金田家 (已結業)

今日約咗朋友喺形點睇戲, 見仲未開場, 所以就同朋友搵下睇下有乜好嘢食下, 咁啱喺戲院對出附近見到一間叫做金田家的拉麵鋪, 再睇下menu, 都好似幾吸引下, 所以就決定試一試。雖然未到七點, 但係餐廳都差唔多full哂咁滯, 唔知嘢食等得耐唔耐, 所以我同朋友都快速咁揀咗兩個黑豚拉麵, 另外, 我比較大食, 所以我地再加多個剩叉燒同一個北寄貝沙律一齊share嚟食。同朋友等左五分鐘度, 啲嘢食就黎到啦！拉麵份量適中, 軟硬度我揀左軟, 比較易入口同吸湯, 叉燒真係同餐牌show出嚟嘅完全一樣, 多到可以鋪滿外圍一圈, 所以我哋都開始後悔加左個剩叉燒俾自己, 而唐心蛋係另外加嘅, 超好味! 拉麵嘅湯比較濃味, 我覺得鍾意食拉麵嘅人一定會好滿意。仲有不得不提嘅係喺枱側邊有一個細壺, 入面裝左啲醃過嘅辣辣菜乾, 鍾意食辣嘅人一定要試下撈埋啲拉麵嚟食, 可以一次過食到兩種唔同味道。差啲唔記得咗個沙律, 小食嚟講份量都算大, 蔬菜同北寄貝都好新鮮, 北寄貝食落爽口, 食拉麵之餘搭埋依個小食就一流啦! 未去過嘅拉麵迷值得一試!

今日約左三五知己去元朗yoho 睇avengers3，咁啱見到隔離有間金田家拉麵，就決定入去試下。黑蒜豚肉拉麵黑蒜係我嘅至愛，所以見到餐牌，二話不說就叫左了味道好特別，唔似係味精開出嚟，同拉麵配合得十分好。伴菜亦非常足料，款式好多，有蔥、蒜、荀，樣樣都十分美味，令到口感好豐富。豚肉亦非常之夠味，我仲加多左一碟toppings因為真係十分喜愛豚肉。豚肉撈埋啲湯，可以話係perfect match。個湯都好夠味，非常推介喜歡豚肉同黑蒜嘅朋友去試一試。小食 唐揚非常之大塊，唔多粉，新鮮同埋熱騰騰的！份量亦好足，以大約$40一碟嘅小食嚟計，就真係十分抵食。芝士波十分熱和飽滿嘅芝士波，咬落去有好多芝士漏出嚟芝士同好必定要試！鮮果汁中規中舉的橙汁，解渴一流的

我同朋友係yoho行完街睇完戲就去左搵野食，今次就揀左係yoho既金田家。今次叫咗激辛拉麵同黑松露拉麵黑松露拉麵而且仲追加左糖心蛋添！拉麵水仍然十分高，豬骨湯底香濃唔係坊間溝水用粉開出嚟嘅湯底，而且仲感覺到有啲膠質黏住，好足料，黑松露味道雖然唔濃，但令到成碗湯好香增添食慾，映入眼簾的是黑松露拉麵琥珀色的湯頭，淡淡的黑松露醬香撲鼻而來，入口吃得出黑松露香與豚骨的風味。拉麵麵條亦是一大特色，吃起來完全合符我們的期望，香滑軟彈，令人稱心如意。麵底佢有四個硬度揀，我揀左「硬」，very good，而家係個比較幼身有咬口唔會一pat o野既質感，我鍾意呢隻軟硬度。另外加o既溏心蛋真係好正。辛辣拉麵湯底唔算好辣，唔太食得辣嘅朋友都可以試一試，但就冇咗豬骨湯底嗰種好濃烈嘅感覺。大將餃子，鬆脆嘅餃子一向都是我的緻愛，這款餃子嘅皮夠薄，好味道。飲品方面我叫左可爾必思，可爾必思冇溝左水既感覺，十分滿足。

係yoho mall閒逛 到左食晚餐既時候咁岩見到呢間金田家就同男朋友入左去食其實前一排先食過 不過上次係食紅磡分店 今次黎到就決定再試下唔同口味既拉麵黑豚拉麵 ($98)上次見到隔離枱食好似好吸引咁 所以我就叫左呢個黑豚拉麵 一碗有成5大塊豚肉咁多 淨係食肉都飽 豚肉軟腍腍但唔鬆散 浸落湯底一齊食就更正望到個湯底就諗起之前睇過既一篇文章話湯既表面浮游著越多脂泡就代表味道越濃郁 其實我都唔確定呢d係咪脂泡 不過湯底真係幾濃郁必追加既溏心蛋 同之前一樣咁好味辛子黑蒜拉麵 ($88)呢碗係男朋友叫既 份量對佢黎講就比較細 所以佢追加左黑豚叉燒同替玉 個湯底都一樣咁濃郁 食兩碗麵都夠餃子不過不失玄米茶就略嫌唔夠熱 餐廳職員好多 做野快手 係咁自動自覺加水 態度都唔錯

