銀杏館 (已結業)

好開心，是晚同小天使們歡聚開懷聚一番，樂而忘返。我地去咗教主介紹位於太子的樂活餐館＜銀杏館＞。呢間餐廳好有意思，聘用長者，豐盛晚年！食物味道好美味，值得大家一試！我地一行七人，食到飽一飽，都係都係HK$574，每人HK$82，YUMMY!!!餐廳門口擺放有機菜，新鮮的！好香的玄米茶，是晚飲咗，無瞓唔著的情況出現...！爽脆的青瓜，酸酸地，有小小辣辣地，好醒胃。大豆芽，上面的麵筋好味道！咕嚕肉，呢個係素的，不過真係唔識分真假了，假得好真！牛展，好腍，海哲好香的麻油味。唔錯。炒藕片。極品野菇雜炒。炸南瓜鮮奶。呢個真係好正，外脆肉流，值得一試！乾燒白茄子。好味呀，不過略為咸左小小呢。美極中蝦。伯伯一開始好貼心話四隻唔夠分，上枱時幫我分到每人都夠...三色飯。送的，海帶綠豆沙。食埋呢個...好飽呀~~正。

當知道銀杏館在太子附近有分店，那會不想去試試食物的味道和伯伯嬸嬸們的服務呢？ 店子位於地鐵站外的一條小街，不過非常就腳方便，而且那條街現在也滿布各式各樣的食店。店子外更放滿有機菜供遊人購買，堂食當然可以。 地方不算大，只有五六張方枱和一排長卡位，不過裝修典雅而且最喜歡因為門窗多所以光線充足，令人沒有那種局促感，加上伯伯侍應們的笑容服務更令我們有一種回家喝湯的感覺。 此處以中菜為主打，燉湯更是其推介之食物，燉湯由三十多四十元一盅到數百元一盅的蟲草烏雞燉湯也有，我們昨天就是試到黨蔘豬展湯，對我們此類小湯水的打工仔來說，是一種吸收營養和感受“家庭”湯水溫馨的好方法。 下午可以選擇的有中式小菜，一般也是四五十元一碟左右，廣東菜為主，我們就要了：- 1。梅菜扣肉---自小對此東江菜有一種說不出的心底印記，記得每逢長輩生日就例牌會有梅菜扣肉可以吃到，以前對健康不是不重視，而是可以出外吃飯已經感到很幸福的年代，一口肥美的扣肉無論色香味也是無與倫比的，小時候拿筷子不是很熟練，所以很容易弄到那扣肉斷開數件，就是那種把透明肥膏吃下肚的感覺到現在也是不能磨滅，就像一位曾經傷害過您的異性本應要對她恨之入骨，但

之前已經和老公在這裡吃過飯覺得不錯標榜--有機,無味精,無雞粉,長者就業. 於是在母親節當天一於與母親,奶奶等一行八人在這晚飯叫了:亞麻籽紅菜頭(小食) - 甘甘甜甜味道不錯, 但看不見原粒亞麻籽, 只看見有一小點,一小點的東西在紅菜頭上,可能是將亞麻籽打碎才灑上.薰魚(小食) - 其中的一個驚喜,有一些上海食店做的薰魚比較硬硬實實,但這裡做得質感好,味道好,醬汁又不是很杰很濃.瓦罉豉油雞雞- OK啦,但不及利苑.砵仔梅菜蒸扣肉- 我唔食,但吃過的家人都話好味,特別係D梅菜同個汁非常正.腐乳椒絲地瓜苗- 出事...竟然咸到極,我們勉強呑下已放在口中的菜,但爸爸將已放在碗中的菜改放在骨碟上,表示放棄.我們向其中一位侍應伯伯反影,只希望他將意見轉告知廚師,真的沒有意思要他換或取消,但這位侍應伯伯遞上一份意見表叫我們塡. 另外我問另一位侍應伯伯要一碗水(因桌上不設茶、水壼)讓我們將菜沖洗後才吃,以免浪費. 不一會他回來說替我們換一碟減咸的,我猜他一定是跟管理層反影. 我們說真的不用,因所剩下的菜又不多,但他還是堅持,就依他. 他把我們吃剩那碟菜收走,很快送上另一碟地瓜苗,但這碟不是腐

