金記冰室 (已結業)

金記原來有咁多間分店, 已經開到黎荃灣 荃灣依間唔似係普通冰室, 似酒樓feel 多D, 晚市都係叫小菜多,今次試左個涼瓜煎蛋+飯平時菜圃蛋就食得多, 加涼瓜都係第1次，涼瓜好怕佢好苦, 但依個又唔會, 只係有少少甘甘地既感覺, 幾清新,大人細佬都食得咸菜魚湯, 個侍應話依條叫紅鮋, 唔知岩唔岩,魚肉有D鞋, 個湯就好味, 唔似係味精湯,個人認為就咁食咸菜咸左D, 但朋友就唔覺得, 所以都係因人而異 雖然依間冰室唔似冰室, 但D野都係好味既

據聞金記有好些懷舊食料，果然一來到即聽聞有客叫保維爾牛肉汁，這英國牌子有過五十年歷史，小時呃飲過一口，味道特別吸引，立即下單，送來即試，口感無變，味道依然特別，好味，很感動，如見着老朋友，正!歎完咁正牛肉汁，來一個椒鹽鮮魷伴豬扒；嘩!一試好味，鮮魷外脆內軟，夠入味，豬扒同樣咁正，香脆肉滑，用蝦片墊底，蝦片剛炸好，卜卜脆，有少少鹹味，甘和可口，這個餸伴酒一流!再一個半煎煮鹹菜魚煲，未放上枱已聞到很香魚湯味，足斤重紅鮪大過個煲，足有十多寸，魚身飽滿，奶白色的湯水清甜味香，口感一流，連兩大碗，未夠! 魚肉夠滑口，鮮味十足。可惜就是湯水少一點，未夠滿足，價錢亦抵食；有湯有魚，有菜(黃芽白)，一大煲，只一百零九元。我呢啲老野，習慣有米氣到肚，就來一個海鮮炒飯，飯底算乾身，不乾不濕，恰好，香氣撲鼻。海鮮料亦足，有蜆﹑蝦﹑魷魚及蟹柳，份量足，味道配搭好吸引；唯一顏色較單調上枱時吸引度低，或者加些三色椒更好，咁就色香味俱全。

常常係荃灣食茶記，原本經過嘉樂，但見排晒隊，所以無等了，行下行下，就見到依個金記冰室招牌！我地成日食常餐，所以便試下了，餐廳裝修整潔，特意用一些懷舊的圖案、裝飾，而已佢d餐具幾特別，有自家pattern 同形狀，有趣！叫了茶餐廳常見的*沙爹牛肉麵餐，配牛油多士和火腿奄列沙爹醬味香應該係自家制，牛肉也不肕，口感不錯，正！*豬潤通粉，是同樣配搭豬潤湯底幾好味，很不錯當然，要試茶餐廳的靈魂：奶茶！！我地一凍一熱奶茶試晒🤘凍奶茶：飲到茶底幾好味，比例很好，沒有因為加冰後就沖淡口味！熱奶茶：比較香醇，有掛杯，茶味較突出！埋單$91，不算很便宜，但有十分高的Cp值！區外人常去嘉樂，當然因其名氣，同區比拼，一試知便高與低！P.S. d相影得靚唔靚係其次，但最重要係d野好食😂金記冰室，定會再來

It's indeed interesting for me to visit 金記冰室again, it's vintage decoration and furniture never failed impressing me. The old fashion handwriting (招牌)written by Chinese brush is still genuinely unique nowadays.A friend of mine ordered a cup of Bovril (beef essence beverage)as his table pop, I took a zip and it tasted the same as it's 40 years ago, no change. Surely it brought back sweet memories.I ordered a drink of ginger with honey lemon peel--it so refreshing cause I do like the ginger flavor.

