長阪燒

營業中

休息中

一入居酒屋門口 每位客人都會目不轉睛咁望住bar枱因為用左傳統爐端燒主題佈置橫樑上掛滿木槳🏏前方展示一盤盤新鮮食材話說古時日皇出巡 到爐端燒店用膳平民唔敢正視佢 只好將燒好的食物用木槳傳上 自此木槳就成為了爐端燒的一大象徵真有意思 而且店內更設有多個日式包廂試食個lunch先 下次晚餐再試下爐端燒物.《汁燒霜降和牛粒溫泉蛋丼》一口和牛size 沾滿醬汁 好滋味而且肉質唔韌 油脂香〇溢溫泉蛋係做到creamy效果 撈飯一流.壽司🍣《藍鮨拖羅、蒲燒鰻魚、劍魚腩、油甘魚、日本芝士蟹棒》仲有蔥粒呑拿魚蓉小卷最深刻當然係拖羅 肥美嫩滑蒲燒鰻魚也不錯 不過更喜歡蔥粒呑拿魚蓉小卷爆餡呑拿魚蓉多過飯 仲有香蔥好爽脆.小食《茶碗蒸》蒸蛋好嫩滑.《蜆肉麵豉湯》好多蜆肉 不過肉質略嫌有點鞋口.《和風沙律》蔬菜很新鮮 絕對冇黃色嘅葉

高質刺身飯-喺旺角伏嘅餐廳真係唔少，聽聞尼間喺朗豪坊附近係又唔伏又好食仲要平，所以今日就黎試下。-茶碗蒸尼個茶碗蒸同其他嗰啲好唔同，入面好多料，有冬菇、雞肉、元貝，再加啲鰹魚汁，又滑又好食！-壽司（立魚、劍魚腩、蒲燒鰻魚、芝士蟹棒、吞拿魚魚蓉小卷、拖羅）因為壽司做緊特價，所以我地叫左幾件試下。劍魚腩每件$9，超級抵食！！！好好食，多魚油，又冇筋，好高質！立魚就比較普通，比較清新，冇筋，不過同外面嘅差不多，不過以佢收$8，絕對對得住個價錢啦～鰻魚就有少少焦香味，同幾大件同燒得啱啱好，幾值得試嘅！芝士蟹棒對我黎講漏左少少，一定佢唔係好似出面咁俾芝士醬，而係一片切細，好味呀！吞拿魚魚蓉就好足料，每會好似外面咁有頭冇尾，同魚蓉油脂味都好濃，每啖都又有魚香又有魚油！再加啲葱粒，好香！拖羅就永遠係最正啦，佢用藍鮨，係其中一種最肥美嘅吞拿魚，亦係我食過最邪惡嘅拖羅之一😈，入口即融，好難得係完全冇筋（愈肥愈多筋，冇筋通常一係高質好彩，二係廚師幫手起左筋）。當出面拖羅壽司起碼$50，佢收$32，真係超值呢！！同佢嘅壽司飯係用日本珍珠米，粒粒飽滿，唔會痴埋一舊或者好易散，再加難得以赤醋調味，真係高質！-蜆

今日係旺角見完客同個同事係附近食埋野先返公司見到呢間日本野好似好多好評咁決定試吓一入去好新好靚，仲有特色bar枱我地叫左d壽司同lunch set整體十分抵食 lunch有半價 舊壽司飯有特別既汁去調配，細細舊配埋新鮮既魚生，一啖食落去好鮮好滿足極力推薦拖羅好鬼正日本芝士蟹棒$18蒲燒鰻魚$28藍鰭拖羅$32劍魚腩$18立魚$16蔥粒吞拿魚小卷$18茶碗蒸$18蜆肉麵豉湯$22另外叫左個lunch set有前菜麵豉湯和風沙律汁燒霜降和牛粒溫泉蛋丼飯好豐富，勁多juicy和牛粒，配埋香滑既溫泉蛋同日本米，啖啖都食到和牛，個汁調得好好，一定要試吓

約左個朋友食lunch佢話上次食過覺得幾好食又唔貴，今次帶埋我去食下。我叫左個天婦羅稻庭烏冬 $98個餐跟螺肉，和風沙律，麵豉湯，主食。螺肉幾入味，沙律新鮮爽口，天婦羅有大蝦，東菇，蕃薯，茄子，粉漿薄炸得香脆，大蝦有成3隻，好爽口，另外稻庭烏冬彈牙，湯底帶少少甜味。茶碗蒸 $18好香好滑，入面仲有幾樣海鮮。蜆肉麵豉湯 $22蜆肉份量唔少，新鮮大粒厚肉，配埋麵豉湯好好味。另外我地仲叫左壽司，好新鮮，價錢都唔貴。劍魚腩2件 $18，立魚2件 $16，蒲燒鰻魚2件 $28，日本芝士蟹棒 $18，葱粒吞拿魚蓉小卷 $18，藍鰭拖羅 $32

