銀杏館 (已結業)

LOHAS, Life of Happiness And Sustainability, 是近年由歐美傳過來的一種生活態度，意思是生活在健康、快樂和負責任的環境下，也是這家店的其中一個宗旨:: 樂活農業。來到這裡過情人節是一個偶遇，我們都不知道原來這家以聘請長者為名的銀杏館在這裡有別館。小妹認識的就只有吃西餐的總店，想不到原來中西合璧，更來個樂活主題，既聘用長者又用有機農產品，非常正面! 我們很幸運地成為最後一枱入座的客人，因為店方在9:30後就停止入客，廚房10時收爐，而店子則11時關門，讓你可以有整整一小時半來悠閒地享受晚餐，也是很LOHAS! 在正式介紹是晚菜單前，小妹要大讚侍應! 他們全部都很有禮貌很好客，基本上從來沒有催促我們早點吃完，在10時半要先結賬，但不斷叫我們慢慢坐，多喝幾杯茶，不用急，未到11點之類，我們都覺得很窩心，看得出他們是真心待客的! 在香港這個步伐急速之地，講求的是快! 基本上大家都想早收工，別說服務業的人，就是小妹，也不喜歡在放工前15分鐘再收到老細"落單"啦! 所以對他們的真心款待，小妹有點不好意思呢~說回食物，酸菜不酸，有白蘿蔔、 紅蘿蔔和青瓜。要是

此店聽聞已久，幸得友人推介到此一試。這裏裝飾懷舊像60年代。所有侍應都已退休，但精力充沛，服務態度誠懇有禮。現時年青人應向這班耆英侍應好好學習。小妹與友人請教一位侍應工作時間，始知所有員工工作五小時，十分適合耆英們，工作時間不長亦不太勞碌，可有多點時間休息。此令小妹對銀杏館老板敬仰。我們點了羊腩煲和糖醋鱼賽旁蟹。羊腩煲 -- 羊腩用黑山羊，肉厚帶皮，配用馬蹄，腐竹，筍，味道香濃，適合寒冬食用。此煲配灼熟生菜，熟生菜放ＸＸ入羊腩煲中浸一會進食，更能品嘗羊腩汁香味。糖醋鱼賽旁蟹 -- 侍應為我們放入生雞蛋並攪匀，再放入黑醋，進食。由於此賽旁蟹食材太多，不能突出賽旁蟹 的鮮美，但此菜味道不錯。小妹期望再來享受耆英的殷勤服務。

家人食飯有人介紹呢度, 無乜期望去試下黨蔘湯 (好似花旗蔘咁上下); 海星湯 (又係有少少苦); xx素湯 (唔知咩黎, 剩係知好苦)梅子骨 (酸酸甜甜偏酸, 汁比較杰)梅菜扣肉 (正常, 都幾入味, 唔係腍晒個隻)三杯雞 (味道可以, 不過太乾身, 又好似無乜肉食咁)梅子鴨 (幾惹味, 比骨好食)涼瓜肉碎炒蛋 (正常, 苦瓜甘苦)魚塊豆腐煲 (魚炸粉多左d無乜肉, 豆腐入味)紫羅牛肉 (紫薑勁辣, 牛肉有d韌又醃到無晒肉味)辣椒葉 (甘甘苦苦的)三色飯 (好似係屋企食既糙米飯咁)餐廳內都係上左年紀既伯伯做侍應, 服務都好周到, 態度良好, 好過某d唔想撈咁款既後生仔女

雞與鴨味度太淡，肉質粗，好失望！雪梨海底椰燉湯一般；一二三四五排骨，味道不錯；另外館內面積少但排放太多抬，有點兒擠迫，不適合慢慢享用談天說地一番；担白講，不會再幫襯！

這餐館我已來過多次，不論午餐或晚餐食物和服務都很穩定。松茸湯，未飲之先，總覺得湯少價貴，但飲一口，湯味清甜，用料十足，完全將湯料的原味的逼出。鮮果燴羊膝，賣相有心思，中式帶有西式感，鮮果用了火龍果和菠蘿，另外有紅蘿蔔，青椒，蕃茄、西芹和薯蓉。汁底味道帶有果甜，羊膝再"淋"一點更好。菜卷千層即磨腰果露，超香，有口感，濃厚腰果肉。天山雪蓮歸苓膏一入口不其然"嘩"了一聲，清甜、金香，食完一口，味道還在口腔不停轉味，夏天食一流。

初次來到這間全部聘請的員工都是上了年紀的餐廳, 無論由訂位開始至入座，都令我感受到很好的服務態度, 食物方面更是試過方知美味可口呢。雞腳鮑魚燉湯, 冇味精很讚砵仔芋頭蒸鵝- 芋頭軟綿入味, 鵝肉嫩滑美味南瓜豆腐非常甘香荷蘭西洋菜有點特別, 有些朋友略嫌莖硬了一點胭脂雞, 真係好像把胭脂塗在雞身上, 散發出微紅的表皮, 賣相很好, 另外最喜歡淋上去的醬汁, 飯都食多碗, 讚讚讚豉汁蒸方利, 一個字....正芥蘭炒花枝片- 芥蘭切了片再加花枝片炒配搭很夾唔記個名的排骨都很出色.總之食過會番尋味!

