金潮小廚

營業中

休息中

這間細細的舖，不論閒日或假期都有超多人在門口守候，一直都無機會試，結果有晚閒日10點係葵芳同女朋友搵食，終於可以一試! 我倆叫了西檸雞、脆肉瓜雞煲和招牌的黃金蝦! 西檸雞製得唔好食，是炸雞件跟檸檬獻汁，差過好多舖頭! 招牌的黃金蝦的蝦是大隻的，炸得幾好，連款都食得，可以吧! 最好食的脆肉瓜雞煲，用石煲上的，熱騰騰有鑊氣! 女朋友鍾意食它的沙拉骨多d，因為係用千島汁做醬的，可以一試! 結論是: 要排隊就唔好預我!

星期六晚成十一點都未食飯。同屋企人來試下，對我自己已不是第一次食了。叫了金銀蛋莧菜，沙拉骨，兩個白飯，三兄弟姊妹share。唔係好大碟，不過好油膩。爸媽叫了一碟豉椒排骨飯，等左好好好耐，係好味既。但要人等咁耐好餓嘛。服務唔係好得，好慢，無咩反應比你。唔醒目!觀察所得，樓面人手唔夠喎。

4個人放工黎到，等左唔算太耐，唔駛半個鐘。不過坐樓上兼搭檯，都幾迫~叫左5個送：黃金蝦/胡椒大蜆湯/南乳炸雞件/爽脆鮮魚皮/西蘭花石斑/3個靚仔/一支cola●黃金蝦-- 這個最好味！連殼都食埋~：)●胡椒大蜆湯-- 真係好胡椒，有D過火添~好"芹"咁~有D"乸"喉感覺~蜆有少少沙~不過係可以接受的~都算好味！●南乳炸雞件-- 炸得好正！雞又滑，唔會炸到乾哂~●爽脆鮮魚皮-- 朋友們食，佢地話幾好味~口感有D似豬皮~●西蘭花石斑-- 石斑好滑，好味！西蘭花都好爽~※整體黎講，每碟送都唔係好大碟，不過真係好味的！難怪閒日都座無虛席，做唔停手~\(^﹏^ )/

真係一個意外嘅驚喜...跟老友記係葵芳食個early dinner。一向覺得呢頭冇乜嘢食，嘢亦唔多好食。但迫於無奈，於是上嚟OR望望，見到各方友好嘅好評，橫掂都係，決定一試...去到門口只係六點鬆D，樓下已經差唔多坐滿，好誇張。阿姐於是叫我哋上樓上。睇見有D食客係專登過嚟揾食嘅，心諗:"呢間嘢應該唔差.."好餓，馬上先叫個鯇魚皮打頭陣...好耐未嘗此味。爽脆兼而有之，醮少少辣椒豉油，一樂也。係近年食過最佳嘅出品。怕污嘈? 你都儍嘅...再嚟個潮式鹹菜大蟮煲。胡椒味夠，湯呈乳白色，和味；鹹菜明符其實又鹹又酸，食到LAM LAM脷；蟮夠新鮮彈牙，食到冇嘢好講...蝦醬蒸豬頸肉--- 小弟覺得最出色嘅一味。雖然豬頸肉有d過腍，唔夠爽口，但蝦醬卻係鹹度啱啱好，且食得出鮮味，真係唔嘢小。馬上撈汁吞晒成碗飯...今次唔想食佢哋號稱招牌嘅黃金蝦，轉而叫個黃金雞塊。鹹蛋黃緊緊包住雞塊而並冇多餘蛋黃碎留响碟上，師傅確實有d料到。鹹蛋黃香氣十足，難得係雞塊仍然留有少少汁且夠滑。食到唔停得口...轉眼四碟嘢俾我哋一掃光。再ENCORE多個蒜茸粉絲蒸扇貝。呢個就差d嘞 --- 扇貝蒸得過火，豉油亦落得太多，鹹

上星期入了葵芳探朋友, 之後到了'金潮' 食晚飯.小菜碟頭唔算大, 味道唔錯, 但比較多油.特別推介' 黃金蝦' 好香咸蛋黃味! 又唔會覺得漏. 每檯都必定會Order. 服務態度: 一般茶記招呼, 叫他們開多一壺茶, 轉頭又唔記得, 結果追好多次先有