得我同阿媽兩個人食飯，費事煮，於是去咗銀杏館。上次黎要排隊，等咗好耐最後放棄無等。今次早d黎，唔洗等。兩個人仲可以坐四人枱。d阿伯都幾好禮貌。要了二人$168套餐。有白灼有機菜、兩個小菜，燉湯同飯。要了至愛蕃薯苗。真係無花無假嘅白灼，一滴油同鹽都無。超無味；蕃薯苗唔夠嫩，條莖好難咬。是日燉湯係蟲草花茶樹菇杞子豬湯。好清，藥材味濃，又唔肥，超夠熱，好好飲。蟲草花唔知係咩植物，好幼身，幾有咬口。小菜就要了粟米斑塊同中式牛柳。粟米斑塊又係鹽都唔多粒，好淡。個粟米獻太杰，一pat pat。斑塊就唔錯，炸漿薄，魚新鮮唔腥。中式牛柳味道較濃，好少少，有番d味。牛柳好natural ，完全無嗱過。不過就用刀背拍過...你估係豬肉咩，牛肉越拍越韌架！牛肉都幾鞋口，同有少少韌。飯可選三色飯或白飯。由於我牙力麻麻，所以揀白飯穩陣。整體黎講，味道比屋企飯仲要淡。我地呢d濃味人就覺得成餐飯都無咩味。

今晚同媽媽去撐枱腳. 叫了個虫草x樹x菇燉豬尾骨湯; 喺伯伯侍應極力熱情細心推薦下, 要了蒜茸蒸鮑魚, 瓦罉豉油雞半隻. 難得的是咀尖的媽媽也讚好吃. 雞很滑,豉油獨家泡製,很好味,伯伯還特登過來教我們要把雞浸透豉油來吃. 吃了很多件雞,事後竟然沒有口乾. 鮑魚蒸得恰到好處. 媽媽牙齒不好也咬到,不用吐渣,愉快地吃掉兩隻. 難得的是侍應伯伯很親切, 招呼很就到; 沒有一般侍應的過份而虛假的熱情或擺明車馬的冷漠, 叫極眼眉也不看你一眼. 如果可以有得book位就最好. 較為年長的客人不宜站著門口等位啊! 一定會再去的食肆

今個星期已是我第二次o黎幫櫬, 每次都係和友人叫2人套餐$160 (包括2盅燉湯 – 有椰子燉雞 或 是日燉湯，2碟小菜， 1碟有機時菜, 2碗白飯或三色糙米飯) ，飯後仲送糖水添 。椰子燉雞 或 是日燉湯 -> 其實佢地D燉湯味道真係淡,就好像亞媽褒湯漏左落鹽，但又健康D。我嫌椰子燉雞味道太淡，而個是日燉湯兩次都比較濃及好味。小菜 -> 我從未響街吃過甘好味嘅魚香茄子，仲係用有機白茄瓜煮的，又唔油膩。中式牛柳就一般水準。有碟叫做甚麼香酥骨就麻麻地喇，因為都唔係新鮮炸出，唔熱嘅。有機時菜 -> 佢地D菜都係上水某某有機農場來貨的，而且仲放D菜響餐廳門外賣。飯後甜品是綠豆沙，料多，甜度適中。儘然侍應都係比較年長，但可以感受到佢地真係好俾心機打好呢份工 and provided us excellent services。由於佢地服務態度真係好好 (好過我去過好多酒店酒樓) ，埋單時想俾多點小費十朴下，但佢地話所有小費都會拎去捐俾某某慈善團體的。

