金田家 (已結業)

金田家愈開愈多分店，連元朗呢個大西北地方都有。除咗彩呢間咁高質嘅拉麵之外，元朗人有第二個選擇啦！呢個商場泊車都好平，＄15 1個鐘，而且金田家個位置超近泊車位，可以一泊完就入到去金田家，勁方便！第一次食係商場入面開嘅金田家，環境舒適，有落地玻璃望外面花草，座位有四人座位、吧枱同多人座位揀，自助形式斟水柚子辛口拉麵，加左溏心蛋、木耳，湯底真係有淡淡既柚子味，成件事清新左，啲柚子辟走啲油膩味。加木耳做配菜就可以豐富每啖既口感～ 至於呢到既溏心蛋真係必食！蛋白至蛋黃都入哂味👍🏿 黑豚叉燒唔韌，脂肪均勻，每一口都有油香黑松露拉麵，加左溏心蛋、自家製辣醬，朋友覺得個辣度可以再勁啲，見到都驚🤣 黑松露味好出，啖啖都有陣香味男爵薯餅👍🏿 有紫薯栗子同牛肉味，新鮮熱辣上菜，配好大堆日式沙律醬，點既時候唔洗就住就住。特別鍾意牛肉味～ 因為陣肉味好出好夾啲薯蓉！可爾必思好fresh，怕膩既朋友必點呢個飲品！甜甜地，有氣，飲落特別舒暢😌煎茶個盆幾有趣，上面個蓋同時都係個茶杯，可以自己斟茶黎飲，幾過癮

這天特意來到元朗，本想試試網上蠻多人稱讚的一間放題，可惜才七點鐘，店外己經排滿了人，於是便打消了這個念頭，想吃日本菜的意慾卻不減。翻了翻OPENRICE，幸好找到這間在同一商場的拉麵店，才能一解嘴饞之苦。遠遠己能看到「金田家」大大的招牌，門面是開揚的，從外面已能看到整個店的結構，面積挺大，也能看到不少顧客一家大小在用膳，嬰兒車也能穩妥的放在桌子旁邊。一如日本的拉麵店，一張簡潔易明的點餐紙已能記下所點的所有菜餚，拉麵、小食、飲品、甜品、拉麵追加等，不用怕叫菜時有何口誤以致上錯菜。拉麵選擇挺多，好不容易挑選了這款──柚子辛口拉麵，酸辣並重，感覺上是口感刺激的一款拉麵，還追加了木耳和溏心蛋一隻。餐牌上的圖片都很吸引，用料蠻多的樣子，亦有清楚列明拉麵裡有的配料，例如我選擇的口味配料有黑豚叉燒、芽菜、紅洋蔥、紫菜和青蔥，讓客人清楚知道點的拉麵裡有什麼食材，有不吃的也能預先告知店員。等了大概十分鐘左右便煮好了。顏色沒想像中那麼「辛口」，看似平凡的一碗麵，其實精萃就在於中心的辣椒醬。湯底是豬骨湯，濃郁香醇，帶著微微的柚子清香，混合了辣醬後，辛辣的味道令湯底更上一層樓，如針扎的感覺刺激著整個味蕾，無比

雖然話元朗真係多選擇，不過朋友對拉麵情有獨鍾，今次特登搵拉麵餐廳，見到有金田家所以專情去幫襯，誰知係YoHo Mall行左勁耐先搵到！遊完一個大花園，到底係我路痴定指示唔清晰~.~之前未食過，決定揀返個基本既黑豚拉麵試真章，揭揭下餐牌見有兒童豚骨拉麵！有齊所有野喎（包括溏心蛋、木耳、仲有叉燒）勁吸引呀~~細食分量嘅女仔啱曬，不過唔知大人可唔可以叫呢....先上蘋果汁，不過不失，解解渴都唔錯。然後主角出場啦--黑豚拉麵！湯底十分濃豬骨味，唔知係咪都要煲十幾鐘先有嘅精華呢？！難怪可以係拉麵界站穩一席位，硬嘅麵身咬落爽口彈牙，可以媲美其他名牌拉麵店！黑豚肉叉燒肉質唔“鞋口”，大部分係瘦肉位置，可能我鍾意食肥膩位置多啲（哈哈）。追加嘅叉燒同黑豚係凍嘅，相信係expect你擺入湯浸熱佢，呢隻叉燒有啲似東坡肉感覺，啖啖豬油酥香，肥膏位置入口即溶，係燜得好靚既五花腩~~~臨走時見到門口有個太鼓，唔通係俾客玩？原來係之前門口侍應職員用黎通知店內職員有客到，可能係一個歡迎儀式？！希望之後佢地會恢復返傳統啦