自己本身都係附近返工，所以午餐嘅時候都會去旺角砵蘭街呢到食飯。入到去間餐廳嘅時候，個環境都真係幾舒服，而且啲壽司一啲都唔貴，兩個人食三百幾蚊都OK。我哋一開始食係食佢嘅沙律🥗前菜，沙律菜都算新鮮，再配埋醋一齊食，係幾開胃。之後想特別講嘅係，呢一個$22嘅蜆肉麵豉湯，蜆肉都幾新鮮，唔會有好梅嘅感覺，而且都幾有質感，個湯都幾新鮮，加埋麵豉湯底，少少咸幾好飲。再之後就係一個期待咗好耐嘅丼飯，我哋叫咗三文魚籽海膽丼，三文魚子大大粒，而且三文魚都切得幾厚，海膽望落去啡啡色色，似係加拿大海膽，都幾鮮。料同埋飯比例大概4:6，都算唔錯，唯一個位就係個飯有少少酸。再之後就係自由點壽司嘅時間，我哋叫咗拖羅、立魚。芝士蟹柳棒、蒲燒鰻魚、劍魚腩壽司，整體來講都真係非常唔錯，鰻魚壽司直情入口即溶。蟹柳壽司配左火炙芝士之後，芝士嘅香味仲入埋喺蟹柳肉裏面。藍耆拖羅$32一舊，真係算唔話得。👍

呢日同同事出旺角食飯，之前經過「長阪燒」樓下見到二拉架介紹有特價壽司，好似好抵食，所以就決定去試下。餐廳要坐𨋢去二樓，一出𨋢嗰下嚇親😳，因為環境非常好！首先餐廳面積幾大，坐位唔少，右邊係窗口卡位座，好似包箱咁；中間就有吧枱位，雖然望唔到師傅整嘢，但氣氛氣派一流，又坐得闊落👍。一坐低無耐店員就為我哋送上熱茶🍵及餐牌，午市套餐選擇豐富，有熟食同刺身丼飯等，免收加一服務費！另外，餐廳仲有一個特價餐牌，每日12點至18點嗌指定食物可享半價優惠🔥。我哋大家都想食魚生，所以無嗌熟食，嗌咗一份午餐同散叫壽司小食。留意番呢度嘅壽司飯應該係落咗赤醋🍚，所以呈啡啡哋色，味道偏酸少少，我自己就幾歡喜。午市套餐奉送麵豉湯、是日小食同和風沙律，全部賣相都靚靚仔仔☺️；是日小食係麻醬豆腐。長板燒三重奏($158)，依份丼飯餐不得了，造型勁吸引😍。三個迷你丼飯鋪面嘅刺身勁澎湃，而且三杯嘅款式各有唔同。第一款係蔥粒吞拿魚蓉；第二款嘅三式刺身包括帶子、三文魚同油甘魚，三樣都係厚切兼大塊，好足料。三個迷你丼飯加埋嘅飯量同餸量一啲都唔少！而我個人最鍾意嘅就係海膽併三文魚子，三文魚子大大粒，一咬開爆哂漿，每啖嘅口感都好正好滿足

早幾日食lunch約咗朋友嚟到呢間裝修非常日式嘅日式餐廳～我哋被安排坐係吧枱嗰邊，前面就係啲食材同埋廚師，好高級嘅感覺😂見到好多壽司款式都好吸引，又想食下啲熱野，所以就叫咗個壽司拼盤同埋丼飯😋茶碗蒸啲蛋蒸得好滑，裏面材料都好多！有雞又有蝦👍🏻👍🏻蝦肉都好大粒，唔錯😍蜆肉麵豉湯一上枱有少少驚喜，因為蜆肉好多，仲要係原隻上！第一次飲蜆肉麵豉湯，味道唔錯又足料👍🏻👍🏻壽司拼盤叫咗呢個壽司拼盤有劍魚腩、立魚、日本芝士蟹棒、藍鯨拖羅、蒲燒鰻魚同埋蔥粒吞拿魚茸小卷😍食得出材料好新鮮，而且價錢都唔貴👍🏻👍🏻個Menu仲有好多其他選擇，好多都好想試😋😋汁燒帆立貝溫泉蛋丼另外仲叫咗個汁燒帆立貝溫泉蛋丼～總共有五粒帆立貝，而且粒粒都勁大粒！個汁就調教得好好，同個帆立貝好夾😋😋今次試唔到好多嘢，見到串燒賣相唔錯，有機會下次要返嚟試吓👍🏻

