鏞記酒家

營業中

休息中

喺香港住咗幾十年，從來無食過鏞記，一路以來都認為呢類餐廳不是本地人去的，是遊客去的，而且經常聽到的評語係熟客先好食，serve 生客的食物無咁好，所以一直都無諗過幫襯。今日老闆請個日本客食飯，個客話睇過好多日本旅遊 guidebook 介紹香港的美食都話一定要食燒鵝，好想試下，我老闆有潔癖，頂唔順茶餐廳格局，所以揀咗可以坐得舒舒服服的鏞記。叫咗個例牌燒鵝、溏心皮蛋、冬瓜盅、脆皮豆腐、幾個點心。豆腐好滑，炸得乾身香口，真係外脆內軟。冬瓜盅七百幾蚊一個都幾貴，不過好足料，湯清得黎味道好濃郁，份量多到可以分十幾碗。溏心皮蛋真係流心的，薑片好甜。至於個主角 signature dish 鏞記燒鵝就麻麻地，肉好實，皮又乾，真係有啲失望。