行完商場想食拉麵，就諗起金田家，可以邊嘆住冷氣邊等位。黑豚拉麵每次來食都必定會叫既拉麵，因為黑豚肉真係好食，肉質腍軟又唔會鬆散，而且豚肉味道濃郁，厚度適中，份量亦多，鐘意食肉既人岩晒。湯底方面，豬骨湯味道濃郁，濃稠度能容易掛在麵身上，每啖都可以食到湯底味道。麵條方面，個人喜好選擇硬身，因為呢度會煮得偏向腍身。溏心蛋亦都必定會追加，醃得好入味，蛋黃又夠流心，水準保持到不錯，好食！雞白湯豚骨拉麵湯底除左有豚骨濃郁味，亦有雞湯清甜味道，兩者都好配合。麵條是曲麵，形狀比較特別，好似即食麵咁，除左口感彈牙外，能掛到更多湯。腩肉叉燒脂肪比較多，入口好腍好香口，而且係厚切，比黑豚肉個款又另一味道與口感。整體水準都唔錯，最緊要大熱天時都唔會食到身水身汗，下次想再食拉麵時會再去食。

位于元朗形点的这家金田家还是不错的，排队不像铜锣湾店那么夸张，因为是在比较新的商场里，环境比铜锣湾店好不少。进店做好，看着环境挺有特点的，小细节上挺用心。点了柚子辛口拉面+糖心蛋，上菜速度挺快。汤底混着柚子味儿算是特色吧，辣度一般般，应该大多数人可以接受。面的分量有点少，各种配菜的味道还可以，在香港算是口味中等偏上的一家日式拉面。逛街的时候解决便餐挺好的选择。服务态度还可以吧，店员大都比较积极，买单支持现金和八达通付款。

今日同女朋友特登入左元朗睇戲，我一向都好鍾意食拉麵，所以就去左戲院附近食呢間金田家！望落去環境都幾好，雖然細細地，但係十足日本嘅拉麵小店，我地就揀左旁邊吧枱坐，夠哂風味！食物方面就揀左黑松露醬拉麵，同埋柚子辛辣拉麵呢兩碗較特別嘅款式，食落去味道都唔錯，配埋追加嘅豬肉叉燒，真係食落去啖啖都係肉！除此之外，仲叫左個芝士年糕，雖然creamy不過都唔太濟！可以一試~~Drinks就叫左可爾必思，我自己就勁鍾意啦！因為係乳酸黎架，仲可以揀果汁、酒或者汽水，所以都幾多選擇，下次會再去食架！

—濃豚骨拉麵本身諗住用klook有8折,去到原來有下午茶餐: 拉麵+小食+飲品計落好似抵啲?!湯底唔算濃 麵屬幼身腩肉叉燒就比較出色 軟腍得嚟又冇膩嘅感覺另外加咗溏心蛋(+$14) 有啲流心但冇我鍾意味醂醃過嘅味小食唐揚炸雞2件 應該即炸?!外層頗香口 啲肉好嫩多汁飲品可以揀:茶, 果汁, 汽水枱頭有2款前菜同檸檬凍水, 醃薑唔錯——————————————————————$55 + $14 設加一服務費金田家元朗元龍街9號形點一期1樓1023號舖

平日見到間嘢一碗麵已70幾蚊，平時唔會試。但今日肚餓見依間拉麵店有下午茶，45蚊至55蚊包飲品，所以走內去食。我叫咗55蚊的麵餐，有麵，小食(炸雞)，同飲品。我叫咗豬骨湯拉麵，有好多木耳，入味，彈口，好好味。但湯麵的紫菜，我無即食，等咗一陣，塊嘢已沉底，淋咗，唔好味。半肥瘦肉片有幾塊，細細的，唔係好夠食，但好香，如果多幾塊，大塊 d 就好了。麵幾好味，店員有提有咩硬度。服務態度幾好。雞塊炸得好好味，好大件，多汁。

