銖記海鮮飯店

營業中

休息中

廢話唔多講，首先要讚一讚呢度嘅金沙雞，暫時係我食過最好食嘅雞！🤤唔似普通嘅炸子雞，雖然雞皮都係好趣，但係佢仲用咗啲蒜醃製，而且上面會有啲蒜粉，成隻雞都好入味，又唔會好鹹。而且，就算雞胸嘅部位都好滑，唔會好鞋，完全係高水準嘅雞黎。👍🏼👍🏼再者，個牛油焗鮑魚亦都係另一個我覺得好驚豔嘅菜。首先鮑魚唔會老，好彈牙，而且好大牛油味，而且會有少少調味去提升鮮味。好味程度絕對唔輸得過金沙雞！😍😍而且，仲有一樣較為創意嘅菜係鹹蛋黃苦瓜。其實佢就係苦瓜，但係用鹹蛋黃當天婦羅皮。唔好睇佢好似唔係幾夾，又或者好簡單，其實食落去好有層次感。首先就係鬆脆嘅鹹蛋黃外皮，入邊就係琳琳地嘅苦瓜，呢仲口感真係第一次試！總結來講，呢間絕對係一間CP值超級高嘅食肆！😍🔥🤪

難得一見的美味粵菜昨日和朋友到此聚餐 菜式一如既往般好吃風沙雞 蒜香而不搶鮮味 皮脆而不膩 雞肉鮮嫩牛油煎飽魚 牛油味令到本應無味的鮑魚變得充滿風味 酥脆的外皮配合軟軟的鮑魚 口感非常豐富黃金涼瓜 鹹蛋黃中和了涼瓜的苦味突顯其回味 令到小孩也容易入口魚翅非常足料 湯汁鮮甜 酥炸白飯魚及鮮魷 香口而脆口 又不會滿盤子也是油豉椒炒蜆 蜆肉新鮮鮮甜 醬汁不會搶過蜆肉的鮮味 反而突顯蜆肉的質素餐廳食物質素頗高 在我以往吃過的粵菜餐廳裡可以排進前五名 相信會再去多幾次

今日同家人去完石澳游完水，難得過海就搵下港島區有咩好食，聽聞依間銖記D野好得，就試下佢。見到係熟食市場，本身諗住中伏，但上到去上面又幾多人食喎。我地人唔多得三個大人，一個小朋友，叫左4款小菜（風沙雞，椒鹽鮮尤，椒鹽牛仔骨同豉椒鵝腸）隻雞D肉好滑又入味，重點係D皮同薯片一樣甘脆。鮮尤新鮮，炸漿唔厚。鵝腸無肥皂炒得夠鍋氣。牛仔骨炒得唔老好食。一句講曬（全部都好食）最後埋單仲有驚喜，全部加埋唔駛400蚊

今次來這裏不是吃它的風沙雞, 也不是吃它的海鮮, 而是簡單吃它的午飯, 在跑馬地工作完後, 要選擇一家五六十元定價的, 並不容易, 除了那家要排很久隊但不不太好吃, 只是靠着其裝橫及歷史的茶餐廳外, 市政大廈是唯一選擇. 銖記的小菜午餐一飯一菜及一餐飲, 五十五元就算是港島區也算是經濟. 最重要是, 小菜也是即叫即炒, 夠鑊氣.咕嚕肉炸得外脆內稔, 啖啖肉而沒有油膉味, 汁料在梅頭肉上上得甚為均勻, 紅醋醬汁甜而不微酸, 在這炎熱的四月天相當開胃, 如此的價錢沒有什麼可以投訴. 椒鹽豬扒的椒鹽味濃重但不死咸, 用以送飯同樣一流, 無論是前者的梅頭還是後者的豬扒, 肉質同樣嫩滑, 只是後者有點失色的地方, 就是表面有點過濕, 有點軟融而不夠脆呢! 還是咕嚕肉略勝一籌.

因為近來調往此區工作，午飯時段，搵食比較困難，在此富貴區價錢比較昂貴，所以，前往此熟食中心午餐，場地不算太，勝在開揚，光線充足，有四間店舖開門...當然，揀選名店铢記...午飯時段，有粉、麵、飯...多選擇⋯⋯送例湯及樽裝或罐裝可樂...蒸水蛋，夠大份，蛋幾滑溜，畧嫌豉油落得多左。依然，好送飯...星州炒米...香味四溢，每條米粉都甘係入味，洋葱丶紅椒...都有炒過，熟的，容易入口，其他材料...叉燒、旦丶火腿丶雞絲，很豐盛..唔太油，唔太咸，不過，米粉似乎炒得乾咗少少...比較硬身...椒鹽豬扒，份量不少，豬扒夠鬆，肉汁豐富，椒鹽味濃，不錯埋單每人＄55，算係抵食

喺跑馬地街市，已經出咗名好耐，但係仍然有少少呢埋嘅銖記，一向水準唔錯仍然係我哋家中常會返食嘅一間餐廳。例湯或其他堂平時都非常有火氣。除咗牛腩食過兩次都係一般之外，其他在餐牌中見到嘅大多數都係好菜。尤其是係佢馳名嘅羊腩煲，或者炸子雞兩樣都係小朋友同大人喜歡既一碟菜。講到服務就不嬲非常周到，對老人家有貼心，對小朋友有愛心。Highly recommend, especially if you are in the area.