幫襯完回來再看一下OR其他食家的食評，全都是笑臉，原來大部份都由小炒而來，很少評論一下這裡的麵食，原來就是這樣出了事。要到青衣，這裡是必經中途站，今趟就跑來到這裡見識見識；午餐離不開炒粉麵飯，看到其他食客所點的都不俗，但油量太多，到最後都是點了麵食為主，見牆上太部份的雜誌除了介紹小炒外，就是什麼豬潤粥，蟹粥等；理應豬潤不錯，再加上南乳豬手，就點了這兩樣的雙并撈麵走蠔油要南乳汁。撈麵很快到位，但一看及一聞，個麵及豬潤已經不合格，南乳汁都不能掩蓋麵中的重鹹水味道，吃落直情是不能接受；白灼豬潤基本上是半熟的，筆者接受不了，咬下還是腍腍的，跟伙計說好像不夠熟但換來一句是這樣才好味道…。南乳豬手管不到是前蹄還是後蹄，不過就炆制得宜，挺腍及入味，但都彌補不了喊面評分。座位窄窄，背靠背的；午餐價錢平宜但這樣另外點選就較貴。若下次來，除非是小炒，否則其他不要預我的份兒了！

由於又係近屋企同男友返工果頭...所以經常幫襯的家庭式生意..幫襯左幾次d員工都認得晒..好屋企Feel黃金蝦幾好味..只不過自己唔慣食有殼魚皮唔"聲" , 好爽口白飯亦唔求其..粒粒分明..飯味十足粉絲牛肉Bo , 由於男友不吃牛..次次都改做肉片有點嫌味濃..海產類間唔到都吃到沙..有待改善十蚊三支汽水..抵飲!不過真係幾多人如多人食不如早點等位~間唔中見到有明星黎食~上次見到籐麗明同魏俊傑~

呢間野都開左一段時間,一向都係幾出名,0係公眾假期的時間仲要排晒長龍,都真係幾巴閉....入正題,呢間餐廳的小炒同海鮮煮得唔錯0架,其中我的favourite就係黃金蝦,南乳炸雞,豉椒蟶子(有時都幾多砂,但勝在夠大碟同夠鑊氣),蝦醬骨等.Lunch的飯款就唔係好多,其中要炒的飯餐都煮得唔錯,幾夠鑊氣,又送埋飲品都唔駛$30.我就覺得呢間鋪頭的粥就唔係好得,淡而無味.而且,間鋪真係好鬼細,經常要等好耐同會出現撘枱的情況.尤其係公眾假期,要試真係請早.........

7點3黎到，已經爆哂，仲有好多人係出面等緊，好彩屋企人一早黎左，唔係唔知要等到幾點。今次叫左一個胡椒蜆煲，薑蔥蠔煲，魚皮，豬潤田雞煲，古法蒸多寶魚。魚皮，好爽脆，冇腥味，有好多薑蔥係面，正!胡椒蜆煲，有奶白色既湯，好鮮甜，蜆冇沙，胡椒味唔太濃，淡淡地較易入口，本身嗜辣既我，覺得如果胡椒味再濃一點就好了。薑蔥蠔煲，有4隻肥美既生蠔，多肉多汁，食完很飽。豬潤田雞煲，小妹不食內臟，但據屋企人食後感，豬潤爽口，鮮甜。田雞份量較少，但同樣美味。古法蒸多寶魚，有冬菇絲及瘦肉絲鋪面，蒸既時間岩岩好，因為魚肉好滑而唔鞋口。可樂hk$10/3，好抵。因是家庭式business，店內全是自家人，感覺較warm，老闆娘更是好人。可惜環境迫，還要搭，最重要是能和家人一起而足夠。

上次已經係大半年前食過... 1. 黃金蝦好食2. 水蟹粥唔得3. 叫左個西蘭花炒乜乜的... salty左d...整體都好一般, 不是值得好多人讚的那一種食店...我女友更話唔好再去...上星期五卒之sell 都佢同我去多一次, 再試下~~~1. 炒聖子(太過火了... 熟得滯...) 唔得....2. 南乳炸雞, 可能我唔好彩, d 雞都冇乜肉, 多是雞背之類的, 好女友comment kfc 好食d...3. 褔建炒飯, 我地覺得呢個最好食~~~~~其實我唔係太明點解會咁多人去???比左2 次chances... 都唔太好...不過, 我都會搵機會再去, 試多一次... 因為仲有d 野未試過...炒蟹~~~~~到時又睇下點?

