金田家 (已結業)

一入去店舖，店舖裝潢很有日本味道，店員都很親切，會好心提醒我們。而且環境乾淨，外面的人看到廚房的運作，會看到廚師煮拉麵，看得岀每一位廚師都好有心機會煮每一碗拉麵。醬料有七味粉和芝麻，我加了芝麻下去，芝麻好香，濃郁到我以為是芝麻油，不怪得我見到每一位食客都加下去，令到每一啖都會吃到芝麻香味。一上到黑松露拉麵，就有好重黑松露味，在叉燒上已經有一大匙的黑松露，果然是真實材料！之後每一啖拉麵都有黑松露味。配料有紫菜、木耳和葱。最值得讚賞的是木耳，十分爽脆，令到每一啖都有不同口感。而溏心蛋入面是十分流心，整個蛋都有滷水味，蛋白好軟熟。拉麵的麵底十分多，一定會吃到好飽。之後唐揚雞塊每一舊都好大塊，啖啖都吃到肉與肥膏，入面十分濕潤不會太乾，另有沙津醬和檸檬，令到雞塊吃下去不會太寡。

話說今日同男朋友入去元朗睇戲，佢話想食日本菜所以順便去咗戲院隔離嗰間金田家到食晚飯。環境幾闊落，我哋揀咗坐側邊！因為晚飯時間都幾多人食。拉麵有10款， 我就揀咗柚子辛辣拉麵，因為呢個係廚師推介，而且我個人有好鍾意食辣加埋柚子嘅拉麵，酸酸地勁開胃嘛！拉麵嘅軟硬程度同蔥嘅份量可以自由選擇，而且仲可以追加toppings。最好嘅係佢仲有好多小食同飲料俾我哋選擇。 我叫左一碗柚子辛辣拉麵＄98，價錢唔算太貴，因為有三塊黑豚叉燒，每塊都好似拳頭咁大塊，而且唔肥膩入口既溶。拉麵入邊仲有好多芽菜紅蔥頭同蔥做配料，湯底唔算辣，仲酸酸地好重柚子味。我仲加左$14追加流心蛋一隻，簡直一流！toppings我仲追加左一碟豬肉叉燒＄20有四塊，瘦肉再加少少肥肉，咬落去口感一流，真係食過返尋味啊！另外我仲叫左一碟芝士年糕，一咬落去即刻流晒嗖的芝士出嚟，勁creamy 而且唔會濟，yum yum!好想食多幾碟，但$38得三粒。最後我仲叫咗一杯可爾必思，見個名奇奇怪怪所以想一試，發現原來只係乳酸，哈哈！不過都幾好飲，下次去試下啲酒先~~

今日去開元朗睇戱， 睇完之後再次到金田家九州第一拉麵，反正未食晚飯， 入去食個優質拉麵先， 「金田家」已經有好多年被Tabelog評定為「最佳福岡拉麵店」第一名了。 店內光缐充足，地方舒服， 以淺木色為主，掛著球體嘅燈飾， 非常別緻。 優質嘅拉麵專門店， 當然可以選擇適合自己嘅配料， 甜品、小食、和拉麵軟硬度等啦。我叫了《柚子辛口拉麵($98》， 拉麵最重要有香濃而美味湯底， 豚骨湯肉味濃厚， 沒有味精，鮮味十足，加入柚子，湯底變得更加美味和附有清新果香， 辣醬嘅辛香變得更加惹味，亦唔會搶去豚骨湯的味道，真係做得好好。 我選了普通硬度嘅拉麵，拉麵富有彈性， 煙韌度十足，稔度適中嘅湯令到每一條麵都粘著豚骨湯，再加上爽口嘅木耳、 蔥花 同京蔥等，入口非常惹味，食落完美。加咗一份黑豚叉燒同腩肉叉燒， 兩者都好好味， 腩肉叉燒比黑䐁叉燒肥美， 多了一份油香，入口香滑亦不肥膩。有個最愛嘅《黑松露拉麵$108》，獨特而濃郁嘅香氣， 使我迷到， 奶白色嘅湯底加上黑松露醬是特別嘅搭配，嫩滑嘅黑豚肉， 入口鬆化， 真係高水凖之作。 大家都追加了《日式溏心蛋， $14》，糖心蛋整得好好， 廚師掌握時間啱