一說起在跑馬地覓食，香港人都會說起有家大排檔很好吃😋，說的就是這家銖記。地點方便就在街市熟食市場內，非常容易找到。.招牌風沙雞🐔完全是世界級，外脆內軟，雞的形態飽滿，切後狀若琵琶，每口都是油潤細緻，豐潤渾厚，齒頰留香。雞皮炸的酥酥，就算吃得慢也還能保持脆口感覺。.聖子皇每隻只需要$50，蒜蓉粉絲蒸是我的最愛😍。黃金蝦仁🍤也非常入味，炸醬不會過後，鹹蛋味濃。.⭐️性价比：4/5星💰人均：$150港元

對上一次去銖記食應該是八年前。好記得當年嗰啲墟冚情況，同嫦記爭客，啲嘢食又熱又夠鑊氣，地方又熱鬧。 沒競爭，真係沒進步😕 招牌雞燉翅，翅有夠多，但湯底有點淡，不夠濃不夠鮮甜豉椒炒蟶子王，上碟不夠熱。但蟶子皇夠新鮮就鮮甜。但海鮮本身夠鮮，已經不會輸 。豉油王鵝腸，非常差☹️豉油淡，鵝腸只有爽不入味。薑汁芥蘭，薑味不夠，但芥蘭夠嫩又甜蒜蓉油麥菜，炒得太淋 👎🏻風沙雞保持水準，雞肉嫩滑😋😋蒜香骨，香口有肉汁，又夠脆😋豉油王炒麵夠入味😋

原本想去陽明山莊出發行野豬徑，睇吓石礦場左原路落返去，怎料到我未行已經見到一家大細野豬封住上山的入口。令到我哋要行第二條斜路，但結果失敗。經過引水道，不同的瞭望塔及機槍堡後，就完成旅途。大約放工時間，預計會塞車，二人於是去了附近黃泥涌市政大廈的銖記打冷。二人叫了三餸一翅，埋單$361，不過不失。1、燉雞翅：有一雞兩塊翅一雞腳，湯不會太鹹少油膩。但溫度不熱較遜色！2、蛋白瑤柱炒苦瓜：意外地好吃，蛋白份量很多，加上苦瓜不會太傅而且爽口，值得一試。唯不發現瑤柱存在3、薑蔥牛肉煲：不會太鹹薑蔥及牛肉份量平均，牛肉頗大塊，有口感亦有肉味，也值得一品。4、風沙雞（半隻）：製作需時，但不算太熱，皮脆肉軟，不會太鹹或太油膩，肉嘅份量適中，雞肉不會太瘦或太多骨。另加兩碗白飯，2人埋單$361 ，在那邊一帶，食肆不多，而這間餐廳不算太多人亦不會太嘈雜，人流不算多，故此如在那邊聚會的話，到這裏熟食中心也是不錯的選擇。

嚟到海鮮飯店唔一定要食海鮮的，呢度既風沙雞都好出名，叫左半份雞先，雞煮得皮脆肉嫩，蒜蓉鋪系上面味道香濃，一齊食口感唔錯，再嗌多份通菜和明太子百花釀鮮冬菇，冬菇多汁惹味好食，通菜食落都幾新鮮的。

～ 醉豬手賣相大大件、咬落皮厚肉綿、欠酒香。。。不懂欣賞。。。～ 椒鹽鮮魷入口皮厚如柴。。。送吓啤酒無妨鼓椒炒聖旨合格、要挑剔的話、小咗d大排檔鑊氣焗奄仔蟹奄仔蟹非常鮮甜、要挑剔的話、奄仔蟹擦咗層油去焗、入口有點油膩粉絲蒸帶子合格風沙雞合格、冰鮮貨、雞肉入口有點鞋、冇乜驚喜蒸青班合格青炒涼瓜事前已經禮貌地拜托待應向師傅要求生炒、小油鹽。上枱時出品如其話係炒、不如直接話係水煮加油兜亂比較貼題。。。蒜蓉炒芥蘭出品又係一樣、水煮加油兜亂。。。蒜蓉炒萵筍真心唔明廚房師傅為什麼會咁頑固用這樣的炮製方法、真係多花5 分鐘左右時間落油鑊由生炒熟會咁辛苦？用水煮完落鑊加油兜亂變成一”pak” 嘢。。。請問傳說中的大排檔鑊氣去咗邊樹？！鼓油王炒麵入口油淋淋、一般般。。。小炒王油淋淋、濕笠笠、唔係好開胃。。。曾幾何時、銖記叱咤跑馬地一帶、今日再試只覺斜陽垂暮。。。希望師傅能加把勁、有機會再嚟試吓！