位於元朗的金田家，是一間曾獲多次第一名的九州拉麵店。這天跟好朋友慶祝生日，她喜歡清淡但足味且不膩的拉麵，九洲的拉麵就最適合她了。黑松露拉麵$108+溏心蛋$14+黑豚叉燒$33不知日本有沒有這碗拉麵，是港人最愛的黑松露，配搭日式拉麵哦。呈上時便傳來濃濃的黑松露香，非常吸引。松露份量不少哦，拌勻在湯，湯頭更鮮更美味，跟木耳很合配哦。溏心蛋永遠是必點食物，特別是金田家的溏心蛋，質感滑溜，蛋味濃香，必食阿。拉麵是直身幼麵，掛上湯汁，很美味哦。唐揚炸雞$35炸雞一客多件，每一件都肉厚肥大，外皮炸得脆香，皮肉脂肪豐富，一咬肉汁滿溢，超級推介阿！

媽媽實在懶於煮飯，所以今晚直接去金田家吃碗拉麵作晚餐，由於我整天都沒吃東西，我在來金田家前已跟媽媽說要吃超多叉燒的黑豚拉麵，至於媽媽病還未痊癒，她不能吃辣的，故選吃黑松露拉麵。黑松露拉麵湯頭的關鍵在於火候和時間的控制，豚骨湯加入黑松露油更能呈現松露細緻的口味，濃厚的豚骨與清新的松露衝擊力道，扎實彈牙的麵條挾帶湯頭跟松露的香味，令人食指大動。另外，我們還額外加配木耳，粟米作拉麵的配料，媽媽說不能只吃叉燒，也要吃粟米，木耳這些蔬菜平衡健康，而且金田家額外加配的配料都超足料抵食。黑豚拉麵看起來醇厚的豚骨湯頭，喝起來卻是舒服順口，豚骨湯底是金田家的重點。濃郁的豚骨湯周邊擺放的蔥花與木耳，點綴恰到好處，為拉麵帶來清爽感。黑豚叉燒肉入口即化，就連用筷子夾起來都有可能不小心給它夾散，叉燒肥瘦平均，加上有點炙燒過，豬肉香甜味更為顯現。我們都很喜歡吃金田家的溏心蛋，淡啡色的蛋白，中間蛋黃還是半熟的模樣，吃起很軟嫩很甜美，拉麵果然不可缺少溏心蛋。男爵薯餅相當驚喜，男爵薯餅表面炸得金黃酥脆，內餡充實，當媽媽咬她的薯餅，她說她的口味是鹹的，我問不是甜的嗎，我再看看，原來媽媽吃的是薯餅，我的是栗子紫薯餅，難怪口

帶住小朋友，小朋友提議想食拉面。形點餐廳有好多，但我諗主打拉麵既，只有金田家呢一間餐廳以簡單，自助為主。要咩自己剔，之後就可以交比職員，一共有九款拉麵可以揀。落單之後，就可以飲下水，食下啲前菜等下啦煎茶煎茶本身唔特別，特別在個杯既設計，好玄好日本小朋友order既蘋果汁拉麵未黎已經吧吧聲飲晒激辛拉麵激辛拉麵配有粟米，辣肉碎，腩肉叉燒。雖然係激辛但都唔會太辣，唔食得辣既都可以一試。肉碎非常入味，攪均湯底，面，肉碎，湯底一齊食非常美味！拉麵同蔥都揀左正常，覺得好適合我既口味腩肉叉燒係半肥瘦，肥肉位入口即溶，瘦肉位夠淋易咬，好正！黑豚拉麵黑豚拉麵碗邊有好多黑豚叉燒。黑豚叉燒比腩肉叉燒瘦，但比腩肉叉燒更淋更入味更易咬，所以真係各有千秋！湯底係好重味既豬骨湯底，足料到甚至似廣東既豬骨湯，小朋友好鐘意呢個湯底，湯底都飲晒！追加既腩肉叉燒追加溏心蛋超正！中間溏心唔會太生及熟，好似啫喱甘岩岩好！而且溏心蛋用醬油醃製過，就甘食都好好味！唐揚雞塊即叫即做，上到檯熱辣辣，好香口。粉唔厚，雞肉好鮮，咬落有汁，一啲都唔乾唔硬易入口！份易好多，二個大人一個小朋友都夠食！專心做拉麵既店，拉麵果然有信心既保證，之後先