第一次去食,之前聽人講話好正,就去試下啦!6:30pm去到已經有人食緊飯,我地坐底無耐,陸陸續續開始多人,6:45左右已經滿左八九成,勁!不過枱同枱之間超超超迫,坐得真係唔舒服!食物味道都唔錯,但無預期中咁好味!黃金蝦- 味道幾好,但d蝦太細隻鯇魚皮- 好爽,一d都唔腥南乳雞- 好香南乳,我覺得係最好o既一個"食送"胡椒蜆- 都ok,胡椒味過勁沙拉骨- 用千島醬煮的,都ok呠酒魚雲- 唔錯,不過似薑蔥魚雲多d蝦乾浸勝瓜- ok,唔錯等...p.s.1. 係睇緊menu時,見到對面牆塊白板有隻好大隻小強"攔"左落地,好恐佈.2. 問其中一個侍應拎張紙諗住寫低我地叫個d"食送"名,點知個侍應阿姐比左一叠紙我地,叫我地一張紙寫一個"食送",即係幫佢落埋單,我地梗係無照佢做啦!真係比佢吹賬呀!

為慶賀我的生日，老婆話要食金潮試試。我地叫了:1.泥鯭粥2.鯇魚皮3.黃金蝦4.胡椒蜆煲泥鯭粥加了陳皮，好吃又唔腥。鯇魚皮夠爽脆，連d薑蔥都食埋。黃金蝦依然好味，蝦夠鮮。老婆勁鍾意胡椒蜆煲，猛飲d湯，連佢最愛的蜆都少食左。GOOD AH!

為了慶祝我既生日, 我亞媽特意早到兼請埋我地一家大細到來吃飯, 其實之前我已經黎過, 我亞媽d 師奶朋友又話成日都黎食..所以今年就前來大吃一餐, 我既感覺係.....我因為對食無咩要求, 所以就由我屋人決定, 感覺就係好似你叫咩都好好好好味....真係奇怪...我都建議你唔好唸咁多....叫咩都好好好好味.尢其個風塘炒蟹..真係好正....有相為正..因為有色有味...但無聲.令我食左好多飯去送個d小菜..講多樣就係叫左兩個煲...好夠熱氣...餉黑椒牛仔骨煲..我連d汁...洋蔥都吃埋...差d連個煲我都想唔放過....最後為左證明我唔係係度擦鞋..想講番食得好趕.....如果食完唔走一定比人用掃把趕..真係要小心.......小心...係度雖然我亞媽成日鬧我但我都好想多謝佢請我食li 餐飯...^.^

今次係我第2次黎食~上樓上時.睇入廚房入面.真係好乾淨.唔會濕淋淋咁.同埋睇得出係一個clean0既kitchen!!.食黃金蝦豬潤雞煲.炒油墨菜.同埋聖子.粟米粥~ 樣樣都好味除左雞煲. 佢多豬潤,因為我地3個都唔食.而佢就豬潤多過雞! 不過味道真係好入味~ 聖子又乾淨.一粒沙都冇.平時係出面食勁多~~ 總之樣樣都好味~_~ 以咁0既價錢食.仲好過自己煮!

看食評不錯，又近屋企，便來一試．我們七時前入座，餐廳已八成滿．座位較擠迫，不過環境尚算清潔．小菜味道不錯．魚皮爽滑；黃金蝦甘香，但蝦肉不夠新鮮；炒蟶子很惹味；時菜豬頸肉煲和魚雲煲味道一般．小菜價錢合理，會再來．