鏞記酒家

營業中

休息中

無意中路過見到入邊環境好似幾好，同埋櫥窗啲燒鵝好靚所以想入去試下。一份例牌燒鵝份量雖然唔算好多，但係足夠兩個人食，擺碟好講究，每一舊都擺得好整齊，伴碟係豆類，酸酸甜甜都幾好味。不過梗係好味唔過啲燒鵝啦！皮脆肉嫩，仲好juicy，肥而不膩，新鮮燒出來就係唔一樣，點啲酸梅醬更好味更開胃。估唔到真係會咁好食，下次要再來試下其他嘢先。

落單嘅時候已經說明要給小朋友吃不要太硬，回家後打開才發現港幣$200嘅例牌叉燒全部燒焦，冇想過咁貴價錢的餸菜會被這樣差劣質素的食物給客人，吃了真的無益，好失望，再次證明現在的鏞記不及當年已故老闆這麼嚴謹控制質素，真的不會再去。

鏞記酒家有幾層樓，去到樓上得我地一張枱。先來一個酸薑皮蛋，本身有啲抗拒皮蛋，但係試咗之後發覺質感都唔係太差，酸薑好好味又好爽，但係單吃會好搶喉。之後嚟一個冬瓜盅，10分足料，夠12個人食。第一次食椒鹽海參扣，好爽口，炸得又好脆，食到停唔到口再嚟個燒鵝例牌，比想像中冇咁好食，肉質比較實。之後再嚟一個清湯腩，每日限定十份，十分推介。肥瘦適中，又爽口。斑塊肉質比較嫩荷葉飯濕度適中，唔會太乾或太濕最後上甜品: 有芝麻糊同蛋撻芝麻糊唔會太水，亦唔會太甜。蛋撻就比較普通，又甜左少少。

喺香港住咗幾十年，從來無食過鏞記，一路以來都認為呢類餐廳不是本地人去的，是遊客去的，而且經常聽到的評語係熟客先好食，serve 生客的食物無咁好，所以一直都無諗過幫襯。今日老闆請個日本客食飯，個客話睇過好多日本旅遊 guidebook 介紹香港的美食都話一定要食燒鵝，好想試下，我老闆有潔癖，頂唔順茶餐廳格局，所以揀咗可以坐得舒舒服服的鏞記。叫咗個例牌燒鵝、溏心皮蛋、冬瓜盅、脆皮豆腐、幾個點心。豆腐好滑，炸得乾身香口，真係外脆內軟。冬瓜盅七百幾蚊一個都幾貴，不過好足料，湯清得黎味道好濃郁，份量多到可以分十幾碗。溏心皮蛋真係流心的，薑片好甜。至於個主角 signature dish 鏞記燒鵝就麻麻地，肉好實，皮又乾，真係有啲失望。

鏞記做咗咁多年，成日聽老一輩嘅人提起，今次終於有機會來食啦。燒鵝真係好正，皮香肉嫩，食咗半只都未夠最後又叫多半隻。仲叫咗生炒糯米飯，有嚼頭，好依韌得來唔會癡牙，老人家都可以食。而且入邊有好多料，雞蛋，臘腸，臘肉，冬菇都有，不過唔適宜食太多，一份大概四五個人食就最啱了。不過可惜無食到叉燒，聽講都好唔錯，下次一定要來試！

同幾個朋友係中環行街，一於就去鏞記叫餸食飯。呢幾日真係好熱，無咩胃口，就點咗個鮮蓮上料冬瓜盅，順便消下暑。冬瓜盅好大個而且好足料，入邊有蝦仁，瑤柱，冬菇，瘦肉等等，飲落好鮮甜，飲完一碗又一碗。見到季節菜單有個新出嘅翠瑭琥珀滑豆腐，出面都未見過！上面有蝦仁同桃膠，蝦仁食落好爽口，桃膠好似琥珀咁晶瑩剔透，口感煙韌，底層嘅豆腐好香豆味，好嫩滑，估唔到咁夾。另外仲叫咗時令梅子香酥骨同金銀蛋上湯莧菜；香酥骨好酥脆，配埋梅子酸酸甜甜好開胃。莧菜好嫩,用上湯浸味道好鮮，好啱呢個天氣食。黎鏞記要食燒鵝外，小菜亦係好選擇試！

太难吃，太让人失望，375半只烧鹅，又贵，烧鹅皮一点都不脆，是软的，而且肉和骨头很难分开，简直还不如外面一些好的烧腊餐厅卖的烧味。银丝面42一小碗，在香港这么出名的烧鹅店，太让人失望伤心了，还害我早上11点赶过去

想着镛记出名烧鹅，带爸妈来试试，十一点准时入座，叫了半只烧鹅，一个肥叉烧。上来以后发现烧鹅超级难吃，一点都不值得375半只的价格，皮不脆，吃起来肉和骨头一点都不容易分开，再也不会再来，极度差评！太失望，不知道网上那些人为什么写好评，呵呵哒！