呢間金田家o係YOHO mall 比較入o既一個位置，在場所見無咁多人輪候中，所以就食o左呢間。其中一邊有落地大玻璃，如果日o抖o黎食景觀應該會好開揚幾靚。每人叫一個拉麵簡簡單單，佢賣九款唔同o既拉麵。我點o既黑豚拉麵加溏心蛋($98+$14 未加一) 首先想講d 肉o既份量超多，比同檯其他人都要多，犯晒規！呢隻係隻黑豚叉燒啦，根據menu 係豬肩肉。就咁食可能比較乾身少少，但因為個湯底都幾濃稠厚身，浸一浸之後吸o左d 油份，就會變得腍d o岩o岩好。麵底佢有四個硬度揀，我揀o左「硬」，very good，而家係個比較幼身有咬口唔會一pat o野o既質感，我鍾意呢隻軟硬度。另外加o既溏心蛋真係好正，我好多篇食評都提過溏心蛋，但呢個係by far 最好食的，特別在佢有調過味，可能醃製過所以顏色較深色。睇番menu，佢中文無明示，但原來日文列明o左係「味付け玉子」！跟住呢d 係其他人叫o既拉麵，仲有加餸大家share 食咁。黑松露拉麵($108) 我試o左少少松露醬，份量少少但香味已經好強。白色一片片o既係外加o既腩肉叉燒($20/4片但佢俾o左5 片)，亦都可以叫以佢主o既拉麵。佢自身o

由於本人係個拉麵控，知道金田家響香港都開左好一段日子，但平日見到銅鑼灣果間金田家多人排隊到傻，今次係元朗見到得五六個人，終於可以有機會試下！我叫左個柚子辛口拉麵，本身聽個名覺得伏伏地（唔知點解🙈），但食落個湯底係好有驚喜，啲柚子味係意外地同個湯底好夾，同埋佢係真係有啲柚子擺左入，食落係幾fresh。但可惜既係個麵既質地就比其他日式拉麵店稍遜，食落口感唔夠彈牙。依個係我朋友叫既，佢都覺得湯底佢係整得幾好，但麵係麻麻地。

實不相瞞我呢期成為咗金田家忠粉， 因為佢個黑豚拉麵98蚊就有好大個麵底，仲有五大片豚肉，我覺得真係全城至抵！ 不論紅磡店或者元朗分店我都好鍾意幫襯！金田家元朗店地方夠大又夠光猛開揚，坐落幾舒服。不過星期六日午市都要等下先有位，好鬼旺場。一坐低有大大渣凍水任你自由飲，好方便，似足日本做法。呢排熱返就食返個正統日式沙律，北寄貝海鮮沙律， 有薯仔有海鮮有粟米仲有唔少新鮮蔬菜 ，凍凍地酸酸地開開胃！我最愛的豚肉拉麵98蚊， 我今次唔夠靚仔，所以都係得正常五大片豚肉，不過數量已比某啲拉麵店多幾倍。我自行再追加多隻糖心蛋。 湯底夠濃但又飲完唔會口渴。食肉獸之我又再追加叉燒飲得水多淡淡地，都可以叫番兩杯果汁，有蘋果汁同橙汁

今日同行嘅朋友住元朗，佢推介我黎食金田家，試下地道既日本拉面。我地入到門口見到已經淨番幾個位，好彩唔使等位。 餐牌上有多款好吸引嘅拉面，我哋諗左陣，就嗌咗個柚子辛口拉面(我食嘅)同埋激辛拉面。我食既麵裏面有黑豚叉燒，芽菜，紅洋蔥，紫菜同埋青蔥。鍾意食辣嘅朋友，柚子辛口拉面係一個非常好選擇。辣味惹味，但不會過分地辣！麵係幼身麵，份量足之餘亦非常掛湯，正！黑豚叉燒肥瘦均勻，食落唔韌，另外我加左份腩肉叉燒同埋流心蛋，腩肉叉燒又大塊又軟滑，有少少入口即溶既感覺。而流心蛋處理得好好，流心之餘，調味亦恰好，仲有個紅洋蔥，非常爽脆。而且湯底有濃郁柚子味，食落非常香口同過癮，與各配料融合得非常好。之後我地點左款小食，叫男爵薯餅，一款係紫薯栗子而另一款係牛肉味。紫薯味夠濃，但又唔會掩蓋栗子味，比例岩岩好！而牛肉都好香，入口都不至於好油膩，真係唔錯！飲品方面我叫左可爾必思，可爾必思冇溝左水既感覺，十分滿足。最後，我同我個朋友食完之後都覺得非常滿足，值得推介。