銖記海鮮飯店

營業中

休息中

時價一定要問清楚價錢！避風塘炒炒蟹三人用，埋單才知此隻蟹要過$600🥲⋯⋯如此價錢應知會一聲！大家街坊！其他食物都好！最好是不收開瓶費！招牌風沙雞冇失望😃隻蟹價錢當上了一課！多數有外國朋友來港都上去食的！高級大牌搪風味

坐低冇耐，聽到隔籬枱買單，有小爭執，個食客問做咩無啦啦收多咗錢，我都不以為然。🫣🫣🫣跟住我叫咗個午餐，想加個白灼菜心，係我衰，冇問清楚價錢，埋單嘅時候$120，即係碟菜要成$60，佢話係一個餐嘅價錢😵‍💫 我係有啲嚇親嘅，因為碟菜芯係好細碟（係出面食碗麵加碟油菜嗰個size），點睇都唔係一個餐啦，仲要係切到好碎嘅菜芯，$30都畀多佢，唔好話$60。咁係我衰嘅，點會諗到天下間會有咁細碟菜要成$60先得㗎，點諗到原來白灼菜芯可以係一個餐😨真係大開眼界🫠🫠🫠下次都係自己睇路，吖唔係，無下次啦🙏🏽

本身都有周不時去開銖記食飯，個翅係幾抵食。不過今次雞燉翅湯啖左，算啦都ok收貨，戲肉嚟喇，叫咗個砵酒鮮魷同炒牛柳粒，砵酒鮮魷上一枱都感覺瀨嘢，係上哂粉漿炸完攤凍咗再焗，食落口係一pat焗淋哂嘅粉漿魷，我真係孤陋寡聞，唔知呢個係咩創新煮法。炒牛柳粒仲大鑊，我真係估唔到呢個都會出事。一咬落去，淋哂，係嗱到d肉淋哂個隻，唔好講牛味，連肉味都冇埋，完全唔知自己食緊咩肉，都唔知佢嗱左舊肉幾多日2碟餸最正常係伴碟嘅西蘭花。連正常嘅水平都冇，真係差到不堪入目，煮到咁我真係寧願食杯麵。

下午行山沿路由灣仔至跑馬地，三小後已經入夜六點半，見到熟食中心居然仲營業，入去一看，因太疲倦就坐低，叫咗蒜香骨，胡椒豬肚湯，蝦乾粉絲雜菜煲，砵酒煮桶蠔。味道方面算合格，蒜香骨即煮熱辣辣但肉偏瘦，砵酒煮桶蠔可以一試，冇蠔腥臭味，至於胡椒豬肚湯及蝦乾粉絲雜菜煲味道尚可。環境空曠，夠冷氣，坐得算舒服。

簡單小菜有鑊氣，今次特登過嚟食過鮑魚，老實講味道不及罐頭鮑魚，每款菜式細細碟，可以叫多幾個餸，廚房出菜都好快，如果經過開可以試吓，但唔使特登過去了😂，平均分我比70

路過隨意吃個快午餐，店員熱情拉客招待入座，入座後才知道是銖記《豉汁蒸鯇魚》周圍望望，眼見很多食客都點了蒸魚套飯，我也趁高興點了蒸魚配是日例湯。蒸鯇魚份量不少很抵食。而且質素不錯，鯇魚鮮味，豉汁咸淡適中，難怪很多食客都點蒸魚。《叉燒炒蛋》熱辣辣上枱，蛋炒得夠滑，但蛋香不濃，叉燒普普通通，整體是可想像的味道。重點是大大份，絕對是飽肚之選。