是日晚上又係荃灣開飯，不過今次係約埋同事一齊食飯，有同事食過呢間餐廳，知道可以自己買餸加料不過只得海鮮類，都係收番加工費咁又幾好，又可以多D選擇鐘意食乜都得，而且餐廳係街市隔離相當放便，咁同事係街市買咗D海鮮加料就一齊開餐今餐由同事話事，未食前先飲番杯懷舊1967特式飲品雪山雜果冰，一球雲呢拿雪糕加什果粒連埋雪碧一齊飲真爽先來晚市精選小菜椒鹽鮮魷拼豬扒，鮮魷香脆鬆軟，豬扒亦炸得好乾身，入口肉質嫩滑又入味之後係馬拉盞通菜炒牛肉，牛肉炒得滑溜鮮甜,通菜炒得爽口香辣，再配埋白飯一齊食。再來係加料海鮮有薑蔥炒肉蟹，肉蟹買咗3隻有2斤，至於加工費每斤$48，有多種口味選擇，我地揀咗薑蔥，炒出來好有鑊氣，份量十足，入口肉質細嫩炒得好入味至於另一款海鮮係酥炸大桶蠔，加工費$68，桶蠔炸至金黃色，薄薄粉漿入口鬆脆，桶蠔肉質一樣鮮嫩多汁，又估唔到可以係度食到咁有水準菜式又可以下次再試其他口味菜式。

這晚收工同一班朋友搵食，楊屋道呢頭都少嚟食，都唔熟有咩好食有朋友就提議嚟呢間新開嘅金記食餐好睇咗個MENU，嘩好多款小菜都好吸引，金記又話茶餐廳嚟嘅，都好唔茶餐廳喎，咁高質最後就點咗呢三個：涼瓜菜甫肉碎煎蛋 $59﹑梅菜扣肉煲 $89﹑半煎煮鹹菜魚煲 $109半煎煮鹹菜魚煲 $109一上枱已經好有魚嘅獨有香味，仲有滿滿嘅魚湯未食魚先飲下湯先，個湯好清甜，魚香味濃郁跟住再食條魚，問咗個伙計話係紅鮋，正呀又係我至愛肉質新鮮又嫩滑，正梅菜扣肉煲 $89扣肉好爽口，鬆軟可口，配合酸甜的梅菜加埋感覺個味道又無咁濃，又開胃咗，恰到好處涼瓜菜甫肉碎煎蛋 $59有朋友覺得個涼瓜苦左啲，但我又覺得OK，瓜煮得夠諗，蛋都煎得夠火喉，唔錯咁又一餐，朋友都算無介紹錯

是咁的，話說我有班朋友好鍾意去金記食早餐，我一直想試，但早餐我通常都食唔到的。碰巧尋晚打算去附近飲野，諗住打個底，於是去左金記食晚飯……金記環境是有特色的，行懷舊路線，睇餐牌都幾多元化。由於只是打個底，我同朋友每一叫左個晚餐Share食---一個海鮮炒飯加一個焗菠蘿豬扒飯，呢兩樣野理應穩陣，要整得難食都幾難。今次真係百年難得一遇，兩樣野都難食，主要問題係-----濕。炒飯是濕的，不是乾身。最離譜係個焗豬扒飯，焗完都好似燴飯甘，搞到食得好無癮。大家都係去食早餐好了……

