長阪燒

營業中

休息中

最近才發現旺角砵蘭街有一間開業兩年多的日式餐廳。它的位置並不起眼，在街上要細心一點才發現。爐端燒餐廳在裝修設計上有心思，帶出濃厚和風味道，令客人更享受。餐牌選擇很豐富，除了燒物，壽司刺身，也有一些季節限定，而家係生蠔。精選生蠔六隻+白酒 $148這個價錢送上白酒十分抵食，而且生蠔並非將貨就價，厚肉又帶海水咸鮮。松葉蟹膏多士 $118松葉蟹膏配多士食法有新鮮感，蟹膏散發濃郁咸香，雖然有人會覺得咸，但正正連多士一起吃就恰到好處，值得一試。雲丹 $98澎湃海膽，滿足的感覺。楚蟹肉 $48毫不吝嗇的蟹肉，味道鮮甜。火炙平目魚背 $68火炙平目魚背入口即化，充滿油脂，散發陣陣香味。月見免治雞肉棒 $38賣相吸引，配蛋漿更嫩滑，啖啖肉。牛舌 $38牛舌夠肥美，又爽口，燒得好食。牛肉稻庭烏冬 $78稻庭烏冬有質素，嫩滑又彈牙，湯底沒死咸，配上香嫩牛肉，性價比唔錯。要在旺角找到靚裝修又有質素的爐端燒餐廳的確不容易，長阪燒是一個好選擇。

因為疫情的關係，很少出去吃飯，在家吃得多了，很想出去大吃大喝一番，所以今晚就選我最愛吃的日本菜。長阪燒的裝修很日本風，掛著一個個白色的燈籠，一進門就是刺身吧枱，旁邊還有卡位，店子乾淨闊落舒適。Menu款式很多，刺身、壽司、小吃、沙律以及串燒應有盡有，還有即開生蠔呢。精選生蠔六隻+白酒 $148先點了生蠔，生蠔很大隻， 是來自日本北九州的生蠔，十分肥美，入口有微微的海水味，好鮮甜，還配有一杯白酒。楚蟹肉壽司 $48火炙平目壽司 $68雲丹 $98叫了三款壽司， 雲丹新鮮又鮮甜，楚蟹肉的蟹味香濃，平目油脂滿溢，燒過後入口即溶。月見免治雞肉棒 $38雞肉棒燒得金黃色，沾上蛋漿吃很香口，還吃到一粒粒的軟骨。牛舌 $38牛舌燒得好香，入口帶有鹽燒的味道，有肉汁而且爽口。松葉蟹膏多士 $118蟹膏味道香濃，配搭多士不鹹不膩剛剛好。牛肉稻庭烏冬 $78最後再吃稻庭烏冬，烏冬是扁身的，而且很滑溜，半生熟的牛肉很嫩，湯底帶點鹹香，吃完好滿足。店員推介的食物真的不錯呢~

在旺角搵好少少既居酒屋爐端燒不多，仲要係日本直送更少知又少，我記得之前黎食過，好想再同老婆食多次，今次有些時間去睇下有咩想食，入到去坐，環境坐位不錯又舒服，最重要是枱與枱之間又寛濶，不會有壓迫感。睇完餐牌同面前的新鮮時令海鮮蔬菜，就忍不住心郁郁。【牛蒡漬物】瘦細的牛蒡的膳食纖維都好高，可以幫助排便順暢。它能降壓降膽固醇，它的味道帶酸香且嚼勁，吃起來都幾清爽。【鹽燒油甘魚頭連鮫】油甘魚頭煮法緊係鹽燒係最好啦，因為燒完出來油脂超香，魚頭燒得剛剛好，又多肉，魚肉又夠嫩滑。值得推介!【楚蟹肉壽司】蟹肉很多，而且很鮮甜！【赤蝦壽司】赤蝦非常新鮮甜美，肉質又夠結實爽口。【日本手羽先-雞翼】燒出來的雞皮香脆可口，雞肉非常嫩滑，食落雞的味道同平時第二道食真係有分別，入味香口，帶出雞的鮮甜味。