印象中吃盤菜的次數是少之又少，記得最後一次是十多年前在媽媽家裡吃。今天公司舉行大食會，特向銀杏館定了兩盤盤菜，單看內容已令人垂涎三尺。外賣員捧來兩盤堆得満満，香氣四溢的盤菜，大夥兒蜂擁而上，搶着把大蝦，燜腩肉，鴨掌，鮑片往咀裏送，其实最精釆的還數墊在盤底，飽浸醬汁的娃娃菜，蓮藕，芋頭，猪皮籮蔔，鯪魚丸等不起眼的伴菜。餐舘還細心把更多美味的醬汁另盒奉上，好讓我們翻熱時淋上。這道傳統菜色，無需過分舖張，只一句 ：在平實之處見真章！讚！

銀杏店標榜有機、無味精、公平交易的原材料，加上耆英侍應，值得幫襯的一間餐廳。看見購物網做推廣，買下coupon，倆口子探銀杏去了。預先訂了枱，安排在餐廳的另一角，環境非常清靜。大廳那邊則經常聽到笑聲，熱鬧非常，想必客人跟侍應都有談不完的題材，這是店子的成功之處。時間尚早，客人不多，但耆英侍應都謹守崗位，絶不馬虎。倆口子未到七點便用膳，可能人流未致，加上是套餐的關係，點餐後很快會開始上菜。二人套餐餐單八寶茶涼菜 - 涼伴海蜇拼有機紅椰菜，海蜇美道偏淡，紅椰菜爽脆可口。燉湯是全晚的靈魂，內裡的冬瓜非常入味，乾瑤柱味道很香梅菜扣肉，普通菜色，不過不失。口水雞 - 多油但不夠辣。侍應非常細心，問是否需要把醬汁分上，早知安排分上，可以少放些油。有機菜 - 菜很鮮甜大肚婆炒飯 - 問侍應此名稱的由來，侍應姐姐告知譬如此飯材料豐富，有料到也。可能是耆菜的關係，菜色味道不見得突出，但配合可愛的侍應姐姐，絶對是一頓愉快的晚餐。

老公買左佢地私房菜coupon, 話好多名人幫襯，咪試下嘍，試完一肚氣！1）菜式簡單普通到暈，海哲雞絲，雞絲好干，難食。連一杯比白酒杯仲細杯的柑桔蜜都計一道菜。2）份量少到連幼童都唔夠，居然比兩個成人食。兩杯甜酒，一壺茶，兩碟小食，一份大約6塊小肉塊，兩塊魚卷，兩杯柑桔蜜，兩份甜品！！3）上菜速度之慢，無法想像。4）老板態度极之傲慢無禮。5）貴！這兒童餐居然盛惠$700，不含服務費！

剛剛食完一餐好滿足o既午餐.一心黎寫下好介紹, 見到人地寫得咁嚴重, 我差d以為搵錯食市名!講返正題今日午餐, 食左香蔥抄手+老火湯+叉燒飯先講下個老火湯先, 今日係紅菜頭煲唐排, 真係冇幾可聽到例湯會用紅菜頭, $18蚊有一盅跟住個叉燒飯, 個叉燒好得意, 同食開果d唔係好同, 不過就肥左dd個抄手好好味, 連湯底都好正, 早知唔叫老火湯, 可以ko晒佢嘛兩餐加埋一餐食, 正!有個叔叔招呼唔錯, 仲有講有笑, 加埋身手敏捷, 老人家都好掂!

銀杏館是一間以僱用老侍應聞名的法國餐廳, 前些時候, 老姊說在太子開了間同名中菜館, 不知是否同屬一店, 於是決定前去光顧一下.在一個星期日的中午, 我們一家人到了太子, 找了又找, 好不容易才找到此店. 想不到在如此偏僻的店子吃飯仍然要等了十分鐘才有位子. 從門口拿來的卡片上, 証實了與中環的是同一店子.店內的冷氣很冷, 老人家怕冷, 我們要求調到一個冷氣較弱的位子, 老侍應不大願意, 又說每個位的冷氣都差不多云云. 安頓後, 點茶時, 才發現這裡用的不是中國茶, 而是用韓國玄米茶, 還是用茶包泡的, 真的很意外. 拿著餐牌看了一會, 想點的餐又說已經售罄, 於是散點了些食物來吃. 龍脷葉蘋果燉豬展味道甜甜的, 大概是燉湯的關係, 所以湯的味道很濃味, 不過份量很少, 只有一人份量, 而且湯渣很多, 所以湯相對來說比較少, 有點不夠喉. 古法沙薑雞這個是跟飯餐的, 雞肉十分嚡口, 而且沒有味道, 還有殘留的雪味! 用來點雞的沙薑汁的味道很淡且不香; 附上的白飯水份偏多, 所以飯有點爛. 這道本應是店子出名的小菜, 但居然如此水準, 實在令人失望. 干炒牛河這個是老媽的'飛佛'食物.

