銖記海鮮飯店

營業中

休息中

原本打算去九龍城食晚飯，駕車經由皇后大道東時，係伊館個位塞左成十分鐘，郁都冇郁過，見勢色唔對路就改變行程轉右入跑馬地方向。好好彩有個錶位可以泊低，即時諗到已多年冇去過銖記，肚已經好餓唔想再諗，一於直奔銖記。晚上七點幾，不用等位，坐底即點餸︰乳鴿兩隻、沙嗲肥牛粉絲煲、油泡鮮魷，兩支忌廉，一碗白飯。星期六既晚上，只得銖記營業，所以黎得呢道都係幫襯銖記，目測有七、八成出坐率。乳鴿先到，個皮係脆既，但肉質好韌，一啲都唔"乳"，食到牙都軟，我食兩件，食到另外兩碟餸黎埋都未呦完，要先放底，襯熱食其他野先，再慢慢繼續同呢件老乳鴿博鬥過...。油泡鮮魷︰無。鑊。氣 !!! 鮮魷非常、十分、超級、極度好韌，完全係一嚿膠咁樣，呦唔開、"銀"胃呀，沙嗲肥牛粉絲煲︰個沙嗲味OK既，但淡口、粉絲好腍，無口感，重點係個肥牛，韌不特止，應該係同個沙嗲粉絲分開煮，先焯熟左，再撈返落個沙嗲粉絲煲到，兩樣野個味道完全係分離左，肥牛無沙嗲味，沙嗲粉絲無肥牛味，肥牛好韌、多筋。三個餸都係硬食落下，我明白部分人黎一定會點佢地既招牌菜（雞燉翅、風沙雞等等），但其他小菜都要用心做得好先得喎，都有好多人想食下啲普通鑊氣小菜，如果連呢