同事仔請食散水飯🍚 估唔到係去鏞記😮 對上一次黎應該係幾年前餐business lunch🤔係老蘭gateway既無敵荀位，一入門就有人招呼🤗 金黃色既牆身裝飾豪氣萬千，呢份氣派歷久常新💖 係右手電梯上到黎一樓坐低，全場坐唔滿，一兩枱係商務客開會，另外都主要係遊客🇨🇳Menu 📙 複雜啲組合多到數唔完，要點菜確實有難度🙄 先黎有出名既酸薑皮蛋 🥚 對半開連紫薑上，光滑既表面帶住流心蛋黃，用酸薑去夾住一啖放入口，咬破薑既微妙厚度，到達啫喱質地既皮蛋，最後抵達中心既溶岩，三層口感係呢道前菜特點💪燒味三併，叉燒🐽 燒鵝🦆油雞🐔, 燒鵝全脆既表皮搭配醬汁，加埋碗小小瀨粉，見到鵝油係湯面水漣漪般散開😮 香香既油汁點亮清湯同瀨粉；叉燒燒得微焦夠香，汁料係表面凝固咗一層透明護膜💗除咗呢兩個菜外，其他都唔算特出😑梅子排骨🐖有啲得意，上枱個梅子醬係分開無放落肉度🤔 肉質還算可以鳳眼果炒蝦球 🦐 ，啲蝦唔算最鮮，未到彈牙，大小亦都唔大一致炸豆腐直頭係失色👊 溫度唔夠之餘，表面亦炸得唔脆🙄兩個蔬菜還算可以，但同外頭中餐館比唔算突出😶埋單四個人成二千幾銀💵 除左裝修，地點，叉燒，燒鵝同個皮蛋外，我睇唔出點解

今日黎到鏞記想食燒味飯lunch time接近1點到我地4個人入到大堂 同侍應講4個食燒味飯點知佢就話比我地聽無位 要上樓上但係我明明見到大堂係有幾個位 不過要搭檯姐 不過侍應姐姐連問都無問就想直接請我地上樓 以前都係鏞記食過 記得好似lobby先有燒味飯 咁我就問清楚侍應姐姐樓上有無得食 佢話無咁我話想食燒味飯你又請我上樓上？依個時候 我已經一頭霧水了不過唔緊要 lobby有空位呀嘛 咁我地就乖乖坐地開始叫飯食大家留意返lunch time大堂先有得食燒味飯 樓上要叫餸架❗️同埋過左2pm先有點心食❗️仲有佢依到茶係一杯一杯收費 每杯盛惠$12❗️我留意到係泡茶包架！熱水同價❗️咁我就叫左叉燒飯同例湯例湯頗大碗 都幾好飲 鮮甜 湯渣唔算多不過我就唔記得影相 皆因我被之後碟叉燒嚇親哇 原來叉燒黑色架！！咁就當然唔係。叉燒要有窿邊先好食架嘛😊只不過d窿邊多到😲 成舊叉燒都係窿邊！ 我都懷疑成碟食完會唔會生cancer🧐至於肉質 眼睇好似唔多鬆軟 有d鞋咁 可能係成舊叉燒最差個1 part不過都唔緊要 因為依碟係友人既望住佢比$90食依碟野 我真係深表同情🙂好啦 講返我個碟叉燒偏瘦 肉質都頗為鬆

今日三點左右先得閒食午飯🥢，這段時間人不多，有三四張枱有客而已。一坐低就必叫半份松花皮蛋配酸薑，感覺有點不像以前，沒有糖心感覺。之後再叫了幾個點心，有龍皇乾蒸賣、山竹牛肉球、雪菜上素餃。龍王乾蒸賣充滿很香的冬菇味，很足料！👍🏻山竹牛肉球味道比較偏淡，所以一定要用喼汁調味！雪菜上素餃沒有什麼特別。最後我都敵不過燒鵝，最後叫了一個例牌。我自己本身很喜歡吃燒鵝脾，但朋友怕肥、多脂肪就叫了鵝胸部位。真的全部都是肉，一點脂肪也沒有，感覺一般，下次都是食鵝脾部位了。

星期日晏晝過嚟飲茶，點心款式又多又齊，我叫咗蝦餃，金錢肚，蛋撻，樣樣都係新鮮出爐，蝦餃皮薄煙韌，蝦仁好爽口；金錢肚夠入味，煮得較腍又好惹味。蛋撻真係不得不提，好酥脆，甜度又啱啱好，好好味。

今日見晏晝冇咩做就同朋友walk in去鏞記飲下茶，等左一陣就安排我哋入座。下午茶2點就有即叫即蒸點心，我地叫左蛋散，燒賣，腸粉，味道唔錯。嚟到鏞記，點會唔叫招牌燒鵝。燒鵝好新鮮，皮香，肉嫩。下次搵多幾個朋友，叫多幾款美食嚟試下。

鏞記一直喺心目中嘅口袋名單，今次慕名而來，終於試到傳聞中嘅禮雲子蛋清喇！今次我地點左入店必點嘅松花皮蛋配鮮薑，順帶一提，皮蛋可以到前台買走做手信哦。另外，一生人一定要試一次嘅禮雲子蛋清，佢嘅味道好似食緊鹹蛋黃咁樣，每一口都濃到不得了，口裏面係充滿住蟹膏香味，咁話晒一碟用上過200隻蟛蜞仔春做成，味道的確一流，單係白飯都可以送兩碗了。另外我哋仲點左炭燒燒鵝配叉燒，鮮生魚頭骨湯，紅炆豆腐斑頭腩煲，魚湯雜菜浸鮮腐竹。生魚頭骨湯非常之香，嗰種奶白嘅顏色就好似自家煲一樣咁好味咁清甜。其他嘅菜式可以話不過不失。可能，我已經被禮雲子蛋清嘅驚艷深深吸引住了！

收到媽媽買給我的一份外賣，見到「鏞記」本來好開心，見到入邊每舊叉燒黑成咁，咩食慾都冇晒！而且還是全部肥肉，基本上一啖肉都食唔到！除非把所有燶左嘅肉食埋，但我有驚生癌！很難想像鏞記會同意攞一舊這樣的叉燒出來賣，影衰個招牌！