就喺4隻生蠔加一杯白酒非酒精飲品，只賣$138， 亦可以加38蚊轉為梅酒，因為喺自家釀製，頗有興趣試一試。 自家釀梅酒 $58聽店員介紹，佢哋呢啲自家釀嘅梅酒喺釀咗兩年時間，所以，絕對喺心機嘢，而晌吧枱尾尾就見到一大罌一大罌釀緊嘅梅酒。除咗一杯杯咁賣，如果夠人多，亦可以成枝咁落單，亦可以買走。因為點咗個生蠔組合，所以，只需另外加多38就可以試到呢款梅酒，如果要埋粒梅，就再加多$8，但我覺得值得加錢配。梅酒酒色清澈，味道醇厚帶少少甜味，所以，相對易入口，並且滲出陣陣梅香，餘韻長，不過，酒精濃度都幾高，唔好睇小佢。 季節限定生蠔組合 $138雖然餐牌無講明蠔嘅來源地，但店員話一定喺時令靚貨，有興趣試嘅客人亦可以事先問問店員喺咩蠔，睇下啱唔啱食先落單。而是夜嘅生蠔喺愛爾蘭石蠔，出面啲蠔吧食往往要$50-$60隻。隻蠔外形窄身瘦長，肉身較薄，帶爽脆嘅口感，蠔味鮮甜，而海水鹹味幾重，怕海水味重嘅客人可以唧多少少檸檬汁，再加埋雞尾醬汁調和一下，風情亦唔錯。 火炙三點刺身 $288日本菜吸引之處就喺賣相精美，擺盤富心思，就好似呢個火炙三點刺身，單喺睇樣都好吸引，3款刺身包括有火炙帶子伴三文魚籽、火炙左口魚伴海膽、火炙吞拿魚腩，而山葵都喺新鮮手磨貨色，絕對夠晒誠意。 試過之後，3款刺身都好出色，可以講各有特色，難分高下。大大粒嘅帶子鮮甜爽口，左口魚炙燒過油香突出，襯埋海膽無得輸，而吞拿魚魚味濃郁，輕輕一炙口感更柔潤。 串燒雞脾肉 $32 睇人哋嘅評論，就話呢度嘅爐端燒幾有一手，而當中「燒鳥」嘅選擇就特別多，店員就叫我哋試試呢個雞髀肉。高溫嘅炭火唔單止燒香外皮，更能夠鎖住肉汁，所以，入口啲雞髀肉既嫩滑，又富肉汁，帶有少少碳火香，食得出師傅嘅手勢好。 煙肉車厘茄 $28、豚肉秋葵 $38、豚肉露筍 $38既然佢哋嗰爐端燒又一手，無理由淨係試一款雞髀肉，所以，再嚟一輪3款串燒：煙肉車厘茄、豚肉秋葵、豚肉露筍，有肉有蔬菜，減低一下自己嘅罪惡感。煙肉車厘茄一向好受人歡迎，因為煙肉燒過就好惹味，配以酸爽嘅車厘茄，絕對好有化學反應；豚肉秋葵亦都好食，薄薄嘅豚肉滲出少少油脂，令爽口嘅秋葵充滿又香；至於豚肉露筍，亦都幾得，露筍好鮮嫩，入口無渣，呢幾款串燒配梅酒都一流好。 松葉蟹膏多士 $128表哥未食過甲羅燒，所以，呢一款松葉蟹膏多士對佢嚟講喺一度好新鮮嘅菜式，有啲似食法式鵝肝醬多士咁。蟹膏混上少少味噌，火炙而成，味道濃郁豐腴，大量咁搽落脆口嘅多士，非常香濃惹味。 今晚無論所試嘅刺身，還是爐端燒、蟹膏多士，都喺好高質素嘅出品，再者用料絕無欺場，而招呼方面都好熨貼，侍應亦好有禮貌，讓我哋兩老表有頓好稱心嘅晚飯。
繼續閱讀