我地一行10人，分開兩張枱，每枱5人，一坐低已經係落單個人（應該係老細）面前討論每碟餸分兩碟上，咁就大家可以叫多d唔同種類既餸。到正式落單我地都講到明話係每個餸分開兩隻碟上，問佢做唔做到，佢話做到冇問題。點知到最尾埋單佢每個餸x2，我地問返佢，佢就一好惡咁話我地做唔到嫁，就走開左，留返我地係埋餐個dee到俾錢。我地總共10個人，當中有一個係細路，有8個後生，得其中3個係後生仔。每枱得5個人，有咩可能每枱會叫9個餸加一隻風沙雞？最尾埋單收錢個deedee話係溝通出左問題，我地同個落單個人確認哂，分兩個碟上做唔做到，佢話冇問題幫我地一碟餸分開兩隻碟上。最尾我地俾左雙陪價錢。錢唔係好大問題，係處理手法令顧客體驗感覺好差！

位於跑馬地這個黃金地段，有一個熟食中心，當中有一間隱世食店，真心推介👍🏻實在好有驚喜💖這晚係平日嘅晚上，都坐無虛席，就知道有好多捧場客🎊先來小食，黃金涼瓜🫑配搭新穎，有創意，連平日唔食涼瓜嘅我，都覺得好好味👍🏻椒鹽鮮魷🦑好邪惡，但越邪惡越好味🤣魚翅🍲真材實料😍😍😍牛油煎鮑魚🦪很欣賞咁樣嘅烹調方法，原來係太子爺嘅作品，鮑魚香脆肉厚，很有口感😋子母蝦🦐蝦內混合了魚肉/帶子，有豐富層次感，驚喜之作🦐豉椒炒蜆🧆大大碟，好入味，無沙⬅️好重要😊風沙雞🐓招牌菜👍🏻雞肉好嫩滑，香脆，必食推介燒汁一口牛🐮一口一啖牛肉，牛肉固然係好味，連配菜都炒得好香口。小炒皇都好有特色✅香煎胡椒餅🧂胡椒味重，啱晒鍾意食辣嘅朋友今天晚餐真係好豐富😋好滿足💖令人回味

和朋友一起係到吃晚餐，叫左幾個餸，個質素全部都勁高質。最鐘意的是風沙雞。中式炸雞往往好難做好在皮脆加肉嫩，而在平價代表中，我認為第一。吃得出它唔是直接生炸，但它完全無overcook，反而在兩者間取得完全平衡，無阻它美味。全餐飯的主角。牛油煎鮑魚和黃金苦瓜都是上乘之作，鮑魚的軟乘托牛迪和蛋黃的罪惡，齒頰留香。黃金苦瓜也是一流的下酒菜。食物質素高，價格合理。家庭聚會和與朋友把酒言觀佳地。離屋頗遠，但會吃過返尋味。

廢話唔多講，首先要讚一讚呢度嘅金沙雞，暫時係我食過最好食嘅雞！🤤唔似普通嘅炸子雞，雖然雞皮都係好趣，但係佢仲用咗啲蒜醃製，而且上面會有啲蒜粉，成隻雞都好入味，又唔會好鹹。而且，就算雞胸嘅部位都好滑，唔會好鞋，完全係高水準嘅雞黎。👍🏼👍🏼再者，個牛油焗鮑魚亦都係另一個我覺得好驚豔嘅菜。首先鮑魚唔會老，好彈牙，而且好大牛油味，而且會有少少調味去提升鮮味。好味程度絕對唔輸得過金沙雞！😍😍而且，仲有一樣較為創意嘅菜係鹹蛋黃苦瓜。其實佢就係苦瓜，但係用鹹蛋黃當天婦羅皮。唔好睇佢好似唔係幾夾，又或者好簡單，其實食落去好有層次感。首先就係鬆脆嘅鹹蛋黃外皮，入邊就係琳琳地嘅苦瓜，呢仲口感真係第一次試！總結來講，呢間絕對係一間CP值超級高嘅食肆！😍🔥🤪