最近受疫情影響，都好少出街食飯，但啱啱出咗糧，都要去放鬆下嘅。今日嚟到旺角呢間日本餐廳，聽講佢刺身同串燒都好正，一於嚟試一試。我同朋友大約七點嚟到，食到咁上下已經去到八成滿，好多人嚟gathering，慶祝生日，好有氣氛，咁嘅時勢生意都咁好一定有佢原因。呢度裝修好有日本居酒屋風格，有卡位，私隱度算幾高，我同朋友就想坐吧枱，可以望住師傅準備食物。而且啲食材放於師傅前，好讓客人任君選擇。呢度主推食生蠔，半打連白酒都只係百幾蚊，好抵不過前幾日腸胃有啲唔好，所以都係下次再試。呢度侍應非常熱情，彬彬有禮。有一位經理都好熱心咁向我哋解釋同埋推介當造食材。呢度嘅魚生都好新鮮油甘魚腩壽司 $48好重油脂香味，入口即溶藍鳍吞拿魚壽司 $70100分，油脂分布平均，入口即溶，好鮮美金目鯛壽司$38入口肥美而不膩海膽壽司 $98Creamy得嚟一啲腥味都冇，齒頰留香。松葉蟹膏多士$118推介必點，首先蟹膏嘅份量好多， 蟹膏好濃好香冇腥味，入口口感幼滑，配埋多士可以中和鹹味，本人鍾意重口味唔連多士食仲香口，念念不忘。牛舌 $38彈牙得嚟一啲都唔韌，好耐冇食咁好味牛舌，必點牛胸腹 $48入口鬆化即溶，油脂香牛味

由於早前預訂了搓手液在旺角自取，反正已經出了旺角，就決定跟老公食完晚飯再回家吧！最近比較喜愛到樓上店搵食，一來比較清靜，二來比較少人來來往往，感覺安心一點。今晚想吃比較香口的食物，所以燒物，串燒等等最適合不過。燒日本大青椒味道清甜多汁，不需多加調味已經非常好吃。活赤貝刺身赤貝肉質鮮嫩爽口，鮮味十足。燒活海鰻新鮮海鰻魚肉特別爽口彈牙，外皮香脆，魚肉鮮甜美味。日本雞肉大蔥串日本雞肉食落比較有彈性，肉質鮮嫩多汁，大蔥甘甜香口。燒北海道活元貝元貝肥美厚肉，入口鮮嫩多汁，加上少量清酒同煮，連湯汁也全部飲清。松葉蟹膏多士蟹膏加上蛋黃拌勻再慢慢燒烤，味道濃郁甘香，配上脆脆多士同吃，味道香濃惹味，令人一吃再吃。

跟朋友逛旺角，被這餐廳的長banner吸引了，介紹多款海鮮丼，但再望真點，原來海鮮丼主要在午市，之後再望望旁邊的menu，發現這間居酒屋都挺有質素，所以就和朋友walk in試試看。上到2樓，見到有張大地氈寫住消毒地氈，又有消毒噴霧提供，畢竟在這段時期，做食肆都比較小心。我們入座後，店員都好主動推介當日有什麼主打是最新鮮，首推~即製鹽燒油甘魚頭連鮫，比三文魚頭更甘香而且不油膩，有很多肉，平常在街外大部分都是賣三文魚頭，很少有油甘魚頭，而且看著師傅拿起新鮮魚頭入廚房，絕對不是冷藏魚頭，食得出那份新鮮的味道，而且鹽味剛好，又不會太咸。之後我們叫了油甘魚壽司，三文魚腩壽司，主要是想輕嚐他們造壽司方面的造詣，果然壽司飯有輕輕的醋味，而且魚脂分佈平均，非常甘香。另外我還叫了些香口的食物~燒雞泡魚干，甜甜咸咸帶少少脆，送啤酒確實一流。車海老天婦羅，除了大蝦天婦羅，還有秋葵、南瓜、蕃薯、茄子伴碟~反正新鮮炸起的天婦羅從不令人失望，非常好味，非常滿足的一餐。

係朋友推薦，食得好豐富，而且好高質， 我仲鍾意佢嘅環境同埋服務㖭 。我哋叫咗個西冷牛小扒， 真係幾好味㗎。 肉質好淋身， 而且切得好薄， 食落去好有口感，味道方面都好有牛尾， 再加埋佢隔離嗰啲柚子胡椒醬，呢種食法真係好正呀。之後我哋叫免治雞肉棒，好鍾意啲醬汁！同埋雞肉棒裏面會食到啲雞軟骨！另外我哋仲叫咗個釀蟹蓋， 裏面嘅蟹膏味好濃沃， 而且好夠熱，冬天就真係一流啦，熱辣辣好暖笠笠。呢個銀雪魚西京燒又係成餐晚餐另一個重點 。肉質真係好滑，有少許彈牙 ，層皮燒得唔焦，仲整得好脆添，我哋好鍾意配埋沙律醬一齊嚟食 ，一甜一咸食落口裏面真係大滿足呀！鹽燒活海鰻係我最鍾意食既一碟！外脆內軟，好脆既海鰻皮上面仲有鹽燒嘅味道，係海鰻粉絲嘅必食！