今日去左一間樓上日本菜餐廳食lunch, 佈置得好有日本風格。試左午餐set lunch，價錢都合理。筍彩會席御膳-前菜 小食醃牛肉粒配卷蛋醃牛肉粒鹹香，卷蛋形狀好靚，味道香甜，而且質感軟綿。-特選刺身三點拖羅，蝦，帶子刺身鮮甜，特別拖羅油脂分佈平均，口感滑溜-三貫壽司盛盒吞拿魚蓉，三文魚，雜錦壽司盒魚生新鮮，雜錦壽司盒有數款不同魚生，食落好有口感。-精選爐端燒三品雞軟骨，豬腩肉，翠肉瓜雞軟骨好有咬口，脆得黎啊會太硬豬腩肉串肥瘦適中，咬落香口翠肉瓜厚切，咬落好多汁，好清新-雜錦天婦羅蝦，茄子，鮮菇，秋葵天婦羅炸得金黃香脆，用上新鮮蔬菜，非常美味，炸蝦蝦肉彈牙。蘿蔔蓉配薑蓉解膩一流-滑蛋牛肉丼丼飯超有驚喜，望落細細碗，但超足料，壓到實一實。牛肉份量多，而且牛肉質素好，牛肉味夠香。配埋滑蛋，肉汁，蛋汁一齊撈飯好好食，飯粒分明。-甜品 雪米糍另外叫左個 北海道鮮帶子夾海膽。帶子嘅鮮甜包住幼滑口感嘅海膽，再加上三文魚籽嘅鹹香。呢個組個口感超豐富，仲同時食到幾重嘅鮮味。推薦一試。餐廳環境舒適，店員親切，價錢合理，想食好食日本菜，不仿一試！
繼續閱讀
朋友食飯喺旺角搵一間坐得舒服嘅日式餐廳就喺朗豪坊附近，睇餐牌有生蠔、有刺身又串燒就入去睇過環境坐得舒服， 侍應好細心咁問我哋想坐吧枱定係坐 一般餐枱，因為我哋想坐低傾下計，所以就坐咗一般枱，下次可以試下坐吧枱生蠔有兩款，一款西班牙一款日本上菜時好細心咁講清楚建議先食西班牙，然後再食日本嗰款，因為日本嗰款比較濃味服務非常好分開畀咗一隻專係食生蠔嘅碟生蠔肥美可口，非常大隻松葉蟹膏多士多士非常脆， 配埋松葉蟹膏醬非常惹味廚師發板三點盛以為得三樣，原來有五樣嘢鯛魚刺身、 火炙帶子刺身、 蛋捲、 鰻魚沙律、 海膽三文魚子丼鰻魚沙律，啖啖鰻魚鯛魚刺身，非常新鮮炙燒帶子刺身，超大粒上枱時仲介紹可以配埋紫菜一齊食海膽三文魚子丼海膽飯海膽同三文魚子分量多睇落細細，食落份量都唔少兩個人share食就啱啱好，可以食多幾樣嘢最後餐廳出名食爐端燒，所以點都叫返幾串燒試一試煙肉車厘茄， 煙肉燒得微脆，配埋裏面juicy嘅蕃茄 好好食燒雞髀用雞肉燒完仍然嫩口，重雞味我自己就最鍾意呢個經典配搭豚肉露筍， 豬肉嘅油花配埋露筍朋友相聚食到最尾係差點兒唔捨得走
繼續閱讀
位於旺角的日式爐端燒餐廳。餐廳位於旺角樓上舖二樓，佔地一整層，空間其實不算大，但裝潢以清新木系為主，加上裝修別緻，因此用餐時也是很舒適。餐廳設有卡位及吧枱，客人可以選擇入座於吧枱觀看師傅手藝，亦可坐近窗邊眺望人來人往的旺角街道；雖然我選擇就座就吧枱前方，旁邊左右都有食客，但座位間距不算窄，因此不會太有擠迫感，喜歡看師傅手藝的可以建議坐於吧枱前喔~ ⋆_____ᴛᴏᴛᴀʟ ᴏʀᴅᴇʀ______⋆° 北海道鮮帶子夾海膽 $148° 雲丹拖羅蓉山盛 $188° 黃花魚一夜干 $158° 活燒元貝 $88° 串燒和牛 $68° 串燒雞脾肉 $32 ° 免治雞肉棒38- ✧° 北海道鮮帶子夾海膽 $148鮮帶子開邊夾海膽，賣相已經非常吸睛，海膽色澤金黃甘澄，鮮而不腥。放入口海膽瞬間溶化，加上厚肉爽口的帶子，鮮甜味美 ! ° 雲丹拖羅蓉山盛用拖羅蓉、三文魚籽及海膽堆成的一座小山丘，舖在上面的刺身餡料豐富得把壽司飯全然淹沒，好不震撼! 拖羅蓉由師傅人手剁碎及挑筋，口感更順滑~海膽配上拖羅蓉鮮甜味濃，加上三文魚籽的甘鮮口感，口感豐富，味道實在太誘人了~ 不論視覺及味道都是一種享受喔!° 黃花魚一夜干超大一條的！