難得一見的美味粵菜昨日和朋友到此聚餐 菜式一如既往般好吃風沙雞 蒜香而不搶鮮味 皮脆而不膩 雞肉鮮嫩牛油煎飽魚 牛油味令到本應無味的鮑魚變得充滿風味 酥脆的外皮配合軟軟的鮑魚 口感非常豐富黃金涼瓜 鹹蛋黃中和了涼瓜的苦味突顯其回味 令到小孩也容易入口魚翅非常足料 湯汁鮮甜 酥炸白飯魚及鮮魷 香口而脆口 又不會滿盤子也是油豉椒炒蜆 蜆肉新鮮鮮甜 醬汁不會搶過蜆肉的鮮味 反而突顯蜆肉的質素餐廳食物質素頗高 在我以往吃過的粵菜餐廳裡可以排進前五名 相信會再去多幾次

今日同家人去完石澳游完水，難得過海就搵下港島區有咩好食，聽聞依間銖記D野好得，就試下佢。見到係熟食市場，本身諗住中伏，但上到去上面又幾多人食喎。我地人唔多得三個大人，一個小朋友，叫左4款小菜（風沙雞，椒鹽鮮尤，椒鹽牛仔骨同豉椒鵝腸）隻雞D肉好滑又入味，重點係D皮同薯片一樣甘脆。鮮尤新鮮，炸漿唔厚。鵝腸無肥皂炒得夠鍋氣。牛仔骨炒得唔老好食。一句講曬（全部都好食）最後埋單仲有驚喜，全部加埋唔駛400蚊

今次來這裏不是吃它的風沙雞, 也不是吃它的海鮮, 而是簡單吃它的午飯, 在跑馬地工作完後, 要選擇一家五六十元定價的, 並不容易, 除了那家要排很久隊但不不太好吃, 只是靠着其裝橫及歷史的茶餐廳外, 市政大廈是唯一選擇. 銖記的小菜午餐一飯一菜及一餐飲, 五十五元就算是港島區也算是經濟. 最重要是, 小菜也是即叫即炒, 夠鑊氣.咕嚕肉炸得外脆內稔, 啖啖肉而沒有油膉味, 汁料在梅頭肉上上得甚為均勻, 紅醋醬汁甜而不微酸, 在這炎熱的四月天相當開胃, 如此的價錢沒有什麼可以投訴. 椒鹽豬扒的椒鹽味濃重但不死咸, 用以送飯同樣一流, 無論是前者的梅頭還是後者的豬扒, 肉質同樣嫩滑, 只是後者有點失色的地方, 就是表面有點過濕, 有點軟融而不夠脆呢! 還是咕嚕肉略勝一籌.

因為近來調往此區工作，午飯時段，搵食比較困難，在此富貴區價錢比較昂貴，所以，前往此熟食中心午餐，場地不算太，勝在開揚，光線充足，有四間店舖開門...當然，揀選名店铢記...午飯時段，有粉、麵、飯...多選擇⋯⋯送例湯及樽裝或罐裝可樂...蒸水蛋，夠大份，蛋幾滑溜，畧嫌豉油落得多左。依然，好送飯...星州炒米...香味四溢，每條米粉都甘係入味，洋葱丶紅椒...都有炒過，熟的，容易入口，其他材料...叉燒、旦丶火腿丶雞絲，很豐盛..唔太油，唔太咸，不過，米粉似乎炒得乾咗少少...比較硬身...椒鹽豬扒，份量不少，豬扒夠鬆，肉汁豐富，椒鹽味濃，不錯埋單每人＄55，算係抵食

喺跑馬地街市，已經出咗名好耐，但係仍然有少少呢埋嘅銖記，一向水準唔錯仍然係我哋家中常會返食嘅一間餐廳。例湯或其他堂平時都非常有火氣。除咗牛腩食過兩次都係一般之外，其他在餐牌中見到嘅大多數都係好菜。尤其是係佢馳名嘅羊腩煲，或者炸子雞兩樣都係小朋友同大人喜歡既一碟菜。講到服務就不嬲非常周到，對老人家有貼心，對小朋友有愛心。Highly recommend, especially if you are in the area.