原本打算去九龍城食晚飯，駕車經由皇后大道東時，係伊館個位塞左成十分鐘，郁都冇郁過，見勢色唔對路就改變行程轉右入跑馬地方向。好好彩有個錶位可以泊低，即時諗到已多年冇去過銖記，肚已經好餓唔想再諗，一於直奔銖記。晚上七點幾，不用等位，坐底即點餸︰乳鴿兩隻、沙嗲肥牛粉絲煲、油泡鮮魷，兩支忌廉，一碗白飯。星期六既晚上，只得銖記營業，所以黎得呢道都係幫襯銖記，目測有七、八成出坐率。乳鴿先到，個皮係脆既，但肉質好韌，一啲都唔"乳"，食到牙都軟，我食兩件，食到另外兩碟餸黎埋都未呦完，要先放底，襯熱食其他野先，再慢慢繼續同呢件老乳鴿博鬥過...。油泡鮮魷︰無。鑊。氣 !!! 鮮魷非常、十分、超級、極度好韌，完全係一嚿膠咁樣，呦唔開、"銀"胃呀，沙嗲肥牛粉絲煲︰個沙嗲味OK既，但淡口、粉絲好腍，無口感，重點係個肥牛，韌不特止，應該係同個沙嗲粉絲分開煮，先焯熟左，再撈返落個沙嗲粉絲煲到，兩樣野個味道完全係分離左，肥牛無沙嗲味，沙嗲粉絲無肥牛味，肥牛好韌、多筋。三個餸都係硬食落下，我明白部分人黎一定會點佢地既招牌菜（雞燉翅、風沙雞等等），但其他小菜都要用心做得好先得喎，都有好多人想食下啲普通鑊氣小菜，如果連呢

日期：9月26日人數：2人呢個禮拜要去黃泥涌體育館打羽毛球，所以喺運動之前，就同一個波友同事去咗樓下嘅熟食中心食晚飯。呢個地方係我同事介紹嘅，佢好耐之前來食過，話風沙雞好食，叫我來試下。因為得兩個人，加上係打波之前，所以唔能夠食太多。我哋只係點左半隻風沙雞，同埋啫啫唐生菜煲 (因為我地想要個蔬菜，而我同事鍾意食呢個)。個風沙雞又真係幾好食。雖然雞味唔濃，但雞皮整得好脆好邪惡。雞髀肉好嫩滑，雞胸肉有啲過熟，但都算可以接受。唐生菜煲分量唔大，但炒出來好熱，味道唔錯。啫啫醬料好香，唐生菜亦都好脆口，好送得飯。雖然係熟食中心內，但因為係平日晚飯時間，人唔多，一啲都唔嘈雜。衛生環境亦算唔錯，企企理理。餐廳服務質素亦都唔錯，態度幾好。附近都有電車站同巴士站，所以交通都唔算太差。

跑馬地和平民化很多時也沾不上邊, 特別是在樓價方面, 但奇怪地在食方面, 倒是有不少價廉物美的Hidden Gem, 例如是今次介紹, 在熟食中心內的銖記. 銖記以海鮮和魚翅做主打, 雖說很政治不正確, 但二百多元足料的雞燉翅, 整條整齊的群翅以及整隻老雞燉出來的咸鮮味, 比不少貴價的粵菜酒家比較也不會遜色, 有人說味道不夠濃, 要味道濃烈的, 傳統滬式的火瞳翅比較合他們胃口呢!另一個出名菜式是風沙雞, 外皮夠脆, 肉質剛好, 而且骨髓位不會出血水, 對我來說合格有餘, 加上脆蒜令其更惹味, 有人將脆蒜換上芝麻, 除了健康一點, 在脆度和味道方面完不能比下去. 來到大排檔, 點兩支大啤, 開懷大吃, 喝得有點醉, 再喝點雞湯, 這不太健康但就是暢快.

This is one of the most popular hidden gem back in the days, tucked away inside of a government multi-purpose building, many by-passers didn't even know there's such restaurant up there inside Happy Valley. The first time I went was a couple of years ago, back then food was decent, nice and hot dishes and tons of flavor and fun environment. However, ever since then for each time I'm back, food quality got more and more below average and portion become smaller each time. The worst thing is they n