2011年第一次的好姊妹聚會 , 好友出主意來這裡試一試 , 我們晚上8時左右到達不用等位 , 原來全部侍應皆是長者 , 雖是長者但精神充沛很有活力 , 這晚招待我們的是叫jimmy的長者 , 他見我們不知點什麼菜式 , 他主動介紹數款菜式給我們 , 而且很有耐性解釋每款的用料和做法 , 最後我們點了紅燒元蹄 , 很入味! 大良炒鮮奶我的最愛 , 其實我是第一次吃這個菜式 , 一吃已愛上! 什菜煲 , 一品煲有花膠 , 花菇 , 鮑魚 , 鵝掌 , 海參 ! 還蒸了一條桂花魚 ! 今晚與好友聚會很開心 , 希望日後可以每月一次這樣的聚會!

我自己去食左個一人套餐 $88 (+1)星期一至五lunch no (+1) 前菜我食: 涼拌亞麻籽有機青瓜酸酸甜甜好好味, 不過太辣啦但我仍然好中意湯: 日月魚xxx湯 (唔記得啦) 苦苦地,好淡我麻麻地, 但有益明目主菜: 魚香茄子煲好好味, 冇出面個d咁油膩三色飯: 應該有紅米,糙米, 白米好有口感另外仲有玄米茶

早排食完西餐, 聽D伯伯介紹話太子全部食有機菜, 當然唔好錯過啦。一於約齊老友黎食!一行四人. 嘩! 好旺呀! 八點幾仲要等位, 見到接待個伯伯好努力寫寫寫, 又不斷有人埋去登記, 轉頭又見佢叫人入, 雖然惡惡地, 不過一陣又見佢賣菜, 真係好忙下, 難怪佢要處理咁多野。相信如果係知客姐姐應該會容易做D, 有時諗下真係覺得個老闆好勁, 咁有心機做長者就業。等左20分鐘, 到我地啦!友人一見到有新鮮魚食, 就二話不說叫個煎封, 一上枱香到呢隔離枱都話想叫, 可惜最後一條比我地叫左啦。跟住個沙薑雞黎啦, 個沙薑醬唔同其他地方食果D, 佢有咸味, 但係勁香, 一滴都唔浪費咁入左我地肚腹。一定要介紹埋個大豆芽, 爽口, 辣辣地甜甜地, 有D好似係生筋O既野一齊炒, 38蚊抵到震! 又好味, 食唔停口呀!當然唔可以少得主角, 有機菜啦, 伯伯介紹左個亂棍打死牛魔王, 超攪笑, 其實係有機青豆角炒牛肉, D青豆角好有豆味, 又甜, 真係好介紹! 加埋椒絲腐乳炒有機通菜, 雖然D通菜有少少發育不健全, 但係菜味好濃。黎呢度當然要試燉湯, 沙參玉竹粟米湯, 清甜好味, 原來用有機粟米燉架。仲有甜品送,

聽見有餐館強調長者就業和有機食物我是很高興的，今晚終於跟父母和一位友人一起來到。我們一行四人拿到號碼就在門外餐館提供的櫈子坐下，一等便是半個小時，我和我媽跟友人一直沒有離開過坐位。半個小時後我去問問待應還要等多久，這時候，那位大概７０歲的待應叔叔說：「已經叫了你的號碼！你不在，我就取消了！」我便說：「真的嗎？但我們一直在門口呀！真的沒有聽見過。」待應叔叔突然變得極不耐煩，就說：「我叫左幾次你地冇人應，我就打左個交叉!」我便說：「我地真係完全聽唔到」他還未等我說完便極不耐煩地說：「唉我唔知！」我：「吓？」他：「我唔知！！」我：「咁而家你會點安排你都講聲丫，唔好一味話唔知啦．．．」說到這個地步我已再沒心情在這裡用餐，一行四人便非常失望地走了。我知道這個支持長者就業的銀杏館很出名，但出名和年老並不代表待應就可以態度囂張，完全沒有意慾令客人好過一點。我對這次「到訪」的印像很差，我不會花時間再試。你們好好努力罷！