今日同朋友係元朗行下，本身諗住幫襯下食下D街鋪小店。但天氣真係太熱啦。頂唔順走左入yoho mall 到涼冷氣同搵食。遊均全場都無咩心水食店，就求其入左黎依度諗住是但食碗拉麵填飽肚就算啦。我就嗌左黑豚拉麵＋溏心蛋，黑豚好嫩好滑，超出我預期，好好食，食到我想嗌多幾碟。朋友嗌左雞白湯豚骨拉麵，佢個肉都好食都嫩，但無我揀果個咁好食。（其一係因為係我揀既所以好食Ｄ 　，其二係因為黑豚叉燒真係好食Ｄ）另外仲嗌左個男爵薯餅，係栗子薯餅同牛肉薯餅，突然覺得自己好似去左日本咁。推介大家嗌黎食。飲品就無咩特別，口渴咪飲囉。可爾必思＆蘋果汁

一黎到呢間拉麵🍜門口已經見到人龍，在於形點商場內都很容易搵到，等左10分鐘左右入得啦～門口望入去餐廳的裝潢都很舒適寬闊🙂黑松露拉麵🍜黑松露味好香，個賣相好靚麵質好彈牙，係我鐘意既質感，一碗拉麵好唔好靈魂在於個湯底，黑松露湯底好香濃，一點都不膩，食完麵可以飲哂個湯底之後還追加左黑豚义燒同溏心蛋同男爵薯餅男爵薯餅男爵薯餅好食到流淚，睇到名字幾特別唔會炸到好硬，咬落去係好juicy 有汁架好好味，呢個真係要再encore

啱啱喺日本返嚟冇幾耐心郁郁又想食日本野 行過元朗附近我見到形點開咗間拉麵店就入去試吓我同朋友分別帶咗兩碗唔同嘅拉麵朋友叫咗碗黑豚拉麵我就叫咗碗黑松露拉麵再追加咗一碟餃子同埋叉燒 豚肉大家一齊share黑豚拉麵嘅豬骨湯底好濃厚 淨係飲湯已經覺得有好多豬骨精華係入邊黑松露拉麵嘅黑松露味就好重 吾錯拉麵底仲有得俾你揀適中 硬 或者 軟身貼心到好似真係去咗日本食咁我哋兩個都揀咗適中麵嘅質感唔錯 口感幾好 少少彈牙食落肚都吾會覺得太擠叉燒同豚肉都幾好味肉質唔會太鞋 而且厚薄亦適中一啖拉麵加湯再一啖肉 完美配合真心推介！我地仲叫咗一碟餃子 個人認為餃子味道都唔錯不過佢唔係脆底既 相對就冇咁熱氣 除咗以上呢啲食物之外另外佢仲有一啲免費嘅菜莆同酸薑比我哋配落碗拉麵同一齊食個人唔係太鍾意食薑所以揀咗菜莆個菜莆辣辣地加落碗拉麵度仲另有一番風味 大愛！

今晚屋企無煮飯，一家人就落樓下睇下有咩好野食啦。路過見到呢間拉麵店門面好靚，而且之前都聽過朋友講幾好食，就一於今晚黎試下啦。一坐低，店員就好有禮貌咁比左menu同落單紙我地，可以圖文並茂咁睇到menu。最鍾意食辣既我緊係叫激辛拉麵啦，而媽咪就叫左佢最愛既黑松露拉麵。黑松露配拉麵到底夾唔夾呢，我都好期待想試下呀。我就加左溏心蛋同腩肉叉燒，而媽咪就加左溏心蛋同黑豚叉燒。一上枱，聞到d黑松露勁香。我已經急不及待試左一啖，濃濃既豬骨湯味襯埋黑松露，原來係出奇地夾嫁。黑松露仲令豬骨湯味更香更濃，真係忍唔住食完一啖又一啖呀。而我既激辛拉麵都好有驚喜，雖然唔係太夠辣，但佢呢種辣好香，食落好開胃，唔太食得辣既人都可以試下呀，食到最後我仲忍唔住飲哂d湯tim。呢間拉麵店真係幾出色，食落好正宗，而且食完唔會覺得太油，調味得岩岩好，難怪咁多好評啦。