呢間餐廳主打爐端燒，搜羅各國新鮮食材，用心製作風味佳餚👨🏻‍🍳宜家仲推出午市套餐，有半價壽司、丼飯、烏冬等定食，堂食免加一添🤩💗蜆肉麵豉湯($22)麵豉湯加咗大量蜆肉，每隻都脹卜卜同冇沙🦪飲落較鮮甜而且唔會過鹹，仲有少少昆布同嫩豆腐粒🍲💗茶碗蒸($18)茶碗蒸口感滑溜溜，蛋香味濃🥚裡面藏咗煎香嘅雞肉粒🐥、冬菇🍄同鮮蝦🦐💗汁燒霜降和牛粒温泉蛋丼($168)飯面舖滿和牛粒，食落嫰滑充滿肉汁，帶少少筋位有嚼勁，掛滿濃稠嘅甜醬油🐃再墊一層爽脆清新嘅椰菜絲，中和油膩感🥬米飯份量十足，食落濕潤軟糯🍚刺穿中間嘅半熟溫泉蛋，將蛋汁撈埋落飯一齊食更加甘香🍳跟餐仲會附送一份麵豉湯、和風沙律🥗同螺肉小食🐚💗日本芝士蟹棒($18/ 2件)蟹棒經火炙後增添一份香氣，同芝士片同沙律醬係絕配🦀💗藍鮨拖羅($32/ 1件)肉質最肥美鮮嫩，油脂分佈都唔錯，食落冇根，魚油味濃🐟💗蒲燒鰻魚($28/ 2件)肉質軟綿冇幼骨，味道帶少少炭燒香，可惜冇咗甜醬油香嘅鰻魚汁🙁💗劍魚腩($18/ 2件)肉質較有彈性，食落魚味濃郁，但完全唔腥🐠💗立魚($16/ 2件)立魚入口軟身濕潤，魚味較為清淡💗蔥花吞拿魚蓉小卷($18)紫菜飯捲包住

一般日本料理餐廳氣氛寧靜，環境優雅。而長阪燒就比到居酒屋既感覺，除左裝修充滿日本風情之外，店內又播住輕快熱鬧既音樂，即使想高談闊論都唔會令人感到拘緊。豐洲海鮮丼由三文魚、拖羅、三文魚籽、赤蝦等同白飯組合而成既海鮮丼，鮮甜肥美既刺身配上醋飯，令到食材既原味可以被完全展現。刺身同埋飯既份量啱啱好，可以一啖飯，一啖刺身。壽司拼盤（劍魚腩、𩶘魚、拖羅、蔥粒吞拿魚蓉小卷、火炙芝士蟹柳、蒲燒鰻魚）餐廳既壽司價格相宜，大部份壽司平均唔駛十蚊一件。壽司隻同刺身比例完美，最滿足當然係夠哂肥美既拖羅，滿滿既油脂，食落口肥而不膩，口感豐盈。茶碗蒸蜆肉麵豉湯午餐沙律、麵豉湯

鍾情日式料理的朋友生日為他慶生，剛好想起了這一間之前嘗試過在旺角不論環境和價格都非常滿意的居酒屋餐廳，於是便決定推薦給他和他一試設於樓下的餐牌主打日式刺身丼，可是實際餐廳的菜色數量不少，有不少串煩和日式定食剛好餐廳來貨了不少新鮮日式生蠔做了套餐優惠，聽從店員推薦嘗試了兩款不同產地一共六隻的生蠔，的確不錯，生蠔肉質飽滿彈牙海水味十足，特別推薦宮城大島，礦物味十足蔬菜天婦羅，即叫即炸，外皮鬆脆，另外蔬菜的內科亦新鮮，每一款亦能嘗試到蔬菜本身的味道點了兩款串燒，厚燒牛舌非常推薦，肉汁鮮嫩彈牙和朋友點了燒飯團，我嘗試了橙色的明太子，同樣鹹鮮味配搭日式珍珠米，非常可口，另外外皮燒得飯焦般的香脆，滿足

去唔到日本 梗係喺香港搵啲日本餐廳安慰下自己啦所以同朋友嚟咗長阪燒食晚餐首先我哋叫咗個蟹子沙律做前菜之後叫咗三文魚腩同埋藍鯨吞拿魚壽司呢度嘅吞拿魚壽司 一啲都唔似平時喺香港食好乾嘅吞拿魚壽司佢有油香同埋油脂分布幾平均 唔錯！之後我哋叫咗葉蟹膏多士蟹膏份量好多 而且味道好濃郁最後我哋都叫咗唔少串燒當中仲有驚喜嘅係串燒和牛壽司肉質好嫩 而且10分Juicy10分推介！！！😋串燒又點少得牛舌牛舌燒得岩岩好 肉質彈牙整體來講 我覺得餐廳串燒既性價比好高推薦大家黎試吓！