星期六傍晚三妹約食飯，選了太子銀杏館。踏進餐館，迎賓的是一位腰肢站得挺直的長者服務員。甫坐下，隨即拿起餐牌，邊等邊看，伴隨耳邊的是悠揚音樂，立時心情大好。只見場地不大，服務員大多是銀髮一族，仔細一看，只見衣履整潔，個個精神抖擻，毫無倦容。我呷着送上的八宝茶，數數應有八種材料吧，是一個份量配得剛好，非常清新有益的荼，期間殷勤的服務員還不斷為我加添熱水，真難得！我倆各選了燉湯，我的是素食舞茸菇燉湯，材料充足，湯底夠熱，呈深褐色，啖出香濃菇味。三妹選了响螺瘦肉湯，或許她慣嚐味精湯，對這個的原汁原味的，評語是 : 稍嫌味道不足。 兩款小菜分別是:豉汁蒸魚云、松露汁炒旦白再加一個蒜茸炒紫椰菜。魚云新鮮，味道親切如家常菜，松露旦白也不俗，旦白若炒得嫰一點就更好。紫椰菜炒後仍紫得發亮，今回亦是首次嚐試，有驚喜！原本打算多叫一碟煎蝦，但服務員勸說謂會吃不完，打包後又有失鮮味，於是唯有打消念頭。飯後甜品是紫米露，甜度適中，不錯不錯！總的來說，這頓飯吃得頗愜意的。吃喝之餘亦留意到餐館的服務員態度誠懇，是敬業樂業的一羣，繁忙時要不停來回走動，手腳又要配合，此時此刻，亦感受到餐館東主的苦心。工作、勞動是能夠給

那天與老朋友飯局, 我已是第三次到這裡晚膳. 我認為這裡地方清潔, 長者的服務態度優勝於很多有名的食肆, 食物味道不錯(也許有些會較細磼). 或許不算便宜, 但是合理. 我的朋友當中, 90個百分點讃賞, 表示會再惠顧. 也許我們沒有嚐到其他食評家認為較差的菜色吧! 但我都會再三捧場, 一於支持社會企業!

上週五（2010-01-15）相約朋友前往銀杏館（太子店）補祝其生日。位處太子的鋃杏館與其餘兩間分店的不同之處是主理中菜，而且以燉湯和有機菜餚為主打菜色，還有堅持無味精的健康煮法。身為銀杏的粉絲，當然要前往光顧。店內的座位不算多，大約可容納40人。裝潢方面，挺富中菜館的特色，店內播放40至50年代的國語金曲和鄧麗君的歌曲，加上店內的長者侍應們，令此店多添幾分古舊中國特色。是晚，我們分別點選了川椒龍鳳球、XO醬水蜜桃和牛粒和梅菜肉餅蒸有機白菜仔。另外，我點了一個美肌養顏燉湯 ─ 花膠螺頭燉老雞。事不宜遲，立刻重溫當晚的菜色。花膠螺頭燉老雞（$58），新鮮燉製，材料十足，味道鮮甜，熱熱的，喝下去，感覺暖暖的。川椒龍鳳球（$68），龍鳳球即蝦球和雞球，並以紫菜伴碟。蝦球和雞肉均爽口，加上帶點鹽味的紫菜，以及惹味香口的醬汁，挺吸引。然而，根據餐牌顯示，此菜有一隻辣椒的圖示，即表示此菜帶辣。但我們吃不出半點辣味，所以略扣些分。XO醬水蜜桃和牛粒（$88），此菜除了有水蜜桃及和牛粒外，還有三色椒粒，看上去顏色鮮艷，增添視覺效果。XO醬的辣味不錯，水蜜桃和三色椒粒很美味。但和牛粒則煮得過火了點，口感