煮嘢食對於我來講冇乜難度，媽媽成日讚我有天份，好多野諗到就會做到，記得第一次係屋企煮飯， 我嫲嫲仲喺度笑，20幾年都未煮過嘢食睇佢今晚都無得食。點知煮出一手美食，連90幾歲嘅嬤嬤都驚嘆。不過有啲嘢我永遠都煮唔到，我最驚係生劏生物，我唔知點樣去整死一隻蟹，或者點樣去劏一條魚，我一個拿手好菜，係炒花甲，每一次整呢個餸嘅時候，我會望住d 花甲，不停講對唔住。朋友們都會笑我癡線。所以整新鮮海鮮絕對唔係我嘅專長，但我也好喜歡食海鮮，朋友介紹我來荃灣嘅金記，重申一定要係荃灣嗰間，因為呢一度可以喺樓下楊屋道街市買好了想來加工。價錢仲抵到喊。一間係暫時最大嘅金記冰室，裝修係我最喜歡嘅懷舊風，連燈枱地磚全部都懷舊風格。好似返返去70年代。知呢度會唔會俾人攞嚟借拍戲呢？我哋今次點左蒜蓉粉絲蒸象拔蚌仔，做功真係拍得住酒樓，粉絲用上彈牙的真粉絲，唔會將貨就價。蒸得剛好，仲有洗得乾淨。我好鍾意食蒸排骨，一個同我相識好多年嘅好朋友都知道，每一次上去佢屋企食飯二話不說排骨啊唔該。呢度嘅梅子蒸排骨同樣出色，梅子醬味道香濃，晚市套餐份量都好足夠。金記嘅雞煲好出名，價格平，質素高，唔係剩係得啲油咁簡單。而係醬料美味，雞肉

居住荃灣，美食一向多，但放工時間，都是光顧茶記多，但晩晚如是，果真有點厭了，突然一天發現，新開了一家金記，便立即決定嘗嘗，是否和上環的一間同樣水準門面非常隱蔽，如果不是途經，也很難找呢晚餐來說有點點貴，但最緊要好吃點了沙嗲金菇肥牛煲沙嗲不咸，香味濃，用沙鍋上，份量十足是次因為上有約會所以怱怱吃了，但吃得出與上環今記一樣保持水準。但值得一讚的是我最愛奶茶沒有像一般餐廳過甜茶味十足。雖然這篇食評很短但因為希望多點人留意這些舊式餐廳

星期日早上和家人到荃灣金記冰室嘆個早餐，早上9點半來到，不用等位直接入坐，餐廳不算人多，分別點了雪菜肉絲米、沙爹牛肉麵、波蘿油、熱奶茶、凍檸水。雪菜米米粉尚可，沙爹牛肉肉質麻麻地，兩者份量也不多不太包肚，反而波蘿油很鬆化很不錯，奶茶不過不失，跟餐的多士亦很鬆化新鮮，整體一般啦！因價錢也不便宜。

早前相約在荃灣居住的友人食飯, 友人告訴我, 荃灣也開了一間金記冰室, 特別之處可以食雞煲和海鮮. 對於偶然會幫襯金記的我, 的確有點驚訝, 冰室也有得食雞煲和海鮮, 決定去試試. 天氣炎熱, 坐下後, 第一時間點了一杯凍西班牙咖啡, 解一解喝. 咖啡面放滿了我最愛的忌廉, 而咖啡中還有一球雪糕. 忌廉夠幼滑, 而咖啡味道適中, 夠香, 咖啡味不會過濃, 啱晒我的口味. 友人知道這裡可以自購海鮮, 再交給店加工. 友人買了鮑魚, 我地選了果皮蒸, 加工費為$48. 另外, 點了香辣雞煲半隻, 由於我不食得辣, 我地特別要求走辣. 雞煲上枱, 香味撲鼻. 雞肉夠嫩滑, 而且味道調教適中, 幾惹味, 令人食不停口. 再來是果皮蒸鮑魚. 鮑魚處理得宜, 鮑魚時間控制剛剛好. 肉質夠彈牙, 又夠稔身, 完全不覺得硬. 來到冰室, 怎樣也要點一款小食, 我地選了流心法蘭西多士. 法蘭西多士食得多, 流心就首次食. 先切開西多士, 見到奶皇流心. 味道幾香, 甜度又適中.