開完一整天會議, 放工同同事食餐飯relax下, 揀左旺角一間樓上居酒屋嘆返個dinner。餐廳內裝修充滿日本氣色, 特別吧檯位置, 有如去左日本地道餐廳一樣。呢度供應刺身、壽司、串燒、日式小食等等...款式選擇唔算多, 但勝在有燒酒、梅酒, 可以摸住酒杯底邊食, 邊嘆酒, 非常relax~【三文魚刺身5切】HK$68三文魚魚質林, 魚油味偏淡【蔥粒吞拿魚腩】HK$58吞拿魚腩蓉口感棉棉, 配上香蔥帶點香口, 不過魚油同樣偏淡最有驚喜是【油甘魚腩壽司】HK$46油甘魚腩爽口, 一咬即feel到很重魚油香, 原汁原味, 新鮮唔乾, 正!!【雞肉棒】HK$38表面掃上了薄薄甜燒汁, 內裡有些少肉汁同埋軟骨碎, 增加左層次, 點上蛋汁, 令口感滑一點【明太子雞翼】HK$38/隻雞翼表面燒得金黃, 塞滿了明太子, 肉質比例鞋口, 一口咬落去有微微既辣。最後食埋甜品【蘋果雪芭】HK$48入口即溶, 酸甜冰凍口感, 正好為豐富晚餐消下濟。

旺角多嘢食就係人都知嫁啦但係估唔到都有啲裝修豪華又抵食嘅日本餐廳嚟到呢度第一眼就覺得呢度嘅裝修真係好日式 而且價錢喺旺角區來講唔算貴食日本嘢更加算係抵食大份高質原條汁燒鰻魚丼 $138🍱呢個價錢食個鰻魚飯來講其實真係唔算貴嚟到嘅時候份量仲大到嚇死人 🤤真係成條鰻魚兩個人share都飽飽地😰😰🤤仲有麵豉湯小食嗰啲跟餐！ 過吓口癮！另外仲分別叫咗一啲壽司嚟食因為個鰻魚飯實在太飽啦藍鮨拖羅$32可以話係入口即溶 oishi!劍魚腩$18/2立魚$18/2蒲燒鰻魚$28/2日本芝士蟹柳18/2茶碗蒸$18總括嚟講覺得呢間舖頭喺旺角來講算係裝修豪華而且價錢唔算貴 為返來講壽司嘅價錢都係平過連鎖嘅日本店而且質量仲高 🤔雖然呢度地方樓上鋪唔顯眼但係換來嘅係質素同埋性價比高值得推介👍🏻希望大家支持下啲小店等大家可以多啲性價比又高質素有好嘅餐廳繼續食落去🤢😋

疫情持續，短期內都無得返“鄉下”，唯有食咗當去咗，歎番餐日本料理，等自己心靈上有番啲安慰！茶碗蒸 ($18)表面光滑，入口柔嫩順滑，口感細膩，入口即溶！入面仲加咗冬菇、雞粒同蝦，全部都大大粒，蝦仲好爽口，味道鮮甜。長阪燒丼三重奏 ($158)上枱嗰陣，不禁“嘩”咗聲，刺身好澎湃，鋪滿成碗飯，賣相好吸引！有三小碗共6款刺身，包括三文魚、油甘魚、帶子、海膽、三文魚籽同香蔥吞拿魚蓉，好啱我呢啲心大心細同有選擇困難症嘅人，而且價錢仲好抵！刺身質素新鮮，片片厚切肥美，帶嚟震撼視覺效果！三文魚籽大大粒又飽滿，每粒都顏色鮮艷，晶瑩剔透，魚油甘香同鮮味；海膽肥厚有光澤，質感細膩柔軟，味道甘甜。香蔥吞拿魚蓉口感綿滑細緻，加咗香蔥令味道更加甘香！

放假就周圍去揾野食😛一間裝修日本風的長阪燒🇯🇵午市時間都幾多人，因為我地未夠1 點去到所以可以坐到卡位🥳而且每個卡位仲有廉可以自成一角好像包箱咁🐟黃花魚一夜干，魚肉身好嫩滑🍣壽司上的飯有別於一般壽司😛幾好食我地叫左柚子燒赤蝦、火灸三文魚、魷魚海鹽、劍魚腩同立魚🥚超滑的茶碗蒸，簡簡單單已經好好味得閒自己要整返先，仲有温泉蛋烏冬不過可能忙過頭，侍應都唔記8得比和風沙律同小食我地，不過整體野食唔錯