Yoho自從開咗，我就多咗黎哩頭除咗黎行之外，多數都會黎睇戲，因為真係好大同好舒服啊個戲院。我同朋友睇戲之前就係附近睇下有咩食，因為都想食咗啲野先睇戲，睇睇下就見到金田家，係金田家啊，以前要去到銅鑼灣先食到，依家元朗真愈黎愈方便，所以今晚就決定要食個拉麵頂下癮！激辛拉麵，我就有舖辣癮嘅，真係食咩粉麵都好鐘意食辣嘅，所以嗌咗個激辛試下，豚骨湯加上香辣味碎豬肉，腩肉叉燒，個湯底都幾重豚骨味嘅，辣度都啱啱好，唔會太嗆喉，拉麵都幾有嚼口，係我鐘意嘅軟硬度，每件腩肉片都好薄。仲叫咗個炸雞，食拉麵唔食炸雞好似差咁啲野咁，所以食個炸雞先完滿啲，雞肉都保留到肉汁，雞皮都香脆……以後仲叫咗個甜品食下，食個抹茶蛋糕，作完滿結束。

男朋友住元朗附近 但我未去過 因為對於住九龍東嘅我嚟講實在太遠咁啱見放假就走入去搵佢行街依家天氣咁熱最啱就係行商場啦mtr出閘行入d就見到金田家 呢間之前係銅鑼灣食過 覺得幾出色 係yoho見到我都好開心 無諗過元朗有幾多美食就走咗去食了.大約2點幾 其實都幾多人 我地等咗差唔多15分鐘先入座但對比起銅鑼灣個間嚟講 其實呢間都接受到由於搭車耐 等得耐 一收到點餐紙我就好似唔洗錢咁係咁填 因為我真係好餓....黑豚拉麵 $98黑豚沒有脂肪 唔係話入口即溶 但都唔係好un咬唔開 對鐘意有返d咬口嘅我 覺得好正 同埋d肉好似唔洗錢咁 勁多又好大塊 開心！但個豬骨湯底比較普通 感覺上好似無銅鑼灣個間咁濃郁 相對淡 但麵質都係彈牙！糖心蛋 $14蛋黃睇得出好靚 亦都好正好食但可能因為個湯底唔夠濃 令到個蛋淡咗d 腩肉叉燒 $20因為黑豚出色 見到有腩肉又想加埋 可能有返d脂肪 我比較鐘意呢個！ 黑松露拉麵 $108黑松露味好香 雖然冇乜味 都係攞嚟提升個香味 所以好似好高級 成件事會變得好好食 同埋都比得幾慷慨！係抵食嘅黑豚叉燒 $33前面有描述 唔再多講啦 但都係腩肉>黑豚😋大將餃子

約咗朋友係元朗形點睇戲就順便睇下附近有咩好嘢食，見呢間拉麵店裝修得幾精緻就入去試一試。一睇餐牌，感覺相當良好，啲圖影得好誘人，而且拉麵款式多又夠特別。今次我就叫咗個豚骨MIX拉麵先，下次再返嚟試埋其他款式。豚骨拉麵嘅精粹係個湯底，呢度熬得好出味，唔會係味精湯嘅感覺，亦都唔會太油膩。呢個麵係配豚骨叉燒嘅個叉燒雖然唔大塊，但係佢嘅肉質好嫩滑，又夠香口。食得拉麵又點少得追加埋溏心，蛋呢？$14一隻雖然平，但係隻蛋係出人意料咁入味，而個流心嘅熟度亦都剛剛好，相當之出色，嚟到呢度必食啊！另外亦都試埋$33三片嘅黑豚叉燒，睇下佢值唔值呢個價。估到佢塊叉燒係真高質，瘦叉無乜味反而食到佢天然嘅黑豚味，蘸湯底食又更加可口，可以的話真係想嚟淨係食肉！

Yoho Mall開左咁耐都未黎過，所以今日見週末有假就帶家人黎行下，咁啱見到上次去紅磡都食過既金田家😍，喺肚餓之際見到無咩人加上上次印象良好所以就毫不猶豫入左去。今次就食左柚子辛口拉麵($98)同黑松露拉麵($108) ，配料就追加左溏心蛋($14) 同黑豚叉燒($33) 。另外小食就揀左北寄貝海鮮沙律($42) 。而飲料就係上次都飲左既可爾必思($20)。柚子辛口拉麵既湯底其實真係幾重柚子味，而且真係幾辣下🤭 。估唔到既係仲有洋蔥做襯托，因為上次食其他款係無的。 而麵就揀左硬同要葱 黑松露拉麵都係有水準，湯底都好濃郁，但就無洋葱，反而有木耳。而麵就揀左正常軟硬度另外枱上仲有一個裝滿芝麻既樽可以俾客人自行加芝麻，所以我就唔客氣啦🤭 加完之後令成碗拉麵既香氣同味道進一步昇華😜當然唔少得滑嘟嘟既溏心蛋啦，可以話係拉麵既靈魂。另外食肉獸唔會放棄食肉既機會是常識吧！黑豚叉燒係好選擇！不得不說呢個北寄貝海鮮沙律係紅磡分店無既，北寄貝比想像中多，另外仲有薯仔、粟米、沙律菜、青瓜同蕃茄仔。 雖然個碟好似唔大，但勝在堆得高，所以份量唔算少，不過要小心啲夾，唔好俾佢地跌落枱呀！最後就是飲杯可爾必思為我