黃花魚燒得軟嫩酥香，魚骨軟韌，口感鮮甜細嫩；魚皮燒得脆香可口，但魚肉不會太乾，豐腴有汁，佐酒一流~ ° 活燒元貝吃到活元貝鮮甜的味道，扇貝厚肉細嫩，師傅建議吃後連同湯汁一併喝掉，風味更佳；此話所言屬實，湯汁吸收了元貝的鮮甜精華，極鮮極濃° 串燒：🔸 和牛：和牛肉味濃郁，脂香肉嫩，口感不會太韌，但略嫌不夠厚切，略欠嚼勁🔸 雞脾肉：用了雞髀肉的部位，質感更為嫩滑，塗上燒汁經過猛烤後，外香內嫩，肉味濃郁🔸 免治雞肉棒：免治雞肉棒混合了雞皮、雞胸及雞髀肉，肉汁、香味及味道三者兼備，口感一流；蘸 點日本的橙黃色蛋黃來吃，加倍可口味美。
繼續閱讀
閨蜜生日我請食飯 ，佢有好多要求， 要食日本菜 ，要新鮮好味 ，要靚靚餐， 要夠份量， 又要抵食， 好似以前嘅出奇蛋廣告， 一次過滿足三個要求 。要滿足曬好似都唔容易 ，一番搜尋之後 ，揀咗喺旺角呢度長阪燒。第一次幫襯呢度 ，講真嗰句 ，真係可以滿足曬我哋嘅要求。 🥰🥰首先係美💐 ，餐廳裝飾典型日本風格， 掛有燈籠， 仙鶴， 牆上有鯉魚，古典日本畫。 餐廳雖然不大，但井井有條，光猛企理， 窗邊一大排寬敞卡位， 可以望到街景。 廚房是開放式， 可以見到廚師們忙忙碌碌， 製作餐點 。每樣食物上枱， 都係精心❤炮製，精美擺設 ，顏色鮮豔 ，配搭得宜。 綠色嘅新鮮紫蘇葉 ，除咗養眼， 仲帶出一陣陣清香嘅味道， 黃色嘅小菊花 ，擺喺食物旁邊 ，有種畫龍點睛嘅效果 ，紫紅色嘅蘿蔔， 豐富咗顏色， 又平衡咗肥美魚生嘅油潤。第二係非常滿足， 我哋叫咗兩個餐 ， 食物種類多到記唔曬， 有前菜小食， 刺身三款 ，壽司三款 ，天婦羅四款 ，爐端燒三款 ，叉燒烏冬一小碗，鰻魚飯一大碗， 最後仲有雪糕糯米糍。 最滿足係刺身，粉紅色肥美拖羅 ，鮮甜柔潤肥嘟嘟，充滿豐富omega-3 ，喺個口度嚼下嚼下唔捨得吞， 兩粒大帶子 ，點啲wasabi豉油真係極品鮮甜，超滿足味蕾。仲有一隻大牡丹蝦， 一啖擺落口啱啱好 ，有種幸福嘅感覺。 心靈手巧嘅廚師仲用青瓜雕咗隻青蛙擺喺隔離， 栩栩如生， 所有嘢都新鮮到爆燈。 爐端燒都極之出色 ，豬腩肉同雞軟骨都燒到脆香， 味道又調教得好，椒鹽嘅味道令到啲肉鮮甜而又唔油膩， 齒頰留香，回味無窮。 另一個滿足就係大碗鰻魚飯， 兩塊大鰻魚， 啖啖肉，魚油嘅香味令到碗飯都非常吸引，三扒兩撥就食完，超滿足。 其餘啲食物都係認真製作， 我哋兩個愈食愈起勁，食完仲覺得少咗啲蔬菜，於是又點咗一碟枝豆 ，又係與別不同嘅製作， 新鮮不在話下，少少咸，粒粒豆都好飽滿，食到停唔到口。 兩個人食到好滿足好開心， 平均都唔使200蚊一個人， 真係極之實惠 ，性價比超高。 所以話呢度一次過滿足我哋三個要求 ，就係食物好 ，賣相靚 ，價錢平。 另外仲要讚下啲服務 ，店員姐姐個個都殷勤有禮 ，上食物嗰陣時輕輕放， 收碟嗰陣時又係輕輕摞，絕對唔會打擾我哋食嘢 ，仲要每枱都有一壺熱茶， 唔會飲到凍曬 ，又要搵人斟茶， 真係好周到，滿意再滿意。總之， 呢一餐令到閨蜜非常之滿意 ，佢話下次我生日又請我嚟呢度食， 到時又可以大快朵頤。
繼續閱讀