星期六到到都多人，今次20:15左右黎到，排左15分鐘左右就入座，都ok，未入去就有menu紙比我地劃定order，簡左個激辛拉麵同柚子辛辣拉麵日本人對激辛既定義同香港人不嬲都唔同，佢地既激辛，其實都係小辣咁上下，不過都算惹味，加左隻溏心蛋，蛋黃半熟，少少流心，豚肉同麵都唔錯另外仲叫左柚子辛辣拉麵，柚子味... 老實講就唔出眾，辣味就真係得少少，但個湯唔算太濃太鹹，都可以接受，呢碗都加左溏心蛋，不過影相個陣食左，另外仲加左5蚊要多蔥蘋果汁同可爾必思都係杯上，份量唔算大杯，總括黎講都OK。

服務費成10%咁貴，都夠買多樣野食，擺明叫啲客唔好叫咁多野食。服務又唔好，飲杯野飲要走冰又吓人，叫野食又漏單，收錢又無人收，淨係識吹水。收咁多服務費做咩。味道又係一般，唔好去阿信屋自己買自己煮仲好。

約媽媽一齊食lunch! 成日晚飯時間見好多人排隊...好想知係咪真係咁好食今次終於有機會啦...因為我地去食個時已經三點幾，冇人排隊，好快就入坐。我叫咗個柚子辛辣拉麵，本身我好中意食柚子味嘅野，但係我覺得呢個味有少少奇怪，可能真係唔啱我口味。而麵質我叫咗硬身，有少少咬口，幾好。肉方面都幾多，肥瘦一半一半，食完真係飽到飛起媽媽叫咗豚肉豬骨拉麵，湯不是想像中的濃，但食完都幾滯咗吓。媽媽覺得啲豚肉太肥，食食下有少少膩，差少少就食唔哂

自從多年前在東京，大阪吃過好味的拉麵後， 一試愛上。現在拉麵在我的日常生活中，其重要位置漸漸地追上米線。 今日又去了我喜愛的金田家止癮。其中一個我喜愛金田家的原因就係佢收得呢個價錢，但畀得起質素同埋份量，拉麵的份量大，叉燒大大片，唔似某啲店，成百蚊一碗拉麵，份量少又得2片肉仔。除左拉麵同叉燒，配料都唔少架。養生黑木耳，7蚊大大碗，i recap， 真係好抵加。這可樂說中了我的新年願望，i love you my Coke。唔飲汔水都可以飲下apple juice！溏心蛋係我食拉麵必加,14蚊就有一隻開2半。薯餅炸得香脆而且有2味，一鹹一甜，幾得意嘅。地點太方便，就係yoho一田附近，每次食飽飽又有能量去濕平。

很喜歡吃日本拉麵，每逢有新拉麵店開張，都會去光顧，這天難得在元朗，便到這間金田家。一貫日式拉麵店風格，我喜歡坐在Bar 枱，邊吃拉麵邊欣賞師傅烹調，吃的師傅一番心意。雞白湯豚骨拉麵未吃已聞到雞白湯的香氣， 拉麵是曲麵來的，掛湯一流， 每一淡都有濃香的豬骨和雞湯味，兩者味道配合得宜，完全沒有違和感。叉燒呈半肥瘦狀態，入口即溶。糖心蛋色澤鮮艷，呈半熟狀態，具蛋香味。黑豚叉燒相比普遍叉燒，黑豚叉燒瘦肉比例高，豚肉味更濃。可樂飲完這罐可樂，勁爽

我同男朋友係yoho行完街睇完戲就去左搵野食，今次就揀左係yoho既金田家。太肚餓既關係，我地一坐低就即刻點野食。 拉麵方面，我地揀左一碗黑松露拉麵同一碗柚子辛口拉麵。由於我地都係食肉獸既關係，我地都再追加左一人一隻溏心蛋同腩肉叉燒、黑豚叉燒各一份。一黎到，好香好香既黑松露味，一大羹既黑松露醬，我試左一啖個湯，味濃得黎唔會好鹹，怕鹹既我都可以飲曬個湯！另外果碗柚子辛口味我地都好鍾意，fresh得黎帶小小辣，好惹味。值得一提既係隻溏心蛋，好入味好正，建議一定要加返隻黎食。叉燒都唔錯，跟拉麵上既係黑豚叉燒，但我更prefer腩肉叉燒，切得好薄身好好味。小食同飲品方面，我地叫左唐揚雞塊同兩杯可爾必思。本身以為雞塊個量唔多，點知黎到好大件個量都唔少，我地倒左dd七味粉落去，食落去同d沙拉醬好夾，個雞都炸得勁脆，雖然已經有d飽但係都冇後悔嗌左。我地都鐘意飲乳酸類既飲品，所以都係揀左飲可爾必思，雖然唔太大杯，但係杯野唔太甜好好飲，似係日本既益力多，酸酸甜甜咁即刻冇咁膩。 值得一讚既係落單後好快就有得食，肚餓既我地唔洗等好耐就有野落肚，下次睇完戲行完街都會再去！