今晚真係正呀，又食高級嘅日本菜，試咗好多款唔同嘅菜式， 食物質素好高，亦都食到好飽好滿足 。叫咗落海膽軍艦， 上面鋪滿海膽 ，淨係睇色澤已經知道好味， 食落去淡淡海膽嘅鮮味，好甘香， 食完真係大滿，足而且好開胃㖭！另外我哋都叫咗個火炙平目魚背 ，上面充滿魚嘅油香，燒得啱啱好， 加埋少少蔥喺上面，帶起佢嘅味道，真係一流。我哋叫咗個免治雞肉串， 口感非常豐富，食落去有啖啖軟骨嘅爽口， 加埋蛋漿一齊嚟食更加可以提升味覺嘅層次感。燒活海鰻都好好食， 佢用咗啲鹽嚟燒，非常香口， 而且佢層皮燒得非常脆口，海鰻嘅肉質都好嫩滑， 帶嚟味道嘅衝擊 。而且呢間餐廳嘅環境非常好， 環境闊落，座位舒適，更加可以坐喺度睇住師傅整唔同嘅菜式， 真係幾好㗎。另外職員嘅服務亦都好好，令我感到有賓至如歸的感覺。

情人節前夕，跟太太到這家日本料理店進餐店內裝潢華麗而充滿日本特色，非常養眼入座後店員很積極推薦特色食物，且非常友善我們點了特飲海鹽梅子蜂蜜梳打，很清新亦養喉然後點了店員推介的魴鮄刺身，魚種比較少見，魚淡淡的味道配以酸梅汁有另一種口感，師傅刀工精良致順滑無刺另一店員推介的松葉蟹膏多士，蟹膏非常香濃，可以在多士外加配一碗白飯而火炙三文魚腩壽司燒的很香，入口即溶另外牛肉烏冬的牛肉很嫩、烏冬軟滑、湯頭亦鮮甜最後是燒三文魚飯糰，燒的很香，三文魚融入飯糰中，味道不錯總括而言，這是一家環境及服務優質的日本料理，加上食物有特色且味道不錯，值得一試

好興奮，第二次來到位於旺角朗豪坊附近的長阪燒，自從上次和朋友來食過鮮魚刺身後，就一直念念不忘這裡的新鮮好滋味。餐廳裝橫充滿日本風情,餐枱前有特式木筒擺放著時令蔬果，給客人選擇作爐端燒用，連貴重的藍鯨吞拿魚也驚喜現身。魚櫃內擺放著平日少見的刺身魚，包括有金目鯛， 池魚王， 伊佐目，鲂鮄魚等，我們只得2 個人，點了一條最細條的彷彿魚🐟，原條上，賣相精美，肉質鮮甜爽口，配上餐廳特制魚醋一齊食用， 酸酸咪咪的，特別開胃，也讓魚的鮮味升級，滿足視覺同味覺的雙重享受。朋友最中意食蟹，點了松葉蟹膏多士，蟹膏 雖然膽固醇爆燈，但滋味同樣爆燈， 滿滿的一份，味道濃郁，原來是用泰國膏蟹和松葉蟹膏加蛋黃醬炒成的，難怪蟹味出眾幼滑， 配上香脆麵包同食，口感特別。另外也點了一些壽司，烏冬， 飯團等，開心的渡過美好的一夜。

上星期朋友生日，打算搵一間坐得舒服嘅餐廳為佢慶生，上網睇到呢間餐廳環境唔錯，估唔到食物質素都係水準之上當日約咗6:30，好彩有訂位，7:30左右基本上已經全場爆滿北海道南爵薯餅，新鮮炸起非常香脆，而且薯仔味道濃郁，非常開胃小食鹽燒三文魚鮫，魚鮫脆骨位置非常香脆，充滿三文魚油香味，外脆內嫩串燒質素相當唔錯，燒鵪鶉蛋係我嘅至愛，另外燒雞皮同樣燒得非常香脆，但係仍然感受到少量雞油油脂，非常惹味鹽燒活海鰻，魚肉非常厚身，而且油脂非常多，識落每一啖都充滿鰻魚香味喺口入邊，推介！

