影片
港鐵太子站 A 出口, 步行約2分鐘
繼續閱讀
開飯介紹
從2003年開始營運，致力為長者提供就業機會的社會企業餐廳品牌，而且每間分店都各有特色，此店便走日式洋食料理路線，如日式意粉、拉麵與日式咖喱飯等，價格合理，氣氛溫馨。
繼續閱讀
營業時間
星期一至日
11:30 - 16:00
18:00 - 23:00
以上資料只供參考, 請與餐廳確認詳情
相關文章
知道銀杏館一向係支持長者就業既社企，所以要黎支持一下。平日下午LUNCH時間,入座率都有8成.舖面整潔，雖然地方細細，但坐得舒服,餐具都好亁淨.老火靚湯，午餐加$15,好多湯料,冇味精。滑雞煲仔飯，飯多左小小水，冇飯焦，不過味道唔錯。不過飯有少少雞碎骨,食既時侯就要小心D.豉汁蒸時魚，豉油淡左DD,有D屋企蒸既感覺,魚蒸得過老.午餐白飯免費轉蕃薯飯,其實係白飯加左幾粒蕃薯,不過可以當加左個餸.最後有甜品送，可惜當日冇桂花糕，送左2塊曲奇。全餐飯味道雖然普普通通，但長者熱情招待，又係另一種開心既味道。
繼續閱讀
聽過銀杏館的名字多時，今天經過太子終於的起心肝入去。點了個時魚煲仔飯，表面看來有些乾，但食落才知原來是剛剛好熟，不會太老，入口仍有魚鮮味。加點豉油剛剛好。這小店主要請長者，服務的婆婆落力介紹食物，也會和食客傾下計，可能這就是人情味吧。
繼續閱讀
前幾年前後也去過二次此鋪門外, 但因沒有BOOK位又滿坐所以也食唔到此間銀杏館, 今次也只是WALK-IN撞運氣, 好彩仍有位入去食個晚餐, 所以對此間餐廳食物有少少期望會唔差。知道此處請長者為侍應, 招呼我們的女長者侍應推薦我們食"二人知足''套餐, 非常極力推介套餐裡"古法冰梅香酥骨", 話好多客食完也覺好好味, 話單叫也HKD178所以非常抵, 我們最後也叫了二人套餐。"二人知足''晚餐套餐 HKD358(1) 別館士翅湯(任選二盅) - 叫了川貝燉雪梨湯 & 另加HKD20要另一款花膠燉螺片湯(2) 錦繡花枝蝦仁(3) 古法冰梅香酥骨(4) 樂活有機農莊有機菜芯(5) 華麗宮庭桂花糕另叫二碗白飯 HKD20茶位二人 HKD10加一服務費 HKD41總數 HKD449此間銀杏館所謂套餐已經比較貴, 當然對食物有些期望, 可惜感覺麻麻沒什麼特別, 仲有些所謂特別推介真係好普通; 唯一可取之處是長者侍應比較進取, 勤幫你倒熱水, 見你食完某碟就幫你拿走佢, 不是太急趕你走, 也是同一句以此間餐廳食物質素不值此價錢, 感受了一次下次也未必再幫襯了。(1) 別館士翅湯(任選二盅) - 叫了川貝燉雪梨湯, 湯比較清淡。(1) 別館士翅湯(任選二盅) - 另加HKD20要另一款花膠燉螺片湯, 只見盅器皿已經夠細, 所謂花膠燉螺片已經有堆湯渣, 湯水就更加少了, 整體上覺得有些咸。(2) 錦繡花枝蝦仁 - 可以接受, 普通沒有什麼特別。(3) 古法冰梅香酥骨 - 女長者侍應推薦, 老實講唔好食, 每件骨也大大件, 骨連肥膩肉比較多; 我地食剩約五件已經唔想食, 女長者侍應仲說個個客食清晒整碟的, 此碟完全同我們期望有很大出入。(4) 樂活有機農莊有機菜芯 - 普通菜芯, 不過不失。(5) 華麗宮庭桂花糕 - 桂花糕及紅豆糕, 此甜品唔係細成咁呀用酸梅醬膠盒仔裝, 以套餐來就好失大雅太差了, 就算俾四個我地也好失望。
繼續閱讀
今晚同朋友食一間全是上年紀既員工既一間飲食集團,佢地雖然上左年紀，但服務依然良好…仲好細心我地叫左以下菜款一二三四五排骨煲，好香，好爽梅窩肉…夠肥美…我鍾意砵仔鴨…有紫薑配搭…唔錯佢有個蕃薯飯架…就係咁既樣…冇咩特別再黎個醬木爆梅骨，好食到我地爭食，夠味道，正
繼續閱讀
昨晚相約廿年老同學到太子區之銀杏館，數月前與家人來慶祝中秋節。今次是同學新年聚會，雖昨天已是正月二十，總仍是新正頭。不過，一班老友事前講明，大家不派利是。我們一共 8 人，由 6點半足足坐至 9點，可能因昨天是星期二，第二輪客人不太多，幸好我們不需 8點 ! 愈傾愈高興，其中兩位同學真是食家，每次出來，必由她倆點菜......點了八個菜，加埋甜品，共九個，吃得很滿足。最好味是那醬爆冰梅骨，肉質鮮甜，咬下有美味肉汁流出，味道。另外，那這店出名的炸子雞，昨晚差不多九成客滿，我見近乎有一半客人都有點此雞，皮脆肉滑，肥仔同學 (哈哈 ! 他是最大食的) 都話 good，仲外賣半只回家給老婆仔作宵夜。我們還叫每人一個燉湯：花膠螺頭燉豬腱，真材實料。好大碗呀 ! 飲了一碗已有 1/4 肚飽。每次到這小店，當然是食物好外，又稱冇落味精、以健康為主打，最重要是他們是由老人家做的，昨晚看見也有 6至7位 老人家作招呼，好親切笑容，又有禮貌。一點也不覺他們老 ，還快手快腳幫我們換了兩次骨碟，好醒。值得一提，那兩碟有機菜：油麥菜、菜心，真是出面很難吃到，新鮮、少油、炒到恰到好處。那位滿有笑容的 Jimmy 伯伯說：是自己農場種的 。我們大聲說：真的嗎？半信半疑下，那 Jimmy 伯伯詳細向我們解釋......好難得呀下月媽咪生日，再來。
繼續閱讀