星期六同女友拍拖去行元朗yoho mall, 行到6點幾都幾肚餓，喺商場入面既餐廳都比較貴，去到金田家見到d野食都幾好，重點係價錢相對同場餐廳較經濟實惠，雖然都要排，不過又未食過呢間拉麵店，就決定留喺度醫5 臟廟！餐廳貴精不貴多，提供8種拉麵款式，樣樣都有各自特色，加上配菜既配搭可以有千變萬化！要特別留意既係跟拉麵既肉有分腩肉叉燒同黑豚叉燒兩種，腩肉叉燒有肥肉比較細片，一口剛剛好，黑豚肉比較大片，啖啖肉，亦非常軟稔！兩種都各有特色！ 如果想兩種都食晒，可以另外加配！我就叫左個辛子黑蒜拉麵+ 溏心蛋，辛子即是芥末的意思，我仲專登揀左拉麵要硬身一點，測試一下廚房既技術，餐廳送餐速度令人滿意，落單到上檯大約7 分鐘左右！黑蒜味濃郁，湯比較'杰'身，足夠掛麵，每啖麵都有濃郁既黑蒜味同少少辣味，十分開胃醒神，拉麵亦做到硬身，有咬口，證明廚房功夫不俗！特別要讚下個溏心蛋，真係做到溏心，而唔係流心蛋！蛋黃生熟程度處理得宜！叉燒軟稔，入味，肥瘦適中，索埋d湯汁雖然有少少'漏' ,但令到本來少少甜既叉燒多了份層次感！女友叫左個柚子辛口拉麵，柚子味濃！加上有少少辣，口味獨突，甜中帶辣，個湯係我未試過既味

終於食到呢間九州第一拉麵店---『金田家』啦! 好食嘅野緊係要寫出嚟share比大家啦!本來諗住早d到唔使排咁耐，我地大約6:35pm去到，前面已經排咗十幾人，不過都好快輪到我地，等咗唔使20分鐘。我有選擇困難嘅我，係門口排緊隊時已經研究咗好耐食邊樣好，最終我點了黑松露拉麵 追加1隻溏心蛋同埋芽菜，而我朋友就點了雞白湯豚骨拉麵 追加1隻溏心蛋、4片黑豚叉燒。另外再點1個北寄貝海鮮沙律share同埋兩杯果汁。黑松露拉麵一送來，陣陣黑松露香味隨即飄入臭覺，黑松露是以平時我地去酒樓常見嘅匙羹1匙滿嘅份量直表放係叉燒之上，都幾有霸氣。食拉麵嘅第一指定動作係…飲淡湯先~ 平時食拉麵，我普遍都覺得湯頭偏咸，成日要飲水，呢個麵嘅湯色好濃，但飲落去…正是我想要的咸度。叉燒夠林，好味。溏心蛋就是恰到好處的滑溜。追加的芽菜係分開上嘅，面頭仲有d黑胡椒碎，又幾仔細wor｡差d唔記得講d麵，佢地嘅拉麵比較幼身，有得選硬度，我點嘅係軟硬度係：普通，確係不林不硬wor。至於朋友嘅雞白湯豚骨拉麵，腩肉肥瘦均勻，配以清甜雞湯，大大減低致肥嘅罪惡感。追加嘅黑豚叉燒一d都唔縮水，同我碗拉麵嘅叉燒size相若，朋友食到 l

最近喜歡行元朗的商場 YOHO MALL 形點，下午時段經過見到門口餐牌吸引的金田家，知道它以獨特豬骨湯及金田家師傅專業的拉麵手藝馳名，之前已知道銅鑼灣登龍街有店，今次真的要細味品嚐來自九州金田家正宗的日本拉麵。今次來到元朗 YOHO MALL 形點一期1樓1023號舖的金田家，它是前幾個月新開張，環境充滿日本格調佈置，感覺舒適寫意。餐牌裡食品款式選擇多，有拉麵、小食、甜點及飲品，各式其式。配料選擇也多，每個價錢項目不同，有多種選擇配搭。黑松露拉麵    $108(另追加 黑豚叉燒 $33/3片 和 木耳 $7)遠遠已聞到陣陣黑松露濃香味，不油膩，味道鮮甜適中，不濃不淡。大大片叉燒，肉味濃厚，軟腍不韌 ; 麵條入口可感受到淡淡麵粉香，口感煙韌，木耳爽口，好味。黑豚拉麵    $98(另追加 唐心蛋 $14/隻 和 替玉 $12)散發著濃濃豬骨香，拉麵同湯好味又鮮甜，黑豚份量比較多，但吃完沒有油膩感，軟軟的，再加上唐心蛋，更豐富，不同層次的味道，很美味！唐揚雞塊    $35外脆內嫩的炸雞塊，炸粉不會太厚，配備沙律醬和檸檬作調味，香濃惹味，口感不太膩。飲品 : 梅乃宿果酒(白桃) $36