好少寫食評,但呢間特別想寫下今晚同媽咪預祝生日,特意到呢間試下.飯局一共4 人, 爸爸, 媽咪,我同埋老公, 叫左枝竹羊腩煲魚香茄子班腩煲普寧面醬炆雞豆豉鯪魚炒油麥菜紅米飯(有蕃薯糖水送)枝竹羊腩煲好好味,又有有機唐蒿送,送飯一流!!!, 唯一不足是略鹹了一點.魚香茄子班腩煲 都好好食, 可以多汁點會更好普寧面醬炆雞的雞略肥了一點, 但老公覺得好味豆豉鯪魚炒油麥菜一般,都OK!值得一讚的是餸都沒有落味精,唔知係唔係因為咁, 所以可能會有食家覺得唔好食.但我個人就覺得好食啦, 雖然有個別菜色鹹了一點,加上價錢亦是合埋水平,我以後都會再來眾所周知,這是所慈善團體為長者/退休人士開的.我所見的是, 所有員工都好熱心做好呢份工!!! 侍應好勤力加茶,比不少5星級餐廳更快,70多歲侍應收拾餐具都好快好PROFESIONAL,好有禮貌,有HEART去做好手上的工作,服務質素比唔少餐廳好好多.結賬後和其中一位員工傾計, 他介紹咗唔少餐館的背景同埋好謙遜的講自己的故事給我地聽,覺得好感動!!!我決定以後都不時去呢間餐館支持佢地!!!!

食係上年既事~不過有日同朋友提起...想講一講...個日晚餐我同朋友兩個食兩人餐..好似14X...向門口等位時~個位伯伯真係好好服務,十分有禮~請真真係有D受寵若驚,因為無諗到俾D老人家服務既感覺係餈咁唔好意思點左兩個湯,一個蜆肉炒蛋,一個栗米班塊,兩個3色飯個湯~我記得我係飲茶樹姑煲瘦肉,淡,色好濃,係無味精(有既唔會淡到咁)煲得唔夠時間,因為D姑咬落仲有姑味蜆肉炒蛋~個蛋都唔係太老太實,都OK,但太咸,有菜甫所以好咸(仲係大量)以為係菜甫,蜆肉都唔見得太多,其實兩樣野唔係好夾....你估蠔餅咩....栗米班塊~最差!!!D魚薄到好似魚片咁,又炸得太過頭,有D黑黑地,唔好幻想佢會係金黃色.個汁就唔使多提,基本上就係開包栗米漿加隻蛋煮兩煮~淋落去~DONE!!!3色飯,即係糙米飯,你同我都識得整,不過太乾身,我本身鐘意食軟飯~(YES!!軟飯)其實因為食左好一段時間,所以唔係太記得有幾唔好食,但就係唔使呢個價錢既野,間野真係普通過茶餐廳,裝修係有,報務係有,但食物味道就唔知去左邊,可能你地會話當幫下老人家,但同時間又諗下個BOSS會唔會係用呢個GIMMICK黎吸引你黎呢?你知唔知D名

早幾日見電視講過下銀杏館, 上網睇下響邊度, 原來有間響太子, 趁假期去食下。午餐都幾多選擇, 有蒸飯套餐, 小菜套餐咁, 本來諗過食蒸飯, 因為價錢好吸引, 38蚊有湯有飯。跟住望下小菜, 見到個梅菜蒸肉眼筋, 心諗會唔會好似D牛筋咁呢.侍應伯伯話完全唔同, 仲話好爽口咁. 講到呢個POINT, 真係要試下.況且, 梅菜都好耐冇食過. 等左一陣, 先黎個湯--蟲草花圓肉杞子燉湯.送湯黎個姐姐話要食埋D蟲草花唔好浪費喎. 蟲草花爽爽地, 幾得下.個湯睇落清清地以為冇咩味, 飲落又唔係喎, 清甜喎! 最好係冇落鹽, 夠原味.飲左大半個湯, 肉眼筋就黎啦, 甜梅菜夠脆口, D肉眼真係爽口又唔"漏", 掂呀!一大碗飯就咁消化左啦! 好耐冇食咁多飯啦, 就係因為D梅菜囉!