之前食西環食過既金記冰室, 出晒名係老字號估唔到宜家連荃灣都開左分店, 當然要黎幫襯下! 呢度個環境比西環舊店好好多, 不過個感覺已經唔似係舊式茶記好似冇左茶記果種味道..Menu一如以往用乒乓球拍造型示人, 都幾有特色既~黎得茶記當然要食返同飲返香港人既特定野食沙爹牛肉公仔麵 配 火腿奄列 + 油多 $36價錢係宜家既香港算係中價, 回想果時食個早餐都係二十蚊頭宜家真係再冇呢支歌仔唱幸好沙爹牛肉都幾香, 食落個味道整體都唔差, 保持到水準火腿奄列 & 油多都唔錯當然唔少得一杯冰凍既凍奶茶! 解解溫仲可以飲到奶茶既香濃口感, 呢個早餐真係爽YY!

老婆大人去荃灣食晚飯，話要食懷舊嘢喎！咁咪同佢一齊去荃灣既新開金記。雖然係後巷啲位，但又唔算難搵。我又係地膽，好快就搵到啦！呢度有唔少懷舊飲品，今次飲返杯黑牛先！咩係黑牛？咪就係朱古力雪糕加可樂囉～～食晚飯都見好多枱人點咗蛋撻喎！咁我又唔執輸點返個！好彩點得快，得返最後一個，正！呢度係曲奇皮既蛋撻，唔會好甜，而且夠晒蛋味！乳鴿，仲要紅燒膽皮！你話正唔正！仲要好入味下喎！而且入味，連骨都咬到，唔使點嘢都夠晒味！個皮夠晒脆，啲肉又夠晒妜，火喉剛剛好呢～～估唔到，茶記都有得食雞煲。兩個人食埋呢個半隻雞既雞煲都夠晒飽啦！雖然無麻辣得好勁！但夠晒香！而且人好入味添呢～～啲雞都好夠嫩滑！

座落於楊屋道街市旁的金記冰室， 有兩層高， 坐位非常之多，應該坐到超過百人下層係賣新鮮麵包及飲品，哇，睇落好香噴噴上面設有多個卡位，亦有大圓枱房，裝修以大排檔作招來， 每個座位上都設有電子爐，聽待應話因為e度出名雞煲...當然要一試香辣雞煲(走辣)  半隻$128、原隻$198今日得二個人食,我只叫左半隻,但半隻份量都比出面多,...可能係雞比較大隻..我好欣賞雞煲個汁底,個汁底好夠味, 叫個飯一齊食一流有d 遺憾既係由於新開張, 仲未有火煱配料等食材提供..個汁只能送飯食自來海鮮加工...加工費$52楊屋道街市出名買餸平, 見e間金記可以自來海鮮加工,都特意買桶蠔過來.穌炸桶蠔個粉漿做得幾好, 師傅炸到個外皮好脆 而又保存度蠔既肉質, 好味....好少地方有既樽裝麥精..$15

原來荃灣都開左間金記今日家庭日，屋企人約左喺度先知，呢度裝修好有老香港感覺，而且菜單、調味架都用上乒乓球拍和瓷器，十分別緻。看看呢期推薦有好少地方飲到既薑蜜，立刻要試試啦。今日滿額仲送燒鵝，皮脆肉嬾。家人就叫左雪糕紅豆冰，黑牛，大大杯份量足，唔錯。沙嗲金菇肥牛煲肥牛多，送飯好好味。而最普通反而最睇得出水準之作就係咸魚雞粒炒飯。飯粒分明，火喉岩岩好，唔會油膩，雖然好大碟，但大家都好快食晒。至於想食菜就一定要叫西蘭花炒帶子，帶子好軟唔會黏牙，加上西蘭花非常入味，好好食! 仲有星洲豬扒，我個人好中意食豬扒，但出面食好多時硬得黎又多骨易中伏，呢度就冇叫錯，醬汁調較得好惹味，肉質軟身，可以大啖食!好推薦!金記冰室以前得港島區先有，依家新界區都有，有機會可以多d黎試埋其他菜式呢