難得可以同寶貝晚餐，唔想去太遠，近近地喺yoho食算了，金田家喺我嘅bookmark 度有一段日子，聞說是福岡人氣嘅拉麵店，之前去九州時無試，今次試下香港版先(๑￣ ̫ ￣๑)大約18:45來到店舖門口，有條排隊嘅小龍，等咗10分鐘就可以入座了。舖面光猛，加上木製枱凳，感覺柔和，座位闊落舒適，天花裝飾大方得體，環境不錯啊(｡’▽’｡)♡因為太肚餓嘅關係，無咩心機睇個menu😂反正未食過，就叫咗menu上面最前嗰2碗拉麵，分別係黑豚拉麵和豚骨mix拉麵，點菜紙上可選麵嘅硬度和蔥嘅多少我叫嘅係豚骨mix拉麵，mix嘅意思係豚骨湯和雞湯嘅mix，感覺上湯底應該很濃郁吧，有2個湯頭喎，但事實上不論是麵或是湯，就算是豚肉，味道都好平凡，平凡到…覺得浪費咗一次食好野嘅機會，而且整體來說味道偏淡，淡到…我食完即刻就唔記得咗咩味( ･᷄ὢ･᷅ )寶貝叫嘅係黑豚拉麵，其實視覺上黑豚拉麵已經吸睛好多，我試過個湯底，味道濃郁，好味好多喎，再試下個麵，寶貝要咗硬麵，我要普通，而佢地嘅分別係…無嘅😂，至於肉呢，味道算是不過不失啦，佢哋啲共通點係大家都好薄囉，但當然黑豚份量就多好多。寶貝話開頭覺得麻麻地，但試過我嘅豚骨

這家金田家地點相當方便：元朗西鐵站一出 行入YOHO MALL就到啦👍🏻👍🏻門口有金田家嘅logo😆😆室內嘅裝修都相當雅致 天花板掛滿着黃色圓形嘅小燈 帶住一點點和風但又有時尚嘅味道🤗🤗 桌椅都係用木造 有種warm的感覺 仲有一個半開放式嘅廚房比客人見到拉麵師傅製造食物嘅情況😊😊😊而呢個餐牌嘅選擇都尚算幾多首先我地點左一個北寄貝沙律 感覺都幾清新 可以作為食晚餐之前嘅一個涼菜😽😽我點左呢一個係Mix嘅豚肉雞肉湯底 相當濃郁 唔錯嘅選擇🤤🤤我朋友就點左呢款黑松露拉麵 如果鍾意食黑松露嘅朋友一定好鍾意 因為味道非常之濃郁 松露味好突出 🖐🏻🖐🏻 可惜我朋友唔係咁鍾意松露嘅味道 開頭一啖覺得驚為天人 但係食落左就覺得味道太過濃 hahaha 🤣🤣另外我同朋友都點左一個糖心蛋 🥚🥚真係好好味 半熟嘅蛋黃 有少少鹹味 一咬落去 嗰種蛋香 同埋糖心蛋嘅質感 真係令人想食完一個又想繼續再食另一個🐣🐣🐣我哋有加左兩份肉：身邊係豚肉同埋豬腩肉🐷🐷🐷 真係啖啖肉而且肉味濃 肥瘦均勻 入口即化😎😎😎我呢碗麵係粗面相當有彈性 朋友點嘅黑松露拉麵係幼面 所以麵條吸收湯汁相當入味 令到湯底味道更加突出係麵條之

食拉麵可能有速食或者坐得唔太舒服嘅感覺，但元朗金田家就唔會。一去到店員就安排左舒適嘅位置俾我地。叫拉麵同一般拉麵店好似，都係畫字仔嘅。但金田家張紙好似工作紙咁大，好清楚！叫左好多人都喜歡嘅黑松露拉麵同辛辣柚子！真係勁特別呀！出面邊會搵到咁amazing嘅湯底呀。我叫左硬麵，爽得黎好有咬口！追加左溏心蛋同叉燒肉簡直係大滿足。小食揀左北寄貝沙律，估唔到都幾鮮味喎，但d菜有少少乾。多d dressing 會正d好啦大家欣賞下d相啦！