賣點是無雞粉，長者服務﹗昨晚一行五人到附近新張食店晚飯，由一位滿面笑容長者侍應 安排入坐。菜單上全是家常小菜，點菜後聽到左右兩枱食客向非常有禮的長者侍應 說餸菜太咸，心有不妙﹗琵琶豆腐﹕賣相一般，粉漿極厚內有少許豆腐，茨汁夠濃而咸﹗潮州排骨煲﹕外表不吸引，但排骨的肥瘦適中，而湯汁「極」咸令整個煲仔菜變「差」。太公炒粒粒﹕不油膩，蔬菜爽甜，腰果、菜脯炒得好吃！不過都是「咸」翡翠蒸雞﹕非常精緻「小」菜，整碟得八小件薄切蒸雞，味道較清淡。Ok﹗翡翠炒「禾」牛﹕個名幾得意，但牛粒太咸﹗三色糙米飯﹕一般糙米飯的味道﹗可能是新張未能掌握味道份量，希望繼續努力有改善，遲d再來晚飯﹗但今次晚飯的感覺是「咸、咸、咸」， 份量「太少」﹗各款餸菜一人最多食一至兩件。平心而論，這個價錢和食物，可以吃得更好。 值得一讚是長者的親切招待和努力工作﹗非常有禮貌，good﹗good﹗good﹗

銀杏館 ~ 長者就業 豐盛耆年 無味增 原盅燉湯 無雞粉 真心靚料 ~ 正正是銀杏館的宗旨星期天的家庭日都慣性在婆婆家中聚會，但今夜各成員都有應酬，那晚飯只有我們跟婆婆一行六人都附近覓食。由於婆婆最近脫了牙的關係，我們選擇食飯的地方都先要以她老人家為先，偶爾看見附近有間新開的中菜館，那一定有婆婆可以食的食物呀﹗七點時，門口已經有部份人在等候，由於還在試業階段，所以不設訂位。大約半個小時後，由一位滿面笑容婆婆級侍應安排入坐。直當忙於看菜單時，鄰檯有人熱原地鼓掌，原來掌聲是給予一位老人家，從他的打扮不難猜出~ 他應該是大廚﹗原來他出來跟客人打招呼以及答謝客人的光臨。這下子我才發現原來上至廚師下至侍應全都是過了60歲的長者 嘩﹗真是令人眼前一亮﹗菜單上雖只是家常小菜，不過賣相卻相當吸引，但由於還在試業期，很多菜色都已經沽清，所以就隨便點了(4人餐+2人餐)不同的小菜。栗米斑腩球 賣相與一般的有別，井井有條，就像花朵般在春天盛放一樣。一層又一層的蛋絲及栗米茨汁鋪滿整個斑腩，真的令人口水流。入口斑腩的味道不會很濃，亦沒有腥味，口腔充滿著淡淡的栗米的甜味，這道菜最啱沒牙的婆婆琵琶豆腐

前幾天，回家路過此店＂新店開張＂一望，心裡有點愕然：＂為何全店都是長者?＂接著一名年長的接待員笑著向我簡單介紹此店，十分殷勤。今日與友人到此一試，真的不枉此行！～近時七正去到，立即有位，侍應很快便給我斟水，笑著體貼的說：＂不知道你們喜不喜歡玄米茶，喜歡的話可以自己加的。＂指著桌上的一盎茶包。落單、上菜的時間都好快，絕不遜色於後輩！生薑燉黑草羊～燉湯一絕，真的不含味精，黑羊肉燉得好滑，湯料完全出味，婆婆的味道，冬天飲最適合不過，燉盅裡有一半是材料：黑羊肉、淮山、杞子.....花膠螺頭燉老雞～真的有花膠，女士恩物，還有人蔘，人蔘好甜！好渴！砵仔鵝～鵝肉好入味，軟硬弄得剛好，有芋頭伴食，伴飯一流！～炒粒粒～挺好，不油膩，蔬菜爽甜，腰果、菜脯炒得好吃，我喜愛！後來我才知道這店背後的意義，這是非一般的餐廳，有心的，一定要支持。若然是趕時間的話就不要去，眼見某些食客等位等得不耐煩而發長者牢騷，真的有點看不過去，並不是他們的工作效率慢，而是太多捧場客，又或是某些食客完膳後繼續＂細說偉論＂不願走。將近完膳時，大廚特意走出來笑著問道每一枱客人：＂怎麼樣，好吃嗎？＂談笑間知道他已年屆七十，佩服各位長者，個