同細佬妹慶祝生日之日本晚餐😁一家人好少出去食飯，今次細佬妹生日所以搵間靚餐廳食☺️壽星之一既細妹揀左位於旺角既長阪燒😛環境係日式居酒屋既環境👍🏻店員服務都非常好，會不斷介紹咩野食物係時令，或者乜野食物新鮮好味，又會來serve你咁。叫左幾款唔同既食物～壽司類都新鮮肥美，沙律菜亦好fresh，叫左個燒吞拿魚下巴都好鮮甜好滑，燒得脆脆地好香好正，個staff話女仔食得多皮膚都好d添呀😆最後再叫左個芝士蟹蓋炒飯，味道都好入味，連唔食蟹既老公都話好好味😆食物高質，環境清靜，staff服務都好好，想一家人食好西都推介呢間👍🏻

之前一直有聽聞過呢間居酒屋形式嘅餐廳非常唔錯，但係一直都冇乜機會去旺角區，上星期終於有機會喺嗰邊收工，於是乎便上去一試當日七點左右上去見到其實都差不多滿座，店員問我地介唔介意坐吧枱位，我見到佢哋吧枱面前有好多新鮮食材做，我見到佢哋吧枱面前有好多新鮮食材做推介，咁有趣嘅設計我絕對唔介意感受下睇到佢哋菜單嘅感覺係果然似居酒屋，就係佢哋嘅菜式選擇好多，而且種類亦不同，有串燒，壽司，刺身，熱食，天婦羅等等，非常有誠意先點一個牛肉稻庭烏冬，份量不少，而且湯底味道濃郁，非常重鰹魚味道，抵讚之前在日本食過三文魚燒飯團，見到呢度都有提供就點了一個，廚師將飯團外皮燒得非常香脆，令到充滿飯焦口感，非常滿足，而且三文魚香令到白飯充滿淡淡魚香味點了幾串串燒，雞肉大蔥串十級好食！雞肉非常多汁嫩滑，配上廚師燒至香脆嘅大蔥，非當相襯，另外雞骨豬肉腸都非常驚喜，腸衣脆卜卜，入邊充滿肉汁，推薦

約咗好耐冇見嘅朋友，出嚟食飯係指定項目。上到嚟長阪燒，環境唔錯又可以睇住師傅製作。好，坐低睇吓有咩好食先。生蠔set，生蠔夠爽，唔錯。燒活海鰻，燒得啱啱好，唔會乾。牛舌，咬落彈牙，肉質夠實淨。醬燒海苔年糕，煙煙韌韌都幾得意。免治雞肉棒，有個生雞蛋sauce 可以點黎食松葉蟹膏多士，口感柔軟既松葉蟹膏放係炸到脆卜卜既多士上面夾黎食，正！黃花魚一夜干，係signature之一，燒香既黃花魚外皮，裡面係嫩滑黃花魚肉。燒Banana，原來熟左既蕉食落會甜DD，燒得唔錯。

新年梗係要搵好姊妹見下面，食飯賀一賀。呢間位置近朗豪坊附近，唔算難搵。樓下都有好多poster提示。上到樓一打開門，嘩左出黎。裝修好靚，黎得都似係熟客。好有親戚感。坐喺bar枱，仲可以偷睇師傅整壽司，燒物等等。Oyster set包六隻生蠔及一杯酒精/冇酒精飲品。生蠔都算大隻，新鮮，有淡淡的海水味。咁先$148set, 真係幾抵。黃花魚一夜乾，聽餐廳職員詳細解釋一夜乾的做法。原來要先用日本燒酒醃幾日沖走，再用鹽醃幾日曬乾，再用清酒沖去鹹味， 咁我哋先可享用到一夜乾。 黃花魚帶甜味帶少少清酒味及鹹味。師傅燒到外脆肉嫩，係送酒的好餸。松葉蟹膏多士， 原來係餐廳的招牌。松露蟹膏多到滿曬出嚟。 鹹甜到平衡得好好，配上香口多士，唔怪之得稱為招牌。燒海鰻， 皮脆鰻魚味重，鮮。不錯。牛舌，不錯牛味重，醃得幾好味。醬燒海苔年糕，第一次食燒年糕， 原來海苔同年糕真係好夾， 好煙韌又有海苔的香氣，甜甜地又QQ地。免治雞肉棒， 雞肉嫩滑配埋滑溜的蛋漿， 雞蛋的香氣令鮮味及滑度再度提升。 燒香蕉，最後黎個甜品。happy ending!