金記冰室 (已結業)

老婆大人去荃灣食晚飯，話要食懷舊嘢喎！咁咪同佢一齊去荃灣既新開金記。雖然係後巷啲位，但又唔算難搵。我又係地膽，好快就搵到啦！呢度有唔少懷舊飲品，今次飲返杯黑牛先！咩係黑牛？咪就係朱古力雪糕加可樂囉～～食晚飯都見好多枱人點咗蛋撻喎！咁我又唔執輸點返個！好彩點得快，得返最後一個，正！呢度係曲奇皮既蛋撻，唔會好甜，而且夠晒蛋味！乳鴿，仲要紅燒膽皮！你話正唔正！仲要好入味下喎！而且入味，連骨都咬到，唔使點嘢都夠晒味！個皮夠晒脆，啲肉又夠晒妜，火喉剛剛好呢～～估唔到，茶記都有得食雞煲。兩個人食埋呢個半隻雞既雞煲都夠晒飽啦！雖然無麻辣得好勁！但夠晒香！而且人好入味添呢～～啲雞都好夠嫩滑！