影片
更多
2019-10-01
1234 瀏覽
日期：9月26日人數：2人呢個禮拜要去黃泥涌體育館打羽毛球，所以喺運動之前，就同一個波友同事去咗樓下嘅熟食中心食晚飯。呢個地方係我同事介紹嘅，佢好耐之前來食過，話風沙雞好食，叫我來試下。因為得兩個人，加上係打波之前，所以唔能夠食太多。我哋只係點左半隻風沙雞，同埋啫啫唐生菜煲 (因為我地想要個蔬菜，而我同事鍾意食呢個)。個風沙雞又真係幾好食。雖然雞味唔濃，但雞皮整得好脆好邪惡。雞髀肉好嫩滑，雞胸肉有啲過熟，但都算可以接受。唐生菜煲分量唔大，但炒出來好熱，味道唔錯。啫啫醬料好香，唐生菜亦都好脆口，好送得飯。雖然係熟食中心內，但因為係平日晚飯時間，人唔多，一啲都唔嘈雜。衛生環境亦算唔錯，企企理理。餐廳服務質素亦都唔錯，態度幾好。附近都有電車站同巴士站，所以交通都唔算太差。
人數：2人
呢個禮拜要去黃泥涌體育館打羽毛球，所以喺運動之前，就同一個波友同事去咗樓下嘅熟食中心食晚飯。呢個地方係我同事介紹嘅，佢好耐之前來食過，話風沙雞好食，叫我來試下。
因為得兩個人，加上係打波之前，所以唔能夠食太多。我哋只係點左半隻風沙雞，同埋啫啫唐生菜煲 (因為我地想要個蔬菜，而我同事鍾意食呢個)。
個風沙雞又真係幾好食。雖然雞味唔濃，但雞皮整得好脆好邪惡。雞髀肉好嫩滑，雞胸肉有啲過熟，但都算可以接受。唐生菜煲分量唔大，但炒出來好熱，味道唔錯。啫啫醬料好香，唐生菜亦都好脆口，好送得飯。
雖然係熟食中心內，但因為係平日晚飯時間，人唔多，一啲都唔嘈雜。衛生環境亦算唔錯，企企理理。餐廳服務質素亦都唔錯，態度幾好。附近都有電車站同巴士站，所以交通都唔算太差。
張貼