好想食勻所有拉麵呀😆行完街就同男小編試下呢間九州拉麵🤔可以揀麵嘅軟硬度同蔥嘅份量， 個人覺得正常蔥嘅份量都係比較多，但冇得揀少蔥😢#黑松露拉麵 ($108)😋好味指數：(6/10)配黑豚叉燒🐷呢碗拉麵係豬骨湯，加咗自家製黑松露醬加黑松露油😚一嚟到已經聞到好香嘅黑松露味😆望真啲有就舊黑松露係到，再望真啲就見到個湯油到爆🌝💥……個湯飲落去咸咸地就冇乜特別🤔唯一覺得幾好嘅就係果4塊黑豚叉燒，食落去好淋😝#辛子黑蒜拉麵 ($88)😋好味指數：(6.5/10)配腩肉叉燒🐷呢碗拉麵亦都係豚骨湯，加咗自家製嘅黑蒜醬😚有好多芽菜係到😛個湯飲落去有好濃嘅黑蒜味😋而腩肉叉燒就冇頭先個碗嘅豚肉叉燒咁淋，不過食落去肉質都ok嘅😗#黑豚叉燒 ($33)😋好味指數：(7/10)🤣追加完先發現原來同黑松露果碗拉麵嘅肉係一樣😚不過係幾好味嘅😝#芝士年糕 ($38)😋好味指數：(7/10)一咬落去外面係小小脆，入面就好煙韌😚仲有好多芝士流出嚟添😛Btw舊芝士年糕同樓下間米線鋪嘅芝士年糕食落去幾乎一樣，但貴錢呢到就貴好多😢後記💁🏻‍♀💁🏻‍♂·麵質叫咗普通，覺得都係偏淋🍜·唔建議飲太多湯，因為都比較頸渴·性價比唔高，呢個

出糧係要任性一次🤭今日出左糧所以就決定係金田家食返餐好既😛雖然佢個位置有啲難搵 但係見到戲院之後行前少少就係金田家八點幾嚟到其實已經好full 之後仲要係出邊大概等5分鐘先有位話明今餐係要任性所以一個人都叫咗好多嘢食🙈叫咗一個拉麵二個追加一個小食同一杯飲品😅拉麵 - 豚骨mix拉麵🍜再追加左一隻溏心蛋同木耳拉麵質感雖然叫咗硬 我覺得對我來講係啱啱好 佢係幼幼地個種拉麵比較重蛋香味溏心蛋浸得好夠味 而且溏心都做得好好 蛋黃嘅香味仲喺度木耳就係會另外分開上一碗俾嘅 食之前我都有將所有木耳到返晒落拉麵度小食 - 芝士年糕 🍢年糕啱啱炸好非常之熱 咬落去嘅時候啲芝士湧晒出嚟食嘅時候真係要小心啲外脆內軟真係好吸引飲品 - 可爾必思🍶其實佢有少少似乳酸咁但係就比起平時嘅乳酸會淡少少不過勝在另外加左冰所以好夠凍🤣最後想讚下店員 👦🏾見到啲水冇晒會自動自覺話加唔使專登叫佢非常細心💪🏼🤙🏼

元朗又有街行又有好西食，同frd行完街餓得制就即刻揀左間餐廳填飽個肚先，我同佢都中意食日本野，所以揀左金田家食拉麵！ 我地一坐低5分鐘吾洗就揀好拉麵。我地嗌左一碗黑蒜油拉麵同一碗柚子辛口拉麵。真係太肚餓，我地決定追加左三隻溏心蛋同腩肉叉燒再叫埋唐揚雞塊。我好中意佢有得比我揀拉麵軟硬度，因為我中意食硬身d既拉麵，當然我揀返超硬啦。我碗黑蒜油既湯底勁濃勁香，襯埋d彈牙既拉麵一齊食好夾，仲有隻溏心蛋加得好岩，因為真係好好味！另外我個frd碗柚子辛口味都好正，辣辣地帶d清新柚子味，油膩感byebye，令我地越食越好胃口。叉燒都值得一讚，肥同肉比例岩岩好，吾會好油膩。 個唐揚雞塊可能要炸既關係，係我地食左一半先到。一黎到見到個份量真係出乎意料，好大件好多，側面放左舊檸檬同沙律醬比我地自己配答，呢個小食真係好好味，炸到熱辣辣配埋個蛋黃醬冇得頂！食到有d口渴，我地再嗌多2杯橙汁，吾會太甜又解到渴！讚！同朋友已經約好下次去yoho行街要再食返佢，下次試下黑松露拉麵先！